雲家小鍋米線 (328廣場)

营业中

休息中

去荃灣做完野，有D肚餓，之前成日有人講荃灣有好多間出名既雲南米綫餐廳，今日終於可以試下。下午4點幾黎到雲家小鍋米綫，因爲平日關係，竟然唔使排隊。。即刻好開心。。酸辣小鍋米綫，本身驚小辣都好辣，所以叫左BB辣，但原來都唔係好辣，下次可以叫小辣都得。湯底濃鬱，配料好多，有肉碎、芽菜、韭菜等。加配餸菜選左豬紅 & 蘿蔔，豬紅好食，蘿蔔有3舊，好清甜。肥牛小鍋米綫，肥牛份量夠多，朋友走青走牙菜，但都好大碗，湯底一樣咁香濃，米綫夠軟，吸收湯底精華。涼拌墨魚頭呢個小食好好食，雖然小貴，但一定要試。墨魚切成一段段，加左適量蒜蓉油，爽口又惹味。支裝豆漿喜歡這豆漿，低甜度。

荃灣除左老闆娘，另一間好多人都會慕名而去嘅仲有雲家，入面幾本上都坐無虛席，就可以知道佢有幾多fans~先講最重要嘅湯底，麻辣湯比酸辣味道較濃同有層次，隻酸唔會太勁幾balance，辣度嘅話少少辣岩晒唔係好食得辣嘅人，但整體都係偏重口味。米線同紅薯粉都好粗身、彈牙，同啲餸一齊，都好掛湯，少麵都仲係好多🥹超多唔同種類嘅餸揀，不知不覺叫左好多豬，所以話佢啲豬嘅野都推薦😂豬軟骨肉同軟骨半半咁好正，豬頸肉係有啲爽身嗰隻，索左湯味，但亦冇蓋過左本身嘅豬味，覺得螺旋草真係必叫，每啖麵都加埋一齊食好滿足同豐富，美中不足係豆卜乾得濟，浸完啲湯都唔係特別值得叫。另一個食完勁口臭都一定要叫嘅特色小食仲有蒜泥白肉，大量蒜蓉大大塊豬肉，肉嘅肥膏比例完美分佈岩岩好！

荃灣係米線天堂，亦係米線大戰主要地區，匯集左好多出名嘅米線店。今次呢間亦係榜上有名。配料選擇多足料，價錢都算相宜。但經過米線關注組同各大媒體的報導同介紹，排隊嘅時間都不斷延長，星期六中午1點左右已經見到長長人龍，起碼有15-16人，差唔多45分鐘先入得，落左單都仲要等番一段時間。而家夏日炎炎真係唔係講笑，為左碗米線您又可以去到幾盡?豬紅、豬耳酸辣米線(中辣)★★★★☆先講湯底係濃郁，咸味夠，叫左中辣覺得個辣搶過個酸味，有酸菜味但唔重，食唔到大家所講個酸度好有層次，可能都係叫番小辣會好啲。湯底有大量肉碎、芽菜同酸菜，係足料！米線滑身軟硬適中。食完飲左唔少湯都唔會話超級口渴。豬紅有成6-7舊，但部分煮得耐左，一夾已經分開左一半。豬耳份量勁多，食到尾都仲有，豬耳有滷水汁煮過，有淡淡味道，加落個湯底係OK，爽脆有肥有瘦。另外，同行有朋友叫左BB辣酸辣米線，但佢個湯底重紅過我個中酸辣米線，但問番店員，佢就話單冇錯就冇錯，但個BB辣其實都起碼係小辣程度。涼拌墨魚頭 $45★★★★☆招牌人氣之小食之一，可以話係必食，份量都幾多，幾個人Share食都冇問題，一食個蒜味好特出，加上鋪滿芫茜、蔥、蒜，估計

@noodlepotcome 雲家小鍋米線成日係社交平台關注組見到佢大排長龍，位位食完都讚，而且曾經被某雜誌喻為全港8大，今日路經荃灣，做完嘢順便去探店。💎 腩肉炸醬小窩米線 $43我揀咗麻辣中辣，先講個湯底好濃厚，有香濃嘅花生味，米線亦用上正宗雲南過橋米線，爽口彈牙，腩肉入味，炸醬香濃，而且份量頗多，下午茶的話兩個人都夠食。💎 涼拌墨魚頭 $45墨魚頭唔係常見，而且通常較早售罄，墨魚頭爽口彈牙有咬口。💎 蒜泥白肉 $40白肉火候適宜，刀工好，肥而不膩佐料香，熱片冷吃，食慾大振。💎 涼拌雲耳 $22雲耳薄，食落爽脆，酸酸辣辣，開胃小食。人均消費💰 ： ＄ 75總結✍ ： 價錢便宜，份量頗多，味道濃厚。

🍜山長水遠嚟到荃灣，當然要食米線啦。今次想試雲家小鍋米線，平日下午茶時間黎到，好彩人流唔算好多，即刻有位坐🤣涼拌墨魚頭($43)比呢款招牌小食吸引咗過嚟，口感一流，食落好彈牙，美中不足係偏油，不過間吾中食一次，係絕對值得🤪🤪豬頸肉小鍋米線($48)見大家都推介豬頸肉，當然要試下拉😆48蚊仲包埋豬頸肉，份量都吾少，肥瘦 恰到好處，啱曬我呢啲想食少少肥，又怕肥嘅人🤭🤭 性價比高👍🏻叫左少辣，好彩吾太辣，食得好舒服🤪🤪下午茶加$3就有杯凍飲，好抵丫☺️ 會再回頭的😚😚📍雲家小鍋米線荃灣沙咀道328號328廣場地下G01舖#ktravelneat荃灣 #ktravelneat荃灣線 #ktravelneat米線 #ktravelneat推薦 #ktravelneat性價比up #雲家小鍋米線 #雲家 #荃灣美食 #荃灣米線 #米線關注組 #香港美食 #香港好去處 #荃灣食好西 #hkfoodiegirl #hkfoodblogger #hkfoodstagram #hkfoodie

米線關注組大熱之一 雲家小鍋米線推薦：🍉🍉🍉🍉            味道：🍉🍉🍉🍉            價錢：🍉🍉🍉🍉打卡：🍉🍉                       回訪：🍉🍉🍉🍉自從入咗米線關注組之後日日都好想食米線，腸胃炎未好番哂都忍唔住去咗荃灣食雲家，食咗之後竟然奇蹟康復埋😂 (請勿模仿😀)酸辣小鍋米線 (中辣，配螺旋草、豬頸肉、腩肉) $60 🍉🍉🍉🍉  聽講中辣係坊間小辣程度，所以平時食開小辣嘅我都叫咗中辣嚟試，真係唔算好辣，幾啱我，如果叫小辣應該會覺得唔夠辣，淨係飲湯會辣辣哋，但係唔會辣到流哂鼻水，酸度適中，但係鹹酸菜唔算多，切得偏細粒，我個人鐘意再酸多少少/咸酸菜多啲😛最大嘅特點就係佢個湯底唔油，無咁大罪疚感😂米線偏硬，每啖都要咬幾吓，幾乎係唔熟嘅邊緣，唔知係舖頭嘅特色定係因為太多客人啦🙈螺旋草同雲川嘅唔同，細細片，份量好多，好香好淋，夾住麵食一流😋豬頸肉份量都幾多，叫咗3個餸都唔會話得2,3片豬頸肉，食落有少少柴不過我覺得OK接受到，肉邊浸咗湯都仲脆，呢個有少少驚喜!😆因為menu寫腩肉係限量，所以平時唔會叫腩肉嘅我都叫咗嚟試吓，肉質偏瘦，肥膏唔多，對我嚟

星期日同part time舊同事黎到荃灣一齊食米線。我地2:00先到，都排左半個鐘左右，到走時條隊仲好長。每碗米線既配料已經有芽菜、酸菜、韮菜、蔥、芫荽。小鍋米線朋友叫左麻辣小辣，配料要腩肉、芥蘭、墨魚頭。小辣對我黎講都幾辣，腩肉幾軟嫩，墨魚頭同辣幾夾。小鍋紅薯粉我叫左清湯，配料要金錢肚、螺旋草、豬軟骨。金錢肚煙韌，螺旋草好似軟身幼細既海帶，微酸，豬軟骨幾腍。豬頸肉本身叫秘製豬頸肉，但賣晒，問仲有冇跟米線既豬頸肉，好彩最後都俾左少少我。豬頸肉幾爽口，好乾身，唔油膩。涼拌墨魚頭蒜味重，口感彈牙，好多人都有叫。飲品叫左凍檸樂同豆漿。

荃灣區有幾間出名嘅米線，包括雲家呢一間！今日跟同事嚟食，等位都等左半個鐘！入座後即點了鴨血拼春卷米線小辣，鴨血爽，春卷脆（比南記差點點），但湯底配料都正，整體真係唔錯！另外，豆漿都幾有豆味，又唔太甜，配米線食一流～

$39魚肉春卷米線- 魚肉一啲都唔爽口，冇彈性，但有蔥花味道。米線配料叔純屬正常，有芽菜有肉碎等，米線算適中有口感，正常四川米線吧。加餸$10豬大腸 -豬腸砌得非常之細條，份量亦不算太多，但很軟熟+$10腩肉- 腩肉時粗時幼，突然一舊大就一細，不是很平均+$7凍檸茶-凍檸茶冇茶味，$24皮蛋-最憎食黃色皮蛋，無黃味，份量又極少，相信一隻都沒有。服務：以星期日時間，樓面只得兩個人招呼，極之不夠人用，一碗米線起碼等30分鐘，如加單的話再等15-20分鐘，沖一杯凍檸茶及後加皮蛋，足足等咗我20分鐘，在荃灣區食米線以這樣質素來講，不值得等那麼久吧！荃灣區大有更好其他的選擇。最後評價，不論米線配菜底及湯底，基本上與雲貴香的味道一模一樣，本人懷疑是同一個老闆及配方研製吧。本人不建議再光顧，因幫襯雲貴香質量也是一樣，也不需要等那麼長時間。

呢間係我朋友話好多人推薦，所以就聽佢講，心郁郁試下！我下午大約3點左右到入去，門口大約已經有十幾個人排緊隊，真係估唔到食個米線都咁多人，好彩等咗幾個字就入得啦🥢食物方面小鍋米線$28都幾抵食，叫左個豬紅+墨魚頭同埋魚肉春卷，我揀咗小麻辣，湯底有埋芽菜、酸菜、芫茜蔥、韮菜🤭揀辣一定會食埋肉碎添，夾埋米線一齊食口感超豐富。湯底味道好濃郁，唔會過咸，真心唔錯。下次一定會再黎先，唔怪得咁多人排隊，真係抵食又好食。

作為米線控有睇開FB上「米線關注組」不難發現雲家是荃灣區米線粉上榜餐廳之一，呢日就嚟食啦。一去到就見到人氣的象徵-長龍！不論等外賣或堂食都如是，落雨天都阻唔住。小鍋米線（酸辣）加配豬軟骨、螺旋草及雞絲小鍋米線（酸辣）加配豬軟骨、雞絲及豬耳酸辣湯底有bb 辣、大中小辣選擇兩碗湯底都揀咗小辣，值得讚讚是湯底幾清，不會過分油膩，食完不會「飽濟濟」。必試的螺旋草及雞絲兩餸份量堆滿一座小山豬軟骨好淋淋身！豬耳薄切爽口！涼拌墨魚頭比起加餸選擇，作為小食墨魚頭多了有大量爆香過嘅蒜蓉，勁晒惹味而且爽口醬拌皮蛋皮蛋不是主流黑色的，反而多了晶凝通透的感覺，顏色好特別！味道較淡，麻香唔辣。

荃灣有兩間米線係我非常之鍾意，一間係老闆娘，另一間就係雲家！今日係晚餐時段黎食，都有唔少人排隊，不過都係排左半個鐘左右就入到。今日8點先有位，無曬我心愛嘅涼拌墨魚頭😭所以今次小食就試左麻辣豬耳。豬耳好食，本身係滷水豬耳，用左蒜蓉涼拌，夠簿夠脆👍🏻👍🏻，同埋清洗得好乾淨，因為自己最怕食豬耳有豬毛，但呢碟唔會👍🏻👍🏻不過佢應該叫涼拌豬耳會適合啲，因為真係食唔到麻辣味。薯粉叫左酸辣湯底，味道夠惹味👍🏻👍🏻，佢既辣唔算好辣，譚仔食開二小辣可以試中辣。

作為「米線控」的我黎到米線集中之地—荃灣搵食，由於早幾日睇左網上報導呢間「雲家小鍋米線」話每一碗米線都係獨立烹調，保證碗碗都夠曬濃味，是米線關注組中討論度最高一間，所以今日決意一試。小鍋米線（酸辣/ 麻辣）：配料：芽菜、酸菜、韮菜、蔥、芫荽、重點是可以免費添大量酸菜+ 雞翼+紫菜+ 牛腩：呷一啖湯頭，微酸小辣重點不會太油，有時好怕一層辣油係表面，不會太鹹食落無味精，吾會感到頸渴。雞翼皮嫩肉滑，滷得好入味，紫菜好有咬口增加口感，牛腩偏瘦，但份量多。米線吸曬湯底精華，一啖米線配一啖湯，香濃惹味！小鍋小鍋米線（酸辣/ 麻辣）：配料：芽菜、酸菜、韮菜、蔥、芫荽+豬耳+螺旋草：螺旋草有抗氧化作用、仲話有助減肥，豬耳夠曬爽口、食落帶點麻辣味。一定推介酸辣湯底先過癮。涼拌墨魚頭（HKD 43): 大大粒夠曬爽口，拌上爆多蒜蓉油，好多蒜蓉粒增加香氣而且配上黑醋減低油膩感，佐酒小食一流，吾會韌得濟。總結：抵食平民風味足料米線🍜 湯底香濃惹味出眾

上次介紹個間網評話全港top1酸辣米線話唔係我首選，好多人都問我心目中top1係邊間，介紹返💁🏻‍♀️就係位於荃灣嘅雲家啦！我之前都係睇其他post介紹先知有呢間野，食過一次真係返唔到轉頭haha計埋takeaway已經食左差唔多10次，好瘋狂😂😂-小鍋米線🍜 $28平時食開譚仔10小辣嘅我地都叫左酸辣小辣多酸。每次必加👉🏻腩肉(+$10)同豬大腸(+$10)，腩肉邊位帶少少脂肪，咬落唔會柴；豬大腸夠厚同彈牙，重點係份量好多，除左大量芽菜同肉碎之外，每款配料差唔多有10塊。-涼拌墨魚頭 $43佢係暖暖地嘅因為面頭淋左大量爆香過嘅蒜蓉，勁惹味而且好爽口，最重要係份量真係好多👏🏼-秘制豬頸肉 $45有好多塊，而且燒得好好，外面脆裡面彈牙，仲夾雜少少油脂真係好正🤤

考完試終於鬆一口氣啦！約左同學一齊去荃灣食米線跟住行商場唔食連鎖就食小店，店舖小小但人流不斷。等左十五分鐘先可以入座。一人一碗小鍋米線真係好大碗，份量好多，食完勁飽。芫茜韮菜勁香，配合米線同芽菜，好好食。涼拌墨魚頭爽口墨魚頭加埋爆蒜入口真係好惹味。兩個人爭住食，好食到一個人可以K.O.一碟。蒜泥白肉嘩一聲，好多蒜泥，白肉好薄身，肥瘦好均勻，配上醬汁食落完全唔油膩，好滿足。一碟都好多片，兩個人食岩岩好。