雲家小鍋米線 (328廣場)

营业中

休息中

考完試終於鬆一口氣啦！約左同學一齊去荃灣食米線跟住行商場唔食連鎖就食小店，店舖小小但人流不斷。等左十五分鐘先可以入座。一人一碗小鍋米線真係好大碗，份量好多，食完勁飽。芫茜韮菜勁香，配合米線同芽菜，好好食。涼拌墨魚頭爽口墨魚頭加埋爆蒜入口真係好惹味。兩個人爭住食，好食到一個人可以K.O.一碟。蒜泥白肉嘩一聲，好多蒜泥，白肉好薄身，肥瘦好均勻，配上醬汁食落完全唔油膩，好滿足。一碟都好多片，兩個人食岩岩好。