雅 ‧悠蔬食

营业中

休息中

難得約咗舊朋友出街食飯，但又想食得清淡，最後選擇咗食素。同朋友食了一人一個lunch set share 咁食，lunch set 前菜係西瓜哈蜜瓜藜麥意大利黑醋沙律，大熱天時食真係勁開胃！湯有兩個選擇，我同朋友都選擇咗蒓菜冬瓜猴姑羹，個羹好香姑味，配埋冬瓜嘆樣食既感覺有小小似冬姑盅，又係夏天必食佳品主食方面，我地叫咗蘆筍蘑菇青醬忌廉扁意粉同埋烤焗牛油果墨西哥薄餅。意粉好有驚喜，雖然只係用素菜來調味，但好惹味，食完仲想食第二碟哈哈！至於個薄餅都ok, 不過略嫌牛油果份量太少。個餐仲包埋野飲，圍翻大約一百蚊一個人，包幾樣野食，而且食物質素Ok, 真係值得一試，我自己都會想再encore ！

朋友，有時還是老的好！ 美食的記憶也一樣！好朋友從美國回來， 特別選了這家素食菜館encore再食， 無他嘅！有好東西當然要和好朋友分享！話說福福郎自從上次吃過這家素菜館的銅鑼灣分店後，一直對它 「色香味俱全」 的素食念念不忘，於是趁今次 和老朋友洗塵這個機會 ，特地再訪其尖沙咀店 ，再次跟美味的素食結緣！ 一於再次情牽「素食亅心！今晚吃了素菜滿漢全席， 不信你看看！前菜四小碟1.日本南瓜莓乾雪泥2.泰式鮮果沙律3.藜麥胡麻醬荷蘭番茄4.蔬果苜蓿芽手卷(香芒牛油果——下圖二) (蘆筍素肉鬆 —— 下圖三)牛油果和素肉鬆， 都能有效地補足了沒有魚類及肉類的手卷不足的地方， 令素手卷吃下去時跟普通 有魚生及炸物 的手卷 一樣美味， 大廚果然厲害！。。🦉西式湯 —— 黑松露椰菜花忌廉濃湯黑松露不只氣味很濃香， 喝下去也極「搶」， 完全掩蓋了湯裏面沒有肉味的缺點。 忌廉跟椰菜花沒有百分百打碎， 喝起來有一點不完美的質感。。。 忽然令我想起了郁達夫的詩句：猶有幾分情未忘，二分輕薄三分狂。。。哼！就是這種「意猶未盡亅的感覺了！中式湯 —— 太子參黃耳馬蹄花菇燉湯我偷偷試了一啖我朋友的中式湯。 中湯

我一向都有素食嘅習慣，有一半是為了環保減碳，只是我不夠堅持，經常被美食所吸引。今次朋友就介紹咗一間色香味俱全嘅素食店，好似話攞過好多獎嘅，仲有素食網上頻道。現在有很多新潮素食，一啲都唔會悶。雅.悠蔬食裝修主調是我喜歡的紫色。與傳統素食不同，fusion 風味的食法。晚餐我哋選擇了 dinner set，都好多嘢食下，份量適中，可以一次過食好多唔同款式嘅素食。最先奉上的是前菜，有三款咁多，雙薯藜麥蘋果雪泥、泰式鮮果沙律、香干拌馬蘭頭。全部入口都十分清新美味。薯仔+蕃薯少甜，混入藜麥、蘋果泥有豐富口感。鮮果沙律的提子、菠蘿、蕃茄仔再加上泰式酸辣汁，果然好醒胃！至於香干拌馬蘭頭鹹香味出色。接下來係蘆筍素香鬆苜蓿芽手卷、香芒牛油果苜蓿芽手卷。外面嘅紫菜脆卜卜，裡面食材夠乾，苜蓿芽食得健康。湯品真的超讚，簡單得來又特別，我哋每樣一款都想試吓，菠菜桃膠忌廉濃湯口感好幼滑。一粒粒的桃膠，養顏啱晒我。至於羊肚菌竹笙黄耳百合燉湯，材料豐料，清甜的口味。羊肚菌、竹笙黄耳都對身體有益。主食又係另一個驚喜地方，朋友點了黑松露意式野菜焗螺絲粉 配天婦羅迷你甜薯$258。黑松露味道濃郁，野菜調好味，迷你甜薯入口香

呢排都響尖沙咀有嘢做，尋日lunch揾左間素食餐廳麻麻地，諗起前排向銅鑼灣食過嘅悠蔬食響尖沙咀都有分店，所以今早已經去openrice 揾到地點喇，名字有少少唔同，叫雅．悠蔬食，位於金馬倫道，偏向尖東方向，啱哂我今日工作嘅位置。有先就好自然有後，比較就如呼吸一樣，一上到中國保險大廈三樓，雖然外邊天陰陰灰暗暗，但覺得全間餐廳白得光猛，白得整齊，白得乾淨，侍應都有禮，最重要係啲食物比尋日食嗰啲好好多吖嘛⋯⋯叫左個lunch set ，前菜，西瓜哈蜜瓜藜麥意大利黑醋沙律，配搭新鮮，隻意大利黑醋甜甜酸酸，味道啱哂我；餐湯，蒓菜冬瓜猴菇羹，熱騰騰香噴噴，味道濃，好足料，仲有竹笙，啖啖菇香；主食揀左A餐，台式大滷麵＋香脆腐皮卷＋天婦羅南瓜，台式大滷麵有白蘿蔔、紅蘿蔔、鹵蛋一隻、豆卜、麵筋，大大舊，一啲都唔欺場，最欣賞白蘿蔔夠淋夠入味；香脆腐皮卷，外型做到似雞翼，抵死到中間放支雪條棍扮骨；天婦羅南瓜，炸得唔錯，可惜南瓜中間仲有啲生；飲品加左十蚊要左杯藍蝶花雪梨汁，藍色嘅雪梨汁，好靚又有神秘感，飲落有少少似羅拔臣黑加倫子啫喱味😝

因為之前同媽咪食過銅鑼灣分店，所以今次行開尖沙咀，就諗住試埋尖沙咀分店！同銅鑼灣店一樣，都係以紫色、白色為主色調，裝修比較現代化。Dinner Set好抵食，除咗基本嘅前菜、湯、主食、甜品同餐飲之外，仲包埋一款手卷，超級豐富！前菜仲有3款，紫薯藜麥蘋果奇亞籽沙律、涼拌䈑筍杯子耳同日本山藥麵線拌熱情果汁，依家天氣熱熱地，食涼拌就啱，最鐘意就係個沙律，加埋醋，食落酸酸甜甜，好開胃。手卷係蘆筍素香鬆苜蓿芽手卷，其實聽過名都係好知係食咩，但都決定要叫泥試下😛！食手卷，紫菜一定要夠爽脆，蘆筍同苜蓿芽食落好清新，冇草腥味。茶樹菇竹笙黃耳百合燉湯好足料，夠濃味！主菜方面，我就叫咗青咖哩野菜猴頭菇，配埋印度薄餅同糙米飯，咖哩椰香味好重，唔算好辣，我就鍾意用薄餅泥送咖哩，香口又香脆。媽媽就叫咗砂鍋餛飩菇鍋，雖然餛飩唔係肉餡，但加咗香菇，所以都好有鮮味，不過我食得最多嘅反而係伴菜嘅娃娃菜，好鮮甜，吸哂香菇味。甜品就揀咗洛神花玫瑰雪梨糕，相對玫瑰花味，洛神花嘅味道會出啲，微酸；另外一個就係焗蘋果酥皮盒，靚到一定要相機先食。

朋友剛從韓國旅行回來，帶咗d手信比我。見佢咁有我心，我都搵返間好野同佢去食吓。去韓國緊係成日食燒肉，所以返嚟要同佢清吓腸胃，食返餐齋。呢間齋鋪裝修好西式，與傳統完全唔同，應該叫佢餐廳合適d。細看門面嘅單張、海報，發現個主廚好後生，仲有教人煮素食嘅網上頻道，都是fusion或較為西方風味的煮法。我地點咗兩個餐…前菜：雙薯藜麥蘋果雪泥+泰式鮮果沙律+香干拌馬蘭頭 - 第一次食雙薯❨薯仔+蕃薯❩﹐帶有少少甜味，混入藜麥、蘋果粒、青瓜粒，令佢有唔同口感，面頭加上苜蓿點綴，做得好細緻!鮮果沙律有提子、菠蘿、蕃茄、火龍果、少少沙律葉，估唔到細細份都落咁多款蔬果，加上泰式沙律醬汁，醒胃!香干拌馬蘭頭切得好細碎，巧功夫。朋友說可能加豆干，所以比較咸，但我覺得都ok。頭盤：蘆筍素香鬆苜蓿芽手卷、香芒牛油果苜蓿芽手卷，初初以為裡面會有飯，原來唔係，佢用苜蓿填咗手捲嘅空間，真係食得健康。湯品：❨最讚!❩菠菜桃膠忌廉濃湯 - 好滑的口感! 食到一粒粒的桃膠之外，其他材料都打得細滑。桃膠養顏，菠菜補鐵質，非常好的配搭。羊肚菌竹笙黄耳百合燉湯 - 豐料嘅燉湯，相信係百合令到佢有清甜嘅味道。羊肚菌可健脾益胃，竹笙黄

仲係天陰陰咁，時而狂風暴雨，時而焗促潮濕，成個人都冇乜胃口，所以今日午餐都係食素，好在尖沙咀依家有唔少出色嘅素食餐廳，選擇不少，今日揀左呢間素食餐廳喺銅鑼灣有分店，水準不錯，所以放心坐低叫左個$108嘅午市套餐。有紅甜菜蕃茄忌廉濃湯，六款主食中我揀左點心拼盆同埋雪菜毛豆菇絲湯麵，飲品要英式紅茶配檸檬，加$20要一件伯爵紅茶千層班㦸。個湯上抬時熱辣辣，夠creamy，名副其實嘅濃湯。點心拼盆好似酒樓咁用蒸籠上枱，包括有潮州素粉果丶素义燒包丶炸春卷丶素翅香菇燒賣，幾款點心唔單止外型跟平常在酒樓食嘅冇乜分別，就連食落口嘅感覺都差不多，尤其是燒賣，雖然冇肥豬肉做餡料，但質感依然非常出色，好似食緊用瘦肉做嘅燒賣咁，值得一讚呢。

最近有位朋友仔，興起素食熱潮，知我呢隻肉食獸無咩點食過素，就拖埋我去試試返左全日工，食慾一定好，食個full set dinner 完全無難度前菜 紫薯藜麥蘋果奇亞籽沙律 及 涼拌萵筍杯子耳 及 日本山藥麵線伴熱情果汁 個名堅係長，多達三款前菜，岩哂所有心多多既我紫薯藜麥蘋果奇亞籽沙律，蘋果非常爽口，同紫薯係兩種唔同既甜，夾埋沙律醬感覺好清新而涼拌萵筍既萵筍同木耳，一樣十分爽口，味道好清，最愛呢款揀dinner set既最大原因，就係因為有埋湯飲周打黃耳桃膠忌廉濃湯 中西合壁既湯水，質感同西湯一樣，會比較稠，同時都好滑桃膠係女士恩物，定時補一補都好重要青咖哩野菜猴頭菇配印度薄餅及珍珠糙米飯 青咖哩是非常非常的香，雖然係無肉類，但無阻香辛味既特出野菜款式都有好多，有青瓜、黃瓜、 矮瓜、芋頭、同埋猴頭菇，口感同味道各不，一啲都唔悶大啡菇鮮包豆栗子藜麥焗千層麵 千層麵層次分明，仍能保持咬口，同其他配料一齊食，口感好豐富，因為豆、栗子、藜麥既口感都好唔同而主角大啡菇焗完之後真係好吸引，菌類特有既香氣，加上厚肉又厚切，食落好滿足藍碟花雪梨汁賣相好夢幻，但本身藍碟花無咩味道，加上鮮甜既雪梨汁，令呢

近排吃肉太多，所以今晚去吃素。晚上7點多去到，想不到這麼多人在等位，幸好訂了枱呢！😲兩個女生點了兩個set dinner, 有前菜、手卷、湯、主食及甜品，加錢可加配飲品。😎前菜有三款 - 雙薯藜麥蘋果雪泥、泰式水果沙律及香干馬蘭頭。蘋果雪泥很清新；水果沙律有新鮮菠蘿、提子及火龍果，都很不錯！😋菖蓿芽手卷有兩款 - 香芒及露荀~餐湯也有兩款~菠菜桃膠忌廉濃湯 - creamy 口感中有香濃的菠菜味👍🏻羊肚菌竹笙黃耳百合燉湯 - 真的很真材實料！膠質很重很適合女生呢~😈日本南瓜鮮豆包大啡菇焗千層麵 - 面頭有芝士、番茄、菇，看似沒什麼特別，揭開就看到很多材料，包括主角南瓜。千層麵其中一層是鮮豆包，很有創意呢，有豆香而且口感特別，有點像腐皮與魚皮之間。🤤椰香鮮蔬冬陰燴意粉配酥炸蒟蒻 - 椰香味很重，帶點點冬陰公嘅香辣，還有很多番茄及菇。酥炸蒟蒻看似炸魷魚，爽爽的口感也有一點兒像魷魚！👍🏻甜品有洛神花玫瑰雪梨糕及伯爵紅茶千層pancake, pancake帶有伯爵茶香，忌廉濃滑，個人覺得比蛋糕店的更好吃！👍🏻 雪梨糕酸酸甜甜的，十分清新！熱海底椰桂花雪梨蜜，濃濃的桂花香，還有海底椰肉，甜甜的很

值得推介食晚餐套餐, 份量足夠,又幾健康, 泰式金邊粉嘅味道較為特別, 值得一試最好食就係牛油果手卷, 紫菜脆口, 青咖哩嘅味道就正正常常, 有少少微辣, 汁超多, 加埋個熱又薄嘅薄餅, 變得幾好食, 易入口, 如果鍾意食咖哩嘅人可以不妨一試 👍餐廳嘅特色中湯非常好飲, 尤其係燉湯嘅味道較為突出, 清甜可口, 最難得嘅就係竟然唔係味精湯, 唔會太鹹, 份量又夠, 最令人驚喜嘅就係竟然湯入面竟然有一隻鮑魚仔贈送, 都可以稱得上係質量兼比, 冇偷工減料👏👏

對我認知素食係唔好食既野但而家又愈黎愈多素食餐廳自己都忍唔住試下諗住咁健康既野無人食啦但點知去到差唔多滿睇餐牌發現佢好多唔同既食物又沙律到湯到主食仲有甜品我諗都唔諗叫咗個牛油果薄餅併紅菜頭沙律因為我勁中意食牛油果呀個料食落似三文治個皮似脆餅本身對紅菜頭無好感但佢都唔差既仲有埋個沙律，湯同野飲為食嘅我食一個餐點會心足叫多咗佢既招牌菜係我好中意食既黑松露芝士薯蓉大啡菇好好食呀😍😍仲食食下隔離係咁同我傾計話我好識食😳今次食完我對素食完全改觀

 獨自吃午餐，我决定吃得健康，吃得開心，所以到尖沙咀一間很優雅的素食餐廳吃午餐! 原來選擇也蠻多，但我較偏愛点心拼盤!前菜很開胃，是奇亞籽鮮果胡麻醬律，真的很清新，我一下子吃光光!湯是冬瓜竹笙菇粒湯既清熱下火，又健康!我的主食是點心拼盤，真的十分特別，分別是漆黑松露餃，蔴蓉紫薯脆煎堆，素叉燒包及素翅香菇燒賣，四款点心很精緻，而尤其是黑松露餃真的很香口!  另外的日式豆腐讚岐湯烏冬很入味，口感一流。飲品蓝蝶花雪梨汁很解喝，最合夏天喝用，原來素食也可以好好味!

由於媽媽節正日成家人都會去旅行，提早帶媽媽黎食飯慶祝下。因為媽媽食齋，都想黎呢間試好耐。去果日係平日晚，有卜位，都吾算太多人。一去到侍應都好有禮貌招待，環境吾錯，簡單舒服。我地叫左一個set同散叫一碟面。青咖喱好香，碗內多種吾同嘅雜菜，例如芥蘭、西蘭花、椰菜花、猴頭菇等。有飯有薄餅好夠飽。呢個千層蛋糕幾出色，吾係lady x 果種creamy, 厚身少少但味道好好，跟set加錢試下都值得。*晚餐設有最低消費大家要留意下

第一次嘗試新派的素食，與我所想像的很不一樣呢。之前聽朋友介紹下，上網看了看這家餐廳的美食，發現原來餐廳定期會轉一轉菜式，不停提供新鮮感給食客，這點真的不是每間餐廳能做到的事。👍🏻呢個前菜已經有三種：雙薯蘋果雪泥：口感軟綿，夾雜著蘋果粒，微微甜，幾特別的配合。泰國鮮果沙律： 酸酸甜甜，好開胃香干拌馬蘭頭： 好似食緊西蘭花🥦的花的部分咁，微微咸，幾特別的口感。菠菜桃膠忌廉濃湯：這個湯很濃郁，沒有很大陣的菠菜味（讚👍🏻）內裹有一粒粒的東西，應該是桃膠，很軟，增加了湯的口感層次。擔擔麵：不要看到這碗擔擔麵好像水稀稀的，它的味道不比外面的差！而且一樣是很濃味，擔擔麵濃得來要有花生味，這個的花生味都幾重的呢，麵條🍝都幾爽滑，唔會太軟身。（讚👍🏻）素菜批薩：皮很薄，薄得黎仲要好脆（讚👍🏻）料又多，芝士是可以拉絲的（讚👍🏻）椰香鮮菜冬陰燴扁意粉配香酥蒟蒻：香酥蒟蒻好似炸魷魚圈，冬陰汁味道濃郁，比較酸加上有微微辣（讚👍🏻），冬陰的香味好重，意粉煮得剛剛好，而且蔬菜粒配料都幾多，煮得夠晒入味（讚👍🏻）。有機會我也會再吃！甜品方面也絕不手軟，呢個係百爵紅茶千層班㦸：好看百爵茶味，忌廉層幼滑，班㦸層有少煙韌口

我們晚上八時入座，點了set dinner (晚上消費minimum charge $200, set dinner $238 以上) 我們等了半小時，什麼食物沒有送上，便向侍應查詢，怎知道回覆是他掉了我們的單子，並忘記了我們點了什麼，我們即走。minimum charge 收$200 ，service 連$100的餐廳也不如。