雅 ‧悠蔬食

营业中

休息中

今日仍是茹素的日子，要我老公陪我食素一段日子，簡直難過登天，因為佢成日話食素好悶又唔飽，而且素食多數是中式或是偏向清淡，但今晚已經幫我兩洗腦了！我之前上網見到呢一間店舖用我最喜愛嘅紫色作為店舖嘅主題，而且又係素食，所以我一早訂了七點到呢間餐廳試吓！一入到呢間餐廳見到全部都係用紫色作為背景，真係感覺好浪漫同埋陶醉，店員嘅制服都係紫色㗎 ，同一般嘅素食餐廳感覺好不一樣，呢間店舖亦沒有宗教作為主題，只係用素食就係標榜，所以任何宗教信仰嘅人都可以好舒舒服服地在這間素食餐廳進食！我哋兩個叫咗兩個唔同嘅dinner set ！我覺得套餐嘅價錢會比較合理同埋實惠，因為我每樣野都想試，套餐包括了前菜丶手卷丶湯品丶主食丶甜品及飲品，計返大約只是＄300一個人其實物有所值！另外，對於一個素食者，餐牌上會提醒有些素食者免奶類或蛋類的食品，突顯細心。從左起，香干伴馬蘭頭丶泰式鮮果沙律、雙薯藜麥蘋果雪泥，我不得不超級讚，香干伴馬蘭頭是上海菜，再加上泰式沙律及西式嘅薯蓉，一次過食晒三種唔同國家嘅前菜，有心思，最好食嘅係泰式沙律，質料十分之開胃，酸酸地又有薄荷味，超級清新！超級推介！湯品是羊肚菌竹笙黃耳百合燉湯，我

我同媽咪一直對悠蔬食既新派fusion素食念念不忘 襯住daddy生日 一家人再舊地重遊相隔一年 set dinner既前菜都唔同左 但依然清新開胃猶其中間紫色果碟紫薯藜麥蘋果奇亞籽沙津 又靚又有益又好食老火姬松茸燉湯依舊落足靚料 菇味濃郁 夠晒熱食過返尋味 呢個招牌之一既香芒牛油果苜蓿芽手卷一定要再點幸運地仍然keep到水準2人set揀左除左翻啅必食既大啡菇鮮豆包栗子藜麥千層面仲試左個風乾蕃茄野菜松子意大利飯配天婦羅蘆筍意大利飯真係做得軟硬恰到好處 蕃茄汁既味道好好 天婦羅脆卜卜 有驚喜除左叫2人set 仲點左素Pizza同好香既猴頭菇蔬菜青咖哩Daddy生日 餐廳幫我係set dinner既甜品上加左蠟燭食埋呢兩件靚靚既紫薯千層班㦸同百爵紅茶乳酪蛋糕 又飽到捧住個肚走

晚餐選擇多，份量很大，前菜，手卷，燉湯，主菜，甜品最低消費每人$200，一個set dinner剛剛好。當晚選了千層麵及青咖喱。食物味道好，不會覺得是素菜，亦不會太油。

訂位但竟然幫我cancel booking 又唔打黎通知，搞到要等半個點中。 食物一般，無咩特別驚喜。甜品份量極小。之但係200min charge ，50花茶會唔會太過誇張？極overpriced. !

朋友因爲家事要守齋，但個飯局約咗好耐先約到嗰日，唯有就一就佢去食齋菜喇，依家啲齋菜都已經好新潮，最終晌openrice 搵到呢一間雅.悠蔬食，更加令我對齋菜有新睇法平日日子雖然book咗位，但係嚟到都係要等，等咗3張枱先到，入面嘅格局以紫白色為主，令人都幾舒服，待應都好細心畀籃子啲客人放袋，值得一讚👍🏻👍🏻👍🏻講到晚餐，佢地set咗每個人minimum charge 200蚊，叫一個set dinner 都已經over budget, 不過睇落個set都好多嘢食下，所以同朋友一個set再散叫...其實你睇個餐牌唔會覺自己吃齋，先講前菜湯同埋手卷，個湯超重忌廉味，比出面西餐好飲，料都算足，另外個手卷都令得欣賞，雖然係蘆薈，但食落紫菜脆之餘，個味都有壽司嘅醋味，味覺方面令你好似真係吃緊壽司咁主菜就更加不得了，冬蔭公湯配炒飯，個人感覺炒飯就未到好特別，但香口好味，個湯係重點，飲落口的確係冬蔭公味，但入面嘅材料係啲齋菜，最特別有配搭返扮蝦嘅齋料，連顏色都似埋，的確吃得開心之餘亦大開眼界另外我地仲有叫到著名嘅黑松露薯蓉大啡菇，黑松露味有，薯蓉調味亦好好，大啡菇本身個人好like, 佢地亦都整到大

今日同老婆想食清得黎又好味既野，首選齋菜，但又想食唔只中式既，朋友推介雅悠素食，尖沙嘴呢間分店一入去完全唔似賣齋菜既餐廳，齋講裝修都好cafe同fusion利申，要論平，呢間一定唔係平，仲有d貴，但性價比好高！夜晚推介食set dinner，好full首先講前菜黑木耳淮山爽酸甜，好開胃清新蘋果沙律，紫薯同黎麥有飽肚感，食完前菜都小full了，麻醬粉皮正常，份量唔會令你膩湯我叫左黃耳百合湯，唔係個個接受到咁黏液感既料，老婆叫呢個白湯內有竹笙相對易入口好正手卷我叫左香芒芽菜仔牛油果手卷，好開胃refresh喉嚨既感覺，配埋完全沒草青味既芽菜，滿分終於到主菜，千層面我以爲沒肉會好怪，點知佢用番茄醬同茄肉做到個種肉味，焗到好脆皮，裡面層次分明，用返西式雲吞皮配芝士！呢個仲勁，泰式青咖哩配薄餅，咖哩味雖然唔算好重，但九層塔香葉足料，重點係用泰國🇹🇭圓形茄子，偏甜甜品真係真係正，紅茶味濃，清香，乳酪好滑唔記得講呢個肉用左猴頭菇，爽口！

唔係要有燭光晚餐至可浪漫，今晚為朋友慶祝生日也能帶給朋友浪漫呢間店以紫色為主，是大部份女士們難以抗拒既紫色一入到去已被這格局吸引了，心情都特別愉悅食物賣相很吸引，唔單只有外表，味道也的確好味食完朋友急不及待話要book定下次同家人再來品嚐睇黎朋友們都相當滿意又滿足

今日約左好朋友食素食，之前試過銅鑼灣個間覺得好好食，今次就試下尖沙咀依間。兩間分店一樣都係用紫色做主題，環境乾淨整齊，7點後開始越來越多人，我地兩個都選擇套餐，唔駛諗又可以試晒大部份食物，如果散叫貴好多，我地叫左C & E 餐share 食，set dinner 其實都好多選擇，有中式有西式印度泰國菜都有，唔同口味既朋友都可以有選擇。頭盤三樣都好特色，最欣賞紫薯藜麥蘋果沙律，酸酸甜甜好醒胃，仲有山藥麵線都好特別，配埋熱情果汁好夾，湯就選左姫松茸竹苼百合湯，好有菇味超正。去到主菜兩樣都好好味，青咖哩配薄餅，薄餅好脆又唔油膩，第一次食咖喱猴頭菇都好夾，因為吸左d 咖哩汁好入味，另外意大利飯都好入味，口感一流，雖然係食素不過全部都好好味又好飽肚，最後仲有甜品有綠茶紅豆椰汁糕、百爵紅茶乳酪蛋糕，兩樣都唔錯，綠茶味同百爵茶味都好夠。下次食素又多間餐廳去喇

一間以紫色為主的素吃餐廳, 不少女性也會喜歡這個浪漫又夢幻的颜色 正好我朋友是紫色控, 噢! 持續多天肉食後, 是時候清理一下腸胃了, 二话不說選擇了這間素食店, 順便為我的好朋友提早慶祝生晨, 给她一個既浪漫又溫馨的晚上, Surprise！相信不少人像我般,太清淡的食物又怕太“寡＂, 太油腻又怕肥, 太煎炸又怕太熱氣.... 呵呵, 女人就是這樣子!幸好這裏的食物, 恰到我倆胃的要求, 外型精緻美觀, 味道也確實令人回味, 看得出廚司是花了心機造的心機菜!

兩年前已到過位於銅鑼灣的悠蔬食兩次, 那兩次的晚餐也令人讚口不絕. 適逢我要和好姊妹交換手信, 所以就揀了悠蔬食在尖沙咀的新分店, 吃一頓素菜晚餐.點了兩個晚餐. 每個晚餐包括前菜, 燉湯, 手卷, 主菜, 甜品和餐飲.三碟前菜也提供二人享用的份量. 刁草醬伴藜麥新薯蘆筍其實就是薯仔沙律, 但當然是豐富一點. 加了藜麥和蘆筍之後, 頓時令整個沙律增添口感.四喜烤夫就好像中菜館的四喜烤夫一樣, 味道帶微甜的, 十分討好.另一款甜甜的前菜, 就是柚香紅菜頭什果合桃沙律. 此沙律混合了紅菜頭, 蘋果粒, 什果粒和合桃, 雖然紅菜頭把生果粒都染紅了, 但生果粒卻令紅菜頭變得甜甜酸酸的, 超美味.至於湯品, 我倆也揀了蟲草花竹笙黃耳百合雪蓮子燉湯. 很足料的一盅湯, 清潤又無味精, 喝罷, 全身充滿暖氣.幸好, 香芒牛油果苜蓿芽手卷內, 所包著的, 並不是飯, 只是苜蓿芽而已, 不然, 胃部再容不下主菜了. 特別欣賞手卷內的芒果, 牛油果和苜蓿芽的組合, 清新而帶香甜, 包著手卷的紫菜亦甚脆口.來到主菜, 有意大利風乾蕃茄蟲草花秋葵燴扁意粉. 老實說, 意大利風乾蕃茄, 蟲草花和秋葵, 三件看似

前日約咗朋友喺尖沙咀交收文件，晚餐時候 太太突然間畀咗一個驚喜我！佢話今晚冇肉食，我當堂嚇左一跳！佢話想清下腸胃而且佢話朋友介紹呢間素食餐廳很不錯，叫我陪佢一齊 "素一素"!去到樓下見到圖片都好吸引，好似有點心添！ 可惜晚餐時間不供應這間餐廳雖然不算得華麗，但裝修十分優雅，更有些像小朋友嘅房間佈置，令人好舒服 ！雖然今餐係食素菜，太太由我發板，結果我點了幾款菜式！泰式香煎魚餅，外皮甘香鬆脆，食落真係有點魚餅嘅味道！擔擔麵 芝麻很多，鋪滿麵上，湯底很香嘅芝麻味……泰式炒金邊粉 有蛋花，食落真係同普通嘅金邊粉沒有太大分別，而且分量很大！主菜係黑松露薯蓉大啡菇，啡菇用料新鮮， 上枱已經陣陣黑松露味， 入口美味！紅石榴蘋果汁 飲落不算太美，健康飲品！焗蘋果酥皮盒 裏面真係一粒粒蘋果蓉！我個人最欣賞係呢個抹茶紅豆糕，紅豆好大粒抹茶很清新，煙煙韌韌，好好味！其實食素可能隨時仲飽個食正常嘅菜式，而且健康一點！

四人家庭眾餐，已經不是第一次到這餐廳，就是喜歡常有新菜色，食得健康更有驚喜。今次叫了炸雞🍗，冬陰公湯配飯、有些名字太長記不起了。總之在晚市套餐點了兩個，再配上其他小食。溫馨提示，一定要試點品和特色合時飲品，超有水準👍🏻甜而不漏、清新健康。如需蛋榚，可早店與店長聯絡預定，我沒有定款色，我是合時而食那類人，但可看圖就知什麼叫用心做，千層紫薯蛋榚，雖然無千層但也不少了，加上芒果花，又不會太甜太漏，就是四人也只食剩小一角帶走。

上網搵素食餐廳，見到呢間好似幾正正子～所以就來試下咯～成間餐廳以紫色做主題（好女性化呢😏我的朋友瘋狂了）我地叫左個套餐同少少其他食物～套餐入面有呢個前菜同餐湯～係沙薑豆絲粉皮/涼拌淮山杞子黑木耳/紫薯藜麥蘋果奇亞子沙律～全部都好好食！薑豆絲粉皮--- 粉皮好爽滑，有咬口，同真正的雞絲粉皮差不多，青瓜也很爽脆，花生醬又唔會話太多咁涼拌淮山杞子黑木耳--- 酸酸地，好開胃，木耳又唔會太「淋」紫薯藜麥蘋果奇亞子沙律 --- 蘋果好爽又甜，有少少紫薯好夠「淋」～正～前菜份量唔會太多～又可以試晒咁多款～抵讚～而個湯係茶樹菇黃耳湯～好足料之餘，飲落好清～好順喉～呢個係泰5彩生菜包～份量超級多～口感層次豐富，有少少辣辣地，配料好爽脆，甜甜酸酸咁！而且扮得真係好似有肉咁～！仲正真正有肉的生菜包～Mango牛油果手卷～～手卷原來係冇飯的～～！！但又幾好WO～好Fresh , 紫菜好脆！冇飯又唔會怕食到頂住個胃咁～（店員仲好好咁叫我地要快D食左呢個先，怕放耐左～D紫菜就唔夠脆～好貼心呢～）WA～呢個又係正正子～牛油果鮮豆栗子焗千層麵～D芝士可以拉絲～真係好正！仲加埋幼滑的牛油果，真係冇得彈～份量剛剛好～泰

最近很多朋友都興吃素，為了讓我體驗素食的生活，在朋友堅持下一起來到雅悠蔬食。有別以往我對素食的印象，雅悠有完整的晚餐套餐，包括前菜、手捲、湯品，主食、甜品還有飲品，真是想像不到。 我選擇了香芒牛油果苜蓿牙手卷，茶樹菇竹笙湯，牛肝菌野菜忌廉燴扁意粉，百爵紅茶乳酪蛋糕，另外加20塊點了藍蝶花雪梨汁。 手卷非常的新鮮，當作開胃的前菜再好不過，苜蓿芽讓整個手卷都充滿清新的味覺，配合海苔的調味，讓人更期待下一道菜。我的前菜是蘋果奇亞籽沙律，份量也是出乎我意料的大，生果又新鮮，好開心吃到好多纖維以及平時沒機會吃到的奇亞籽。我選的主菜是牛肝菌野菜忌廉燴扁意粉，牛肝菌真的是完整的一大塊，忌廉又香又濃，說實話就是一道充滿濃郁奶香的意粉，想到裡面充滿著健康營養的野菜牛肝菌，對身體沒有負擔，又好好位，特別的開心。我朋友點了青咖哩野菜猴頭菇配印度薄餅，裡面有滿滿的青菜，這裡真是素食朋友的天堂，有不同的生果及蔬菜，充滿營養。 大概開始吃主食的時候，已經呈現八分飽了，份量真的有嚇到，但是還是硬著頭皮吃下去，只能說因為我的主菜太好吃，配上茶樹菇竹笙湯，實在是太飽太滿足了！整體的感覺，我很喜歡吃很撐的感覺，平時吃火鍋

食物味道、擺相、營養都屬佳品！而且非常多選擇！雖然是素食但份量充足，不會在下一餐前捱餓！員工服務態度也好！餐廳氣氛也舒適，適合朋友相聚聊天！與朋友聊天吃了兩個多小時員工也沒趕走！