雅 ‧悠蔬食

营业中

休息中

今日試下素食餐廳，見openrice既尖沙咀嘅素食餐廳呢暑有好多好評！就同朋友試一試啦去到剛好仲有午市套餐一個叫咗點心拼盤另一個就叫咗墨西哥卷套餐套餐包一個starter一個main course,同埋一杯飲品！原來都好多人去呢間餐廳入到去見到九成滿左！嘢食方面，上咗速度好快我自己嘅點心 有4款different 點心，仲有一個素豆腐烏冬！其實食完主菜都好飽，但係有人仲想是食一個甜品！嘅係士多啤梨雪糕泡芙，加$20就有！水準高！值得再試！

食得肉多，間唔時都想食下素食，但對於我地呢啲年輕人，梗係喜歡試下傳統以外既嘢，所以揀咗呢間餐廳！呢間餐廳既設計以紫白色為主調，雖然唔算好大，但一啲都唔覺得迫挾，好舒適！加上待應都好有禮貌，令到成個環境加晒分～🤗環境舒適，食物亦出色！湯：黑松露淮山忌廉湯～呢個湯，未飲已聞到陣陣黑松露既香味飄埋黎，飲落陣味更香濃。未試過用淮山整既忌廉湯，冇諗過都可以咁滑 😆 手卷：蘆筍素香鬆苜芽手卷+香茫牛油果苜芽手卷～苜芽較重青草味，有啲人可能會唔多喜歡，但我就覺得同芒果、蘆筍都好夾，好清新！蔬菜：淮山米湯浸時蔬～米白色既湯，一睇就知好濃啦 😄 底層舖滿豆苗，配有鮮淮山、木耳同杞子，好滋補呀～大啡茹鮮豆包栗子紫薯焗千層闊麵～面層舖滿厚厚既芝士，完全可以做到拉絲既效果 😂 入面有原粒栗子、大啡菇片同紫薯蓉，所以食落係咸中帶甜，同時有兩種味道！底部係幾層闊麵，食完呢道菜其實都幾飽。。 😏黑松露薯蓉焗大啡菇～我真係好鍾意食菇類，所以一見親呢啲用菇做既菜式，可以話係必點 🤣🤣大啡菇肉厚多水份，用焗既方法烹調其實好適合，可以鎖住水份，咬落去一啲都唔會乾，依然多汁，加埋黑松露既香，同薯蓉既滑，好好味～～沙爹杏鮑菇豆

出名是食肉獸的我，很少嘗試素食餐廳，這間是朋友推薦我來食的，上網看的時候見到有不少好評，就來健康一晚，約朋友來開飯。這餐廳地方闊落，座位舒適，以紫色為主調，就是覺得很溫馨。餐牌菜式種類很多，令我對素食改觀，中西合璧，而且菜名都非常吸引。- 黑松露淮山忌廉湯非常濃郁creamy的忌廉湯，香濃的黑松露味道，加上軟綿的淮山口感，估不到是味道可以甘夾。- 蘆筍素香鬆苜芽手卷+香茫牛油果苜芽手卷外層的紫菜非常爽脆，整個手卷都塞滿了苜蓿和香甜的芒果肉，食落的感覺非常清爽，食再多身體也不會有負擔。- 淮山米湯浸時蔬在素菜中淮山真的可作非常多的變化，淮山切片在湯中也非常之好食，非常清爽的一個菜式- 大啡茹鮮豆包栗子紫薯焗千層闊麵千層麵層次分明，配料有豆、栗子、藜麥等等，令到口感非常豐富，軟綿而有彈性，主角是大啡菇焗完之後有特別的香味而且厚肉咬落去多汁，一定要試👍- 黑松露薯蓉焗大啡菇香濃的黑松露味道完全融合到薯蓉裡，表面焗到金黃的薯蓉外脆內軟，配埋厚切多汁的大啡菇，口感一流。- 沙爹杏鮑菇豆卷串燒+墨西哥薄餅沙嗲汁非常香濃，杏鮑菇索晒沙嗲汁的味道，口感不錯，薄餅脆卷仲可以沾沙爹汁👍埋單每人二百幾，算抵

平時少喺街外食素，因為最怕「扮肉」嘅素，呢間餐廳用蔬菜造出新穎嘅素菜，pizza、飯、麵、手卷、意大利雲吞、青咖哩薄餅....味道都不錯，就算唔係食開齋嘅都唔會覺得好難入口，直頭唔係好覺得食緊齋添。有點驚訝嘅係落單先講晚餐每人minimum charge $200（不過其實都一定食到，因為佢d 份量比較細，抵唔抵食真係見仁見智)，仲要收$88切餅費，但係碟都唔俾隻，要叫幾次先拎黎，服務態度非常一般。落單都要等一d時間先有人黎，人手有點不足。

平時食肉食得多，間唔中要go green一下對自己對地球好一點日本花菇黃耳椰子竹笙燉湯有至愛的竹笙，好香椰子味，味道清甜香芒牛油果苜蓿芽手卷以為入面會有飯，點知原來入面係類似豆芽之蔬菜(即苜蓿芽😂大鄉里出城，第1次食)，加埋牛油果同芒果，味道都好夾泰式香煎如餅做到同出面魚餅好似，配上醬更好味泰式炒金邊粉豉油味重，但值得一提，服務員好耐心地幫我去搵辣椒粉👍🏻芒果脆脆芭菲一上台，即刻比個玫瑰造型的cream 吸引左😍果然人係呃like首選Cream下面雪糕同脆脆非常好味，就算食完成餐飯都忍唔住食晒成杯

諗住求其食，朋友又想食齋，就上了這裡，雖然一幅相都冇影，但還是想來給個正評，因為真係覺得好吃。原本對這種素食餐廳沒有什麼期望，但沒想到有意外驚喜！求其叫了set dinner , 驚喜由前菜和湯開始，3款前菜的調味調得非常好，食材健康有益，把平實又沉悶的木耳丶黑豆丶紅菜頭丶萍果等都活化了，食到有點感動😭！湯很清甜，有椰子香，黃耳，竹苼都很嫩。。。沒有味精！再來牛油果芒果苜蓿手卷，塊紫菜還是脆的！！！真的冇諗過，手卷的紫菜還可以是脆的，又一次驚喜！再來主菜點了青咖喱配薄餅及珍珠飯，青咖喱調味剛好甜甜的很好下飯，內含的蔬菜還真的不少，而重點那塊香口的印度薄餅，朋友原本一直不願意吃煎炸野，怕熱氣，竟都來搶吃了3塊😋😋😋，真的讚！最後上是一小方塊的紫薯cheese cake , 又是冇期望，卻又來給我多一次驚喜，紫薯加芝士，味道很平衡，兩者的味道都能吃到，很完美的組合，連裝飾的藍莓下還加了一點蜂蜜似的很特別的糖漿，太完美的一餐了。好期待下次再來！

素食餐廳係香港越開越多，但品質每況愈下，幸好尖沙咀呢間每次都無令我失望，菜單不時更新，完全感受到廚師對煮素菜嘅熱誠！前菜有芒果牛油果手卷，大大片嘅新鮮芒果同牛油果，再配上啖啖嘅芽菜，食落好fresh又開胃。跟住係黑松露淮山忌廉濃湯，湯嘅濃度煮得啱啱好，creamy得黎又唔會油膩，而且每一啖都散發出黑松露香氣，證明廚師俾足料，用心製作。主菜有沙嗲串燒，沙嗲汁調得非常好，唔會太辣亦唔會太甜。每串唔同嘅菇各有獨特口感，配合得天衣無縫，最後加上新鮮車里茄畫龍點睛，簡直就係完美！接著就係我每次都會食嘅松露芝士焗大啡菇，呢度菜絕對係其中一道招牌菜，焗完金黃色嘅芝士配上黑松露，成功帶出大啡菇嘅鮮味，表層嘅芝士更成功鎖住菇嘅水分，呢道菜充滿層次感，令人一試難忘！合桃菠菜意大利飯亦非常好食，粒粒分明嘅合桃再配上醬汁調味一流嘅菠菜意大利飯，令我食到停唔到口。最後嘅甜品紫薯香芋芝士蛋糕不但賣相吸引，食落更係濃濃嘅紫薯同香芋味，又唔會太甜，再加上芝士蛋糕質感做得好，搞到我差d要再點！我強烈推薦大家去試下呢間餐廳，話唔定會令你愛上素菜！

今晚心情好，好想家人陪我一起食點心，經過尖沙咀金馬倫道一帶，看到雅悠蔬食吸引的素食，於是便來到了。環境裝潢雅緻，地方不錯，人多也不感覺侷促，環境整齊優美，舒適很寫意。餐牌有很多美食可選擇，即時想食啦。姐姐先要手作香酥卷，多層次的酥皮好香脆及香滑，配合得很好，顏色很夾又美麗。我要五香滬式春卷，油少一點較好，容易咬開，很香口，春卷都算鬆脆，我要慢慢品嚐，唔會覺得滯。弟弟要素翅香菇燒賣，都算嫩滑，幾彈牙，燒賣賣相不錯，要加分，一會先巳食清了。哥哥要山竹素玉球，喜愛素食一定要來食，素玉球肉質爽口，有點汁，正。

前幾日喺尖沙咀行街 撞到個素食嘅朋友 佢嗌我一齊去食素 於是佢就帶咗我去 雅悠蔬食 入到去覺得好清新 好乾淨。我要 咗個套餐 真係好豐富 食完超飽前菜就有 涼拌青瓜亞塔子黑木耳 泰式金柚沙律 柚香紅菜頭蘋果伴合桃 呢啲平時都好少食好特別 甘香清甜 食完超醒胃 我食咗好多 食完都飽咗一半整得好好食個套餐仲有香芒牛油果手捲 好清新 紫菜好脆主菜我揀咗菠菜合桃野菌忌廉燴意大利飯配香脆腐皮卷 來之前真係諗都冇諗過食素可以食到意大利飯 仲要係整得咁好食 菠菜合桃野菌 配上忌廉 原來係 非常的配合 腐皮卷與意大利飯 竟然是絕配最後仲食埋西式甜品 好開心朋友帶我第一次食西式素食 真是十分滿足我以後食嘢又多個選擇囉

昨天約咗幾個朋友到尖沙咀看電影，看完電影，已差不多晚飯時間，大家建議一同吃晚飯後才回家，因為其中一位朋友是素食者，有朋友建議到金馬倫道……雅.悠蔬食， 佢話之前同屋企人食過都幾好食。 到達目的地感覺這食肆環境很整潔，職員很和藹、很有禮貌。我點了一個套餐，主菜是西西里鮮茄意粉配大啡菇，試後原來素食也可以烹調得咁好味，特別喜歡大啡菇的味道， 個鮮茄汁調配得十分醒胃 意粉煮得啱啱好套餐還配上3款前菜（涼拌青瓜亞塔子黑木耳，泰式金柚沙律，柚香紅菜頭平果拌合桃）3款前菜也給我吃光餐湯我選擇咗牛肝菌桃膠忌廉濃湯，味道真的非常香濃，桃膠也渗入濃湯的味道，很值得讚好甜品乳酪蛋糕也非常美味， 我最後仲加咗個雪糕㖭大家食完都有滿載而歸的感覺！

每人最低消費$200。三個人，點了兩個set dinner加一個菜已夠了。整體食物不錯。前菜令人開胃，幾有特式。主菜有兩個，中式的粟子菇飯不錯，味道剛好。另一個西西里茄汁意粉欠一點點，似快歺店的茄汁意粉，結果沒有吃完這個。還有一個米湯浸菜，不錯。甜品還可以，不用加$的有菊花糕，幾香菊花味。另一個是普通蛋糕之類，沒有什麼特別。坐位方面，樓上舖，算是可以接受。員工服務態度一般。尤其因有時限，常好似趕我們走，感覺不大好。可能當天是星期五，不知星期一至四會否好些。

最近突然想少吃肉，由前菜到甜品全部非常滿意，色香味俱全！兩個人六百多，不算便宜，但菜式的創意都值回票價。 希望店家繼續研發新菜式！一定會再幫襯！前菜打響頭炮給我一個新鮮的印象意大利飯上面的腐皮卷很好吃，不會覺得很乾。朋友叫的也ok， 不過又有又有薄餅對我來說太多了。吃掉一塊才記得拍照，哈哈打卡必點

我之前去過銅鑼灣分店，發現銅鑼灣店比尖沙咀店的服務質素更加好，銅鑼店的職員比較有禮貌。整體上，這間餐廳的食物賣相好，味道尚可。但服務質素可以改善，職員服務態度一般。另外，切餅費比其他餐廳貴。

【閨蜜突然想食素】如果你係紫色控既話一定喜愛這裡同平時素食店平實裝修既分別餐都未叫忍不住影下周圍環境同佈置Lunch Set超豐富有中西湯二㨂一前菜沙律主菜飲品見到餐牌既圖片樣樣都咁靚我哋決定叫個豐富素食乜都試試不過如果女仔細食點既話也可散叫豐儉由人現時大熱既藜麥前菜係菠蘿火龍果沙律真是好清新既感覺亦可清清味蕾我同好友都齊齊㨂咗套餐A腐皮卷炸得好香脆令人回味但炸南瓜不夠甜比較遜色中湯係木瓜雪耳花生湯無肉既情況下亦很夠甜及濃味喜愛吃雜豆既你一定要試主菜係滷水麵好足料好大碗但味道較為過甜吃了半碗已有點濟的感覺餸料配搭倒是不錯尤其是那個滷肉的口味很好。碟豆花雪梨汁的顏色超襯周圍環境味道很清新值得一試都說女人天生有兩個胃一個放主食一個放甜品當大家飽到捧著肚子時大家決定叫一客尖沙咀限定既芒果芭菲分享不論賣相或味道都值一百分很後悔沒有一人叫一客

我和好友打算出來尖沙咀覓食，好友讚美「雅悠蔬食」食材優質美味，擁有高尚的格調，地點位於金馬倫道，老友難得聚在一起，享受一頓豐富的晚餐。 位於尖沙咀區，地理位置方便，有一份雅緻休閒，提前預訂好位子，平日這裡十分墟冚，很多顧客前來捧埸，所以我和好友過來覓食。 餐廳樓底都算高，感覺舒服美觀，主要是純白色及紫色設計，充滿西式的格調，燈光比較昏暗，充滿浪漫的氣氛。 餐牌是全素餐，每款價格相宜，未食巳吸睛，令我胃口大開。 我和好友二人打算叫一個午餐套餐，感覺好豐富的美食，真要細膩當中的滋味。 前菜：鳳梨蔬果藜麥沙津配胡麻醬 黎麥沙津健康又美味，沙津材料新鮮，份量挺多，鳳梨蔬果開胃的感覺，生果入口清爽，味道很清新。 湯品：木瓜甘筍雪耳花生湯 木瓜甘筍很香味，雪耳花生很彈牙，餐湯入口濃度剛好，散發著淡淡的味道，恰到好處，香氣四溢，味道可口。 主食：點心拼盤配鮮茄什菌紫淮山麵 點心拼盤分別有潮洲素粉果、五香春卷、素叉燒包、素翅香菇燒賣，肉質很嫰滑，整體也很出色，各種食物都健康有益，多吃都不妨，令人唾涎三尺，值得推介。 主食除了點心拼盤，仲有鮮茄什菌紫淮山麵，材料豐富，麵軟硬適中，煙韌度很好