陳儀興飯店 (嘉悅)

营业中

休息中

陳儀興係朋友介紹我食既，星期五晚屋企冇煮飯咁就專登入去買外賣啦。話晒我都係潮州人，所以對佢都好有期望。去到見到門口好多人等緊外賣，堂食又坐滿晒咁滯！真係咁受歡迎？喳喳林去嗌完外賣等咗10零分鐘就拎得啦，即刻碌返屋企滷水鵝件 $128滷水汁好味，鵝肉入曬味，肥瘦均勻，肉又嫩連墊底嘅芽菜都索曬味凍食黃油烏頭 $188條魚一劏為二，又冇乜骨，又無魚腥味，食落全部都係魚肉既嫩同鮮味避風塘炒蜆 $98一打開盒見到啲蜆咁大隻仲要咁多隻即刻開心曬！避風塘炒超級惹味！

將軍澳老字號潮州滷水專門店 — 陳儀興飯店▫️呢間陳儀興飯店扎根新蒲崗超過50年，喺新蒲崗嘅街坊絕對不會感到陌生，佢哋喺將軍澳都開咗分店，下午更有套餐可以選擇～▫️鹵水拼盤($128)打冷必叫！呢個拼盤有好多料、好豐富，包括有：墨魚片、腩肉、大腸、紅腸、生腸、豬耳、豬頭肉、鹵蛋、豆腐。特別講吓豬耳好爽，豬皮好黏口、好入味；豬大腸亦冇臭味；墨魚片好爽口～▫️脆盞拔絲咕嚕肉($108)擺盤賣相好靚，個咕嚕肉過咗一陣食，外層都依然咁脆口，味道好酸甜惹味！，底下伴有炸粗麵▫️綠豆清心丸($48)清心丸咬落有𡁻口，幾啱我口味▫️手工芋泥($48)芋泥入口好綿滑，白果亦煮得好淋～▫️地址：陳儀興飯店將軍澳至善街9號嘉悅地下2-3號舖。新蒲崗崇齡街40號地舖。

爸媽係潮洲人~所以我對潮洲菜一向有情意結~係屋企附近呢間潮洲店我真係勁開心~之前試過堂食覺得好正~疫情關係冇得夜晚堂食，所以就叫左外賣番去慢慢嘆~呢度既外賣盒好貼心~會係膠蓋上開一個洞，咁就唔駛驚焗住D食物有倒汗水~鹵水鵝片鹵水鵝片係必叫之選!份量足而且唔會肥漏漏!鵝片唔鞋又易咬，鹵得非常入味，仲有D鹵水汁撈下飯真係一流!重點係加酸醋食，完全係畫龍點晴!蒜香排骨粒超級香既一味菜!食落勁香口，雖然係排骨粒但肉既部分好多，咬落口油香同肉香充滿口腔，鍾意食香口野同啖啖肉既岩哂!避風塘大蜆好耐冇食避風塘既菜，呢個避風塘大蜆好多炸蒜，辣度好夠!惹味到用手食都要損埋手指!蜆就唔係話好大隻，但勝在多肉而唔係得一堆殼!又係非常配飯既菜式!配埋汽水一齊就係一個非常飽足既晚餐~兩個人3味菜食得超級滿足!

今晚有朋自遠方來，時隔好耐，大家終於可以聚一聚，當然就要加好餸啦！！陳儀興係屋企附近開咗一段時間，之前係太子已經食過，覺得好好食，食物有水準！所以今次加餸首選就揀佢啦！外賣餐牌好多嘢食，又有選擇。要食就食啲出名嘅招牌菜啦。。。鹵水鵝件：我地嗌左份例牌，其實份量都好多，滿滿一盒整齊擺放。鵝件唔會全部都係骨，亦唔會過肥！咬入口肉質淋嫩，唔癡牙。真係淋嫩，平時食係好柴㗎。陳儀興呢間鹵水係好食，味道又唔會死咸，又唔會好重佐料嘅味道。亦然食好鵝肉味，正！記得啲芽菜底，都係重點，爽口又脆。吸收哂啲鵝汁，好好食😋。凍黃油烏頭：原條烏頭切好起骨對半，肉質已經見到滲透黃油。食烏頭蒸出嚟有黃油就代表係靚，好食。難怪我係街市成日都買唔到有黃油嘅烏頭。靚烏頭真係可遇不可求，所以真接買一條黃油烏頭就最方便😂😂餐廳仲已經做咗簡單起骨處理，食起上嚟就更方便啦。魚湯浸蜆：呢款餸又係好特別，我都未試過。一大碗，蜆肉好多，成個湯好鮮甜美味。入面除左有蜆，仲加左冬菇木耳粉絲。我覺得可以先飲左湯再慢慢食蜆，個湯加左胡椒，所以飲到覺得個身熱辣辣，出哂汁，但真係好好飲！或者啲湯用嚟撈飯食，做泡飯都一流因為天氣太熱，順便買左支五花

行街街👫🏻經過一間食店😘個名咁熟嘅🫡諗住食牛腩麵🍜入到去原來潮州菜🤣都嘟咗安心出行🫣見好耐都未食過啦🫥又有茶飲🫖環境有舒服😌就坐低啦😆😆😆點在三個餸🥢魚香茄子🍆黃鱔煲～啖啖肉嘅黃鱔😘煲仔上😙超野味👍🏻糯米釀大腸～呢個餸真係冇得頂，其實吾點醬汁都好好味呀，煙煙韌韌，一片片糯米、又飽肚👍🏻價錢物美🥳沙嗲芥蘭牛肉～嗱🫠呢個餸老公👨🏻‍🦱形容係<娘惹菜風味>沙嗲味好香😘（大家不妨去試吓啦👍🏻👍🏻）一餐三味👍🏻《好味、惹味、風味》嘆完茶🫖食飽飽😘繼續去行街街😙

新蒲崗的陳儀興潮州飯店開業至今已經半個世紀，對老街坊絕對不會陌生，早排在將軍澳都開新分店，剛搬去將軍澳不久，我就有口福啦，而且外賣自取有九折，抵。必食的滷水鵝，雖然是例牌但好夠份量，滷水鵝肉質嫩滑，鵝肉的香甜配上秘製滷水汁，送飯一流。糯米釀大腸，這是一個心機菜式，將大腸洗乾淨之後釀入糯米、花生，再煎香，外皮香脆，餡料軟糯。脆盞生炒骨，外賣返到屋企，生炒骨依家外層鬆脆，肉質爽口彈牙，酸酸甜甜，配上三色椒十分爽脆。

上月疫情踏入高峰，晚市堂食禁令絲毫未見解除跡象，懶得煮但又想食好一點，唯有外賣幫到你。陳儀興貴為潮州菜老字號，在打冷界一直很有口碑，難得在將軍澳開了分店，今次特地買了幾道小菜上親友家中一聚。——————————🔹滷水鵝件 $118潮州老字號最矜貴的當然是陳年滷汁，鵝肉經滷製後甘香入味，值得一讚是肥膏不多，肉質鬆化不乾柴，吃多幾件亦不膩。🔸蒜香排骨粒 $95排骨粒炸得金黃香脆後，表面灑上大量炸香蒜，甫開蓋即聞到撲鼻蒜香，未食已經先興奮～排骨比預想的多肉少肥，而且份量多，香口到想開罐啤酒麻甩一下🍺🔹糯米釀大腸 $98第一次食這道功夫菜，新鮮豬腸徹底洗淨，刮走薄膜污物後，釀入生糯米、花生、冬菇等再紮起，先蒸後切片煎，外脆內糯，口感得意。

前陣子行將軍澳後經過呢間正宗潮州店，感覺好耐無食潮州嘢了，就買返屋企食下，估唔到老字號的確質素高～！見到當日都幾多人外賣，但店員都好快手處理好所有order，點餐後5-10 mims 攞得🤩ps等order 時見到店內好多生猛海鮮，好吸引～有堂食後真係要來食下鹵水拼盆係大大份兼好足料，有滷豆腐（都幾大塊）、紅腸、鹵蛋、大腸、墨魚、腩肉、豬頭肉、豬耳，一開蓋滿滿的。調味入味得來鹹度適中，而且樣樣都是厚切。特別喜歡豬大腸，真係幾肥美，而且咬落去口感軟得來有咬口，入面不會太多肥肉另外豬耳是與豬頭肉一齊切的，所以幾厚切，特別喜歡脆骨。滷蛋都好鹹香入味隨滷肉附上的辣椒油都幾出色，幾重椒香味，點墨魚一流😋好難得，亦都好一段時間無食凍黄油烏頭了，烏頭肉新鮮且香口，唔會死鹹。最欣賞係肉質油香有肉汁，口感唔會乾，幾有水準！脆盞生炒骨食落去真係啖啖肉，而且脆外皮的厚度適中，味道甜味比較重。下次再來食其他菜式☺️👍🏼

今日放假去左將軍澳, 係地鐵站落車行左5分鐘左右, 見到呢間打冷, 之前都有聽過呢間餐廳, 今次既然黎到將軍澳呢邊，就去試吓啦！呢度嘅環境都唔錯，唔會坐得好迫午市有套餐提供, 不過因為太肚餓, 我哋兩個人叫左三個小菜～淨係諗食咩都諗左好耐, 因為真係太多選擇喇！值得一提, 呢度既野飲係自家製既我哋叫咗一支樽仔咖啡同埋羅漢果茶魚香茄子黃鱔煲雖然天氣開始熱, 但係都無阻我要食熱辣辣嘅嘢！黃鱔厚身又爽口, 茄子一直都係我既favourite😉呢個魚香茄子煲真係好好味！沙嗲芥蘭牛肉芥蘭配埋牛肉好夾, 芥蘭好爽口。牛肉又好腍身, 厚薄適中, 又唔會煮到過熟, 再加埋d沙嗲醬, 正呀👍🏻避風塘炒蜆一送到枱上就聞到好香嘅味道, 超級多蜆, 唔會淨係得返啲d殻. d蒜爆得好香, 少少辣, 夠咸香, 好惹味😋呢度有好多正宗既潮式菜, 而且每碟份量好足, 大件夾抵食👍🏻

晚市仲未開番又唔想煮。梗係叫外賣。😛2個人仔叫左三樣野。份量岩岩好。滷水拼盤。有墨魚/豬大腸/蛋/紅腸/豬頭皮/豬腩肉/豬耳/豆腐。滷水唔會死咸。有淡淡滷水香味。最鍾意就係墨魚到大腸。墨魚做到好爽口。大腸入味得黎仲有啲咬口。😋潮式凍烏頭。烏頭唔算大條。不過都食到啖啖肉同魚油香。🤩配埋普寧豆醬。冇得輸。魚湯浸活蜆。蜆數量都好多。處理得幾好啲肉唔會韌冇沙。魚湯加左黑椒仲有勝瓜。飲落好舒服。😌外賣番到屋企啲野食質素都保持到。整體黎講質素幾好。係區內潮州菜嘅好選擇。👍

📍 陳儀興飯店 (嘉悅)🌍 將軍澳至善街9號嘉悅地下2-3號舖 Shop 2-3, G/F, Twin Peaks, 9 Chi Shin Street, Tseung Kwan O📝 整體評分：9／10🥢鹵水鵝片🥢 $118鵝片相當入味又唔老，陣陣香料，仲配左唔同既醬汁，唔蘸已經好夠味，底下有D大豆芽菜，拌鹵水都幾好食。🥢生炒排骨粒🥢 $85排骨炸到香酥，包裹住酸甜醬汁，調味岩岩好，唔會膩，用左罐頭桃，比起菠蘿更好食。🥢魚湯浸活蜆🥢 $98落雨又凍返，叫左個湯飲暖下身，湯頭好濃，咁多蜆去煮好難唔鮮甜，加左白胡椒落去令個湯辣辣地仲僻腥，呢個時候既蜆好肥美飽滿，底下仲有粉絲~

⚡️高質潮州打冷 || 今晚外賣食好啲😛🙌🏻經常有朋友同我推介新蒲崗呢間潮洲打冷老字號陳儀興飯店，可惜一直都未有機會去試！最近得知原來將軍澳喺上一年都開咗分店啦🥳咁啱今日經過附近又諗起佢，咁就買外賣返屋企食下啦😝🦆滷水鵝鵝肉件件連皮帶細骨，啖啖肉🤤皮下亦冇多餘嘅肥膏，食落鵝肉好入味，滷水汁好掂👍🏻唔會過咸！肉質嫩滑，肉香味十足，好食😋💯連墊底嘅大豆芽都非常好食👍🏻🌶避風塘炒蜆份量十足！辣椒🌶️、炸蒜🧄令到蜆肉非常惹味、香口😛少少辣🐽韭菜猪紅猪紅好滑，都幾入味，調味唔錯！韭菜吸曬啲汁，正❗️🧃金銀花茶原來除咗有普通汽水外，仲有好多自家製飲品😛金銀花茶清熱解毒，好微甜少少苦啦，果然真材實料😂總結💕滷水鵝真係超高質，好好食😋暫時係我食過最好味嘅滷水鵝💯其他食物都唔錯🤗當日都見到都幾多人叫外賣，下次一定要試下堂食😍

喺新蒲崗好出名嘅潮州打冷店陳儀興，喺將軍澳開咗分店啦！其實都開咗好一段時間，呢排先興起想食下😂🤣唔知有冇人都鍾意食呢啲打冷呢☺️·✨潮州蠔餅🦪 $80蠔餅兩大塊，炸得脆身，望落好吸引😛點下魚露食都幾滋味🤤蠔仔份量唔多唔少，但炸漿略為多咗啲·✨撚手蒜香骨 $95配喼汁，排骨嘅份量幾多架，不過每舊都細細舊，原來呢個餸都係炸的，外面個層脆脆地，肉質唔會韌，味道係好食嘅，唔會太油，不過細舊得嚟要吐骨都幾麻煩😅😂·✨潮州浮豆腐（普寧炸豆腐） $78配韮菜鹽水，炸豆腐大大件，外面嘅炸粉冇咩味，所以一定要點個韮菜鹽水，先至帶到啲味出嚟😚·🌟潮州打冷平時真係好少食，如果新蒲崗唔就腳可以試吓將軍澳店☺️佢啲鹵水鵝好似都好出名😚·

眾所周知，潮州滷水是潮菜的重要靈魂，每間潮州食肆都會對這個傳統滷水珍而重之。這家位於將軍澳的陳儀興飯店，從新蒲崗起家到現在已超過了半過世紀，滷水味道香醇並帶有絲絲香料的香氣，並保留著原汁原味的傳承。滷水鵝片（$138)切成薄片的鵝片，啖啖肉，肉質細緻嫩滑，鵝皮夾著薄薄的一層鵝脂，卻沒有半點肥膩的感覺，反而增添鵝香的味道。滷水拼盤（$108）這個拼盤集合了各款的滷水食材，有鵝件、紅腸、腩肉、墨魚、生腸、大腸等等，每款各有幾件，十分豐富。一個拼盤就可以試匀多款美食，喜歡吃滷水的，這個拼盤的確是不二之選。潮州浮豆腐 ($75)潮州浮豆腐，即油炸豆腐，豆腐件炸至表皮金黃香脆，外脆內軟，配合辣椒白醋，味道更清新。Storefront Menu

陳儀興飯店 (嘉悅) (將軍澳).將軍澳食潮州野選擇唔多，陳儀興我倆係新蒲崗都食過！因為疫情關係選擇外賣，都好快手就整好，你遲左去拎仲會放入保溫袋幫你keep.鹵水鵝件.鵝件同片差$20，我地叫前者都好好食，勁香鵝肉味！下面都芽菜同花生墊低！.潮州凍烏頭 .原條大烏頭外賣，連埋豆醬一齊，份量多，肉質厚實魚香茄子黃鱔煲 .未諗過呢兩樣野可以配搭，味道偏濃，伴飯一流.蒜香排骨粒.非常多粒，夠乾身大量炸蒜鋪面。排骨唔會太瘦太乾.潮州蠔餅.好大份，一個外賣盒要兩層先放得曬。不過食到少少蠔定唔知蛋殼.沙嗲芥蘭牛肉 .伴飯一流，芥蘭夠新鮮！.陳儀興飯店 (嘉悅) (將軍澳)將軍澳至善街9號嘉悅地下2-3號舖