陳儀興飯店 (嘉悅)

营业中

休息中

突然又興起”回憶殺”，相信唔少人兒時都曾經睇過老夫子。今次去食呢間打冷，竟然有一系列老夫子裝飾係門口，腦海即浮現”耐人尋味”，哈哈哈……..店內唔難發現佢地嘅蹤影，陪住你食飯。特設老夫子菜推介菜式，每款都以佢地嘅經典四字作名，好似”耐人尋味”，”一舉兩得”，超搞鬼。咁就試吓由佢地個人推介嘅幾款菜式。鹹魚蓉蓮藕煎肉餅 ($108) 選擇梅香做菜料之一，因其肉質軟綿、味道甘香鹹鮮，容易混入肉餅與蓮藕粒煎香。有喼汁點食，煎得肉餅外脆內綿，咸魚蓉加肉餅超級好送飯，加埋蓮藕粒嘅爽脆口感，成為今餐嘅”偷飯賊”。呢碟蒜蓉炒蕃薯苗 ($88)，插上一支大蕃薯旗仔，好應題喎。蕃薯苗以蒜蓉清炒，簡簡單單已經味道唔錯。呢碟鹹魚蒸馬友 ($208)，有”生死戀”外號。將鹹魚同新鮮魚一齊清蒸，確係特別煮法。亦係選擇梅香放上馬友一齊蒸，咸鮮味滲入條馬友。馬友肉質超嫩滑，無咩細骨，夾少少梅香魚肉一齊食，驚喜味道。只有打冷先有得食，一大碗韮菜豬紅 ($70)，豬紅忽然變做大佬。韮菜係底，浸住係濃味醬汁中，問侍應拎埋碟潮州辣椒油點食，豬紅滑得黎帶點煙韌口感，點可以唔叫。仲有一系列老夫子食品可以買走，例如港式蛋卷，惹味醬

呢度唔單止有好味嘅潮州打冷菜，仲有老夫子嘅身影同你一齊享受美食📚。陳儀興飯店同老夫子合作，喺將軍澳分店搞咗個期間限定嘅主題餐廳，特別推出多個老夫子打卡位📸，仲有幾款老夫子推介菜式等緊你嚟試🍜。—————————————————🪷 耐人尋味 - 鹹魚蓉蓮藕煎肉餅 $108 外層煎到金黃酥脆，入面嘅肉餅又夠嫩滑，每一啖都係經典嘅廣東味。仲要插住枝老夫子竹籤，即刻覺得好有特色。
🐮 各有千秋 - 蜜椒番薯牛柳粒 $88 蜜椒番薯牛柳粒係必點之選，有鹹有甜好開胃，牛柳粒炒到啱啱好，加埋番薯同蜜椒，真係食到停唔到口。
🦆 非同凡響 - 滷水鵝肝 $178鵝肝入口即溶，滷水味又夠入味，下面仲有大量芽菜，正呀！
🍠 潮州手工芋泥 $48 手工芋泥好滑，淡淡的甜味，食完真係大滿足！
🧋 樽仔奶茶 $20 樽仔奶茶嗰種懷舊味真係冇得輸，奶茶香濃又唔過甜，解膩一流。
🧉 羅漢果茶 $20 羅漢果茶清甜潤喉，飲完真係好舒服，健康又好飲。
🍚 白飯 $12白飯煮得啱啱好，粒粒分明又唔硬，配咩餸都咁啱。

細個好鍾意睇老夫子，估唔到有餐廳同老夫子crossover，將香港經典菜式完美結合，食物既好味又高質😋首先叫左蒜蓉炒蕃薯苗，蕃薯苗鮮嫩爽口，蒜蓉味道好香好惹味，份量又大，健康又抵食👍跟住就係鹹魚蒸馬友，馬友好大條呀，鹹魚嘅香味融合咗馬友嘅鮮甜，蒸得岩岩好，口感滑嫩🫶蜜椒蕃薯牛柳粒亦都相當出色，牛肉粒外層微微焦香，蜜椒嘅甜味同牛肉嘅鮮味相得益彰，蕃薯亦都係好甜，送飯一流😍最後仲叫左碟京都骨，腍度適中，醬汁濃郁香甜，再配埋菠蘿酸酸甜甜，食到好滿足😃餐廳仲有好多老夫子嘅裝飾擺設，岩晒老夫子fans懷舊一番

一到門口就見到老夫子同大番薯坐鎮！😍 潮州老字號 陳儀興飯店 同老夫子 玩crossover，將軍澳分店變身漫畫場景，每個角落都係打卡位，仲有多款懷舊菜式！  🔸 「各有千秋」蜜椒番薯牛柳粒（$148）牛柳粒嫩滑多汁，蜜椒醬甜中帶微辣，炸番薯外脆內軟，超惹味！  🔸 「百花齊放」百花大腸（$118）脆皮大腸包住彈牙墨魚滑，蘸埋甜辣醬，口感層次爆燈！  🔸 「耐人尋味」鹹魚蓉蓮藕煎肉餅（$108）鹹魚香超濃郁，蓮藕粒增加爽脆感，送飯一流～  【陳儀興飯店（將軍澳嘉悅分店）】📌將軍澳至善街9號嘉悅地下2-3號舖  

香港人有邊個唔識得老夫子，呢間餐廳處處都可以同老夫子打卡，而且仲系將軍澳分店期間限定，有多款老夫子推介菜式。咸魚蓉蓮藕煎肉餅呢個煎肉餅真系好好味！脆嫩既蓮藕完全提升咗肉餅嘅口感，豬肉新鮮，咸魚蓉又冇搶fo，咸香四溢。咸魚蒸馬友馬友魚肉質細膩，搭配咸魚片的調味，讓魚肉更顯鮮美。口感上，清淡中透著咸香，令人感到滿足。黃金番薯片呢個炸番薯片其實系用咗咸蛋黃醬，外層酥脆，內裡綿密，都讓人忍不住一口接一口。蟲草花雪耳燉雞湯燉湯好足料，湯底清澈而不油膩，滋味醇厚，每一口都令人回味。

潮州菜老字號聯乘《老夫⼦》！食超大炸蠔餅😋潮州菜老字號陳儀興飯店今年60週年，同本⼟經典漫畫《老夫⼦》首度聯乘，細細個有睇㗎🤣將軍澳店變身成期間限定主題店，餐廳環境有好多老夫子主題裝飾，好過癮🤎同時合作推出一系列60年代懷舊菜單，幾啱帶屋企人嚟食。• 百花大腸 ($118)：用新鮮大腸，釀入自家製手工打墨魚滑，再經用高溫油炸，食落幾香口。• 蜜椒番薯牛柳粒 ($148)：牛柳粒唔韌，蜜汁唔會過甜，仲配合《老夫⼦》角色大番薯🍠，加入番薯粒，比平時食嘅薯仔牛柳粒更有驚喜。• 滷水鵝肝 ($178)：聲稱用汕頭獅頭鵝嘅鵝肝，綿滑甘香，仲用獨門陳年滷水慢煮，保持滑溜口感。• 潮州蠔餅 ($98)：勁大份！炸粉同粉漿唔算好多，值得一讚 ，蠔嘅份量好多，真係啖啖食到蠔🦪有滿足感！不過如果可以炸脆啲就更加和味啦。• 蒜蓉炒番薯苗 ($88)：番薯苗新鮮炒得爽口，好香蒜味。鍾意食潮州打冷嘢，去開附近可以食吓～不過佢都有好多分店，除咗帶屋企人，都適合一大班朋友嚟聚餐。📍陳儀興飯店將軍澳至善街9號嘉悅地下2-3號舖

今次去咗陳儀興飯店將軍澳分店，撞正佢哋同老夫子搞聯乘活動！成間餐廳佈滿漫畫元素，連菜式名都玩埋老夫子式幽默，真係「耐人尋味」又過癮！試咗幾款招牌菜，水準全部在線，仲好有創意，絕對值得推介！身為老夫子死忠粉絲，今次特登帶朋友過嚟將軍澳分店。一入門口就見到大番薯舉住餐牌迎接客人，仲有超多漫畫場景打卡位，老夫子、大番薯、秦先生全部到齊，懷舊感爆燈！必試菜式🥬 「原來如此」蒜蓉炒番薯苗簡單清爽！番薯苗新鮮嫩綠蒜香濃郁，炒得爽脆唔油膩開胃之選。🍘 「耐人尋味」鹹魚蓉蓮藕煎肉餅私心大推！肉餅彈牙加入鹹魚蓉同爽脆蓮藕碎咬落「索索聲」 鹹香惹味 送飯一流！🐮 「各有千秋」蜜椒番薯牛柳粒牛柳粒軟嫩多汁，蜜糖同胡椒調味甜中帶辣，最驚喜係加入焦糖香脆嘅番薯粒，外脆內軟，同牛柳形成完美對比！🦪 潮州蠔餅金黃酥脆，蠔仔脹卜卜，蘸魚露鮮味加倍，正宗潮州風味，食到停唔到口！環境同體驗等位時已經忙住同牆上嘅老夫子四格漫畫自拍，入座後發現連餐紙都印滿漫畫，童年回憶返晒嚟！餐廳仲特設多個打卡位，老夫子粉絲一定瘋狂📸

最近將軍澳既陳儀興飯店同經典漫畫《老夫子》玩Crossover，由門面到菜式都注入漫畫元素，仲推出多款限定聯名菜一入店就見到老夫子、大番薯、秦先生嘅搞笑造型公仔同場景，連牆身都係打咭位，童年回憶返哂黎！💡老公子推介茶式🥢各有千秋｜蜜椒蕃薯牛柳粒（$148）用蕃薯代替薯仔夠特別，外脆內甜好似食緊糖不甩，牛柳粒軟嫩帶焦香，蜜椒汁酸甜開胃，三色椒仲keep到爽口，整體配搭有心思。 🥢勢均力敵｜鹹魚蒸馬友（$208）馬友魚肉嫩滑無骨，蒸得啱啱好，鹹魚嘅鹹香滲入魚肉，加埋薑蔥同豉油提鮮，撈飯食真係停唔到口！ 🥢非同凡響｜滷水鵝肝（$178）鵝肝煮到入口即化，滷水汁入味唔鹹，底下墊嘅芽菜吸晒汁，食落濃香得嚟又唔膩，抵讚！ 🥢魚香炒菜花 （$88） 韭菜花幼嫩，炒得爽脆，加咗魚鬆夠鹹香，落咗少少辣椒吊味，食落更惹味。

最近我地黎左一間潮州菜，竟然有做老夫子主題😍好正😆童年回憶返哂黎😍我地逐個逐個公仔打卡🥰餐牌上面有唔少地道嘅潮州手工菜👍🏻仲有老夫子系列嘅菜色叫🤗🌸蜜椒蕃薯牛柳粒，牛柳粒嫩滑，味道好野味，蕃薯🍠好香甜😍平時都係食開薯仔，變左蕃薯又幾好味🥰🌸鹹魚蒸馬友，之前比較少食蒸馬友😆估唔到係咁鮮味🥰仲要勁甘香d魚油滿滿🥳加埋薑蔥同醬油，鹹魚又好夾😚🌸百花大腸，係墨魚滑配大腸😍炸得夠乾身，唔會膩😋口感彈牙🥰🌸老火燉湯，姬松茸燉雞，味道香濃😍

同朋友由細到大都係老夫子迷，今晚特登帶埋佢黎到將軍澳嘅陳儀興飯店食飯，餐廳內外設多個老夫子打卡位，包括老夫子、大番薯同秦先生嘅搞笑造型同場景，充滿懷舊氣氛，打卡一流！將軍澳店特別推出多款老夫子主題推介菜式，連菜式名都零舍有老夫子風味🤣滷水鵝肝 $178滷水鵝肝入口軟滑濃香，鵝肝煮得啱啱好，咬落似奶油咁融化，帶陣陣脂香，滷水汁入味，滲入鵝肝，配上墊底嘅芽菜，味道豐富又唔會太膩咸魚蒸馬友 $208馬友魚肉鮮嫩，蒸得軟滑，咸魚嘅咸香滲入魚肉，味道濃郁惹味，魚肉少骨，食落方便，拌飯一流，係潮州菜嘅經典之選！蒜蓉炒番薯苗 $88蒜蓉炒番薯苗簡單清爽，番薯苗新鮮嫩綠，炒得爽脆可口，帶濃郁嘅蒜香，食落好開胃，唔會太油膩驚喜優惠⭐️原來而家download陳儀興飯店嘅官方App，即可換領精美禮品，包括蛋卷、芋頭酥或辣椒油，數量有限，粉絲同食客唔好錯過！

陳儀興飯店將軍澳分店最近同經典漫畫《老夫子》合作，推出懷舊潮州菜式同多個打卡位。佢哋嘅招牌滷水鵝片，鵝肉肥瘦啱啱好，滷汁香而唔鹹，肉質嫩滑好食。仲有「各有千秋」蜜椒番薯牛柳粒，用番薯代替薯仔，炸得香脆甜甜，配埋嫩滑牛柳，好有層次。蒜蓉炒番薯苗新鮮爽口，加埋「老夫孑」插牌，好有趣味。黃金番薯片裹住鹹蛋黃炸得香脆，鹹甜剛好，最好趁熱食。餐廳用《老夫子》漫畫做裝飾，打卡一流，氣氛好輕鬆。人多時要排隊，記得提早訂位啦！下載陳儀興app可以免費換（原味蛋卷 / 蔥味蛋卷/ 芋頭酥/辣椒油）選其一份

陳儀興飯店 (嘉悅) (將軍澳).之前黎同今次仍然同老夫子聯乘，佢依家仲有個app join完會員可以嚟拎小禮物，可以拎佢哋嘅蛋捲或者醬料，而今日咁啱佢有嘅係花生糖！.▪️蜜椒蕃薯牛柳粒▪️.深入民心又可愛嘅老夫子入面有個叫大蕃薯，細細粒圓轆轆咁，連薯仔牛柳粒都變咗番薯牛柳粒比薯仔更加甜🩶.▪️蒜蓉炒番薯苗▪️.要食就梗係要叫個菜，咁啱又係番薯苗番薯苗夠爽口又惹味.▪️鹹魚蒸馬友▪️.食潮州嘢嘅地方就可以食到馬友，好耐冇食過呢種魚肉質比較實淨，同埋有淡淡嘅香.▪️韭菜豬紅▪️.唔知點解每次食潮州嘢都好鍾意叫，可能係因為我身邊嘅另一半好鍾意食韭菜又唔會太鹹，恰到好處.📌 陳儀興飯店 (嘉悅) (將軍澳)將軍澳至善街9號嘉悅地下2-3號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

今次真係畀我搵到個好地方！將軍澳「陳儀興飯店」竟然同童年回憶《老夫子》玩Crossover，未入門口已經見到「大番薯」舉住餐牌招呼客人，即刻勾起晒細個睇漫畫笑到咔咔聲嘅回憶！😆.🍽️ 懷舊菜式食到舔舔脷👅打冷必點嘅「滷水拼盤」真係大滿足！墨魚片、腩肉、大腸、紅腸、生腸、豬耳、豬頭肉、鹵蛋、豆腐，岩哂每樣想試小小但又唔食得多既我~墨魚片爽到彈牙、豬頸肉滷到入口即化，最正係啲滷水唔會死鹹，仲有淡淡藥材香，配住碗白飯簡直一絕！而「老夫子勢均力敵」鹹魚蒸馬友🐟完全係驚喜——馬友魚肉厚到似棉花咁軟，上面鋪左金黃色霉香鹹魚，鹹鮮味慢慢滲出嚟，超鮮香～連平時怕魚骨嘅我都清晒成碟！🐟.私心推薦「耐人尋味肉餅」🍘，鹹魚蓉同蓮藕碎撞出神奇火花，咬落「索索聲」又帶啲魚香，送飯真係無得頂！仲有蜜椒番薯牛柳粒🍠，焦糖香脆嘅番薯甜到入心，牛柳粒咬開仲有肉汁爆出🐮，好味到停唔到口～🤤.🎪 **漫畫場景打卡一流** 等位嗰陣已經忙住同牆上嘅老夫子四格漫畫自拍，入到去仲發現連牆紙全都是老夫子！真係勁多打卡位📸.埋單先知Download陳儀興App即送懷舊禮盒🎁✨ 貼士：晚市勁多人，記得早少少去拎位影相！

提早同屋企人一齊慶祝母親節，揀咗間主打潮州菜嘅餐廳，仲同老夫子合作，環境同布置真係帶點懷舊風，不過環境上稍為有啲迫。叫咗幾個餸，埋單千三蚊出頭，性價比算幾高。整體食物質素中規中矩，冇特別驚喜，但幾樣菜式真係值得推介：1. 滷水鵝片 - 鵝肉軟腍入味，滷汁濃香，啱啱好，老人家同小朋友都鍾意食。2. 蒜蓉炒番薯苗 - 新鮮爽口，蒜香撲鼻，簡單但做得好。3. 潮州蠔餅 - 外脆內軟，蠔味濃郁，完全唔油膩其他菜式就一般，例如鹹魚蓉蓮藕煎肉餅，覺得鹹魚嘅味道唔夠突出，肉餅又有啲實蜜椒番薯牛柳粒同春卷都係正常水平，冇乜特別印象。胡椒豬肚湯老人家同細路鍾意，味道溫和啱用黎飲湯，但作為胡椒愛好者嘅我，覺得胡椒味同辣度有啲不足。西芹炒黃鱔（？）更係有啲失望，黃鱔味唔夠，感覺普通到有啲失色。

陳儀興出名潮州菜，每次喺將軍澳區想食中菜，都會諗起呢間。假日通常都要等位，所以平日收工早啲過嚟，可以舒服咁食。Download app做會員有蛋卷送，食滿$500減$100，抵抵☺️今次嚟到有限定老夫子主題，菜式都特別唔同架！勢均力敵- 鹹魚蒸馬友必試煎馬友，魚肉超滑，而且起咗骨，好快就成條魚清晒。耐人尋味- 鹹魚蓉蓮藕煎肉餅菜名同老夫子漫畫相關，勾起好多回憶。味道唔算咸，食落咸香脆口。一舉兩得-鹹魚肉絲韭菜花爆炒夠鑊氣，除咗韭菜肉絲，仲有芽菜。潮州炒飯單尾叫多個炒飯，有蝦、肉鬆同蝦米，香口好食，好滿足。🧸評分：🧸🧸🧸🧸4/5🗺️ 香港將軍澳至善街9號嘉悅地下2-3號舖