影片
开饭介绍
于1963年创立的地道潮州饭店，以潮式打冷闻名。推介菜式包括卤水鹅件、卤水鹅肠，均以镇店传统卤水炮制。另一特色菜是生腌蛳蚶，用汕头出产狮蚶，加上参考传统制法而特别调配之酱料而成。
继续阅读
营业时间
今日营业
11:00 - 23:30
星期一至日
11:00 - 23:30
*最后落单时间: 23:00
以上资料只供参考，请与餐厅确认详情
相关文章
突然又兴起”回忆杀”，相信唔少人儿时都曾经睇过老夫子。今次去食呢间打冷，竟然有一系列老夫子装饰系门口，脑海即浮现”耐人寻味”，哈哈哈……..店内唔难发现佢地嘅踪影，陪住你食饭。特设老夫子菜推介菜式，每款都以佢地嘅经典四字作名，好似”耐人寻味”，”一举两得”，超搞鬼。咁就试吓由佢地个人推介嘅几款菜式。咸鱼蓉莲藕煎肉饼 ($108) 选择梅香做菜料之一，因其肉质软绵、味道甘香咸鲜，容易混入肉饼与莲藕粒煎香。有喼汁点食，煎得肉饼外脆内绵，咸鱼蓉加肉饼超级好送饭，加埋莲藕粒嘅爽脆口感，成为今餐嘅”偷饭贼”。呢碟蒜蓉炒蕃薯苗 ($88)，插上一支大蕃薯旗仔，好应题㖞。蕃薯苗以蒜蓉清炒，简简单单已经味道唔错。呢碟咸鱼蒸马友 ($208)，有”生死恋”外号。将咸鱼同新鲜鱼一齐清蒸，确系特别煮法。亦系选择梅香放上马友一齐蒸，咸鲜味渗入条马友。马友肉质超嫩滑，无咩细骨，夹少少梅香鱼肉一齐食，惊喜味道。只有打冷先有得食，一大碗韮菜猪红 ($70)，猪红忽然变做大佬。韮菜系底，浸住系浓味酱汁中，问侍应拎埋碟潮州辣椒油点食，猪红滑得黎带点烟韧口感，点可以唔叫。仲有一系列老夫子食品可以买走，例如港式蛋卷，惹味酱料及芋泥酥。
继续阅读
呢度唔单止有好味嘅潮州打冷菜，仲有老夫子嘅身影同你一齐享受美食📚。陈仪兴饭店同老夫子合作，喺将军澳分店搞咗个期间限定嘅主题餐厅，特别推出多个老夫子打卡位📸，仲有几款老夫子推介菜式等紧你嚟试🍜。—————————————————🪷 耐人寻味 - 咸鱼蓉莲藕煎肉饼 $108 外层煎到金黄酥脆，入面嘅肉饼又够嫩滑，每一啖都系经典嘅广东味。仲要插住枝老夫子竹签，即刻觉得好有特色。
🐮 各有千秋 - 蜜椒番薯牛柳粒 $88 蜜椒番薯牛柳粒系必点之选，有咸有甜好开胃，牛柳粒炒到啱啱好，加埋番薯同蜜椒，真系食到停唔到口。
🦆 非同凡响 - 卤水鹅肝 $178鹅肝入口即溶，卤水味又够入味，下面仲有大量芽菜，正呀！
🍠 潮州手工芋泥 $48 手工芋泥好滑，淡淡的甜味，食完真系大满足！
🧋 樽仔奶茶 $20 樽仔奶茶𠮶种怀旧味真系冇得输，奶茶香浓又唔过甜，解腻一流。
🧉 罗汉果茶 $20 罗汉果茶清甜润喉，饮完真系好舒服，健康又好饮。
🍚 白饭 $12白饭煮得啱啱好，粒粒分明又唔硬，配咩𩠌都咁啱。
继续阅读
提早同屋企人一齐庆祝母亲节，拣咗间主打潮州菜嘅餐厅，仲同老夫子合作，环境同布置真系带点怀旧风，不过环境上稍为有啲迫。叫咗几个𩠌，埋单千三蚊出头，性价比算几高。整体食物质素中规中矩，冇特别惊喜，但几样菜式真系值得推介：1. 卤水鹅片 - 鹅肉软腍入味，卤汁浓香，啱啱好，老人家同小朋友都钟意食。2. 蒜蓉炒番薯苗 - 新鲜爽口，蒜香扑鼻，简单但做得好。3. 潮州蚝饼 - 外脆内软，蚝味浓郁，完全唔油腻其他菜式就一般，例如咸鱼蓉莲藕煎肉饼，觉得咸鱼嘅味道唔够突出，肉饼又有啲实蜜椒番薯牛柳粒同春卷都系正常水平，冇乜特别印象。胡椒猪肚汤老人家同细路钟意，味道温和啱用黎饮汤，但作为胡椒爱好者嘅我，觉得胡椒味同辣度有啲不足。西芹炒黄鳝（？）更系有啲失望，黄鳝味唔够，感觉普通到有啲失色。
继续阅读
陈仪兴出名潮州菜，每次喺将军澳区想食中菜，都会谂起呢间。假日通常都要等位，所以平日收工早啲过嚟，可以舒服咁食。Download app做会员有蛋卷送，食满$500减$100，抵抵☺️今次嚟到有限定老夫子主题，菜式都特别唔同架！势均力敌- 咸鱼蒸马友必试煎马友，鱼肉超滑，而且起咗骨，好快就成条鱼清晒。耐人寻味- 咸鱼蓉莲藕煎肉饼菜名同老夫子漫画相关，勾起好多回忆。味道唔算咸，食落咸香脆口。一举两得-咸鱼肉丝韭菜花爆炒够镬气，除咗韭菜肉丝，仲有芽菜。潮州炒饭单尾叫多个炒饭，有虾、肉松同虾米，香口好食，好满足。🧸评分：🧸🧸🧸🧸4/5🗺️ 香港将军澳至善街9号嘉悦地下2-3号舖
继续阅读
今次去咗陈仪兴饭店将军澳分店，撞正佢哋同老夫子搞联乘，成间餐厅都布置满老夫子漫画元素，仲有特别设计嘅菜名，真系「耐人寻味」又过瘾！试咗几款招牌菜，全部水准在线，仲好有创意，绝对值得推介！🐟「势均力敌」咸鱼蒸马友 ($208)呢道菜名玩老夫子经典四字词，但味道一啲都唔儿戏！马友鱼肉嫩滑无骨，蒸得刚刚好，鱼油香浓，配上咸鱼一齐蒸，咸鲜味渗入鱼肉，真系「势均力敌」——咸鱼嘅浓郁同鲜鱼嘅清甜互相平衡，送饭一流！🐮「各有千秋」蜜椒番薯牛柳粒 ($148)牛柳粒炒得够镬气，肉质软嫩带少少焦香，配上蜜糖同胡椒调味，甜中带辣，非常惹味！最特别系加入咗番薯粒，外脆内软，同牛柳粒形成鲜明对比，真系「各有千秋」，口感同味道都层次丰富！🦆「非同凡响」卤水鹅肝 ($178)潮州菜必试卤水，而呢个鹅肝绝对系「非同凡响」！厚切鹅肝入口即溶，卤水香醇唔会过咸，下面仲垫咗爽脆芽菜，解腻又增加口感。鹅肝油香丰腴，配白饭简直系绝配！📸 老夫子打卡位 + 怀旧礼品餐厅布置咗多个老夫子打卡位，仲有老夫子主题食品礼盒（如芋泥酥、蛋卷）可以买走，粉丝必扫！总结：陈仪兴本身已经系老字号潮州打冷，今次联乘老夫子更加有惊喜，菜式创新得嚟又保持传统风味，价钱合理，环境又好玩，绝对系潮州菜爱好者同漫画迷必去！下次约埋朋友再encore！
继续阅读