陳儀興飯店 (嘉悅)

营业中

休息中

今次去咗將軍澳呢間潮州打冷店，佢喺新蒲崗開嗰陣已經係潮州打冷界嘅老字號，食品種類好多選擇。阿爸話今晚唔想煮飯所以叫咗幾款小菜外賣返屋企，幾大份又好味 順便同大家分享吓😍🤟🏻。.📍撚手蒜香骨（$95）分量唔少，而且面頭真係有粒粒金蒜🧄，蒜香味濃郁，非常惹味。.📍黃金雞軟骨（$82）雞軟骨鹹蛋味香濃🐣，有沙沙地嘅口感做得好唔錯!佢嘅雞軟骨都算係幾大粒，而且有肉又有骨，唔會好硬又Juicy，好食😋。📍沙嗲牛肉炒芥蘭（$98）牛肉份量好多，厚切之餘口感軟腍真係幾好食🐂。芥蘭爽口💚，配上個沙嗲汁都幾香唔會膩。.呢間嘅小菜味道都唔錯，偷懶唔想煮飯都可以落嚟買返幾個小菜送飯食😎🤟🏻。

之前聽聞陳儀興在將軍澳開了間新店、特地跟家人來光顧這、原來菜式選擇都幾多、傍晚已有不少人來買外賣。吃潮洲菜必點的蠔餅、半小時人拿回家後仍然保持酥脆、炸粉不厚、加上適量蛋漿香脆可口。另一必點的是凍魚— 元朗黃油烏頭王以鹽醃過肉質結實、烏頭王啖啖肉、蘸上普寧豆醬、鹹鹹地好好味、潮洲菜的凍魚真的有秊獨特的味道。沙爹牛肉炒芥蘭 有預期的水準、份量適中夠惹味。另外點的避風塘炒蜆以辣椒和炸蒜炒香、同樣惹味、佐飯一流！

某日係附近超市買完嘢後，途經呢個屋苑商場，發現呢間打冷小菜飯店，個名有D熟，上網CHECK原來新蒲崗都有一間，係將軍澳開多咗一間。打冷都係我喜歡嘅食物款式，一於試下晚市外賣店內貼住暢銷龍虎榜，有相望容易D點菜......哈..哈.....師傅無停手，等候時間唔算耐，拎得...............網評呢間嘅鹵水出品有水準，當然要入鄉隨俗試下啦。呢盒鹵水鵝件 ($118)，份量相當對眼，只係有少少大荳芽墊底，其餘全部係鵝件。鵝皮下無多餘肥膏，食得健康!  鵝件多屬胸位，多肉食之餘又唔會嚡口，而鹵水汁已經滲滿鵝件，唔會過咸，有陣餘香味留係口內。無食過韭菜豬紅 ($70)就好似唔係打冷，大大盒，豬紅同韭菜比例大概七三，恰如其位。有汁浸住所以食時仲係溫熱，豬紅口感煙韌，點埋佢個辣椒油加D辣度，挑起食慾。呢度除咗有潮州嘢食，仲有粵菜小炒，既然叫外賣，當然點D自己唔識煮/唔會煮嘅餸啦……呢客蒜香骨 ($95)就係其中之一啦。 見到佢個盒蓋係界開咗，為咗唔會比D倒汗水整濕個骨(好細心喎....)炸脆咗嘅香蒜舖咗係骨上，未食已經聞到香蒜味自己煮個飯，用黎送飯好岩數; 入口仲夠熱，肉嘅比例唔少，唔油膩

相信住將軍澳南的人都知道這間潮州打冷餐廳有多受歡迎，門外長期有人排隊和等外賣，這次因為WFH終於有機會試試。首先打冷一定要試滷水，點了滷水鵝，份量比想像中多，滷水味香醇，鵝皮爽滑，帶點肥，肉質不柴，加上醋更是提昇不少，油膩感降低，加上鋪底芽菜爽口，整體不俗。沙嗲牛肉炒芥蘭，味道濃郁，牛肉滑冧，芥蘭嫩而爽口，沒有渣。避風塘炒蜆，一打開已聞到陣陣香氣，蜆新鮮而且粒粒肥而肉厚，新鮮已經十分加分，自身的鮮甜加上惹味鹹香的避風塘炒料，咸中帶辣，越食越滋味。整體而言份量很多，味道亦非常好，吃得很滿足

今日探完朋友就一齊落左黎食飯～有別於舊式既潮州打冷店，呢度既環境企理舒適；）本身諗住叫滷水鵝，可惜朋友介梗口，唔食得鵝同鴨，所以就先要左份滷水拼盤開開胃～另外我地再每人嗌左款香口小菜過過癮xppp滷水拼盤份量一啲都唔少！！！最愛爽口墨魚～～～大腸處理得乾淨，亦唔會太多肥肓：）黃金雞軟骨呈橙黃色，粒粒都有咸蛋黃醬包裹著！！食落既香口又惹味～味道酸甜既咕嚕骨都唔錯！！排骨大粒唔肥膩，仲有三色椒，洋蔥同桃肉做配料添～原來依家外賣仲有折下次經開都可以外賣返去加餸xppp

因為疫情關係，被迫停業，在家中屈到很悶，今日決定出外逛逛，便來到將軍澳這間出名的潮州食肆。潮州蠔餅$80，外表香脆可口，蠔仔尺寸頗大，沒有腥味，只需加點魚露，便成了正宗的潮州美食。沙嗲芥蘭牛肉$98，芥蘭帶點酒香和甜味，沒有苦澀味，加上沙嗲醬的香味，和牛肉色鮮嫩，是一道出色的沙嗲芥蘭牛肉。鹵水鵝件$118，滷水味道濃度適中，鵝肉的鮮味被滷水帶出了，鵝肉不會過淋，帶點咬口，而且份量都不少，是這裏必點的其中一道菜。

呢間潮州菜老字號，喺將軍澳開咗分店。食物唔貴，食物選擇非常多。買外賣返去嘆吓。揀咗三款菜式～～～▶️鹵水拼盤$108相當豐富、有多款不同滷水系列。豬耳、豬大腸、墨魚、紅腸、滷水蛋、腩肉等等。豬耳幾爽口、豬大腸夠肥美、滷水蛋幾入味、腩肉唔會太肥。▶️潮州浮豆腐$78豆腐有好多件，炸得唔錯，唔會太油膩。豆腐的都幾滑～～～▶️韭菜豬紅$70豬紅幾結實，好多韭菜好夠香～～食物非常之熱，返到屋企都熱辣辣～～

黃金雞軟骨呢個黃金雞軟骨非常喜出望外，當初以為係平時果d咸蛋碎炒雞軟骨，但原來陳儀興係因咸蛋黃打醬再連埋一齊炒，令到每一粒雞軟骨都有咸蛋黃包住！而且估唔到外賣都可以keep到熱辣辣，令到成件事更加正！滷水拼盤打冷必定嗌滷水拼盤～有生腸、墨魚、紅腸、豬大腸、五花腩、豬耳、豆腐等等，每一樣都好入味但又唔係好咸好濃味果種over晒既感覺。首推係墨魚同豆腐～黃油烏頭王另一樣打冷必點既係烏頭！除左本身條魚既質素之外，餐廳點樣處理都好緊要～一開盒見到魚型好靚已經心心眼，一夾落去肉皮即刻分離，證明餐廳真做得好好，而且魚肉黃黃地代表d魚油留晒係肉入面，每一啖都係烏頭自己本身既香氣同味道～

疫情關係好多地方都唔去得，唯有喺香港度搵吓嘢食啦，今次就嚟到將軍澳到覓食，留意到原來家悅依度開咗一間陳儀興既小炒，超級有鑊氣，而且味道好正宗，推介俾各位朋友過嚟打卡😆💗頭先一嚟到服務員嘅態度超級熱情，而且好細心咁樣同我哋講解有啲咩推介嘅好食😋服務態度一流，抵讚👍🏻而且依度嘅食物都好高質，每樣都做到高水準嘅發揮我哋就叫咗元朗黃油烏頭王估唔到外賣都食到咁熱辣辣嘅烏頭，而且芋頭非常新鮮，魚肉好鮮甜甜，仲要冇咩骨，啱晒我啲唔識食魚嘅懶人😆另外仲叫咗一蒜香骨同埋滷水拼盤一樣嘅高水準發揮，蒜香骨外脆內軟，咬落去肉質爆晒出嚟，極度推介😆 滷水拼盤材料都好豐富，過到嚟一定要食吓😛👍🏻 推介俾各位鍾意食小炒嘅朋友！

今日同朋友過咗嚟將軍澳，依度開咗好多新嘅商場，今日就過咗嚟位於嘉悅屋苑樓下嘅依間陳儀興小炒，之前聽朋友推介過話好好食，今日一於嚟試吓，真係有意外嘅驚喜😛👏🏻首先餐廳環境好乾淨企理，平時同朋友約出嚟食吓飯感覺都好舒服，但疫情關係，我哋買外賣返屋企，都保持到高水準嘅發揮，拎到返屋企仲係熱辣辣，而且味道可以維持到💪🏻😊我哋首先叫咗一個潮州蠔餅超級推介嘅美食之一，必食！潮州蠔餅炸到脆卜卜香脆好味，裏面仲要有超級大隻同埋鮮甜嘅蠔，必食推介🥰一樣必食嘅就係韭菜豬紅，啱晒香港人嘅口味，唔會泰勒，但係又不失香味，豬紅味道超級滑，配埋韭菜食一流，無論係湯底定係配菜都係一流！總括嚟講呢間餐廳整嘅嘢食都好有鑊氣，以後會再過嚟😊👏🏻

⭐️【將軍澳】傳統老字號潮州菜⭐️上次經過將軍澳嘉悅，見到這間店鋪很多街坊買外賣，已經很感興趣，今次再次在附近經過，決定去買外賣回家品嚐。【陳儀興飯店】聽店員說原來已經是在香港屹立五十多年的潮州老店，但跟想像中的潮州老店，裝潢跟那種街坊小店格局又有所不同，裝潢相對地較清新雅緻，餐牌上的食物都是除了比較傳統的潮州菜，亦有鑊氣小炒菜式，而且店鋪應該在區內亦受歡迎，因為外賣亦非常地好生意。【滷水拼盤】(HKD108)我去打冷就一定要叫滷水拼盤，拼盤內容很豐富，有生腸，墨魚，紅腸，滷水大腸，鴨掌，五花腩肉，滷水蛋，豬耳，滷水豆腐，自家秘制滷水鹹甜適中，每一款鹵水款式食材都各有特色，質素都好平均。【糯米釀大腸】(HKD108)糯米釀大腸是潮州傳統名菜，工序䌓複，單單是處理大腸已經很複雜，其實就是將糯米釀進豬腸中，但複雜是避免腸衣迫破，而煮熟後蒸再切片煎香，切片後看到的釀大腸有很多材料: 糯米、花生、蛋黃、臘肉，而糯米吸收了材料的味道，變得綿香煙韌，加上外皮煎香後大腸皮有點脆口，蘸上潮州金桔油，酸甜解膩。【撚手蒜香骨】(HKD95)小菜是即叫即炒，蒜香骨細細件入口啖啖肉，炸得外脆內嫩，格外惹味香口，而

陳儀興由街邊舖做到入舖，再進駐將軍澳開埋分店，全靠街坊口碑，食過嘅都大讚餐廳嘅鹵水非常出色，今日趁同老婆兩個一齊放假即刻去試試。😋陳儀興將軍澳分店位於嘉悅地舖，裝修新淨而且餐廳採光度高，環境幾舒適。😙鹵水拼盤 $108陳儀興最出名的招牌就係佢地嘅鹵水，我地今日揀左點鹵水拼盤，拼盤份量同食物總類都非常多，有豬腩肉、豬頭肉、豬耳、墨魚、大腸、紅腸、鹵蛋同豆腐，鹵水非常入味而且唔會過鹹，當中我地最鍾意係墨魚，非常爽口彈牙。😋魚湯浸活蜆 $98呢份魚湯浸活蜆份量非常多，用魚湯煮的活蜆蜆肉特別鮮甜，加上木耳同粉絲，兩個人share都非常滿足。😍撚手蒜香骨 $95蒜香骨外層非常香脆，肉質軟嫩，入口甘香而且唔油膩，加上炸至金黃色嘅蒜粒，非常惹味可口。👍🏻王老吉 $15食完個蒜香骨飲返罐王老吉，熱氣全消。😙埋單每位$165，性價比唔錯。👍🏻

呢間潮州打冷菜一路都係新蒲崗非常出名知道將軍澳新開左一間，難得今日會過黎朋友度，就約左係呢到食午餐環境唔錯，座得舒服，更有午市套餐選擇，價錢相宜最後決定散叫幾個小菜滷水拼盤有墨魚，豬肉片，紅腸、珊瑚蚌，芽菜等等墨魚唔會好靱，滷水豬肉片肥瘦得宜，最後更叫埋白飯個滷水汁好好撈飯生炒排骨粒一碟份量都唔少酸酸甜甜，腩排連骨，肉質較嫩滑糯米釀大腸糯米釀大腸，就係傳統潮州小食煮熟後切片再煎香內裡放了很多材料，如花生，栗子，香菇食落去煙煙韌韌，糯米口感較黏絕對係值得一試的手工菜！

見到這家飯店就想起那個出書上電視的王貽興，不過這家飯店跟他一點關係也沒有。將軍澳海旁開了一家撚手小菜飯店，今日且去試一試。餐廳在嘉悅旁邊，位置便利。中式風格裝潢，餐廳有不少座位，全部以膠板分隔。餐牌上的選擇很多，有二人自選小菜套餐，可以選三款菜，還會送粥或飯。我只點了幾款中菜。⭐️蒜香排骨粒$95蒜香排骨炒得很香，炸蒜味很突出，排骨火候夠，入口很香脆惹味。⭐碧綠川椒雞$95川椒雞的份量也不少，炒得很香，入口雞肉很嫩滑，且有淡淡的麻香，麻而不辣。⭐沙嗲芥蘭牛肉$98芥蘭牛肉一定要伴飯吃，芥蘭份量不少，配上大大片厚薄適中的牛肉，實在很滿足。⭐罐裝汽水$15吃小菜有汽水才過癮。

陳儀興呢間打冷老店我諗好多人都識每日想食潮州菜屋企人就即刻諗起佢咁啱佢地近排又係將軍澳開咗新分店 無堂食就唯有派左外賣專員(我)去外賣歸家食 ______________________________〰️ 澄海鹵水鵝 $260 食潮州打冷 又點可以唔叫滷水鵝🤘🏿老子號嘅店家秘製滷水汁真係有水準入味之餘 鹵水鵝肉質軟腍嫩滑帶肉汁下面仲有入哂味嘅大豆芽菜墊底🤘🏿〰️ 撚手蒜香骨 $95 雖然係外賣 廚師都好細心特登介開盒蓋排氣避免倒汗水 拎到返屋企都唔會淋👍🏿拎到番去都仲暖 外層酥香又厚肉而且食落唔油膩之餘 蒜香味又重🤘🏿〰️ 沙嗲牛肉炒芥蘭話說嗰排大家都搶菜 所以我地都無食菜幾日叫開外賣當然就係要叫番一碟菜🤣沙嗲汁好濃稠又香 牛肉都好軟稠唯一係如果分量更多就好了🥳🤘🏿