陳儀興飯店 (嘉悅)

营业中

休息中

其實喺將軍澳本身都冇乜好多嘢選擇，最經常就係入商場，知道陳儀興喺將軍澳開咗分店，之前食開佢太子嗰間，都幾唔錯，特別係佢嘅滷水、烏頭魚，都整得非常唔錯。對比太子，呢間分店面積就相對細好多，但係佢自己都打正旗號，開嘅目的，係為咗令到將軍澳嘅人都有得食佢嘅滷水，所以細細地，我自己覺得都唔會話太大問題。佢呢度有唔同飲品俾人哋揀，仲可以係包入去午餐裏面，我自己就揀咗玄玉紅棗薏米水同埋金銀花茶，幾清甜。我自己就覺得，食滷水都好難避免會有少少鹹，飲涼茶相對地就可以解油膩。嚟呢度就一定要食佢個滷水鵝肉，我自己本身都好餓肉，所以一坐低嘅時候就即刻點左。佢嘅牛肉唔會整到好老，反而比較嫩滑，而且肉身亦都將滷水汁吸得非常飽滿，每一啖都係八角嘅香味。糯米豬大腸，雖然好肥，但係其實好脆，好甜，亦都火候足夠，自己喺屋企真係整唔到。最後就係鹽焗烏頭魚，呢度真係限量發售，我自己就要咗嗰日最後嘅一條，要嘅時候，師傅仲問我，如果要等45分鐘，等唔等？我自己覺得，一場嚟到，冇理由唔食呢度嘅招牌菜啊，所以點都話等。

 好耐無出街食飯,打冷更加係好難有機會遇到原來最近陳儀興飯店新開了係豪宅樓下新分店將軍澳無咩滷水專門店呢度真係好生意呀!先黎一盤滷水拼盤,包括了腩肉,墨魚片,大腸生腸,豬耳,豬頭肉,蛋,豆腐,滷水香氣十分滷得入味,好岩香港人口味唔會太咸入面配料夠2人享用仲可以點醋或辣醬食,味道更豐富野飲有可樂啤酒等等~仲有自家涼茶一小菜,一滷水,一菜沙爹牛肉炒芥蘭脆古老肉脆盞古老肉,炸到香脆,汁唔多,最正係個脆皮個汁唔會太酸,岩岩好又甜又酸夠開胃新鮮芥蘭菜加上濃郁沙爹牛肉牛肉厚切,長身肉嫩,沙爹香又濃郁~撈飯食一流!!牛肉每片都大約相約,口感好,沙爹汁滋味將軍澳至善街9號嘉悅地下2-3號舖

屋企人突然話想食潮洲嘢😌！即刻諗起呢間傳統老字號潮州菜《陳儀興飯店》！🦪潮州蠔餅 $85面層脆卜卜蛋味濃，內裏有大大粒𧐢仔，非常香口又足料加上蠔的鮮甜味，食唔停口😊！鹵水拼盤 ＄128有齊墨魚片、腩肉、大腸、紅腸、生腸、豬耳、豬頭肉、鹵蛋和豆腐，底層重有大量既大豆芽，吸收哂所有精華，夠大碟超滿足！避風塘炒活蜆 ＄98蜆肉雖然體積不大，但食得出冇沙同好新鮮👍🏻！味道不會過辣，但好有層次，尤其是加入了熟蒜越食越香，重口味亦好滋味😋😋！肉紅棗薏米水/羅漢果茶 $20所有涼茶都新製熬製，成份和功效亦一目了然，不太甜好清潤😊！再點了三款手工食品～（脆盞生炒骨＄85）（手工芋泥 ＄48 ）（糯米釀大腸 ＄98）亦同樣出色！

每次去食潮州打冷都會選擇這間老字號（陳儀興潮州飯店）新蒲崗分店都食過好多次，知道將軍澳有間分店專程過去試下，這裏環境光猛坐得舒服😌餐牌上基本潮州菜食都好齊全！潮州蠔餅上枱時已經香噴噴，未食巳經見到大大粒脹卜卜的蠔肉，食落啖啖肉蠔味香濃，粉漿不會太多，脆卜卜好好食😋滷水拼盤有紅腸、滷水豆腐、芽菜、腩肉、豬腸同魷魚🦑滷得好入味，腩肉同豬腸肥瘦適中，帶少少油脂好香口，豆腐炆得好淋好滑，整體都好食！咕嚕焗排骨顏色七彩繽紛好吸引，青椒同洋蔥有小小微焦，夠惹味，醬汁酸甜度適中，豬肉又淋又嫩滑！糯米釀大腸一碟大約有八至十片，大腸入面除了釀糯米，仲有冬菇同鵪鶉蛋，所以食落去特別香口，口感非常豐富，最配搭埋甜甜地的醬汁，味道更加有層次！手工芋泥潮州甜品嚟講呢個係我最鍾意嘅，入口每一啖都食到芋泥的香味甜甜地，正！羅漢果茶/圓肉紅棗薏米水每一支都是這間店舖秘製的，樽底見到好多圓肉和薏米，真材實料健康有益！

傳統老字號陳儀興！開放堂食約左朋友食下飯，一講起潮式打冷應該無人唔知。「打冷」必食一定係潮式凍烏頭，可以話係打冷既代表食物。烏頭先蒸後放涼，餐廳會幫手起脊骨，啖啖魚肉鮮甜嫩滑，醮上豆醬更滋味！滷水拼盤，有生腸、墨魚、紅腸、滷水大腸、五花腩肉、滷水蛋，自家秘制滷水鹹甜適中，質素都好平均。最鍾意佢既五花腩肉，彈牙有口感！第一次食糯米釀大腸，原來都係潮州傳統名菜。將糯米釀入豬腸中，蒸煮後再切片煎香！糯米吸收左材料的味道，變得綿香煙韌，加上焦脆外皮，蘸上潮州醬汁，甜甜地幾開胃！

潮州嘢不嬲都幾鍾意，原來將軍澳附近海邊有一間潮州 菜，陳儀興飯店，好似都幾出名，一路都有見過佢呢間舖頭。我哋就叫咗個馬友魚，平時好似比較少機會可以食到馬友魚，馬友魚非常之香，除咗鹹香之外，仲有好濃烈嘅魚香。都幾有驚喜喎，第一次食凍食嘅馬友魚。另外我哋仲叫咗個滷水拼盤 ，128入邊都有好多款嘢食喎，紅腸，墨魚🦑，大腸，豬腩肉，鵝片，生腸，一次滿足你七個願望，我最鍾意食生腸，非常之爽口，又冇怪味。兩個人來講人均$200，性價比都算OK，如果多啲人嚟食可以試多啲款，就更加好啦。

以往想食潮州菜，一般都只會去九龍城或尖沙咀食開嘅老店，反而將南嘉悅地下嘅「陳儀興飯店」，經過好多次都未有衝動嘗試。今日難得阿仔話想去試吓，機會就係咁出現了😂室內裝修同一般家庭式經營飯店冇異，幫襯嘅客人，目測一般都係上左年紀既家庭客，當然年青人較為喜歡去 Cafe吧，但冇問題嘅，唔同餐廳有唔同定位客戶群，對我呢講乜都得，最緊要食物質素正😂🔻鹵水拼盤呢個拼盤睇落去感覺已經好豐富，有紅腸、豬耳、豬頭肉、腩肉、墨魚、生腸、大腸、雞蛋等等，最重要個鹵水汁亦相當唔錯，鹹甜適中，各食材亦非常入味👍🔻韭菜豬紅一見佢只可三個字形容「好大碗」，豬紅大大粒佈滿成碗，個汁底有好香濃沙嗲味，韭菜全部墊底，可以想像到幾野味😋🔻鹵水鵝片鵝片肉鮮肉嫩，加上鹵水汁靚已經完全合格，下面嘅花生亦一樣出色😍🔻潮州蠔餅好多時食到嘅蠔餅，外層都係一層厚厚嘅粉醬包住，陳儀興嘅做法我真心喜歡，層粉只係薄薄塗上去，感覺好似天婦羅咁樣，蠔仔大大粒脹卜卜，正因為層粉夠薄，所以每啖食落去，都好實在食到蠔仔鮮味，希望呢個係佢地一貫做法，抵讚👍🔻糖醋煎面糖醋煎面係我其中一個至愛，味道做得好好嘅，外脆內軟，可能遲左攞出黎，到枱時感覺涼了少少😅🔻手

之前食過新蒲崗，今次經過將軍澳發現原來呢度都開左新分店，決定唔煮飯買幾個送返屋企齊齊歎😌今次叫左招牌滷水鵝，鵝肉肉質幾實淨，皮下面完全冇肥膏，滷得入味，而且唔會太鹹，好食～生炒排骨，味道酸酸甜甜，排骨脆脆包裹住醬汁非常好食，送飯一流。潮州凍烏頭，係潮州打冷餐廳幾熱門既菜式，所以叫返條黎試下。烏頭凍食都幾鮮味，完全冇魚腥味，配搭埋佢送嘅應該係普寧豆醬，個醬偏鹹，點魚黎食都唔錯。餐廳仲有五花茶賣，唔想飲可樂都可以有多個選擇👍

今日同屋企人試吓呢一間位於將軍澳嘅潮州菜外賣咗幾樣潮州打冷小菜返屋企食～滷水拼盤最適合我呢啲三心兩意嘅人，乜嘢都有一啲， 有墨魚丶紅腸丶五花腩肉丶滷水蛋丶豬耳等等，再配上自家秘製嘅滷水， 唔會過鹹，作為前菜非常正！凍食黃油烏頭一大條分開咗一半，方便進食，肉質鮮美好吃😋，鍾意食魚嘅唔好錯過～自己都鍾意食啲香口食物，再叫多咗個蒜香骨外賣非常之細心，將個盒蓋界開，咁就唔會整濕啲蒜香骨🥰有極多嘅香蒜，香味十足食落去仲好熱辣辣，唔會太多肥膏，仲好爽脆添！配上屋企蒸好嘅白飯，好好食～鍾意食潮州菜嘅得閒過嚟外賣都唔錯😋

得知在打冷界薄有名氣的老字號於將軍澳開了新分店，之前一直未有機會到新蒲崗本店一試，現在終於可以一圓心願餐廳環境乾淨舒適，員工們殷勤有禮招牌菜鹵水鵝片選用潮州獅頭鵝，肉質非常嫩滑，肥瘦相間！鹵水膽從將新蒲崗帶過來，充滿回甘味！還有大愛的芽菜伴碟撚手蒜香排骨新鮮即炸，每件肉厚熱辣辣，蒜香味重又不油膩傳統反沙芋薄薄一層糖霜包裹芋頭外層，外脆酥香，芋香十足自家秘製五花茶清熱、解毒、祛濕樽仔奶茶濃醇厚滑，入口香濃

📍 陳儀興飯店 🦔⸒⸒ 將軍澳至善街9號嘉悅地下2-3號舖佢哋店主打潮州打冷小菜🤍 小編本身都好鍾意食打冷嘢 所以order左幾款返屋企試🥰潮州蠔餅 $85一共有兩大塊蠔餅 幾乎咬落去每一口都係蠔😍嗰邊咬落去有少少脆脆地 可惜因為外賣拎到返屋企之後已經冇咁脆🥺蒜香排骨粒 $98超級多排骨粒😳 咬落去外脆內軟 仲有唔少蒜粒食落去好香濃🥰糯米釀大腸 $98第一次試糯米大腸🤓 咬落去煙靭 食幾舊已經飽了😂花銀花茶 $26飲落去苦苦地 但有清熱解毒嘅功效 食完呢一餐飲番一支就差唔多😎🔖 @chanyeehing.patrick

聽講陳儀興係將軍澳開左分店，抱住搵食心態既為食家，緊係要試下水準啦 同舊店唔同既係佢既新裝修，令人眼前一亮雖然少左懷舊風味，但乾淨既環境令人感覺更舒服同闊落。先黎個黃油凍烏頭，烏頭本身好多油，入口淡淡魚油香，加埋普寧豆醬，令人慾罷不能。蒜香骨採用既係排骨，外面炸到卜卜脆，入而一啲都唔乾身，仲有肉汁，蒜香肉香十足。鹵水鵝片，呢個真係值得一講再講，坊間好多鹵水野都做得好咸，但呢度既鹵水咸味岩岩好，一啲都無搶到鵝本身既鮮味，食落鵝味整濃，淡淡鵝油香，真係一件接住一件。本身係抱住食過舊店再黎試下新店水準有冇走樣水準依然出色，抵讚

十幾年前喺山林道 “潮州名廚” 試過潮州翅同埋滷水鵝肝, 大開眼界, 一試難忘. 從那天起, 鍾意咗潮州菜. 記得幾個月前去老友 “意大利長介” 屋企搞飯局, 佢叫我一齊搭車去攞滷水外賣, 就係新蒲崗 “陳儀興飯店”, “長介” 真係識飲識食. 自此家庭飯局都幫襯過幾次外賣, 主攻滷水鵝片鵝肝. 今日第一次堂食, 將軍澳分店. 點咗潮州蠔餅, 滷水鵝片, 鵝肝, 薑汁炒芥蘭, 普寧炸豆腐, 方魚肉碎粥.🥢 餐廳裝修屬於新派中菜館格局, 以四人方枱為主, 另有四人圓枱及六人圓枱.🌶 特別介紹 “陳儀興” 嘅辣椒油同埋蒜泥醋, 非常出色. 辣椒油香辣惹味, 蒜泥醋配合到滷水菜式. 超讚!🦪 潮州蠔餅. 蠔唔算大隻, 但炸得非常酥脆. 掂!🦢 滷水鵝片. 滷水味道濃郁甘香, 水準一流. 略嫌鵝肉實咗少少, 堂食建議點鵝片. 以外賣半隻鵝計, 新蒲崗總店質素優勝, 贏在鵝件肉質嫩滑.🥰 滷水珍肝. 即係鵝肝併鵝腎. 甘香嘅滷水滲入軟滑嘅鵝肝, 配合得天衣無縫. 入口溶化, 滷水味係口裏面慢慢散發出嚟. 必點之一. 我唔特別鍾意鵝腎, 冇意見.🥬 薑汁炒芥蘭. 部份芥蘭唔夠嫩, 又食唔出薑汁味

以為成日同朋友去新蒲崗做gym，做gym之前會食陳儀興飯店。陳儀興飯店主打潮州菜打冷，最近先知將軍澳都有分店，而屋企人係潮州人，所以今日決定外賣同屋企人分享。今日係第一日有返堂食，餐廳已經座無虛席，收銀後面係一列放左生猛海鮮既水箱。- 避風塘粟米拎到返屋企凍左少少，不過栗米仍然香甜，同時避風塘風味令粟米變得更惹味！- 元朗黃油烏頭魚作為潮洲人凍烏頭係我最愛！陳儀興飯店既烏頭魚肉質清甜唔會太老，黃油令烏頭更加鮮，配上普寧豆醬加添一份鹹香。- 脆盞生炒骨份量好多，至少有十件以上。排骨好掛汁，甜酸味道幾平衡，口感帶少少脆口，肉味亦香濃，不過有少少筋所以帶嚼勁。- 薏米水入面有薏米、龍眼同紅棗等健康食材，不過味道太甜。整體而言，每道菜式好味又大份，父母都讚不絕口！

📍 陳儀興飯店呢間飯店本身係新蒲崗有一間 依家開到將軍澳都有😆夜晚去到見到坐滿晒人 睇餐牌價錢後叫左幾個小菜—魚香茄子黃鱔煲 $118茄子同黃鱔嘅份量都唔少 食落去好入味🌟魚香茄子食落去軟淋 黃鱔會有少少骨同脆口仲有冬菇、芫荽等做配搭脆盞拔絲咕嚕肉 $108咕嚕肉係小編嘅最愛🙈 食落去酸酸甜甜🥰仲有唔少三色椒、菠蘿同埋蜜桃🍑 好快就清哂😋涷食黃油烏頭 $188烏頭嘅份量一條可以兩個人食 食落去又唔會太多骨 肉質都唔會好鞋 鍾意食魚嘅可以試吓！銀花茶 $26飲落去偏苦 但勝在可以清熱解毒 食多多熱氣嘢都唔驚🤣大家有興趣嘅可以碌落下面睇店舖詳細資料✨