陳儀興飯店 (嘉悅)

营业中

休息中

蠔餅潮州舖必嗌小食，大量鴨蛋同埋蠔仔超足料，蠔仔完全唔腥而且份量好多又熱辣辣。加埋佢地既潮州辣椒油一齊食勁惹味，雖然好邪惡但真係好值得食！蒜香骨唔通出面既蒜香骨，佢地炸完仲可以保持肉質鮮嫩，好勁既技術！蒜味濃郁又唔辣，而且一碟份量都好多，超抵食。滷水鵝片又係必嗌菜式，鵝片啖啖肉夠哂味又唔腥，肥瘦適中送飯一流。另外仲有幾片豆腐，索哂味超好食！松茸無花果雪耳雞湯 ＆ 茶機菇杞子圓肉燉烏雞湯兩款燉湯都好足料，湯頭濃郁又唔會過咸，所有精華都係哂燉盅入面，就算放左一陣都仲係熱辣辣。

陳儀興飯店 (嘉悅) (將軍澳).屋企附近呢間潮州野真心推介，不過呢排有啲熱個冷氣唔係好夠涼.▪️茶樹菇烏雞燉湯▪️.一人一盅燉湯，唔好睇佢黑蚊蚊咁其貌不揚，但係真係幾好飲。入面仲有杞子，龍眼肉，烏雞同埋茶樹菇，全部都好有營養價值！. ▪️凍食黃油烏頭▪️.講到食潮洲野嘅話，凍烏頭真係不可或缺！烏頭配綠豆醬，少鹹吊番啲味！.▪️ 潮州蠔餅 ▪️.呢個必食推薦，即炸堂食不失風味，蠔餅酥炸香口，入面嘅蠔仔都幾肥美.▪️沙嗲芥蘭牛肉 ▪️.想叫番個菜食，但到嘅沙嗲牛肉好惹味，菜爽口！.📌 陳儀興飯店 (嘉悅) (將軍澳)將軍澳至善街9號嘉悅地下2-3號舖.環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

週末熱到唔想旭手煲湯，呢個二人餐就啱晒，乾手淨腳嘆個真材實料滋補湯。🥄呢期係茶樹菇杞子圓肉燉烏雞，原盅夠熱材料多，烏雞肉清甜少油，菇菌散發既香氣，配搭明目杞子圓肉甜蜜，飲完有種行氣活血充電既感覺🥢鹵水拼盤潮州菜點少得鹵水野～ 拼盤樣樣有D就唔使諗。每一家鹵水都有自己既秘方，呢度濃得黎甜甜地唔會口乾～ 一碟九拼：墨魚、生腸、紅腸、角切鹵蛋、鵝翼、豬腸、腩片、豬耳拌芽菜薄切墨魚片幾軟身，生腸爽口又掛汁，鵝翼同蛋鹵入晒味。最正係猪腸，肥美爽身軟淋，食埋有軟骨既豬耳，由內到外吸收晒鹵水精華，美味度提升不少。🥢剁椒蒸魚雲嗜辣既老公就讚不絕口呢個蒸魚雲，上檯紅卜卜，魚雲上滿滿剁辣椒蓉同椒籽，未食聞到經已覺得好辣魚雲用料新鮮，一D泥味都冇，椒香徹底渗透入魚頭軟組織之中，香辣中突出魚味既鮮甜度。食幾件咀邊都慢慢有發麻既感覺。要挑戰自己食辣既程度，可以食少少碟底既通紅辣汁粉絲，入口香辣度非常持久。🥄方魚蠔仔粥香辣菜過後，食碗暖胃潮式蠔仔粥。潮州沿岸海產豐富，用海鮮煮粥比起廣東放肉又有明顯地域風味。鮮蠔仔大大隻，口感嫩滑。肉碎、方魚塊加埋芹菜粒香茜，連埋湯飯食，味道香濃鮮甜。

前陣子, 母親大人生日在此晚餐, 當晚是等候多時方可入座. 今天來到這邊, 餐廳竟然可以馬上入座, 於是我倆就在此午餐了. 以涫水淥過餐具, 就要做最重要的事:點菜!     滷水拼盤    上次生日晚飯, 點了滷水鵝片和滷水鵝件, 偏偏嚐不到滷水盤拼, 現在就想要來一份. 一個拼盤有多款滷水美食, 可以解決選擇困難症. 一碟拼盤樣樣皆有, 先點算各種食材.   紅腸, 墨魚, 豬大腸, 豬生腸, 豬腩肉, 豬手, 滷蛋, 鵝掌鵝翼, 大豆芽.   經過點算後, 反而令擺碟更靚.  鵝翼和豬大腸沾蒜蓉白醋是絶配.   個人覺得滷水蛋配這個XO潮州辣椒油更惹味. 而墊底的大豆芽, 一定要獨吞. 除了豆芽吸盡各種食物的精華之外; 亦因為大豆芽有神奇的成份, 美其名曰<青春素>, 總之可以令皮膚靚靚囉!  在滷味&滷水加持下, 慢慢就把白飯消滅!    粟米魚柳  是小米喜歡的SHOW ME YOUR LOVE系列, 都是杰撻撻一PAT PAT, 容易咬的口感. 真身大大碟, 勁多炸魚, 粒粒粟米芡有雞蓉蛋白花. 小米嚐過炸魚柳後, 覺不夠味, 所以另外添加胡椒粉.   最後

新蒲崗記打冷開到嚟將軍澳啦😜👍🏻今日要同大家介紹嘅就係依間打冷老字號—陳儀興飯店，聽朋友講以前係新蒲崗嘅中菜廳，將軍澳居然有一間，而且味道質素都可以keep住咁高😆環境舒服，而且嘢食方便絕對唔馬虎，每一樣到大分夾抵食，仲要好有鑊氣㗎😛首先推介嘅係招牌燉湯我同朋友每人叫咗一碗，一定要飲😚唔同平時街嘅味精湯，依度嘅燉湯落足料，裏面有超級多嘅人蔘、黑雞，絕對係真材實料，所以飲落每一啖都好有鮮味💓另一樣必食嘅就係潮州滷水鵝絕對係一樣潮州嘅特色菜，滷得好入味，味道亦都非常均勻😚 平時食滷水鵝嘅時候好驚有碎骨，依度絕對唔需要擔心，而且每一件嘅肉質都好鮮嫩，好香滑😜✌🏻總括嚟講呢間餐廳嘢食好高質，以後會再嚟✌🏻

陳儀興於新蒲崗開店多年，現已傳到第二代，主賣潮州菜。將軍澳嘉悅是新店，舖面裝飾光鮮整潔。五指毛桃圓肉烏雞瘦肉湯新店有燉湯供應，是日燉湯為五指毛桃圓肉烏雞瘦肉湯，燉湯顏色清澈，帶椰子甜味。五指毛桃健脾補肺，行氣利濕，很適合夏天飲用。鹵水鵝件鹵水食物是打冷的重要元素，是夜叫了鹵水鵝件，鵝件為脾位。鵝皮皮薄，完整無缺，鵝脾肉嫩多汁，鹵水色澤適中，沒有用上鹵水豆腐墊底。凍食黃油烏頭 陳儀興的烏頭用上上等貨色，烏頭肉質厚身緊致，略帶黃油，魚肉一梭梭，鹹味適中，配上鹹中帶甜的普寧豆醬，送飯送粥佳宜。潮州蠔餅 陳儀興的蠔餅有兩大塊，新鮮熱辣，口感鬆化香脆，蠔仔飽滿大粒，濕潤新鮮。蠔餅用上鴨蛋，令蛋味更香更濃。

父親節飯，訂了陳儀興打冷試試。時間都算早，食晚上7:30。點知…….首先，鹵水鵝沽清，鵝片無得食！失望！雖然佢之後有補貨，但為時已晚，我成家人食飽晒了！期間叫其他野食- 鹵水豆腐 （沽清）- 糖醋麵 （沽清）- 反沙芋 （沽清）只想講，想食咩就無咩！講返食物質素，真係麻麻好失望！最唔抵食的係條微型烏頭，見姐姐極力推薦，$188的價錢，但偏細條！淡而無味的蓮藕餅！其他食物味道一般，無甚驚喜！性價比極抵！實在名過於實！唯一可取，正面評語就係樓面夠多人，起碼有10個哥哥姐姐落單，加茶，上菜！上菜速度十分快！

陳儀興飯店，之前喺新蒲崗都食過，好有氣氛嘅打冷店。早幾日去左將軍澳，發現呢度都有一間分店，而且環境更明亮闊落，臨近父親節可以考慮下去呢度造節！店內名物當然係鹵水鵝件（$128）啦！鹵水入味，鵝肉香！有骨鵝肉更入味，配啤酒白飯一流！老火燉湯有兩款，每款$68，火候十足又滋補：潮州蠔餅（$85）好大份！個人覺得夠4-5人share，脆口嘢無人不愛！凍食黃油烏頭（$188）魚肉肥美有黃油，肉質豐厚啖啖肉！

窩夫年初的時候光顧過陳儀興飯店的外賣，印象良好，日前決定以潮州美食慰勞近日工作忙碌的蝦子餅。每次經過陳儀興飯店都被店外的畫吸引，香港還有大牌檔打冷嗎？坐下來不久，店員便送來花生、蒜蓉醋和辣椒油，花生細細粒很香脆，窩夫一邊吃一邊看餐牌。潮州打冷不少得凍蟹、蠔餅和鹵水鵝。窩夫想喝湯，點了兩碗燉湯，先嚐姬松茸無花果雪耳雞湯($68)，雪耳令湯的膠質很重。兩款燉湯相比，窩夫與蝦子餅都比較喜歡茶樹菇杞子圓肉燉烏雞($68)。鹵水鵝片($148)的肉質很軟，夠入味，啖啖肉吃得很滋味，下面有大量大豆芽菜墊底，正好提供這餐所需的纖維。潮州蠔餅($85)新鮮炸起熱辣辣，外脆內軟，不算太油膩，比窩夫上個月在西環某店吃的好吃得多。蠔餅裡的蠔仔很大隻呢。壓軸出場的凍食黃油烏頭($188)也很有水準，烏頭來自元朗，完全沒有泥味，肉質結實，魚味濃，蘸少許普寧豆醬味道更佳。

今日丫媽冇買餸，我就黎左依間買啲打冷小菜。種類繁多，而且店舖都幾乾淨，吾係大排檔個種~滷水拼盤多達10款食物！我比較鍾意每樣食物可能得2件，但種類多啲，我可以試多啲不同食物。包括鹵水鵝、紅腸、鴨掌、豬大腸、鹵水蛋、魷魚、鹵水蛋等！豬大腸入晒味，超正！脆盞生炒骨酸甜的醬汁配排骨，非常甜美又開胃，而且都好多排骨，絕對抵食。仲有黃色的桃，五顏六色的椒，色、香、味俱全。傳統反沙芋經典功夫菜要20分鐘製作時間。薄薄一層糖霜包裹芋頭外層，外脆酥香，芋香十足，潮州菜的一個代表甜品之一，必定要試！

食得日本菜，韓國菜多，今次換口味，來到將軍澳呢間潮州打冷店,係潮州打冷界嘅老字號-陳儀興飯店(將軍澳店)。滷水鵝件選用潮州獅頭鵝，滷水汁香，肉質幾嫰又入味,肥瘦剛剛好,墊底仲有吸晒味嘅大豆芽,夠滋味。香煎蓮藕餅😯，好大件，蓮藕餅外層鬆脆酥香。香口脆鮮魷同樣大大份，外層脆香，內藏爽嫩魷魚肉，口感佳。自家五花茶自家秘製的五花茶 清熱、解毒、祛濕，食完煎炸野清熱好選擇。整體而言，服務好，食物足料，味道不錯。

今日同老公講話約左陳儀興，佢問我乜水，我就同佢講老朋友，佢話邊位黎，我話將軍澳（陳儀興）你都唔識，好出名架（打冷），佢即刻話咁你快d去搵佢，因為佢知我又買好野佢食。依家去將軍澳真係方便，地鐵又快又近，所以好快就去到。依家食打冷已經唔駛大汗疊細汗，可以係一個舒適環境底下食。雖然佢地個環境好好，裝修幾靚，但都唔夠我係屋企食得咁舒服。所以決定買外賣。因為食左好多次，唔駛睇餐牌都知食乜。撚手蒜香排骨：每次黎必食，因為佢地雖然叫排骨，但都好多肉，同埋炸個火喉控制得好好，個炸漿又薄，食落口又唔油，又好入味。魚香茄子黃鱔煲：好少係打冷鋪有依d菜式食，咸咸既魚香配落茄子/黃鱔出奇地夾，茄子過油適中，唔會食落好油淋淋感覺，黃鱔好新鮮同好肥，仲大條過茄子。沙嗲芥蘭牛肉：唔好以為芥蘭牛肉係普通野，就係愈普通愈考技術，芥蘭食落去冇渣，牛肉又唔可以老，沙嗲更加係靈魂，3個配埋簡直絕配，幾個簡單食材配合就唔簡單。總結：每次食打冷都會諗起（陳儀興），佢係我食打冷首選。下次唔外賣堂食仲正。

將軍澳🏯作為發展中既地方，感覺上好似打造另一個元朗咁，變成美食🍲🍚🍘🍣🍤之都。今日就去到一間老字號以前成日食，依家新派經營既潮州打冷菜館🌁（陳儀興），佢地除左保留傳統既味道外，仲會不時將d菜式改良下，適合番大眾化既口味。但好可惜今日老婆👸唔得閒，我要做外賣仔🥷🚴外賣番屋企同老婆👸一齊食。希望仲keep到個味道la。唔講咁多，好快返到屋企，睇下我叫左咩先。💥凍食黃油烏頭🐟：去得潮州打冷食，凍魚🐟係的必食，今日老闆介紹話烏頭🐟靚出晒油，就信佢，叫番條返去試下，咁外賣凍烏頭就唔驚時間問題，一定keep到。講番條烏頭先，真係起晒油👅，同埋做得好好，條魚仲好鮮，又滑，出面真係冇乜打冷店有依種質素。味道：⭐⭐⭐⭐價錢：⭐⭐⭐地點：⭐⭐⭐⭐服務：⭐⭐⭐⭐💥撚手蒜香排骨🐷：雖然外賣，但返到屋企食都仲好脆，好香口，d骨🐷醃得好入味，唔好以為外賣份量會好少，佢地d份量好大，堂食外賣一樣咁足料。味道：⭐⭐⭐⭐⭐價錢：⭐⭐⭐⭐地點：⭐⭐⭐⭐服務：⭐⭐⭐⭐鹵水鵝件🦤：陳儀興嘅鹵水一向出名，咁佢嘅鹵水鵝🦤都係佢地嘅招牌名物，肥瘦適中，而且滷得好入味，價錢又唔貴同埋個份量都好大份。味道：⭐⭐⭐⭐價錢：⭐⭐⭐⭐地點：

Bookmark 咗好耐終於第一次嚟試吓！為咗食呢個生醃膏蟹而來！我真係好鍾意食生冷嘢😆一食落口就覺得好啱我口味，隻蟹好多膏，好鍾意食生蟹嘅口感，我自己就好鍾意呢個汁，好惹味，不過有啲朋友覺得有啲鹹，我就覺得冇問題，飲返多啲啤酒OK😂我係濃味人其他嘢都係一般打冷小菜我覺得都係中規中矩冇乜話好特別好驚人比較好食係椒鹽白飯魚同埋鵝肝同埋鵝片。仲有剁椒魚云都幾好食，不過離我太遠，唔記得影相。😂炸豆腐就麻麻哋，創發嗰個好食好多，呢個就係普通一個無味嘅豆腐。其實我想試吓佢哋嘅蒜香骨好似幾吸引不過朋友話唔想食呢啲小菜我就冇叫🥲😅佢哋好好生意，所以一定要book位,最好預訂隻蟹$588，如果唔係去到可能會冇晒。同埋預咗係會坐到好迫同埋好嘈，大排檔感覺。真係想傾偈就難啲。整體上來講，雖然冇話特別好驚艷，但都算係唔差嘅一間潮州菜。

今日好開心，因為我終於喺屋企附近搵到間高質嘅中式飯店，可以食到好多唔同嘅潮州小菜！由於媽媽唔想堂食，所以就叫外賣返屋企食。潮州蠔餅蠔餅即叫即炸，非常香脆！而且十分足料，每一啖都可以食到蠔仔，$85有兩大塊，性價比甚高！糯米釀大腸呢個係媽媽指定要食，因為整釀大腸工序繁多，一啲都唔容易，所以俾錢買係最好😂！糯米口感煙煙韌韌，而且入面釀了花生🥜，大大提升了口感的層次。避風塘炒蜆呢個炒蜆真係冇得頂！超級多炸蒜，非常香口，而且還可以選擇辣、小辣、走辣，十分貼心！炒蜆冇沙，而且肉質好鮮甜，極之美味！希望日後有機會可以和媽媽到這裏堂食，咁就可以試埋其他唔同嘅潮州小菜！