陳儀興尚潮樓 (英皇道)

营业中

休息中

潮州菜有兩樣必食之選，1是製鹵水鵝，2是凍海鮮。開飯前先來個功夫茶，味濃解膩。護國菜湯是的代表名菜之一，材料非常簡單，是用配以、煨制而成的。味道幾香，有海鮮清甜味。花甲蕃茄酸菜湯，潮州酸菜好香，酸味調中。鹵水三寶，有鵝肝、鵝肉同鵝腸，鹵水味香唔咸。鵝肝軟滑無血腥味。鵝肉有咬口，肉濃唔“梅”。鵝腸晶瑩剔透，爽口彈牙。好味既鹵水一定唔可以過咸但又要有鹵水香，呢個鹵水三寶就可以達到要求，而且價錢又唔算費。凍海鮮我地揀左大眼雞，潮州海鮮通常配上黃豆醬。黃豆香比鼓油香，又唔會影響海鮮既鮮味，但又唔會好咸，好甲味好正!方魚潮州魚丸上湯菜，方魚好似食粥個d柴魚，魚丸爽口彈牙有魚味。

陳儀興尚潮樓🦆 地址: 鰂魚涌英皇道1001號7樓1號舖新蒲崗潮州打冷老字號陳儀興係港島都開咗分店😗我終於去咗試下😗基本上我每次食潮州野都會叫滷水鵝片🦆鵝片滷水入味，鵝肉唔會太肥，肉質唔鞋，鵝片下面仲有豆腐。頭抽煎英䱽🐟我好驚魚腥味，英䱽係一啲腥味都無，魚質嫩滑，頭抽好夾煎魚😋潮式魚丸肉碎煮汕頭白🥬健康啲叫個菜，啲魚丸好大粒彈牙😬胡椒鹹菜鮮豬肚湯🍲超級無敵重胡椒味，飲完個身即刻暖咗，好足料好多豬肚🐖

陳儀興係非常出名嘅潮州菜～ 而且一直都keep到質素，每間分店都有唔少捧場客🔥✨潮洲凍馬友 $398馬友係潮州人必食既魚，成條先醃製後清蒸，非常有鮮味，而值得一讚嘅係上枱前已經起左全條主骨，仲預先切成一件件，非常容易夾，配上少許豆醬，更顯鮮味。✨滷水鵝片 $188例牌鵝片用上滷水豆腐墊底，兩者都滷得好入味，亦唔會太鹹，而且鵝肉切得幾薄，一件一口，大飽口福。✨潮式魚丸肉碎煮汕頭白 $208潮式魚丸口感彈牙，上湯配上津白，更顯菜嘅鮮甜味道～✨胡椒鹹菜鮮豬肚湯 $156 @ 2豬肚洗得好乾淨，亦都煮得好淋～ 入口有陣陣胡椒味，不過唔算好辣😋 配上鹹菜，非常好飲。📍#陳儀興尚潮樓 (英皇道) (鰂魚涌)鰂魚涌英皇道1001號7樓1號舖

🥢最近好想食打冷，又想坐得舒服啲，就同朋輩去左陳儀興尚潮樓，舖頭既裝修偏向古典風🏮🔸招牌鵝三寶打冷點少得滷水，🪿鵝三寶有鵝肉、鵝腸同鵝肝😍滷水好出色，滷水味香唔會過咸，鵝腸脆口，鵝肝又厚又大件，入口即化🤤底下仲有豆腐🔸大眼雞魚飯大眼雞大細適中，預先醃咸左，魚肉白雪雪，除左則邊兩邊，中間既大骨都去左👍🏻咸咸地用黎餸粥岩哂🔸方魚炒芥蘭芥蘭好翠綠，炒得好有鑊氣，唔有苦澀味，仲食到少少酒香，加埋炸香左既大地魚粒，令芥蘭更香😋🔸 二十年老菜脯燉鮮豬肚湯燉湯好香菜脯味，加左少少胡椒粒，🐽豬肚燉好腍，一啲都唔韌，飲落覺得好暖胃🔸 潮州白粥潮州白粥同平時食到既白粥有少少唔同，粥唔係綿密個隻，係食到粒粒既米，軟飽肚🔸功夫茶坐低無耐店員就會送上，🍵茶味香濃回甘

坐低店員先奉上功夫茶開胃苦澀生律 有齊鵝肝 鵝腸 鵝片鵝肝細膩絲滑 無需多餘咀嚼 已溶在口中鵝腸 口感爽 略韌有嚼勁鵝片啖啖肉 夠嫩 點上米醋更惹味潮洲凍馬友魚擺盤非常精美 刀功好肉質夠棉 魚味濃郁油份豐腴甘香可先試原味 再點普寧豆醬更有風味二十年老菜甫燉鮮豬肚湯胡椒鹹菜鮮豬肚湯湯品真材實料 豬肚軟嫩入味湯水濃郁無味精 好滋補的感覺乾貝春菜煲春菜爽脆清甜中和番肉類嘅油膩感我喜歡把乾貝放入潮州白粥同食簡單可口整體來說環境乾淨舒適店員服務親切食物多選擇亦高質素

因為地點就腳，呢間又係新開唔冇幾耐的網紅店，我哋5位舊同事兼好朋友就相約來此聚餐🍻入座揀餸，一如傳聞，呢間陳儀興潮州菜啲價格都幾貴！想試下啲傳統海鮮餸or湯品，但唔係時價就係位上，價格頗剌俐🥲先讚一下餐廳迎客啲鐵觀音功夫茶！甘香潤滑👍，要收費噠，位位@25.-作為精明的美食客，我哋5位睇價揀餸，order了6樣（剔除時價or位計的）1）鵝片 HKD188.- 鵝肉切啲幾薄，滷水味唔重，保留了鵝本身的肉味！但係, 呢度啲鵝片與街坊有質素的潮州鵝相比，並不驚艷！ 同時，餐廳例牌鵝片必定有滷水豆腐墊底，鵝肉量唔多，整體：8/10 分👇🏿2）魚露盡花甲 HKD198.-花甲處理得乾淨，冇沙！賣相唔錯👍，味道中規中矩，也許因為係凍食，我還是鍾意辣炒or清酒煮多啲😅 評分8/10，畢竟有新意.👇🏿3）汕頭煎蠔洛 HKD128.-潮州傳統餸，呢度啲份量好大，蠔餅也厚身. 熱辣辣，其他冇咩特別 ，因為量大，高分啲 8/10 😅 👇🏿4）古法炸粿肉。HKD148.-係用潮州粿粉包住豬肉碎過油炸，真材實料哋豬肉團，好滯！我自己冇食，睇大家也都有啲婉拒，比7/10分啦😂5）方魚炒芥蘭 HK

裝修行古式中國風，牆掛書法，吊上燈籠。茶竟然有菊花，眾所周知唔係處處有。- 排得好靚仲要起哂骨嘅凍魚，油分好夠，超級嫩滑，配埋普寧豆醬無得輸- 有鵝肝鵝腸鵝肉，鵝肝粉粉的完全唔會油膩，鵝腸好甘香，鵝肉亦唔會太乾太老- 好多粒魚丸好彈牙好有魚味，加埋肉碎黃芽白同鮮湯，唔食菜嘅我都好中意- 胡椒好夠辣，越飲越暖身，豬肚又好淋以上餸菜，配上潮州粥同白飯，一流！。服務都好值得讚，話說咁啱落大雨又無帶遮，待應姐姐好細心留意到我哋淋濕晒，即刻俾紙巾同熱茶叫我哋唔好冷親☺️環境有別平時有風味打冷地方，食公事飯或者想坐得舒服啲又想食高質潮州打冷，十分推薦呢間餐廳！

一直都知道陳儀興食打冷好出名，終於係太古個度開左一間分店，當然要去試下啦~我地兩個人去食，分別叫左一個湯三碟餸~一坐低,先來一杯功夫茶~滷水鵝片($188)首先，我地點左滷水鵝片,碟頭充足,鵝片唔會好皮肥,皮下唔會有一大舊肥膏,肉質嫩口,滷汁出色,每一片都好入味,回味無窮~凍大眼雞($398)潮州名菜,大眼雞大大條,配上普寧豆醬,大眼雞肉好鮮甜又結實,好好食呀!胡椒鹹菜鮮豬肚湯($78)食潮州必點既湯,胡椒味唔會太辣口, 鹹菜味道岩岩好,豬肚夠爽口,完美配合厚菇芥菜煲($128)芥菜加上厚花菇,係煲仔度炆煮,上枱時熱辣辣,花菇味煨晒入去芥菜度,真係出街先食到絲苗白飯/潮州白粥($15)咁多餸,一定要叫返飯/白粥送~經典潮州菜令人回味無窮~

話說我係潮州人黎既，所以對於潮州菜都有少少認識。同阿媽食飯好自然都係食中菜多，今次就帶佢去位於鰂魚涌/太古之間既陳儀興尚潮樓食潮州菜~一行到去門口阿姐就好熱情帶我地入座。餐廳裝修都係中式為主，好光猛乾淨。當日坐較入位置冇咁多人，附近有兩大枱人係到聚餐，睇嚟呢度好受啲家庭歡迎。功夫茶一坐低即刻上咗幾杯功夫茶，飲落個味道同我屋企嘅係一模一樣！好回甘。食飯前飲開胃，食完飯飲消滯😂鵝三寶 $298有鵝肉、鵝肝同鵝腸，鵝肉香得黎肥瘦均勻，鵝腸又爽又彈，最好味係鵝肝，口感好綿密，同西式嘅好唔同，呢個完全無油膩感😋凍馬友魚 $398潮州菜經典之一。無加鹽加醋，先蒸熟條魚之後再攤凍。啲魚肉好嫩，加埋普寧豆醬一齊食仲可帶出魚鮮味。不過呢款魚比較多骨，食嘅時候要小心啲啦。潮州魚蛋肉碎煮汕頭白 $208呢個娃娃菜係青綠色嘅，唔係平時食嗰啲黃甘甘。魚蛋好彈牙，份量好多。鹹菜花蛤湯 $78鹹菜胡椒豬肚就食得多啦，鹹菜花蛤都好唔錯。花蛤幾大隻又無沙，碗湯夠鮮。護國菜 $68呢個質地比湯稠少少，飲落係冇味精又好健康嘅感覺，好味。

陳儀興尚潮樓 (英皇道) (鰂魚涌)鰂魚涌英皇道1001號7樓1號舖陳儀興係一個香港老字號，啱啱喺我屋企附近開咗陳儀興尚潮樓，食物混合咗新派同潮菜風格，真係好正啊！我就約咗啲朋友一齊嚟食。1. 頭抽煎鷹倉：呢道鷹倉真係好好味嘅，醬汁有啲甜。鷹倉煎得好酥，啖啖都係鮮嫩多汁，外皮仲有淡淡酒香，好想再食多啲！2. 滷水鵝片：滷水鵝片都好好味，豆腐好滑，鵝肉都好嫩，滷汁都入味，真係好食！3. 潮式魚丸肉碎煮汕頭白：呢個菜真係好特別，魚丸好彈牙，汕頭白同肉碎都吸收咗湯汁嘅鮮味，一齊食真係好開胃啊！4. 20年老菜脯燉豬肚湯：呢道湯真係好香，老菜脯有啲似黑蒜嘅味道，仲有啲黑椒香氣，唔辣又唔膩，豬肚都煮得好軟好滑。好滿足啊！總括嚟講，陳儀興餐廳嘅食物真係好正，每道菜都好好味！佢哋嘅煮法同埋選材都好專業，食物真係好令人垂涎。如果你想試下傳統又有創意嘅香港美食，真係要嚟一試陳儀興餐廳啊！

今日打八號風球，唔洗返工，去咗太古親戚家聚聚，4點幾先落波，睇下夜晚附近有咩食，大家都異口同聲想食潮州菜，上網check原來鰂魚涌英皇道1001號7樓有開左”陳儀興尚潮樓”，馬上打去睇下開唔開先，原來晚市會開，便馬上留位。看看Menu，今次試啲特別嘅餸先，先來一碗二十年老菜脯鮮豬肚湯，湯頭清甜富菜脯香，清潤生津，足料外豬肚也嫩嫩的，好滿足。普寧豆醬煮海魚，店員介紹這是野生海魚，平常比較少會有，也很難買到，用上潮州凍食都會用的普寧醬去調汁煮，豐咸香，魚好嫩滑入味。汕頭煎蠔烙，份量足，蠔有好多，十分肥美，口感豐富，香口不油膩。肚肉苦瓜煲，這個煲也特別，也就是這裡才有，大大片的腩肉，層次分明，爽口嫩腍好吸引，苦瓜亦甘香有特色。下次再來試試其他菜色先。

#老派約會之必要#陳儀興尚潮樓@sheungchiulauqb 對潮州菜的認識不多，今日收工帶屋企人黎太古品嚐呢間好出名的潮州菜，裝修古色古香又典雅, 有些位置以屏風隔開增加私隱度，餐廳全統一用上藍色繪圖餐具。店員先送上潮州功夫茶同咸酸菜，非常開胃消滯🫖👍🏻頭抽鷹䱽魚片 $488六大舊魚屬貴價魚，煎至金黃色咬落厚身又啖啖肉，頭抽令䱽魚提鮮，魚皮又香又脆 入口香脆魚肉仍嫩滑,今晚mvp非你莫屬！🍲潮州魚丸肉碎煮汕頭白$208湯底加咗乾瑤柱同埋肉碎燉煮過，搭配彈滑既魚丸同鮮甜的娃娃菜，輕微汆燙後進入煲中，湯的鮮味好出，但卻抱持了蔬菜的脆度！👍🏻滷水拼盤 $298滷水拼盤真係冇得輸，有大腸、生腸、墨魚、腩肉、元蹄都滷得好入味，爽口好吃，蘸上白醋和辣椒油食，好味🌟二十年老菜脯燉鮮豬肚 $78喝下湯頭十分乾淨清爽，豬肚被燉得好軟，咬下去軟嫩帶有嚼勁，胡椒和菜脯的鮮味十分match!🫶🏻湯羹鹹菜花蛤湯 $78蕃茄同香菜配襯，有埋花蛤湯頭鮮甜，用料十足！📍陳儀興尚潮樓（鰂魚涌）鰂魚涌英皇道1001號7樓1號舖🚇太古站 B 出口步行約4分鐘

喜歡潮洲美食嘅港島區朋友有福了，因為人氣潮式打冷店「陳儀興飯店」旗下餐廳之一嘅「 陳儀興尚潮樓 」喺鰂魚涌有分店，今晚就同屋企人去食飯。環境舒適，裝潢典雅。設置水缸，提供新鮮海鮮。首先送上潮式功夫茶，** 菜位 $15/位 **《 普寧豆醬煮海魚 💲328 》用上一般街市買唔到嘅野生黃花魚，真係特別嫩滑！普寧豆醬小小咸香幾提味～ 《 汕頭煎蠔烙 💲128 》夠熱又十分酥脆，每啖都食到肥美大隻嘅蠔，好鮮甜，但蘸埋魚露仲提味～《 厚菇芥菜煲 💲128 》果然有多件厚身嘅冬菇，芥菜甘甜美味又健康～《 鹹菜花蛤湯 💲78/位 》花蛤大隻無沙，湯底清甜～太飽無嗌甜品，下次再嚟！

店舖是傳統中式裝修，地方闊落光猛，其中一邊有大玻璃窗。有VIP房。職員服務很殷勤，會介紹菜單，推薦吃什麼。上菜的時候又會叫你小心熱，慢慢食之類，好熱情的。我飲20年老菜甫燉豬肚，老菜甫第一次見，真係老到黑色的，味道好醇好清甜。呢個好值得試，少見又好味。朋友的鹹菜花甲湯我沒有試，他說好香芹菜味，材料足，很多花甲和蕃茄。滷水鵝三寶：有滷水鵝片，鵝腸和鵝肝。我很喜歡吃潮式滷水鵝肝，餐牌見到通常都會點。這裏的鵝肝是厚切的，口感好。頭抽鷹倉魚片：好厚肉，用頭抽煎封，好香口，送潮州粥一流。潮州魚丸肉碎煮汕頭白：娃娃菜用上湯浸到好入味，份量好大。所有菜式味道都唔錯，而且服務很好，地方闊落乾淨。食物碟頭頗大，三五知己傾計食飯好去處，如果多啲人可以叫多幾款菜式。 20年老菜甫燉豬肚 $78鹹菜花蛤湯 $78鵝三寶 $298頭抽鷹倉魚片 $488潮州魚丸肉碎煮汕頭白 $208

📍陳儀興尚潮樓 (英皇道) (鰂魚涌)鰂魚涌英皇道1001號7樓1號舖餐廳裝修風格以簡潔大方為主，餐廳內裝飾品簡約而精美，有濃厚文化氣息。服務員親切熱情，係適當時候提供專業建議同貼心的服務。😋普寧豆醬煮海魚(沙錐魚)：以豆醬作為主要調味料，搭配上鮮美沙錐魚，味道濃郁而不膩。😋招牌鵝三寶(鵝肉、鵝肝、鵝腸)：陳儀興尚潮樓的招牌菜之一，經特殊調味同烹調方式燉製而成，味道鮮美豐富，鵝肝滑順口感同鵝肉、鵝腸鮮美口感相得益彰。😋乾貝春菜煲：以乾貝同春菜為主料，湯汁濃郁鮮美，乾貝同春菜則帶有清甜味道，絕對係營養豐富美食之選。🤤護國菜：潮州特色之一，採用葉菜配以草菇、上湯煨製而成，湯汁清甜爽口，是一道非常簡單但不失美味嘅菜品。