陳儀興尚潮樓 (英皇道)

营业中

休息中

今日打八號風球，唔洗返工，去咗太古親戚家聚聚，4點幾先落波，睇下夜晚附近有咩食，大家都異口同聲想食潮州菜，上網check原來鰂魚涌英皇道1001號7樓有開左”陳儀興尚潮樓”，馬上打去睇下開唔開先，原來晚市會開，便馬上留位。看看Menu，今次試啲特別嘅餸先，先來一碗二十年老菜脯鮮豬肚湯，湯頭清甜富菜脯香，清潤生津，足料外豬肚也嫩嫩的，好滿足。普寧豆醬煮海魚，店員介紹這是野生海魚，平常比較少會有，也很難買到，用上潮州凍食都會用的普寧醬去調汁煮，豐咸香，魚好嫩滑入味。汕頭煎蠔烙，份量足，蠔有好多，十分肥美，口感豐富，香口不油膩。肚肉苦瓜煲，這個煲也特別，也就是這裡才有，大大片的腩肉，層次分明，爽口嫩腍好吸引，苦瓜亦甘香有特色。下次再來試試其他菜色先。