陳儀興尚潮樓 (英皇道)

营业中

休息中

陳儀興尚潮樓 (英皇道) (鰂魚涌).頭抽煎英䱽.師傅將䱽魚切成一件件，頭抽紅燘過好入味，肉質好嫩，不過食果時要小心啲碎骨！.汕頭煎蠔烙.蠔餅咁炸得通透，蠔仔都好肥美，如果覺得唔夠味仲可以點魚露食！.方魚炒芥蘭.方魚好似金華火腿咁事前醃製過，硬硬有咬口食落似魚乾，芥蘭好新鮮又爽口.胡椒鹹菜鮮豬肚湯.味道較清甜，非常好飲，豬肚洗得好乾淨而且有咬口.陳儀興尚潮樓 (英皇道) (鰂魚涌)鰂魚涌英皇道1001號7樓1號舖

細細個屋企人成日都帶我去食潮州菜，慢慢自己就愛上。 呢間好多人推介，加上鰂魚涌分店好就腳。 🐟潮洲凍魚是必點的，四個人食，點咗難得食到嘅凍天眼雞，及凍馬友魚。 先蒸熟後攤涼再去骨，魚肉嫩滑鮮味，加上已切件又無骨，食落又方便。點普寧豆醬味道更突出極具代表性的潮洲菜，如滷水、蠔烙、胡椒豬肚湯都不容錯過！🧆鵝三寳滷得好入味，鵝肉鵝肝嫩滑，鵝腸爽脆，下面仲有滷豆腐🦪汕頭煎蠔烙，外層酥脆香口，蠔仔飽滿鮮味🍲胡椒鹹菜鮮豬肚湯，湯底清無咩油，入口微辣暖胃、豬肚爽口，仲有驅風去寒健脾之效🤩另外仲鮮味嘅鹹菜花蛤湯、爽甜方魚炒芥蘭、乾貝春菜煲，及潮州白粥

店名: 陳儀興尚潮樓地址: 鰂魚涌英皇道1001號7樓1號舖太古站B出口，行4分鐘環境: 4.5/5價錢: 4/5味道: 4.5/5夜晚同屋企人想係附近食潮州嘢，一直知道陳儀興有唔同食店，原來係鰂魚涌都有，係食潮州嘢，心血來潮就去左一試🙈潮州凍馬友❤️❤️❤️❤️❤️$398凍馬友好有驚喜，肉鮮甜嫩滑，師傅已經貼心開好兩邊，單食好有魚香，點上醬汁，又係另一番風味😚滷水鵝片❤️❤️❤️❤️❤️$188鵝肉薄切，保留了鵝本身的肉味，入口十分香，充滿油脂香，肉鮮嫩且肥瘦均勻，配飯食一流🤩肚肉苦瓜煲❤️❤️❤️❤️$128苦瓜份量好足，唔會煮得太淋，軟硬度啱啱好，肚肉姐係豬腩肉，炆得十分軟腍，配上苦瓜剛好解除油膩感😛二十年老菜脯燉鮮豬肚湯❤️❤️❤️❤️❤️$78@1位用料上乘，用上20年老菜甫，豬肚都有成3,4舊，入味又夠淋，整體湯入口清甜😙潮州白粥❤️❤️❤️❤️❤️$15粒粒分明，同平時粥店嘅口感不同，更有咬口🥰絲苗白飯❤️❤️❤️❤️$15軟硬適中，配餸食好快食完

陳儀興尚潮樓地址: 鰂魚涌英皇道1001號7樓1號舖放工當時要去happy hour 啦🤣～鵝片🦆$188鵝片外皮細滑，有少少鵝香味🤣，加上底下啲嫩滑滷豆腐😎，都幾入味，不錯。普寧豆醬煮海魚🐠$288冇太多骨，魚肉質幾好幾滑溜幾厚，完全無雪藏味或魚腥味😏，但份量較為少咗啲🤣。厚菇芥菜煲🥬$128厚菇好嫩滑入口滿滿，但芥蘭太淋而且仲有啲苦味😂😂，不安🥲。二十年老菜甫燉鮮豬肚🥣$156豬肚湯鹹香適中，豬肚爽滑又厚身，不錯😈單叢茶🍵$30正常😂但有啲貴。#nicefoodie鰂魚涌—--------------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover  #delicious #breadfast #dinner #lunch #restaurant #eat #phtooftheday #yummy #chef #hk #香港 #香港美食 #美食 #鰂魚涌美食 #打卡  #鰂

老公好中意食潮州打冷，平時都有食開陳儀興，不過食將軍澳分店多d，見佢係港島區開左分店，食完可以順便同老公遊車河❤️ 我地兩個人，入到去服務員比左張圓檯我地，話等我地坐得舒服d，之後即刻奉上功夫茶，味道回甘，飲完好舒服🥢二十年老菜脯燉鮮豬肚湯($156)，湯非常夠熱，有少少胡椒味，當中又飲到少少菜脯味，微辛帶香，豬肚洗得好乾淨，唔韌好滑🥢滷水鵝片($188)，肉質鬆化，配上酸汁，正😋 下面仲有滷水豆腐墊底🥢凍馬友($398)，呢個簡直係食潮州菜必點，本身已經醃製好，鹹度適中，黃豆醬就因個人喜好添加，我自己就覺得加左黃豆醬就太鹹，同埋切好一件件，岩曬我d懶人🥢干貝春菜煲($128)，雖然我唔知春菜係咩菜，但係睇相都見到，勁多乾瑤柱，個菜好好味，我本身中意食腍菜，所以覺得好正🥢功夫茶

放工同朋友去鰂魚涌附近食飯，揀咗呢間專門食正宗潮州菜嘅餐廳。座位有一個個屏風擋住，有隱私度，方便同朋友坐低一路食一路傾偈。餐廳裝橫古風。牆上面有書法可以欣賞。一嚟到佢哋就放上功夫茶。呢一隻茶叫做單欉，味道一開始有少少苦澀，但飲落去之後就會回甘。功能係消滯。頭抽煎英䱽 $488一份有六件，味道好香脆，煎得好入味。潮式魚丸肉碎煮汕頭白 $208鍾意呢度餸菜，好多蔬菜，魚蛋幾彈魚蛋幾彈牙！肉碎同蔬菜煮得味道搭配幾好，健康之選。招牌鵝三寶 $298由鵝肝、鵝腸，仲有鵝片。咁又香滑肥美嘅鵝肝、香軟好食嘅鵝腸，到啖啖肉嘅鵝片，好食之餘又滿足左一次食到三種唔同部位嘅願望！而且賣相都唔錯！二十年老菜脯燉鮮猪肚湯 $78 （一碗）呢一個湯，要趁熱飲，胡椒味好濃，菜脯融入咗湯入邊，豬肚煮得柔軟，幾好食！食潮州菜，當然要食埋白飯同埋白粥啦！食完飯之後，佢哋再次送上功夫茶🫖，幫助消化！

前幾日屋企人話想食潮州嘢，但想坐得舒服啲，我就帶咗佢去陳儀興尚潮樓🫢裝修幾中式古典feel，位子闊落，坐得幾舒服💕☕功夫茶 3.5/5當店員將沖好嘅功夫茶上枱，即刻俾佢嘅香氣吸引咗🤩呢杯茶清新芳香，入口之後口感滑順，帶有微微嘅甘甜，配埋香脆花生令我食慾大增💕🌻菊花茶 3.5/5店員話要焗一陣先倒出嚟🤣菊花味濃飲落清甜，好開胃😍🪿滷水鵝片 ($188) 4/5鵝肉切片均勻同薄，入口即溶，肉質鮮嫩✨滷水汁香濃，帶有微微嘅五香味道，同鵝肉嘅鮮美相得益彰🥰沾上辣椒油多左種惹味～出色！😎🐟普寧豆醬煮海魚 ($288) 4/5海魚好新鮮！有兩條～每一啖魚肉都鮮嫩多汁💦豆醬嘅味道獨特而濃郁，與魚肉完美結合，帶嚟豐富嘅層次感🤤🍄🥬厚菇芥菜煲 ($128) 3.5/5上菜仲滾緊🤣湯煲以厚菇同芥菜為主，湯底清澈，滋味濃郁✨厚菇嘅口感鮮嫩，芥菜嘅清爽同湯汁互相融合～係一種獨特嘅風味✨🐷二十年老菜脯燉鮮豬肚湯 ($78) 4/5老菜脯經過長時間嘅燉煮，入哂味💕口感鮮美～配上新鮮嘅豬肚，口感爽脆，而且令湯汁更加濃郁～💕餐廳嘅潮式菜色好味，而且口感獨特，帶長輩嚟食絕對唔失禮🥰

陳儀興尚潮樓 餐廳裝修好有中國文化色彩。有屏風相隔。入座後先送上潮州功夫茶品嘗一吓。先聞其香，茶味甘醇，飲落好回甘既感覺。好茶。二十年老菜脯燉鮮豬肚湯嘩好大塊豬肚，個湯夠哂火喉又多料。飲落好清甜，豬肚又爽又滑。招牌鵝三寶有滷水鵝件、鵝腸同鵝肝，底層仲有滷水豆腐。鵝件肉質嫩滑，滷水好入。鵝腸爽滑乾淨。鵝肝入口即化，口感綿綿。普寧豆醬煮黃花魚黃花魚鮮味軟滑，夾埋啲普寧豆醬同蔥一齊好好食😋。方魚炒芥蘭芥蘭鮮嫩爽口啲方魚仲可以用嚟送潮州粥😋潮州粥食埋都差唔多飽

一直覺得食「潮州打冷」既環境大多數都係大排檔，估唔到竟然可以喺鰂魚涌商廈入邊有間環境乾淨舒適，又唔係太嘈雜既地方品嚐到正宗打冷，兩至三人既話可以住長方形枱，一家大細就有大圓枱，中國風既裝修特別有feel。而且今次仲要喺太子一間打冷非常出名既姊妹店。貫徹中國風特色，呢度嘅茶具仲印有墨水風景畫，今次點左：1. 凍馬友2. 招牌鵝三寶3. 方魚炒介蘭4. 20年老菜脯燉鮮豬肚湯魚肉厚身，肉質鮮嫩，而且非常貼心，切成四方形小塊，方便大家分食，唔會夾到散哂咁肉酸，另外配以黃色嘅豆醬，鹹味提升左魚肉鮮味。三寶有鵝肉、鵝腸、鵝肝，鵝肉好入味，肉質夠實又唔鞋口，鵝腸每條有手掌咁長，夠滑又好爽。炒介蘭好驚喜，爽脆口感，食落去完全冇苦味，食到好新鮮既味道豬肚湯好清，無乜雜質，但係豬肚湯鹹香味十足，每碗都有兩至三件豬肚，乾淨冇腥味。另外想提嘅係餐廳好貼心，準備咗功夫茶，姐姐話用嚟解油膩。

估唔到相隔一星期，又回到太古食飯，今次選了同一幢大廈的陳儀興尚潮樓食晚飯！陳儀興已經有幾間分店，對佢嘅出品一直都好滿意。因為都係二人小聚，所以點得不多。坐低先送上了功夫茶，清一清味蕾。20年老菜甫燉鮮豬肚我想飲的湯，望落好清，但味道好濃，豬肚唔乾好好食！咸菜花甲湯花甲好鮮味，配番茄、咸菜的配搭好清新，咸咸地又酸酸地，好開胃。滷水鵝片件件都厚肉又肥美，好有鵝味，點少許醋已經好好味。底下的滷水豆腐都唔可以錯過！凍大眼雞擺盤好精美，原條去骨切開一塊塊，好方便。肉質結實有彈性，咸鮮味好突出，再點上豆瓣醬，送飯和白粥都一流！乾貝春菜煲份量好多，菜夠嫩，加上滿滿的乾貝絲鋪面，簡單又好食，個菜湯都好飲！清心丸綠豆爽福果甜芋泥足料的兩碗糖水，尤其鍾意其熱辣辣。清心丸煙韌，芋泥細緻幼滑，好好食！

去開鰂魚涌，諗住搵間中菜，於是見到呢間陳儀興尚潮樓有咁多好評，所以就嚟試下晚餐兩個人食潮州嘢真係好難叫餸，今晚叫咗凍花甲，超級肥美，醃料嚟講有好重嘅羅勒味，唔會太鹹，好味再叫咗一個護國菜，初初以為係上湯煮番薯葉，點知原來佢係打咗獻，好似一個湯羹嘅質地，上面有啲金華火腿絲，味道係好嘅，不過我覺得稍稍有點鹹咗少少另外再叫咗一個糯米釀雞翼，冇諗過佢係會有用炸漿炸，呢個比較油，另外糯米飯又好重酒味，同我所期望嘅糯米釀雞翼味道有少少距離，可能呢個係潮州版本，不過我比較鍾意港式版本嘅糯米飯普寧豆腐係菜單上面寫明每日由普寧新鮮直送到港，豆香味好重，一定要趁熱食，另外佢同出面嘅普寧豆腐有啲唔同，佢唔係點鹽水，佢係點一碟綠色嘅嘢，其實點咗我都唔知係乜嘢，不過就係鹹鹹地，最後當然係唔少得我每次食潮州菜都一定要食嘅芋泥啦！

陳儀興飯店 (嘉悅) (將軍澳).唔同分店，唔同廚房做出黎味道都有分別今次呢間多左好多菜式我係無食過.▪️潮洲凍馬友▪️.馬友本身就醃製過偏鹹，佢有跟普寧黃豆醬但個人覺得已經好鹹可以唔洗沾配埋潮洲白粥啱啱好！.▪️滷水鵝片▪️.食潮州菜必叫滷水鵝片！配酸甜汁，下面有滷水豆腐墊底！.▪️潮式魚丸肉碎煮汕頭白 ▪️.津白湯再配上魚蛋，魚蛋有八粒，粒粒彈牙！津白索湯汁，好食！.▪️ 護國菜 ▪️.就咁聽個名真係唔知係咩菜式，一上枱係碧綠色嘅湯，原來係有故事嘅湯由蕃薯苗打成汁，係有淡淡蕃薯苗味但唔濃郁，配埋乾瑤柱一齊飲，係好特別嘅菜式！.📌 陳儀興尚潮樓 (英皇道) (鰂魚涌)鰂魚涌英皇道1001號7樓1號舖.環境：⭐️⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️

✿╮❤╭✿✿雜感女生   好味日記✿˚*•✰。陳儀興尚潮樓．正宗潮州滋味。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤朋友好中意食潮州菜今次就去到她公司附近的潮州菜館 說起陳儀興尚潮樓很多愛吃潮州菜的人都推介這裡地點方便易搵特別多一家大小一起到此開飯的幸好我們也預訂了桌子所以入內就有安排 先來功夫茶我喜歡這種微甘的滋味似人生，一定有回甘花生米是潮州人飲茶也會吃上幾粒的配菜 乾貝春菜煲翠翠綠綠的入口帶甘香，清爽好飲春菜好吃，乾貝絲又添加了海洋的香氣所以飲起來非常舒服  鵝三寶這個三寶好正，包括鵝肉、鵝腸、鵝肝以豆腐做基底滷水入味好香鵝腸非常爽口鵝肉極有彈性鵝肝香滑軟身最正一定係鵝肝是白飯的誘惑朋友   普寧豆醬煮野生黃魚野生的口感非常鮮香彈牙的肉質香滑好吃以普寧豆醬加魚汁送飯好正架！  鹹菜花蛤湯花蛤巨大，肉質鮮甜鹹菜的香氣令湯非常好飲咬入口好好食所以，既飲得，又食得此湯非常推薦！ 人間煙火氣，最撫凡人心潮州菜中的功夫茶既清醒又撫順或許是人生的一種慰藉 

同好朋友試咗呢一間位於鰂魚涌嘅潮州菜館，好耐未嚟過鰂魚涌，估唔到而家開咗好多新開嘅餐廳，我哋一於就走咗去樓上鋪試吓！餐廳好靚 環境舒適 每一張枱劃分晒 間隔分明 十分有私隱度 咁耐冇食潮州菜 一於叫啲特色潮州菜食下先！🥰首先要咗每人一人一碗熱湯胡椒鹹菜線豬肚湯本人其實唔係咁鍾意胡椒嗰種辛辣度，但係佢又落得恰到好處 令我唔鍾意胡椒嘅人都覺得幾好飲 👍少少辣之餘又令到更加暖肚20年老菜脯燉鮮豬肚湯呢個真係飲得出好鮮甜 ～菜脯嘅清香 飲落去好舒服❤️凍大眼雞 🐟呢個係潮州菜必食嘅凍魚！已經起晒肉 方便進食 魚肉分明 好鮮嫩 鵝三寶 分別有鵝肉、鵝腸同鵝肝 鵝腸非常之爽口彈牙鵝肝估唔到咁好食 非常肥美 配上啲滷水汁 仲有啲豆腐係底🥰潮州魚丸肉碎煮汕頭白🥬食咗咁多肉 係時候要返啲青菜 魚丸大大粒 魚香味十足 配上煮得淋身既汕頭白 再加上肉碎調味 健康又有益 🫶食完之後再飲功夫茶，去去油膩，又係一個開心嘅晚上🫰

爸爸最鍾意食潮洲菜，今日生日就book左位於鰂魚涌（陳儀興尚潮樓）食返餐正宗潮州菜。餐牌上的菜式樣樣都好吸引👍普寧豆醬煮海魚普寧豆醬是一種具有濃郁口味的調味醬，搭配煮海魚非常美味。豆醬的鹹香味能夠增添魚肉的鮮美，魚的肉質亦都好鮮嫩。滷水鵝片鵝片切得好薄，每一片入口充滿滷水的鹹鹹香香味道，豆腐亦都好滑好入味，配上白飯一流。潮式魚丸肉碎煮汕頭白菜魚丸是潮洲特色小吃，以新鮮魚肉製成的魚丸具有彈性和鮮嫩口感。搭配肉碎和汕頭白菜味道好夾好好食😋白菜煮得夠淋帶有清爽口感。鹹菜花蛤湯鹹菜和花蛤加入湯中能夠釋放出濃郁的海鮮風味。鹹菜的鹹香令人食唔停口，花蛤大大粒好肥美，湯的口感清爽可口。最後食埋一碗潮州白粥，呢一餐好滿足！