辣度餐廳 (已結業)

朋友知道我鍾意食辣，專程book左荃灣新開的「辣度餐廳」比我試下，呢個天氣打邊爐冇得輸呀！鴛鴦鍋：重慶麻辣鍋、濃湯豬骨鍋 $78+$20個人喜歡呢辣，所以較喜歡麻辣那一邊！好滋味！鳳城水餃、鮮蝦雲吞（雙拼） ＄35包得飽滿又結實，可惜份量少了一點。韭菜豬肉餃、白菜豬肉餃（雙拼）＄38雪花肥牛片＄98牛肉略瘦，但牛味很重，不建議淥太耐。羊肉片＄58不會太羶，連我不太吃羊的也能接受。黑椒牛丸＄33、四寶丸$38黑椒味夠突出，好吃！手製墨魚滑＄48墨魚滑彈牙美味，也很推薦。薯粉＄22薯粉是透明的、凹凹凸凸的那種，要淥久一點，否則過韌咬不斷。墨魚滑老油條＄50不會太油膩，點醬汁吃份外滋味。可樂$10，Somersby蘋果酒$25

前幾日開始涼涼地，係時侯打邊爐喇，今次去試下呢間主打辣既邊爐餐廳，有少少唔同既係呢度用左青花椒黎做辣味湯底。大大個辣椒係店入面做裝飾，究竟你可以食幾辣呢？座位同座位都隔得幾開，唔會坐得好辛苦，同隔離台既人都會有番啲空間。當然有打邊爐必用既配料，我一定係要多蒜多蔥花，溝埋豉油同麻油就更加香喇！好鍾意呢個設計，可以三個放埋一齊轉下轉下，咁就超級方便。第一次食所以唔知究竟有幾辣，辣度總共有三度，先試下一度辣既青花椒麻辣鍋($78)，唔似平時麻辣有層油係面，反而用左好多青花椒黎煲，一黎已經聞到陣麻辣味。要食辣野一定要點啲索辣味既配料，《冬瓜片》($22)一黎就先放入去慢慢滾，整到超淋索哂啲辣味再食簡直一流，冬瓜超淋超入味。打邊爐點少得叫菜，《娃娃菜》($28)真係要早少少放，如果太遲放會索左好多油，但係呢個真係超吸味，最後放左落去真係辣左好多。《炸午餐肉》($28)，炸起更香口，就咁食都超好味，點埋麻辣湯就更入味。邊爐對我呢個食肉獸黎講，點可以唔叫牛呀，《雪花肥牛片》($98)，啲紋夠哂靚，淥一淥就食得，肉味幾濃就咁食都好夠味。仲有必叫既《響玲卷》($38)，即炸夠哂脆，可以點沙律醬都可以浸哂

經過荃灣廣場附近發現新既火鍋餐廳，呢排天氣轉涼左，又一大藉口打邊爐了鍾意呢類型既小店打邊爐，裝修簡單順眼，坐得舒服之餘服務亦好其實今次想試佢嘅麻辣湯底，但朋友驚太辣會胃痛，最後選擇左豬骨濃湯底，材料有兩大件豬骨，少量白蘿蔔同粟米，粟米同白蘿蔔都好甜，最後都俾我地KO曬串串生蝦超級抵食，$68，新鮮蝦肉爽甜，永遠係打邊爐既必食之選廣島蠔（$88）都係另一推介，雖然係雪藏貨，但食落有鮮甜既蠔味，岩曬我地蓮藕片煮耐啲可以吸收曬湯既精華，爽口鮮甜，配埋店內特製既炒辣椒，無敵埋單時仲有8折，實在驚喜，下次一定要試佢既麻辣湯底呢

中午去食飯, 經過有間餐廳名幾特別,入去試下.點了一個豬扒飯, 普通菜式, 但整得好好味.豬扒薄身, 咬口十足, 煎功一流. 配搭秘製香草醬汁, 足可將味道繞上三日. 

呢間餐廳最特別既係平日中午係做普通餐廳叫野食,姐係飯麵等既餐,但到左晚上就變左火鍋店湯底係豬骨湯, 味道唔算濃,清清甜甜的,玉米係佢一開始加入去, 我諗目的係為左整甜小小個湯底.雪花肥牛質素還好, 有小小彈牙感覺,份量都算多, 價錢不貴, 幾十蚊左右一碟,整體菜單都係幾十蚊 , 所以算係偏平既火鍋店黎,芝心丸係白色普通平常見到個D,所以就唔多講啦,涼茶反而不錯, 因為打邊爐其實會上火, 配涼茶飲係正確的, 涼茶不會過甜, 帶小小苦係最好飲,加得太甜反而不健康, 涼茶本來就要帶小小甘苦味先好飲.整體而言, 餐廳以平為主, 大部分菜式都係20-40蚊一碟, 不算貴,不過不失~

一般嚟荃灣西食飯我都係喺荃灣廣場入面啲餐廳或者正出面嗰條街食，但係今日因為去隔離條街啲寵物鋪買嘢，見倒呢間應該開咗唔係好耐既辣度，就同男朋友入去試下～入面Ｄ裝修對比起一般邊爐店佢都算幾靚～打邊爐最重要就係個醬！我好鍾意佢有埋麻油～至於食物。。。佢Ｄ嘢食唔算特別便，不過睇得出啲料都幾靚～我地叫左水果湯底（哈密瓜），聽落去有Ｄ伏。。。不過食落個湯底好清甜，感覺幾ＦＲＥＳＨ咁，有Ｄ似蕃茄湯底咁樣食落都幾開胃。美國肥牛肥瘦既比例岩岩好：水土魷魚呢隻魷魚烚得耐Ｄ會好食Ｄ～～魚皮～佢呢隻魚皮好似薯片咁薄咁脆。當零食食其實好食。但係我打邊爐鍾意Ｄ魚皮厚少少，將佢淥到一半淋一半脆有交錯既口感就最正～不過呢隻魚皮就難Ｄ做到。。。浸Ｄ腐皮落湯底到，一咬就必哂Ｄ湯出黎好正

第一次食，見星期六下午客人不多便入內試，餐牌亦有很多lunch set menu..價錢亦相宜！試了豬扒意粉及司華力腸飯，佢地個醬汁好好味，好特別，另外意粉值得嗌，因為係即炒，好味！

Happy Friday當然要食好D，這天突然很想打邊爐，於是與男友來到在荃灣區的火鍋專門店『辣度餐廳』試試看～晚上8點來到，小小的餐廳內接近滿座，剛好還有一枱靠門口的2人座位，立即坐下來看餐牌。點餐紙上有很多不同類型火鍋食材，另外還有小食和甜品，以小店來說款式算很多。開爐前先點了一個小食--「涼拌青瓜」，青瓜爽脆，醬汁有著濃濃的香蒜味，既惹味又開胃，是十分抵食的頭盤～不太吃得辣的我點了濃湯豬骨鍋作為湯底，大大鍋湯裡有兩大件豬骨，還有很多栗米和白蘿蔔，非常足料！試了幾啖湯，豬骨味濃而帶清甜，飲得出是花了長時間煲出來，很有愛心住家湯的感覺～打邊爐當然必吃肥牛，我們點了第二貴的「雪花肥牛片」，$98一大碟，個人覺得是超值喇！肥牛片的雪花紋路清晰，口感軟綿，牛味濃厚，就算不小心放在湯中太久也不會變過硬，性價比很高呢。「四寶丸」包括貢丸、牛丸、墨魚丸和魚蛋各兩粒，全都大大粒，四款各有特色，而小女子最愛魚蛋，特別彈牙的，跟平時吃到的口感很不一樣。「脆鯇魚片」是男友的最愛！雖然一碟只有幾片，但又爽口又彈牙，十分新鮮，是愛魚之人必點之選。不想思考點什麼菜就最好點「什菜盆」，裡面有通菜、唐生菜和娃娃菜

上次黎過呢間辣度餐廳，食物質素同服務都幾好，所以今次帶埋屋企人黎食，多啲人打邊爐食得多款啲嘛！前菜除咗上次食過嘅燒牛舌同泡椒雞翼，我地仲叫咗燒墨魚筒。牛舌同雞翼維持一貫水準。食得出燒墨魚筒係新鮮咩，而且係爽口彈牙，但係話明係燒，佢得燒汁味，墨魚洞似浸熟。唔係唔好食，只係唔係燒。今次都係嗌豬骨鍋，因為最鍾意佢個個濃湯，飲一啖先開始打邊爐。先上嘅係響玲，岩岩炸起，仲配沙律醬，佢話可以就咁食。不過比起坊間嘅真係油咗啲，我最後都係要浸一浸湯，去一去油。家人話想食魚膘，未食過，即管試下！影完相，侍應幫手剪開。呢度嘅魚膘係係有兩層，店主話係新鮮同外面唔同。魚膘口感似花膠加尤魚，鮮味而彈牙，但又無花膠滑潺潺嘅感覺。墨魚滑都新鮮，我鍾意佢入面有啲墨魚肉一粒粒，有野咬下。上次都有食鯇魚腩，今次都有。佢比超市自己買嗰啲更爽脆。我喜歡佢嘅雲呑。坊間嘅雲呑會放好多好多蝦入去，但令我覺得我似食緊蝦鮫多過雲呑。但呢度嘅雲呑，係有少少豬肉，連埋粒蝦，先又有肉味，又有鮮蝦味。好喜歡呢度嘅牛根丸，好彈牙，同有肉汁，唔係勁硬嘅冰鮮肉丸。呢度嘅廚房安排得好細心，因為佢地將娃娃菜一片一片嘅處理洗好，唔似得其他酒樓嘅切咗一棵棵

9月1開學大日子梗系要同男朋友賀一賀佢啦！始終放左咁耐假，悶左咁耐！決定黎挑戰下辣度火鍋餐廳！我地入到餐廳，唔算好多人，又有得座四人枱，好舒服喔！夠曬位俾我地擺野！！！安置好一切之後，個侍應攞左啲醬料過黎，我地極度老實不客氣咁筆啲蒜，太愛蒜了！我地揀左重慶麻辣湯底，之後揀左蝦雲吞，脆肉鲩，肥牛，芝士丸，烏冬，金菇，墨魚滑，菜等等材料。最愛嘅梗系脆肉鲩，肥牛同墨魚滑！我中意食魚，所以脆肉鲩必點！而且佢好有咬口！而肥牛應該系所有人打邊爐必揀嫁啦！呢度啲肥牛真係好正！我覺得真係好高質！而墨魚滑都係我嘅最愛，所以唔可以唔揀！而且我同男朋友都好中意玩筆啲墨魚滑落去個湯底個下！好搞笑啊！其他，好似芝士丸啊，蝦雲吞啊，烏冬啊，金菇啊個啲就正正常常啦！我覺得都ok嘅！另外，個湯底系真系又麻又辣嫁，唔系講笑。我食到變孖潤腸，俾男朋友系咁笑！下次都想試下個水果湯底！好似幾清新埋單四百零蚊，ok啦！其實仲有其他野食嘅，但我地冇帶咁多錢出黎，因為仲有加一，驚唔夠錢haha！

對於鐘意食辣嘅我，之前一聽到呢間餐廳名，已經好想去潮拜下，因為覺得呢間餐廳就好似我嘅知音。去之前冇做定資料搜集，去到先知係專做打邊爐嘅餐廳。舖頭座位唔算多，所以係出面凳仔坐住等左15分鐘左右先入得去。等嘅時候，我哋睇吓有咩食先，發現都幾豐富，有好多平時見到嘅打邊爐配料或者一啲海鮮類，亦有好多不知名的東東，可以一試。例如千層凍豆腐餐廳都有好多辣椒嘅佈置，一睇就知係食辣嘅餐廳，不過唔食辣嘅朋友都唔緊要，呢度有一個水果湯底，聽講甜甜地幾清新架！終於可以入去啦，已經好肚餓，所以即刻點左一個青花椒辣湯底，選擇呢個湯底嘅原因係因為平時出面比較難食到，雖然聽職員介紹重慶麻辣湯底係比較辣，但係辣嘅同時會比較多油，而呢一個青花椒湯底就比較冇咁油膩，同埋比較香，適合愛健康又想食辣嘅你。坐下坐下都好舒服等佢煲緊嘅時候，就快快手手睇吓食食乜嘢配料好啦。通常呢我都係去開任食火鍋多，而呢度係每碟計嘅。餐單上樣樣都分好類，可以按照你自己嘅喜好去揀選食邊啲。食咗少少嘅時候，餐廳職員過來問我地夠唔夠辣，我哋如實回答覺得好似唔係好夠，佢哋即刻炒左啲辣椒俾我哋，好有心。我地叫左以下呢d配料，發現配料都好有質素！肥牛呢度嘅肥

荃灣地膽約我去這間辣度餐廳，我一心是想著是吃辣的，完全沒想到是火鍋店。餐廳的設計滿有特色，座位之間的距離算足夠，環境亦算不錯，乾淨企理。餐單上除了火鍋料，也有些熟食和甜品的選擇。燒牛舌 $32這份牛舌燒得不錯，牛味很重，口感不會燒到太乾太硬，配合酸酸甜甜的秘製醬汁，味道更突出。這裡有簡單的調味料，個人覺得這裡的麻油很香。濃湯豬骨鍋 $78我是沒有想到朋友要我來吃豬骨湯底而非辣味湯底，不過這個豬骨湯底味道不錯，鹹淡剛好又不會有味精湯的感覺，湯底裡的粟米亦很鮮甜。即炸響鈴卷 $38上桌時是剛炸起的，熱騰騰極鬆脆，不浸軟真接點沙律醬已經非常好吃，浸軟吃吸收了香濃的豬骨湯也是另有一番風味。強烈推薦大家點這個！魷魚鬚 $48新鮮魷魚鬚，只要沒滾過火，就當然無是鮮味又爽口啦。韮菜豬肉餃 $38餃子算是大隻，皮不算薄但也不厚，餡料紮實飽滿，韮菜比重較豬肉多，入口很香，調味剛好。午餐肉 $28午餐肉不是得油膩或滾多一會便散開的那種，味道也不會太鹹。芝士腸 $28皮夠脆，一咬開中間會爆芝士。土豆片 $28這一份也不算少，真心覺得土豆片是吃火鍋不錯的選擇，因為吸收了湯裡的精華的土豆片是特別好味。唐生菜 $

有位好友介紹話這裡有特式麻辣鍋，就和老婆一起去試。見到有個青花椒麻辣鍋($78)，好似同重慶麻辣鍋好唔同，抱住試新野的心態，要了一個試試。呢個鍋同重慶麻辣鍋最大分別，係無紅椒油在鍋面，成個鍋面都係京蔥和蔥。上檯時已經嗅到一股麻辣味，湯㡳有大量蒜頭、花椒、京蔥、青椒、花椒油，我覺得又香又椒又麻，好好味。😋😋😋茶芥/醬油每位$8，芫荽、蔥粒、蒜蓉。我們點了脆肉鯇魚腩$48，都算新鮮有魚味。墨魚滑$48，咬到墨魚粒，有墨魚味。雞件$52，冰鮮雞，雞味一般。由於今晚個湯底好和味，所以要了豬皮$38、冬瓜件$22、千層豆腐$28、烏冬$28、薯粉$22，來吸收辣汁，這些都好好味。而且仲要了兩支朝日啤酒$28，今晚算是飲飽食醉了。

成日落雨，但個人都blue blue地今日專程走入荃灣搵野食!喺荃灣西附近見到一間打邊爐既餐廳覺得幾特別就走左入去試同一般火鍋店好唔同，打邊爐用西式餐廳既裝修都係第一次見!仲播住輕輕既音樂，成個人感覺好輕鬆茶芥少不了，火鍋豉油，麻油，蒜泥，莞茜，蔥。有三種湯底，但有一款未係火鍋店見過!就係青花椒麻辣湯!青花椒應該係紅黃椒既同料?應該唔會好辣，未試過緊係要試下!因為第一次試揀左小辣湯底一上唔多覺有青椒，原來青花椒係花椒既一種，唔係平時食開既青椒，但湯底煮起有陣陣既青椒香甜味原本想叫白蘿蔔，個成日食，所以轉下口味要冬瓜。冬瓜好嫩身，煮一陣就又腍又入味，吸湯唔錯!微微既麻辣加上大蔥同花椒，十分甜!趁未落肉湯底仲未太油，先食啲菜墊下肚!我發覺青花椒湯底好適合煮蔬菜，唔知係食材新鮮定係湯底關係，啲瓜菜食起黎特別甜魚皮餃幾彈牙，貨源靚呀脆肉脘一般般，因為脆肉脘本身以脆為主，魚味偏淡，而且都比較多骨，早知要魚腩雪花肥牛好好味雖然網紋唔係話太靚(即係無咁肥)，但入口都好滑因為較薄身，涮左5秒左右，微粉紅就食了，肉質好嫩呢個生熟程度岩岩好，試過涮到無微紅，已經變韌了5秒夠哂數!即炸響鈴!!真係新鮮炸，入

海鹽牛扒配薯菜 ($62)檸汁鯖魚配即炒意粉 ($52)👆🏻Lunch set包水果南瓜湯/西式濃雞湯加$3還有一杯自家製涼茶⋯份量很多，不論男女友人都捧著肚子離開🤰🏻牛扒雖然有點薄但夠大份，肉質不錯，如煎得再生一點會更鮮。薯條很足料很脆！魚煎得香口，但本身鯖魚很多骨，吃的時候要小心！炒意粉味道不錯，但偏油！最值得留意是小店的特製辣汁，少少辣但很濃的蒜味，無論配牛扒或鯖魚都很適合。⋯很有誠意的餐廳，已經想定下次試哪個了💁🏻據知餐廳晚上是火鍋店，也許都不錯。