辣度餐廳 (已結業)

今日去探朋友 距住荃灣西附近 夜晚我地準備去食飯 見到有人推薦'辣度餐廳'食火鍋 甘啱我地都想食辣野 於是乎就一齊入左去 第一眼已經覺得間餐廳好乾淨 而且我地食飯果個時間無咩人所以唔使等位 服務員安排左我地坐卡位 幾闊落坐得好舒服 我地一坐低 就比左兩杯水同餐牌 幾細心 👍🏻我地叫左重慶麻辣鍋小辣食唔到辣既朋友可以選擇清新水果鍋應該都係唔錯既選擇餐具都好別緻 另外都有幾款調味料用瓶子裝住 好乾淨 等左一陣 個火鍋就上黎 一見到有d嚇親原來小辣都好多辣椒 我地驚會好辣所以一早就撈起左一啲辣椒😂 鍾意食辣既朋友可以唔使甘做隔多一陣 d野食都陸續上齊 上菜速度好快！重點係感覺好新鮮 而且每一樣菜都用唔同花款既碟裝住 好靚😍叫左蘋果酒兩個人飲 但後尾太辣 所以叫多支雪碧 我地太渣啦😂 講下d野食先，我第一次食脆鯇魚片感覺好得意脆既 口感唔錯 仲好快熟 可以一試 d娃娃菜索曬d辣 所以好辣 我地要撈起距 凍豆腐都係索曬d味 但係好入味 無娃娃菜甘辣 可以接受 肥牛片好大碟 而且好薄 好靚甘 擺落鍋碌幾秒已經可以食 魚皮餃新鮮好好味 係我既摯愛啊❤， 芝心丸用筷子篤落去 d芝士醬爆曬出黎要

大人響附近整車, 未拎得唯有食住等, 商場果邊D餐廳食到悶, 發現街口呢間新開, 係火鍋黎既, 剛放工未算好多人, 又試下先.環境好舒服, 唔迫, 空間好闊落, 而且冷氣非常足.呢度除左火鍋, 仲有D小食可以叫, 見有炸饅頭, 好耐未食過忍唔住叫黎食下.原本無咩期望, 點知上枱係熱辣辣即炸既, 而且皮烤至微微脆, 入面仲好鬆軟, 火喉控制得好好, 唔會過火, 又唔會太油, 好有驚喜.至於鍋底要個濃湯豬骨鍋, 材料十分足, 成大舊豬骨, 飲一啖湯豬骨味非常非常濃郁, 其實就咁當湯飲都好好味, 而且加左粟米, 亦特別加強個甜味.至於火鍋配料就要左雪花肥牛片, 雪花同肉一層一層, 入口軟嫩彈牙, 肉味夠濃, 每人食左一半都唔覺膩. 即炸響令, 就咁食好香脆, 而且唔油膩. 浸湯食口感結實唔韌.仲有飽肚既午餐肉, 無諗過一碟有咁多, 應該差唔多有半罐份量, 真係有午餐肉香味, 唔係茶記D平價午餐肉. 貢丸一碟又有8大粒, 好抵食, 爽口彈牙.整體份量十足, 材料新鮮, 而且服務好好, 店員好有禮貌.

有次下午做野行開荃灣見到依間餐廳既午餐既意粉好似都幾吸引 , 今晚行開荃灣打算食個西餐 , 點知原來夜晚係無意粉 , 變左得火鍋 , 無所謂喇! 一於照試下佢! 見到餐廳個名有個辣字 , 就梗係點下啲辣野食! (唔辣既都有, 有水果鍋底) 普通的麻辣火煱就見得多啫 , 原來依道仲有個青花椒麻辣煱 ! 再望多2望 , 佢又唔貴喎, 仲有好多野簡 ! 同埋佢仲有埋魚鰾可以打邊爐 , 我真係未試過! 好吸引 ! 唔洗一陣野食就到 , 湯底叫左少辣 , 入口的確係少辣 , 唔會好辣 ! 啱晒我依啲中意食辣又食唔到好辣既人 ! 好似我咁真係好怕食到一啲叫左小辣但係辣到入唔到口的餐廳.而且老闆好warm  , 好多時都見到佢同啲客打成一片 , 個鍋上左陣之後都好主動同我地講返聲details  , 同問夠唔夠辣 ! 青紅花椒都可以加 , 你講就得! Detail 方面就係教我地點食! 原來青花椒點解出面咁少人做呢 , 原來係因為佢會越煲越苦 , 只係你食到覺得苦既時候 , 張啲油撇走佢就得 ! 青花椒比起平時既食開的紅椒麻辣湯底的確係麻味無咁重 , 清啲 ,可以食到青花椒的味道 , 香味係憂香,

荃灣一間新開嘅餐廳，辣度餐廳，聽個名以為乜都係食辣，但Openrice search 下見到原來係打邊爐，咁就book左夜晚黎食。😋咁間餐廳其實唔難搵，mtr落車好快就搵到。至於餐牌方面，全部都係按住每碟計錢，唔係任食，但食物質素一定好過任食放題。咁有唔同嘅海鮮類、蔬菜、肉類、丸類等等，應有盡有。唔單止咁，仲有d熟食可以嗌添。座位方面，都好寬敞，坐得幾舒服。$8醬料任low, 有麻油、豉油、蒜蓉、葱同芫茜，款式略嫌少左dd，不過唔緊要，有蒜蓉已經夠哂。咁我地都唔想食辣，所以就叫左豬骨鍋。鍋入面唔單止有2舊豬骨，仲有d 蘿蔔同埋粟米。墨魚滑係打邊爐必叫野，而呢度嘅墨魚滑都幾新鮮。芝士丸都係打邊爐必食啦。餐廳人手包嘅蝦餃皮薄，食落蝦都新鮮，應該係即日包起。好食。打邊爐最怕就係d菜烏租，但我地叫左個唐生菜，係非常非常乾淨，好似係屋企人洗完唔乾淨，值得一讚。響鈴即叫即炸，可以點沙律醬食又得，6一6之後食又得。十分推介。肉方面我地就叫左美國肥牛。一大碟滿滿嘅，有超過30片，而且肥瘦均勻，正到不得了。總括黎講，打邊爐都係每碟計錢好食好多，食物質素有保證。而辣度係真係有heart 提供食材，所以真心

荃灣區很多好東西可以吃，今天來到了荃灣吃火鍋，因為聽朋友説起這家火鍋不貴而且夠特別，當然要試試。算是新派火鍋店的格局食物推介牌先來調醬料後來老闆給了我們試看看現場即做的辣醬，油還在吱吱的響，非常香。青麻辣花椒鍋 $78辣度火鍋，辣度的確十足，只點了微辣的湯底吃到後部分也是十分辣，可是吃得很爽。青色的麻辣火鍋的確是很少見，而大蒜、花椒令湯底香氣撲鼻。美國肥牛片 $68叫了個最普通的牛肉片，但質素還不錯而且份量不少。墨魚滑$48可以吃得岀來小粒粒的墨魚，有嚼口。鯇魚腩 $48魚片新鮮不腥。鮮雲呑$35內餡夠多，大大粒。菜苗$28温室菜用料不錯。凍豆腐$28用來吸味道的一定要叫。什菜盆$48份量好多而且新鮮。

荃灣本身都好多嘢食 同朋友行過荃灣廣場見到呢間火鍋店 依？ 望下個餐牌先 價格好吸引喎 而且係外面望入去裝修都幾靚 所以我哋二話不說就入咗去呢間火鍋店面積雖然唔大 睇裝修好似都係啱啱新開嘅店 係外觀方面都做咗好多貼心嘅行為 第一 每個座位下面都有一個置物籃 可以方便食客擺低袋或者一啲手提嘅物品第二 每張枱上面都有一個抽氣扇嘅裝置 可以抽走打邊爐既蒸氣同埋煙 呢個貼身行為真係抵讚！講完外觀 等我哋睇吓啲嘢食質素先！首先我哋嗌咗個豬骨濃湯鍋 可以見到大大舊豬筒骨喺個鍋入邊 加埋啲蘿蔔同埋粟米用料十足！ 豬骨濃湯都十分之夠味道然後就係雪花肥牛片睇落都十分之新鮮而且唔會太多脂肪嘅位啱晒我哋唔鍾意食咁多肥嘅人個娃娃菜都好大盆！ 而且仲切開咗個頭咁我哋就可以一片片咁放 都係 $28 炸 味道食落都好鮮甜！ 再嚟就係呢個芝士丸有彈牙 而且芝士味都好重！你睇吓呢碟脆鯇魚片 認真大塊 我都急不及待食咗幾舊先記得影想 哈哈後面嗰碟係千層凍豆腐同蜂巢豆腐有啲似食落都好味道啊！最後仲有呢碟蟹棒 同埋薯粉食埋就啱啱好夠飽啦 呢餐埋單都係四百零蚊 材料新鮮之餘仲要唔限時間可以方便我哋一路慢慢食一路傾計 而且呢間鋪

​ 其實好少去荃灣食野,但有有聽朋友介紹過呢件川味火鍋, 本人又好仲意食辣 一直都好想試 , 今日經過就入去試下, 去到門口 見到環境都好舒適 乾淨 都行左一日又曬又熱 就拿拿聲行入去, 間鋪唔算好大 但裝修都幾精緻 餐具都幾別緻下 而且個椅下仲有個籃可以放袋 唔洗阻住自己 一坐低就攞起身落單紙見到選擇都好多下 , 口水都流曬 食火鍋最緊要梗係個湯底啦 我地二話不說就揀左個重慶麻辣湯底 , 仲有個清新水果鍋 岩D食唔到辣GE人食 好似都幾得意咁 諗住下試... 等左一陣 湯底終於黎啦, 見到紅油都興奮 仲要係用乾辣椒 蔥頭 勁香 堅正!! 湯底真係冇得彈>< 我地仲點左個脆鯇魚片 好少火鍋有呢個 我好驚喜 又新鮮又彈牙 仲有肥牛 大大碟 薄薄地 好正啊 好吸引 超鐘意食 而魚皮餃 都好新鮮 每碟分量2人食係岩岩好 唔會太多又唔會太少 我地仲叫左d菜同豆腐甘樣 食肉之餘都要食菜先健康 同埋呢間D響鈴上菜前有炸過 幾得意 即食都得 配埋沙律醬都好好味 我都比較浸一浸湯底 索曬D湯汁 最緊要係辣度十足 仲會愈食愈辣 我地瘋狂灌水 好過癮 我地雖然得

同朋友係荃灣行街行到咁上下好想打邊爐就決定求其行到邊一間就入邊一間點知一入就搵到寶！一入到去可能因為都係六點幾比較早所以我地都係第一枱客平時打邊爐我都好著重佢既醬料然後佢呢度亦都每一張table有一個醬料碗既物體俾你去fill自己想要既組合佢望落都好整齊 唔似其他店鋪通常都會好混亂 蔥花入面有其他野咁令人有驚喜同期待因為朋友唔食得辣所以即使我好想食辣都要陪佢揀左個濃湯豬骨鍋($78)底黎食下點知竟然有驚喜 平時打邊爐都唔會去嘗試飲個湯因為覺得味精好重同隻味好假但呢一次真係忍唔住決定飲下 點知飲落去完全無平時飲既味精感 飲完即使好期待落野食既時候吸哂個咁濃既豬骨味我呢個打邊爐熱愛者真係第一次飲到咁濃既豬骨湯！真心推介！而配菜部份就叫左金菇 牛骨髓 美國肥牛片 羊肉片 土豆片 娃娃菜 芝士腸 蟹子丸 etc所有配菜都好新鮮 份量亦都比想像中大 本身叫完以為會唔飽 但最後同朋友兩個人都飽到好滿足特別係推薦牛骨髓 好fresh然後當佢吸哂豬骨湯既味之後 咬落去個陣滿足感真係唔係文字可以形容到如果再黎 真係好想再試下唔同湯底配搭牛骨髓另外必須一讚既係呢間餐廳既服務真係好好 好貼心我同朋友本身叫完

同男朋友已經宅左係屋企幾個星期，今日我地終於行出家門。我地揀左行荃灣，荃灣老老豆豆真係幾多大商場。又有千色店又有南豐中心，有貴有平。行行下已經行到老遠，見餓拿拿聲食飯先。係荃灣西既呢間辣度，裝修好新淨，見6點鐘無咩人，我地就入去打返個邊腦。歡黎到辣度～打晒燈咁，食火鍋黎講叫做好有feel，睇得出係裝潢設計方面有花心思。環境舒服空間又夠。一望過去就有條大辣招，幾吸睛。其實呢度唔止係食火鍋既，平日同星期六日都有提供晚餐。另外我覺得比較特別既係呢到汁既配料竟然有芫茜、生蒜蓉同麻油，有D似大陸風格既火鍋。唔講咁多我地打邊腦最緊要食肉。我地無叫最貴既牛，但呢牒美國肥牛片一樣咁靚架。價錢公道$68。 食落口唔算太滑，勝在有口感，同牛味足。菜類叫左娃娃菜 $28，唔好睇佢細細碗，份量我諗四個人都夠。不過我就食菜量多所以最後都係清晒既。辣度非常用心，每一條菜都唔無老左同梅左。墨魚滑果真要比個LIKE佢。其實係街市隨便買包墨魚滑都要35蚊。但呢度都只係$48，價公好合理。可樂是必須的。餐廳叫辣度，就算我唔叫辣湯底都要有返D辣野既。呢個辣椒油唔叫得上好勁，不過對於唔食得太辣既人黎講可以過下口引。最重要既湯

突然有日辣癮起見到荃灣新開左間餐廳就去試試佢！！呢間餐廳好就腳係荃灣廣場附近，行3分鐘就到！- 青花椒麻辣鍋 我個人十分推薦如果食得辣嘅朋友可以試下個湯底真係好香 愈滾愈辣 非常適合無辣不歡嘅朋友～- 美國肥牛片 色澤好靚食落有牛味肉質幾嫩咁嘅價錢已經算唔錯好抵食！- 墨魚滑 食落口感唔錯 好滑 搞到我想嗌多個黎食！- 午餐肉 唔知點解佢啲午餐肉咁特別 食落好有層次好香 打邊爐一流！- 魷魚鬚 正常 不過不失 食落幾爽- 金菇 份量好多好新鮮 放落個湯底度吸哂啲精華一流～- 娃娃菜 菜都係好正常洗得好乾淨 大大份好抵食- 海帶 平時打邊爐見到好小地方有得食海帶 點知今次比我見到 仲唔嗌返碟食咩😛- 粟米 份量都幾多 食落去都幾甜 - 燒豬頸肉 燒得好香我覺得係必食 豬頸肉加上個醬汁食落好清新食落唔油膩～- 時日涼茶 (羅漢果) 清清地唔會太甜好適合打邊爐飲黎下火- 總結：雖然佢地係新開 但好多野都做得好好 可以值得一試 價錢公道 係位置比較小想去食就可能要打電話book枱預約喇！

呢排不停有朋友約我去打邊爐，以致我食評入面幾日就出現一篇打邊爐推介。不過呢間係特別嘅，因為好耐無試過麻辣鍋嗜辣嘅我真係有點感激帶我黎嘅朋友。呢度地方細細，但座位算大，幾舒服嘅都個碗好靚醬料有蔥蒜同芫荽，仲有豉油同麻油。留意，係無辣椒/辣油嫁！ 鐘意食辣嘅朋友又好想叫佢俾辣椒你嘅朋友，我有個更正嘅食法：湯底：重慶麻辣鍋（中辣，我叫左多麻）重口味食法係加鍋底嘅花椒同辣椒放落個豉油度。咁樣食就唔怕豉油過走晒d麻辣味。食物煮耐啲就更加入味啦脆肉脘魚腩大大塊，睇個樣都覺得新鮮煮到變晒白色即刻食，真係勁爽，細骨唔多雪花肥牛都算幾大碟，脂肪唔多，所以一煮到粉紅色即刻食就較嫩口重慶麻辣煲又點少得薯粉？！呢個配搭真係好match。估唔到叫咗一碟兩個人食，食極都好似食唔完咁。因為煮嘅時間較長，所以我一開始就放左落去，薯粉都幾掛湯，加少少豉醬料超好味鮮蝦雲吞一碟有四粒。如果份量再多啲就好啦！蝦肉幾爽、size唔大唔細。 金菇煮咗好耐都唔係好吸到啲湯汁，所以我就連埋湯一齊食仲叫左墨魚滑同埋芝士腸，好飽！打邊爐點可以無啤酒！

朋友帶左我去一間係荃灣西主打邊爐嘅餐廳，裝修有d似黑灰為主。牆身一邊掛左馬賽克嘅壁畫，另一邊係pop art類嘅畫，中間以黑色鐵絲網隔開，玩味濃厚。餐廳lunch主打炭香燒物，夜晚就主打麻辣火鍋。青花椒麻辣鍋。上枱已經有好香嘅花椒味，仲有一啲香茅、大蔥同麻辣籽。湯底顔色比重慶麻辣鍋嘅顔色清啲，無咁紅。味道小辣，麻嘅比例佔多。雪花肥牛片。肥牛嘅雪花分佈好靚好平均，牛肉係粉紅嘅顔色，好新鮮，唔係出面個d雪到暗紅色嘅平價牛。基本上淥10秒左右就食得。牛味濃郁好有咬口。脆鯇魚片。坊間餐廳嘅膽鯇魚切到細細片，但e到切得又大又薄，顔色晶瑩剔透。食落好爽口，有小小魚嘅油脂味，一啲都無誇張，好好味。廣島蠔。雖然唔係新鮮蠔，但隻隻蠔都好大隻，有手掌咁長，淥完都唔會太縮水。蠔身脹卜卜，食落有小小似係蠔士嘅味，較新鮮蠔遜色，勝在價錢平，份量多又大隻，想過下口隱嘅都ok。冬瓜。冬瓜一碟份量都幾多，一開始就掉曬落去先，食到一半夾上黎就岩岩好啦。冬瓜好清甜同稔身，夾嘅時候要小心d，唔係會好易爛。

熱屎辣辣媽媽竟然話打邊爐-.-上次路過享和街見到有間新開小店決定兩丁友入去簡簡單單打個邊爐店員好快為我地準備醬汁配料如果想食辣GE朋友 記得同店員講 佢地會即炒四川辣椒 勁香我地揀左豬骨湯底 有蘿白同粟米做配角叫左呢個蚌 好靚好新鮮 入口十分爽甜打邊爐又點少得肥牛 呢款美國肥牛好抵食喎大大碟 入口有牛味 兩個人份量岩岩好小店重有比較少見GE墨魚滑釀油炸鬼 即叫即炸 熱辣辣脆卜卜 重可以放湯浸一浸 雙重食法重有響晌 又係即炸架喎 感覺餐廳好有HEART最後叫左個菜清清腸胃 乾淨新鮮 係小店先有GE風格難怪雖然係新開 但都勁多人幫襯

男友早左收工所以想打邊爐，食匀荃灣咁耐，今日發現呢間新開的餐廳，就試試。辣度餐廳主打燒物同火鍋，我地都係為火鍋先入來，所以今次先試火鍋。餐廳環境雅緻，淡黃色光令人幾舒服，拍拖又好，同朋友聚聚都唔錯。黎到辣度餐廳唔點辣鍋，因為男友唔食辣，點左濃湯豬骨鍋。個鍋一黎到配料都幾多，有豬骨羅白粟米，未開始涮涮都忍唔住試下個湯，個湯好鮮甜好足料。配料醬油提供一流。可以自己調配，每枱一個自助醬油。而我就食辣所以問侍應拎辣椒俾我放醬油。老板好好客，向我推介反鮮炒辣椒油，上枱時個醬油係熱辣辣，好香好惹味。服務一流，其中一個加分位。涮涮鍋既重點，當然係肥牛，叫大左兩大碟。美國肥牛片$68推介肥牛片，色澤均勻，涮兩涮就食得，牛味濃又鮮嫩，食得多牛一、牛涮鍋會厭，呢到d肥牛係令人意想不到既好。豬肉韮菜餃$38手工包餃，餃子飽滿，還ok。鯇魚腩$48爽脆，但有少少骨刺還可接受，來貨好新鮮。蘿白$26個人喜好會將蘿白由一開頭放入鍋，滾到最尾入哂味先食，本身個豬骨湯好鮮甜，所以個蘿白都甜，推介。最後兩個人食左四百幾，價錢黎講可接受，比起食牛一牛涮鍋質素高啲，所以只係貴少少都ok。

早排行過呢間新開既餐廳，見到店名幾得意，火鍋仲有水果湯底，今晚就決定黎試下。呢度既裝修非常有風格，就連爐上都有舖頭名。佢地主打燒物同火鍋，晚餐就係火鍋，有四款湯底選擇：重慶麻辣鍋、青花椒麻辣鍋、濃湯豬骨鍋、新鮮水果鍋，頭三款可以選擇大中小辣度。我揀左青花椒麻辣鍋既小辣，湯底黎到一開爐已經開始滾，而且立即聞到非常香既花椒味！湯底夠香，有少少麻，小辣亦都岩岩好唔會太辣。嗌左個泰式鳳爪當做打邊爐前既開胃小食，鳳爪夠爽，但做唔到泰式既酸辣，唔夠酸而且完全冇辣味。火鍋配料揀左脆鯇魚片、魷魚鬚、豬腦花、鮮蝦豬肉餃、美國肥牛片、墨魚滑同埋皮蛋。脆鯇魚片真係好脆，魷魚鬚都算大條同新鮮，豬腦花第一次試，口感滑過豆腐。鮮蝦豬肉餃真材實料，裡面真係有一隻蝦，都幾爽口，最中意食呢個。肥牛片呢個價錢黎講質素都唔錯，唔點豉油可以食到湯底既花椒香同牛味。墨魚滑都算打得幾滑，皮蛋則是一般皮蛋冇任何調味。非常推薦青花椒麻辣鍋湯底！而火鍋材料既質素都唔錯，價錢合理，可以一試。