影片
更多
2017-09-16
32 浏览
上次黎過呢間辣度餐廳，食物質素同服務都幾好，所以今次帶埋屋企人黎食，多啲人打邊爐食得多款啲嘛！前菜除咗上次食過嘅燒牛舌同泡椒雞翼，我地仲叫咗燒墨魚筒。牛舌同雞翼維持一貫水準。食得出燒墨魚筒係新鮮咩，而且係爽口彈牙，但係話明係燒，佢得燒汁味，墨魚洞似浸熟。唔係唔好食，只係唔係燒。今次都係嗌豬骨鍋，因為最鍾意佢個個濃湯，飲一啖先開始打邊爐。先上嘅係響玲，岩岩炸起，仲配沙律醬，佢話可以就咁食。不過比起坊間嘅真係油咗啲，我最後都係要浸一浸湯，去一去油。家人話想食魚膘，未食過，即管試下！影完相，侍應幫手剪開。呢度嘅魚膘係係有兩層，店主話係新鮮同外面唔同。魚膘口感似花膠加尤魚，鮮味而彈牙，但又無花膠滑潺潺嘅感覺。墨魚滑都新鮮，我鍾意佢入面有啲墨魚肉一粒粒，有野咬下。上次都有食鯇魚腩，今次都有。佢比超市自己買嗰啲更爽脆。我喜歡佢嘅雲呑。坊間嘅雲呑會放好多好多蝦入去，但令我覺得我似食緊蝦鮫多過雲呑。但呢度嘅雲呑，係有少少豬肉，連埋粒蝦，先又有肉味，又有鮮蝦味。好喜歡呢度嘅牛根丸，好彈牙，同有肉汁，唔係勁硬嘅冰鮮肉丸。呢度嘅廚房安排得好細心，因為佢地將娃娃菜一片一片嘅處理洗好，唔似得其他酒樓嘅切咗一棵棵
前菜除咗上次食過嘅燒牛舌同泡椒雞翼，我地仲叫咗燒墨魚筒。牛舌同雞翼維持一貫水準。食得出燒墨魚筒係新鮮咩，而且係爽口彈牙，但係話明係燒，佢得燒汁味，墨魚洞似浸熟。唔係唔好食，只係唔係燒。
今次都係嗌豬骨鍋，因為最鍾意佢個個濃湯，飲一啖先開始打邊爐。
先上嘅係響玲，岩岩炸起，仲配沙律醬，佢話可以就咁食。不過比起坊間嘅真係油咗啲，我最後都係要浸一浸湯，去一去油。
家人話想食魚膘，未食過，即管試下！影完相，侍應幫手剪開。呢度嘅魚膘係係有兩層，店主話係新鮮同外面唔同。魚膘口感似花膠加尤魚，鮮味而彈牙，但又無花膠滑潺潺嘅感覺。墨魚滑都新鮮，我鍾意佢入面有啲墨魚肉一粒粒，有野咬下。
上次都有食鯇魚腩，今次都有。佢比超市自己買嗰啲更爽脆。我喜歡佢嘅雲呑。坊間嘅雲呑會放好多好多蝦入去，但令我覺得我似食緊蝦鮫多過雲呑。但呢度嘅雲呑，係有少少豬肉，連埋粒蝦，先又有肉味，又有鮮蝦味。好喜歡呢度嘅牛根丸，好彈牙，同有肉汁，唔係勁硬嘅冰鮮肉丸。
呢度嘅廚房安排得好細心，因為佢地將娃娃菜一片一片嘅處理洗好，唔似得其他酒樓嘅切咗一棵棵就算。呢部係值得加分！
叫咗份雪花肥牛片，次次都比較遲先上菜，如果下次早啲就好喇。其他野都要煮得耐，最好快快煮好一煮牛，食一啖先。
唔記得影雞件添，一份有4份1隻架，都好夠肉。不過雞好難煮，又驚唔熟，熟過頭又唔好食。配埋烏冬，就真係好飽。烏冬佢係用稻亭烏冬，所以滾一滾就食得。
最後不得不提佢地仲有1664生啤，啤酒加打邊爐，正。
张贴
