辣度餐廳 (已結業)

今日決定去荃灣西附近既辣度餐廳挑戰一下因為友人同我都比較鍾意食辣我地就決定食重慶麻辣!!一開始可以自由選擇醬料 新奇係佢有麻油提供其實加左麻油係特別香~~  MENU首先我地叫左響鈴老板話佢地自製嫁! 仲可以點沙律醬食!食落口真係唔同D 炸到好脆 仲熱辣辣添之後仲可以放落湯度浸一浸 吸埋湯D辣味仲好食~配菜仲叫左 芝士腸 蟹子丸份量都比想像中多 有D驚食唔晒添~而且好新鮮 擺得好整齊之後仲叫左 芝士丸 牛根丸一咬落去即刻流晒芝士出黎 打邊爐點少得佢!仲要加埋湯啲辣味我地都即將叫杯可樂頂住先!當然唔少得烏冬啦  放係最後同菜一齊食~不過煮到最後個煲已經超辣!店員仲好好咁幫我地加水真係熱辣辣既一日!

首先一入到去覺得環境幾令，個環境主題好配合餐廳名"辣度" 而且乾淨企理。一入去坐低，店員就放低咗調味料比我地，基本嘅野都有調味架又令最特別嘅係竟然有麻油，出面鋪頭好小有，個人覺得煮熟嘅肉點豉油加麻油又香又好食。湯低方面，個人認為食得辣嘅朋友真係要黎試試，因為真係好足料而且聽店員講佢地放入湯入面嘅材料都炒過先再放入去，香d又出味，但因為本身只係食到出面一般嘅小辣，由於太足料，我同朋友都食唔到"辣度"嘅小辣，店員見到我地咁就即刻幫我地撈走湯入面嘅辣油到辣椒，甚至最後我地都食唔到仲重新換過個無咁辣嘅湯底，真係好感謝嗰到嘅店員，如果唔係真係食唔到。食物方面，整體黎講每樣都好食又足料，特別要推介幾款要試就係鮮炸響鈴，和蝦滑。店員話由於響鈴預先炸過所以可以就咁點沙律醬食，放入湯索入湯低一陣仲內脆外軟，好特別。肥牛d紋超令，又小肥膏，不過略嫌有點薄身但分量都足夠，咬落又唔韌。最後個蝦滑勁好食，仲好彈牙同重蝦味，食落雖然唔係原隻蝦咁誇張但都有蝦粒食到，好味！最後臨走去廁所經過廚房，見到好乾淨，食材一係用器皿蓋實同每一碟都用保鮮紙包實，地下又唔污穢，食物同環境衛生都唔錯。整體性價比真係唔錯，價錢唔係貴，

係享和街有一間食麻辣火鍋既新餐廳上星期五晚同一位好喜歡食辣既朋友黎店內裝潢新潮，門口既右邊有三張卡位除了火鍋同有小食可選擇不過我地沒有叫除了重慶麻辣還有青花椒辣鍋如果唔食辣既朋友也有選擇，可揀水果鍋😅這個比較特別唔知道甜甜地咁打邊爐係咩味道呢？有三款配料可選擇，基本既蔥、蒜、芫茜醬油則有豉油及麻油由於我唔食得太辣，我地只叫了重慶火鍋既小辣有大量蔥段白鱔片，灼左一陣，口感非常爽口，骨不算多還點了午餐肉、牛骨髓及魚皮鮫午餐肉及魚皮鮫索哂啲辣汁愈食愈惹味甚少接受到牛骨髓個種滑滑地既口感不過我就覺得好正啦手切肥牛脂肪比例均勻、紋理及色澤質素都很好食到最後先食出前一丁是及生菜但係由於愈滾愈辣，都食不下，所以我地最後放棄了😂總括黎講，喜歡呢間火鍋店坐得幾舒適，食材方面，是挺新鮮的，推介大家食肥牛及牛骨髓！

餐廳環境幾靚，裝修舒服而且好有氣氛，睇得出有design過，背景音樂同燈光都令人覺得好enjoy黎食野。地方勝在夠舒服。火鍋醬汁都出面一樣，都係有蒜蓉，芫荽、蔥同豉油，仲有麻油，一開始有d疑惑點解冇辣椒，後來先知湯底已經好夠味。食物方面，叫左麻辣湯底小辣，一上就已經聞到麻椒味，好麻好香好辣好夠味，勁香辣好好味！完全唔似平時食個d得咸味既湯底。岩晒鐘意食辣既人！好正。完全係喜出望外。食材都幾新鮮而且份量足，雞件大份新鮮，雪花肥牛好新鮮，另外即炸響鈴好香脆仲可以點沙律醬當炸物食👍🏿。其他食物都非常足料。其他後來覺得湯底愈滾愈辣，店員亦都好好人幫我地加水同撇走d油，甚至同我地換左冇咁辣既湯底，換左湯底之後仲有問我地o唔ok，態度同服務好好。價錢唔算費同普通出面差唔多，但食物質素非常好，值得一試。

今日落雨搞到個人冇乜mood，男朋友話不如搵啲刺激嘅野食去調劑下😂收工滿心歡喜咁去荃灣搵野食。遠處見到一間鋪頭叫辣度餐廳。我地即刻勁有共識走左過去😍入到去，雖然細細地，但格局勁舒服，裝修都好有格調。2個人坐4人位呀👍雖然當時係坐滿人，但環境依好清靜👍大家都好斯文呀😂我地打開餐牌，見到湯底有個叫做清新水果鍋。好得意😂係其他地方真係未見過。但當然啦～我地要尋求刺激感嘛！梗係揀辣啦😂所以呢個都係冇叫到。我地叫左重慶麻辣鍋一隻椒level。另外都叫左脆鯇魚腩🐟、鮮蝦雲吞、美國肥牛片、金菇、唐生菜、芝士丸、手製墨魚滑同日本烏冬🍜。麻辣鍋黎到時，見到好紅好多辣椒，真係驚驚地😢但食落又唔係真係咁恐怖，唔算極辣 小小辣同小小麻👍好味喎👍配料全部都好新鮮👍脆鯇魚腩、肥牛、雲吞、芝士丸同烏冬都要讚。脆鯇魚腩嘅厚度同大細都適中，配埋湯底都唔算好辣。肥牛嘅肥肉同瘦肉比例剛好，薄身切法🔪易入口，份量又多，裝飾得好靚。而雲吞入面真係有隻好大嘅蝦係到，同埋啲豬肉都好有彈性，唔睇以為都係啲蝦黎嘅😂芝士丸同坊間個啲唔同，呢到嘅芝士丸啲芝士好香好流心。平時唔好芝士嘅我都愛上左😍最後烏冬真係好彈牙好滑。索左啲湯底嘅辣味，真

今日同家姐去食埋野先返屋企，就去左朋友推介既辣度餐廳打邊爐，諗住試下無防，但食過又真係覺得唔錯喎，下次朋友gathering會再帶朋友去食醬油有䓤，芫荽，蒜溶，豉油，麻油，客人可以自己調校味道，每位8蚊。因為自己唔係好食得辣，但家姐又想食辣，所以叫左個青花椒麻辣湯底(要微辣)($78)，味道唔錯。桂花蚌($88)，鮮魚鰾($48)，雪花肥牛($98)都好新鮮。桂花蚌食落爽口彈牙又新鮮，真係直得推介。本身怕魚鰾會腥，但原來新鮮既就唔會。另外叫左個鮮蝦雲吞($35)，都好好味，入面有隻隻新鮮大蝦。而且，依間餐廳既職員仲好細心，聽到客人有咩欵問，唔會扮聽唔都到，會即刻停低解答左先環境舒服唔會大油煙，因為本人比較潔癖，所以有d餐廳焗住d油煙味既都唔會入去，但依間空氣好舒服，食野都食得開心d

星期六悶悶地就同咗男朋友入荃灣行街，發現咗依間舖，裝潢幾靚睇咗餐牌價錢幾抵，又做緊九折就入去na，入到去d音樂係播酒店大堂果類，好relax，唔係打邊爐😂店家好貼心，每張凳下都有位放袋，唔洗驚整污糟，更有個黑板寫返是日精選食物。選好野食就整調味，調味料一送上黎勁香，d生蒜好新鮮，葱花一睇就知切咗無耐。因為我食唔到辣，所以叫咗豬骨湯，有2大舊新鮮豬骨幾舊粟米，但男朋友就好鐘意辣，所以店員就話炒個青花椒俾佢，有2個，一個就辣d，一個就香d，我男朋友話好有四川風味，食到唔停。我地叫咗美國肥牛，鮮蝦雲吞，墨魚滑，山根，金菇，雲耳同出前一丁肥牛無根幾好，牛味唔太濃，加埋d蒜，好有蒜泥白肉既牛版feel！正！墨魚滑就有粒粒墨魚係入面，幾香，但打得彈牙d會好食d。鮮蝦雲吞方向，每粒有原隻蝦係入面，好鮮甜，依個好好食。山根就同一般買既就一樣na，但d湯汁吸哂入去，最鐘意！金菇同雲耳好新鮮，金菇無黃，好白，good！雲耳唔係d cheap野，好厚身，好爽口，煮耐左都唔會淋。食到最後，緊係落個出前一丁索返哂d汁na！九折後300幾2位，扺！

最近總有某啲原因會黎荃灣，今日就搵食搵到去享和街，原來呢度好近荃灣廣場，發現呢度有間裝修別緻嘅火鍋小店。叫得做「辣度餐廳」，冇理由唔食辣啦，所以我地叫左個「青花椒麻辣鍋」（$78）。辣度黎講，我地揀左最小辣度，一隻辣椒。呷一口湯底，好香，有辣味但冇一般麻辣咁搶味，辣味係慢慢滲出來。湯底內有大量蔥、蒜頭、麻辣籽等等，綠色嘅麻辣湯底真係第一次食，味道上亦有驚喜。醬料方面，雖然要收每位$8價錢，但絕對係值得的。簡單幾樣配搭：豉油、麻油、蔥花、香茜及生蒜蓉，唔需要花巧，溝埋一齊點火鍋料，原來同個麻辣湯底味道好夾！即炸響鈴卷（$38）即炸熱辣辣，可以點沙律醬就咁食，脆卜卜；亦可以浸湯過兩三秒食，索左辣湯又係另一種滋味。仲有其他火鍋配料，包括：鳳城水餃（$35/4隻）+ 炸魚角 （$33/5粒）秀珍菇 （$26）手製墨魚滑 （$48）由於我地食辣湯底，所以盡量都叫啲魚蛋類製品，貪佢可以索到辣味，正！雪花肥牛（$98）打邊爐點可以唔食牛，呢碟雪花肥牛切得薄薄地，放湯淥一淥就食得，點埋咁自己調製嘅蒜蓉醬油，好match!呢度裝修別緻，店舖小小，但坐得舒服，幾適合人少少黎「淥一淥」呢！

最近好多地方都減價中，今日約左朋友過荃灣廣場行街，行完超累，要搵個地方休息下兼醫下個肚，商場入面d餐廳好多都已經食過晒好悶，想試新野~上網搵見到有間餐廳食打邊爐，見d相環境唔錯，價錢都ok,而且好近荃灣廣場，所以就決定去一試!起碼打邊爐有多d野食而且可以坐耐d~一入到去，見到餐廳唔算大，但係環境超舒服，完全係cafe或者靚靚西餐廳既裝潢，完全唔似邊爐店，好有驚喜XD 原來因為日頭係真係西餐廳，有其他野食~夜晚就做打邊爐~所以餐廳坐得好舒服好有feel.打邊爐第一件事當然係揀湯底，雖然餐廳叫辣度餐廳，辣湯底應該係主打，但我同朋友都唔食得辣，哈哈，好彩都仲有兩款無辣湯底揀，一個係濃豬骨湯，一個係清新水果湯底，豬骨湯成日見，但水果湯底真係第一次見，當然要試試~！揀完湯底就到食材啦～一般打邊爐有既料呢度都有，我地叫左雪花肥牛，雞肉，手打墨魚滑，白魚蛋，芝心丸，千層凍豆腐，響鈴，牛栢葉等等~食材都幾新鮮，我地最欣賞個雪花肥牛，擺盤好靚，味道同份量都好好~另外響鈴係新鮮炸起，可以即刻食又可以放落湯，即刻食仲好食，好脆！除左一般邊爐料，餐廳仲有即食既小食叫，我地叫左燒雞泡魚乾，雖然份量唔算大，但真係

個日咁岩同朋友都得閒 就一齊黎試下辣度餐廳 環境舒適氣氛都唔錯 幾有特色 由於朋友唔係幾食得辣 所以我地就叫左個豬骨濃湯底 味道都幾清香鮮甜 仲配有粟米同蘿白 豬骨一定要食埋佢 好入味個邊嘅辣椒醬幾好食 屬於香脆 依家一嚟到已經聞到好大陣好香嘅辣椒味 朋友唔係咁食得辣 都因為個醬太香點左少少 建議鍾意食辣嘅朋友一定要試吓！另外仲會比麻油、豉油、蔥、芫茜依啲配料比客人自己調味不過溫馨提示 如果要辣椒要另外同佢講先會俾你單點食材方面梗係唔少得牛肉 打邊爐必叫 一坐低就叫左個雪花肥牛片 肉質嫩滑可口 肥脂均勻 食落十分有口感同埋等緊火鍋同配料嘅時候好肚餓 叫左燒豬頸肉落下肚先 醬汁酸中帶辣 配啲香脆嘅豬頸肉好match 另外不得不提個韭菜豬肉餃同千層凍豆腐 首先個韭菜豬肉餃 食落幾新鮮 皮薄餡多 入面嘅韭菜多到你估唔到！而且味道濃郁 都係個唔錯嘅選擇 而個千層凍豆腐 就好有口感 將佢放係湯底到浸一浸 過一陣再拎反上黎 佢就會鎖住曬啲湯汁係入面 咬落去口感一流 不過真係要小心熱我地仲叫左個骰子牛柳粒 個碟嘅份量同味道係絕對對得住個價錢 不過就梗係要比肥牛燙得耐啲 入口煙韌 好有口感！都係好推介

經過荃灣就比呢間個名吸引住因為我係一個超鐘意食辣既人!! 叫得辣度 D辣醬咁應該有咁上下質素我就去試一下!!呢個基本上有兩種主菜, 一係打邊爐一係食串燒我就揀左打邊爐既!!麻辣火鍋湯底一上台就哇左一聲大叫出黎, 超級紅卜卜既湯底, 淨係聞都聞到個香味!! 濃濃既湯底食到我地食完都唔需要加水!! 因為佢真係好濃下脆鲩魚腩每次去打邊爐都必叫這個, 因為呢個一食就知道呢間餐廳既食材係新鮮定係唔新鮮, 一放落去再拎返上黎就見到佢由半透明既顏色變到紅紅白白咁, 吸引哂湯底既精華!!! 一食落口香脆而不會腥!! 超新鮮, 而且骨唔算多, 食得到既, 非常OK 水土魷魚好多時去食魷魚都係白色個隻, 口感會煙UN D, 但係我都係鐘意透明既水魷魚!! 因為會爽口D同埋吸收哂個湯底味道更好味!! 呢一款真係我既至愛!!! 超好味 滑雞件呢個雞件既價錢唔算貴, 但係性價比高, 因為佢算係咁多肉之中最平, 但係份量都唔少, 而且雞件好嫩滑, 放落湯底由佢煲, 等一陣再撈起佢就得!! 味道一流!! 千層凍豆腐 估唔到呢度都有得食呢隻千層豆腐, 因為佢真係好好味, 一層又一層既口味真係冇得頂, 將豆腐放入湯底煲

有朋友帶我去佢樓下既餐廳食辣野呢間餐廳睇落去係一間普通既西餐廳估唔到都幾旺場下好彩仲有位唔洗等就入得今次我地叫左既係重慶麻辣火鍋底 黎到呢度必需要叫個麻辣鍋底啦, 見到個湯都知有D辣度, 而且我地仲叫店家比D秘製既指天椒醬比我地點黎食, 真係由頭辣到落尾 安格斯牛小排打邊爐必配既當然係肥牛, 你地睇個色澤幾咁光鮮就知呢D唔係普通既肥牛, 肥瘦適中, 咁樣既口感先係最好!! 午餐肉厚切午餐肉 完全係心心眼 價錢唔算平 但係物有所值!!! 厚肉既午餐肉有口感之餘仲要好入味!!墨魚滑超正超新鮮既味道!! 好想叫多個黎N CALL, 但係食到飽一飽唯有下次再叫過!!炸魚皮估唔到係即叫即炸!! 口感超級脆, 當做小食吃都得, 比起平時食個D更加有口感同埋熱辣辣的與眾不同!!

平時行開荃灣都無發現尼一間餐廳一於入去試一試~一坐低 入面既裝潢都好靚好乾淨咁我地就叫左一個重慶麻辣鍋然後就可以整自己鍾意既醬油 佢有蔥,蒜, 豉油麻油..一上菜真係成個煲都係紅色 好多辣椒浮係面愈煮就愈辣 到後面食菜都流晒眼淚 係咁叫水飲果然係辣度! 鍾意食辣既朋友記住去挑戰一下我地叫左金菇索晒D重慶辣油 ! 好新鮮~魚皮餃打邊爐必點 份量十足!安格斯牛小排大家要一定要試下! 肥瘦岩岩好 一放落去一陣其實已經食得非常重牛味 果然有質素 一上台已經比我地搶開晒~四寶丸佢地既擺盤都好精緻墨魚丸好彈口, 牛根丸加埋啲辣味更加好食~我地仲叫左白飯,出前一丁 送飯食都一流

天時暑熱都要打邊爐😅😅事關朋友突然想食肥牛，我地就係荃灣搵火鍋餐廳起初以為「辣度餐廳」只適合食辣既人睇睇餐牌先知有唔辣既湯底！牆上黑板有圖介紹有咩食 好細心🙂水果鍋真係好少見 下次有機會試下先！湯底-揀左豬骨鍋 有三四件大豬骨、粟米、蘿蔔，味道清甜，絕不馬虎調味料 好多蔥丫 我至愛桂花蚌 好新鮮 不加醬油食都好鮮甜爽脆！雜菜盤有通菜、娃娃菜、唐生菜 2個人食就岩岩好！！雪花肥牛片主角出場-打邊爐點少得食肥牛 雪花分佈平均，食落好嫩滑燒豬頸肉見到餐廳有小食提供，忍唔住叫左碟豬頸肉肥瘦均勻，燒得好香口 ！餐廳不大，但設計風格讓人感覺好舒服 🙂🙂Ps. 無叫到飲品，店員都好主動比兩杯水我地

辣度餐廳 荃灣享和街53號都城大樓地下E1號舖 今日放假， 約了好友去荃灣行街， 行完街之後去咗打邊爐。首先，侍應來了一盆火煱醬料， 有芫荽、蔥花、生蒜和兩樽醬油（ 麻油和鼓油）。 我們可以隨意配搭！ 四種鍋底給客人撰擇 ：1）重慶麻辣鍋2）青花椒麻辣鍋3）濃湯豬骨鍋4）清新水果鍋由於， 我朋友唔食得辣， 我們選擇了濃湯豬骨鍋。 香濃豬骨鍋， 用大量豬骨熬製， 非常濃郁而有豐富骨膠原， 還有清甜蘿白和香甜粟米做配料。侍應見到我想試重慶麻辣鍋， 他拿了一點重慶麻辣醬油給我試一試。十分體貼窩心! 重慶麻辣醬油炒得好香，散出一種麻辣香氣， 點上食物， 真是不錯！《雪花肥牛片》雪花肥牛口感不错， 半肥瘦， 油脂分布平均， 肥牛煮到半生熟點上自制醬汁，味道更好，肉質香嫩而多汁。《豬肉片》豬肉片肉質鮮嫩可口， 厚薄適中，沾上醬汁， 十分好吃。《脆鯇魚片》脆鯇魚片是打邊爐不可缺少的，肥美可口， 鮮味無比，肉質爽脆，真是不錯。《鳯城水餃》 用木耳、筍絲、豬肉、蝦等做成的鳳城水餃，咬下去有香濃肉汁滲出，紮實又彈牙， 皮薄餡靚， 鮮味十足。《四寶丸》 四寶丸， 最大的優點是一碟丸有四種口味，最適合人少少，