辣度餐廳 (已結業)

有一次係Openrice搵食見到呢間火鍋小店，LUNCH時間居然有午市套餐，雖然款式唔多，不過食物吸引，決定星期六去試下。中午時間1點半前黎到，店內食客唔算多，但無諗到9款套餐中，有5款已經售罄…..😫本身已經唔算多選擇，而家更無選擇😥。結果同朋友都揀左香草雞扒，不過一個配即炒意粉，另一個配薯菜。午市套餐包餐湯，分別係西蘭花忌廉湯同水果南瓜湯前者好重西蘭花味，但完全無忌廉香，似係西蘭花蓉羮，唔好味。後者南瓜香甜，比較好味。香草雞扒配即炒意粉 $58意粉的確係即炒，有黑椒、洋蔥香，上枱果陣香噴噴!! 唔似坊間炒完放左好耐果D，意粉仍然彈牙，而且分量好多。雞扒唔單止大塊，仲好厚身，嫩滑又多汁。呢度既雞扒有別於其他餐廳既雞扒，多左一陣燒烤香味😌，似係煤爐燒多過煎。點埋個又蒜又酸既汁，別有一番風味。香草雞扒配薯角 $58薯角份量一D都唔少，分分鐘食完仲飽過食意粉!! 薯角係即炸，不過略嫌炸得唔夠脆口，但勝在重薯味。如果薯角可以另上會更好，因為雞扒太多汁，大部分薯角都點到D汁而變淋左。餐廳食物唔錯，而且幾大份，可惜太快無乜選擇，如果套餐供應時間長番少少就更好🤤。

上次同事帶我嚟食晏，食咗個蒜蜜豬扒意粉，當然已經好欣賞餐廳將我平時麻麻哋嘅豬扒煮得色香味俱全👍（上次未開始寫食評） 今日再去食lunch, 點咗醬燒豬肋骨配意粉$66，跟餐水果南瓜湯及涼茶（任添） 南瓜湯清甜，有果肉，感覺好健康同開胃。 涼茶夠凍，今次無上次咁足料，好淡味，希望下次改善返。 豬肋骨上枱好靚好吸引❤️豬肋骨燒到有脆口口感，好正👍肉亦無乾身問題，調味無過火，唔會太酸，好味過outback😅真係好滿意 意粉亦有誠意，唔係白意粉上，而係已經調好味，唔係碟頭飯玩法😜下次再嚟

之前經過 見到餐廳名 已經好吸引辣度餐廳 以為係食辣野 但原來午市 係有特別既Set Lunch夜晚就只做火煱Lunch黎要等位 等左幾個字 終於有位同朋友一人揀左一個餐兩款唔同餐湯南瓜湯 - 啖啖南瓜既甜味 湯面仲有蘋果切到碎粒 西蘭花忌廉湯 - 比較清小小 再黎就主食啦 蒜蜜豬扒 煎得好出色好香口！意粉都好香蒜味 味道帶甜醬汁方面 餐牌寫秘制辣汁 但我就覺得唔辣 酸味較多 但如果覺得豬扒肥膩 點下都唔錯！朋友點既黑椒牛柳絲炒意粉 好香 牛柳絲都有醃過 唔馬虎 再黎是日涼茶 羅漢果茶 飲得出真材實料

4個人飽肚食左$1035 連加一湯底正 夠麻辣 牛都唔錯 仲送糖水紅豆沙都係出色老闊十分nice 野飲係任飲 員工好細心會不斷話幫你加野飲下次會再幫襯！👍🏻👍🏻😊

一年四季最啱香港人胃口既緊係打邊爐！ 呢間舖出面就有泊車位，冷氣充足，可以電話預約，放假都唔洗排餐死先有飯開。之前已經幫襯過，職員友善，材料新鮮保持水準！👍👍 湯底絕無油膩咁!👍👍👍我同老公最鍾意佢地既雪花肥牛，特色火鍋材料及自家制既青辣椒醬和紅椒辣醬。 亞囝同亞囡就最鍾意佢地即叫既制既特色小吃和炸物最近佢地週年記念活動汽水，涼茶免費添👏👏會再幫襯!！

聽閒有間舖，夜晚做火鍋，中午做扒餐，仲要兩邊都好掂，梗有意思當然要試！午餐餐牌長期不變，價錢就當然會，以扒餐嚟講價錢合理，有得選本身係炒意粉同配炒意粉，又兩樣都即炒，差過幾蚊真係有人會選H,I?跟餐飲品要加錢有D奇怪。水果南瓜湯，份量合理，顏色自然，唔係用湯寶，真係用南瓜煮成，每囗都有南瓜蓉，加上細碎水果粒，濃郁中帶點清甜，及爽口。海鹽牛扒，最多推介抵食款，唔係一大塊，切好三塊，薄切，表面清晰烤紋，中間帶紅，筋比較多，刀又不是扒刀，操作上難免發出怪聲，好在唔只係我，受不了直接叉起咬算，入囗即感到海鹽味，無需加帶鹹味醬汁，軟熟，但欠牛味，而且切走筋位後肉所餘無幾，有D失望，見有熟客食豬應該好D。平時扒餐都係叫薯菜，見佢係即炒意粉選佢果然無錯，意粉軟硬適中，無油味，係香料嘅味道，完全成為主體。付款時給了一張印仔紙，十次午餐送一次，不限時，但紙質應該幫佢限咗。調味做到西餐風格，比好多扒房都好，但貨源同餐具都有待改善，扒本來夠霖，但筋太多，完全感受唔到。餐具舊了係時候換，把刀根本唔係切，係強行磨開！碟都不是一兩個缺口了，加上對面商場有間專做扒，份量更多，就算各有缺點，都唔梗明顯。

豬骨湯底濃香 不膩脆鯇魚腩鮮甜 冇泥味牛骨髓口感柔軟 牛味濃棉花魚肚吸滿湯汁 正﹗即炸響鈴送上枱時 暖暖的即炸蝦片，配上特製加多加多醬 非常惹味﹗即炸魚片脆卜卜 正﹗火鍋特製辣醬超級好食﹗ 暖暖的﹗ 香氣撲鼻﹗ 非常滋味﹗  辣度適中﹗值得再去﹗ 下次要試埋青花麻辣和水果鍋底先得﹗

想試好耐，難得中產想食辣，4個人去打邊爐，早一日book都有位。叫左豬骨拼青麻辣鍋，因為出邊好小有青辣。叫左中辣，老闆話唔係好辣唔夠可以加。之前叫左碟燒牛舌送酒（都係$38）好食，不過唔夠炭燒香，可以一試打邊爐既牛叫有安格斯（$188，可以唔洗叫）同肥牛（$68）叫哂兩樣試下，本人覺得除左安格斯瘦d小肥膏之外，無分別，肥牛仲香牛味響鈴即炸，好耐無食過又熱敗脆既響鈴 午餐肉都係即炸，不過唔夠脆鵝腸新鮮野唔係雪藏自家水餃雲吞好一般，水餃仲有d硬物（可能係豬軟骨組織掛）湯底，唔夠辣（我食開譚譚三小辣覺得仲辣）諗住會愈食愈辣所以無叫老闆加，點知係愈食愈咸豬骨正常野叫到成枱野，四個人唔洗一千服務唔錯，老闆一家都好好，會再支持小本店，不過隔離枱有班人大大聲鬥地主，飲多左好激動有d驚驚想食麻辣我諗要叫返重慶麻辣，今次到喉唔正肺添

上次喺其他餐廳食完午餐之後經過此店，決定下次要試下，午市時間唔多人，可能位置唔喺旺區。店內裝修佈置唔錯，燈光適中，空間算得上寬敞，坐落都算舒適，有餐巾供應。水果南瓜湯+蒜蜜豬扒配薯角+凍柚子蜜當日嘅是日涼茶係羅漢果茶，不過唔啱我飲，唯有飲柚子蜜。水果南瓜湯味道比想像中濃，湯入面嘅水果應該係蘋果。豬扒肉質唔錯，配醬汁食幾特別，薯角亦幾好食。結論：午餐選項數量適中，咁嘅價錢有咁嘅食物質素，係一個唔錯嘅午餐選擇。

lunch set：西式雞湯--打左好多粟粉，加左雞花，完全不是西式。冇雞湯味。水果南瓜湯--听個名吸引，有創新也听似好夾，但飲落好怪...苦味？！吾知呢。「傑」身既。牛扒意粉--牛扒冇問我要幾成熟，看落有八成。切落比較難切開，但食落不「un」。好大塊，厚度適中。味偏淡。加左自家辣汁好正，好夾個牛扒。辣汁重蒜味，又有酸味。似越南D汁咁。意粉不似外面D白boil, 上面加汁。佢地炒過既。好味也夠味。豬扒飯--(要求要蒜蓉汁)豬扒又係勁大塊，夠林。有炭燒味。好香口。服務K環境: OK, 起碼星期日四人枱不用搭枱希望包歺飲

今次要介紹既餐廳有午市同晚市分。午市係西餐，晚餐主打係火鍋。火鍋有4個湯底重慶麻辣鍋﹑青花椒麻辣鍋﹑清新水果鍋及濃湯豬骨鍋。4個湯底各有特色。總共要咗2個鍋。本身愛食辣既我選擇咗重慶麻辣鍋，另外，為咗遷就朋友食唔辣既濃湯豬骨鍋。湯底滾咗聞到好攻鼻既辣味。濃湯豬骨鍋真係有兩舊好大既豬骨，仲有紅白蘿蔔。青花椒麻辣鍋顏色係綠色，但辣度同重慶麻辣鍋一樣辣。辣味螺肉份量好似主食咁，冇咩特別，都係可以接受。泡椒雞翼冰冰的，都好入味。食材方面有叫海鮮，珊瑚蚌同生蝦串，蓮藕﹑娃娃菜﹑枝竹﹑響鈴、牛肉。所有既食材都好新鮮。

工作中午餐，去到邊食到邊，去到呢間餐廳，門面不大，店內好暗，暗到我以爲落場（因為店內又無客）我問店員仲有得食午餐，坐低見店內裝修有用之心思，睇餐牌晚市做火鍋的，彩色鐵椅加啲特色油畫，睇落唔似火鍋店！午餐選擇不多！海鹽牛扒意粉（$63）擺盤幾靚，炒意粉乾身有咬口，鹹香好味，牛扒都幾大塊，有格仔燒烤紋，切開偏熟（店員無問我要幾成熟，可能午餐統一喇）比我喜歡嘅5成來講偏熟！唔點啲汁都夠味（喜歡啲汁另上，可以比客人按口味調味）配菜嘅西蘭花🥦爽脆，蕃茄仔酸酸的新鮮！整體幾好味南瓜湯（跟餐）喜歡裝湯日式花紋碗，湯幾滑，南瓜味香，有粒粒蘋果碎！增加爽脆口感，酸味又吊出甜味！熱柚子蜜（跟餐）夠熱，現成柚子蜜沖出來，味道正常！我慢慢食，場內又無其他客，店員無理我，自己做自己野！埋單有同我講多謝！佢又同我解釋有得平啲（不過已忘記了計法）總之最後平了兩元（睇單都唔明計法）幾舒服的一餐

一個禮拜接近帶足5日飯既我突然發覺好耐無同同事一齊出去食lunch，今日趁住朝早要出去做野，俾個藉口自己帶少一日飯，同好同事一齊出發食辣度！今次食既係海鹽牛扒配薯菜！牛扒繼續保持著一貫的水準，肉質岩岩好唔會太韌，牛扒邊有d 肥油好香，另外薯條也是剛剛炸起，熱辣辣的。每次食辣度既精華一定係個秘製汁，食完之後你個口係會有一種好特別既氣味！！所以我地幾個每次都係食完之後就會即刻食番粒香口膠或者係薄荷糖先會同其他人講野！食完咁多熱氣野，識飲一定係飲埋佢既涼茶先走～

原先係諗住去馬辣，又係到搵到間近尐又好似寫到幾好咁嘅火鍋店，結果今次係 辣度。小店格局，應該唔多過八張枱，坐底點咗尐食品，再問又乜推介，結果就係以下所見。左邊係水果湯（粟米另叫），鮮甜而能吊出食材原味，推介。右邊係綠水，比較麻，又係越滾越辣。Asahi 配薄燒牛利，有小小炭香，推。牛唔係黃牛，但都好好牛味。蚌叫做新鮮。韭菜比較好一點。香港少地方有得食，呢度落酒調味重手咗，所以比較一般以下。鵝腸不能滾太耐，而呢度應該係新鮮貨。油炸鬼墨魚滑較為失望。推介，信我，一定要點。乜都有尐嘅菜。👆重中之重，推介。2條友共約九佰消費，無海鮮無新鮮牛肉其實偏貴！但個 水果湯底出奇地好，又一向支持小店，應該會再來幫襯。

：水果鍋無味 少少清甜味都無 好似清水咁普通肥牛都好差 好似去左d平價任食咁 一半都係肥膏份量就普普通通 正常既：服務好好 細細間 坐得舒適自家制五花茶幾好未必再去 野食都唔太特別 ！