辣度餐廳 (已結業)

餐廳位於荃灣西市區，附近有大型商場及餐廳，地理位置優越。餐廳裝潢新穎雅致，服務員態度充滿活力元氣，令人感覺舒適。餐廳每晚還有九點後入席全單八折的優惠，但鑑於實在太餓的原故，還是沒等到九點才入席～～餐廳有四款火鍋湯底可以選擇，兩款辣兩款不辣的，包括：重慶麻辣鍋、青花椒麻辣鍋、濃湯豬骨鍋、清新水果鍋。經過一番考量後，最終決定試最保守的濃湯豬骨鍋。菜款則點了美國肥牛片、牛根丸、通菜、薯粉及日本烏冬等等。美國肥牛片伴碟賣相吸引，肥牛片色澤紅潤，應是新鮮食材。肥牛片只入鍋隨手一涮即熟，口感滑嫩順口，點店家準備的芫茜麻油醬汁，簡直一流。牛根丸口感札實，牛味夠搶夠鮮，令人滿意。但可惜分量較少，一碟只有八粒，與朋友一人只能享用二至三粒。薯粉及烏冬等主食反而令人驚喜，薯粉的擺碟方法新穎，竟將薯粉放成小山丘狀，薯粉頓時化身成晶瑩剔透的高級食材。烏冬的賣相相較下較為遜色，上菜時還有冰霜結在烏冬上，令人第一時間想起平價的急凍烏冬。薯粉的口感佳，配上濃郁的豬骨湯底令人有一種置身麵館的錯覺。而烏冬竟出乎意料地幼滑及彈牙，十足日本餐廳的手打烏冬，主食中我還是較喜歡這口感十足的烏冬。將離開時才發現通菜被遺忘在角落，飽

雖然叫辣度，但有很多唔辣的選擇。食材新鮮，特別係生果湯底。服務很好，打電話預約時有詢問要唔要預訂海鮮。海鮮非常新鮮，處理很乾淨。餐前更有不同香口小食任均選擇。牛舌必要試。菜清洗乾淨。安格斯牛片及豬腰必要試。真材實料沒有味精，藉得一讚。環境非常清潔，空間感足夠，即使高談闊論不會影響鄰枱食客。冷氣抽風足夠，打完邊爐身上唔會有味。餐具乾淨，打破一般火蝸店油膩的感覺。洗手間也很清潔。適合三五知己，家庭聚會。

今日係荃灣拍完拖就係附近搵野食。冬天到，又係時候打邊爐。荃灣呢間火鍋店「辣度餐廳」，有好正嘅麻辣湯底，岩囇無辣不歡人士，仲有另外幾款湯底可以揀！我地中意清淡啲，就揀左豬骨湯底，最驚喜係佢成舊豬骨係到，仲有蘿白同埋粟米，味道超鮮甜。野食未尼之前忍唔住飲左幾啖。醬料一開頭店員會拎尼俾客人添加，每位要加$8。配料方面，牛肉肉味濃，夠嚼勁；鮮蝦色澤鮮明，好新鮮；韭菜水餃個皮唔會太厚；蝦蝦蝦！！芝心丸𥚃面有好多芝士，可以拉絲；唐生菜都好新鮮，後尾我仲加左碗白飯，係珍珠米，好正！叫咗咁多嘢，每人平均都係兩百幾蚊就已經食飽飽。非任食嘅火鍋，逐碟計錢，遇著食物質素不好的，真係會蝕到入肉！辣度餐廳食物質素更加唔可以同一般火鍋放題比！一句講曬抵食！服務態度很好，上菜速度好有效率。

辣度餐廳，聽個名就知佢sell辣！加上轉季凍冰冰，打邊爐真係幾吸引，所以拉埋我朋友一齊挑戰下哩間火鍋。我地講就勇，但試就先試佢嘅麻辣小辣哈哈哈但佢嘅麻辣湯真係好香，未試已經聞到好攻鼻，真係流曬口水！我地落單叫咗雪花肥牛，滑雞件、毛肚、皮蛋、木耳、魚滑、鯇魚片。先講下肥牛，真係物超所值，雪花紋好靚，滾兩滾已經熟，好香牛味！仲有滑雞件，真係滑身！仲吸曬湯底嘅汁，好入味，嫩口！仲有毛肚同木耳，兩樣都大大件，好爽口，超有口感！魚滑同鯇魚片好鮮甜，真係試到係新鮮滑口！至於皮蛋，我都係好奇試下，因為平時少有打邊爐落皮蛋，但原來夾埋個湯底又幾好味，好似譚仔嘅皮蛋咁！仲有要重點推薦下佢間鋪嘅自家醬油，我自己鐘情於佢啲油，真係好香，加埋葱成碟野係好香口！中意重口味少少，或者覺得湯底未夠味，可以沾埋匙油。真心欣賞同推介呀！哩間野老闆仲要好親民好nice，中意同客傾計，經過荃灣嘅你地一定要去幫襯下！

今次第二次嚟到叫左個同上次唔同嘅鍋 重慶麻辣鍋野食方面都同上次好唔同，因為想試得多啲野Menu 寫炸午餐肉好似幾得意咁，未試過炸過嘅午餐肉打邊爐最後發現原來係就咁食好食過打邊爐因為會淋左魚滑彈牙，而且有魚味，推！千層豆腐、雲呑炸魚皮試過就咁食啲炸魚皮都好好食放落去滾幾秒吸下啲辣 好食程度增加蝦新鮮到仲係生嘅！佢地不停想逃跑🤣清涼茶上次都有飲呢個，夏枯草，不過係自家制，冇外面買嘅咁甜，仲可以揀熱、暖、凍添！

忍唔住要出手寫食評⋯⋯中曬伏～～～～～！-先講湯底：冇味ge「豬骨湯」，豬骨就一大舊，算啦～連造味ge豬骨汁都慳返～湯有4舊粟米 同白羅白，4舊粟米都係粟米頭泥ge! 打左廿幾年邊爐，第一見一間鋪頭計算得咁盡～ 透明的豬骨湯湯底。野飲 ： $16嗌左杯自家涼茶，我估係五花茶泥ge，因為佢溝水溝到淡到我就泥飲唔到佢係咩涼茶。肥牛：嗌ge係$108美國肥牛。一放落湯。睇住佢漸漸變深啡色，肉硬，冇牛味，只淥一陣，d肉質老過我阿婆～小食：花椒雞翼$35呢個簡直震撼～ 咬第一啖～勁勁重雪味～接著～一鼓死辣開始出現啦～～ 咳到我地～ 各人咬左一啖放棄！都係果句～如果烏冬都難食$30（個）～真係冇野好講⋯⋯仲有午餐肉～係有煎過～OK ge~可惜係午餐肉～環境：尚算清幽～平安夜都係得三台人～就知咩事～— 想食到勁無奈同一肚氣可以試下～食評實在太勁👍🏻—

天氣凍凍地， 完全係食火鍋既季節！ 同朋友仔行完荃灣廣場緊係附近搵間好野醫下個肚先啦😋搵到呢間食麻辣火鍋但係裝修又有格調既餐廳 ，就試試佢黎到辣度，緊係叫番個麻辣湯底先 我地叫左一個比較特別既青花椒麻辣鍋同埋吾辣推介既清新水果鍋。青花椒麻辣鍋湯底香料好足大蔥、大蒜、辣椒、花椒我地揀咗小辣，花椒既香味濃郁, 麻味重。聞到都已經覺得幾惹味食起上黎係先辣後麻好過癮。墨魚滑老油條 （私心推介）自己本身鍾意食炸野油炸鬼加埋墨魚滑既組合幾特別但又出奇地夾香脆又香口加埋沙律醬，真係食到encore！燒牛舌燒牛舌牛味重，比較薄身搭配甜酸秘製醬汁，令牛味更突出。即炸響鈴卷自製響鈴卷新鮮即炸，皮好薄就咁食既口感好鬆脆雪花肥牛睇相雪花紋唔算好平均但係食落口牛肉嫩滑、味好香濃配埋湯底真係一流有入口即融的感覺，重點完全冇雪藏味。滑雞件半隻雞既份量呈上，雞件嫩滑就算唔小心滾左好耐D肉都仲好嫩唔韌加上吸收曬麻辣湯底既味道yummy yummy鳳城水餃水餃子係用雲吞皮包，厚厚既餡料紮實飽滿大蝦加上雲耳、豬肉、紅蘿蔔熟後入口，內裡依舊鮮甜，調味剛好。

等左咁耐，終於可以黎食喺荃灣新開嘅打邊爐，收工已經八點幾，已經好肚餓。😩🤭坐低就上配料，$8/位 算經濟實惠。黎辣度餐飲一定要食辣啦，一坐低諗都唔諗就揀咗青花椒湯底。🤤🤤我唔食得辣，叫左微辣都食到，本身都有啲驚，點知個湯底上枱香得黎唔會好辣，有好香既麻辣味。我地叫左好多野食，菇啦，午餐肉啦，蓮藕啦，海帶啦，凍豆腐，手工韭菜餃、雲吞，公仔麵同薯粉。價錢都fair 野飲都好抵麻辣湯底配海帶是我favourite , 正正子😛識食打邊爐一定要食午餐肉。😏😏😏呢到既午餐肉幾好食呀，佢係有煎過，個皮係脆既。雲呑同韮菜餃都好新鮮，食得出唔係超市買個啲。足料手工餃 食兩粒都飽飽地😂😂墨魚滑爽口彈牙😌 而且唔會粉粉地冰豆腐一樣吸哂湯底 好入味😋

由於我唔食得太辣所以都係保守點左個濃湯豬骨鍋，另外叫左蓮藕片、雪花肥牛片、蟹籽丸、白菜豬肉餃等等大路野。落單十分鐘左右個鍋就黎啦，估唔到湯底好足料、裏面有蘿白、豬骨、粟米，舊豬骨好大舊、個湯底都好香甜，朋友都話正。小食類辣味薯角最快上菜，切得較薄身，所以辣粉味好足好過癮，香香辣辣咁吊起曬我同朋友既食慾。但小心，辣度較高，對唔食得辣既人黎講都會有少少吃力。無耐啲餸都上得七七八八，值得一提既係碟雪花肥牛擺盤擺得好靚，一放入鍋幾秒就熟，味道都好香肥牛味，雪花紋都好靚好新鮮，唯一就係切片切得太薄啦，覺得破壞左口感。蓮藕片比較厚身，放入鍋入面滾左好耐都仲好爽口，比較岩我口味～蟹子丸皮薄餡多，乘滾到熱騰騰時食，啲餡真係好香好多汁，真係好滿足。店長見我地無叫辣，就特製左一小碟四川風味辣醬比我地過癮試食，辣椒籽極多，同埋好香麻味，真係好好食！離開餐廳時同朋友一致決定下次要再來試下佢地既麻辣鍋。

入到去第一個感覺就係有格調舒適的一間火鍋店，牆上面每一幅畫都令到餐廳環境藝術感加分。而且我哋用餐時間還未有很多食客，同平時大吵大鬧喧嘩嘅火鍋店舖不一樣。店員好有禮貌好細心亦都解答我哋想知嘅問題。呢度當然係黎食麻辣火鍋也有特別嘅用青花椒煮的麻辣鍋，唔食辣都可以黎呢間餐廳佢有特色嘅水果鍋和豬骨湯。而我哋當然就梗係叫麻辣火鍋，叫咗小辣。 店員仲話如果食起上嚟唔夠辣嘅時候可以免費加辣，擺上台嘅麻辣火鍋眼見用料十足，湯底充滿蔥、大蒜、辣椒、花椒等等....平時食火鍋地最鍾意叫肥牛片和脆鯇魚片兩種必食肉類，所以就第一時間落order；其次當然叫我地喜歡嘅芝心丸和黑椒牛丸，另外我哋再叫粟米和突然間想食嘅蓮藕片。超驚喜嘅係黑椒牛丸，冇諗過可以喺餐廳食到爽口彈牙嘅牛丸。粟米超級辣可能因為蔬菜嘅關係特別滿有麻辣味，一個字「爽」！大家不妨來呢一間荃灣坐得舒舒服服嘅火鍋店！十級推介！

今日天氣凍凍地所以就走左去打邊爐，荃灣周圍都有好嘢食當然大家都知啦！但好食嘅火鍋店就唔係荃灣周圍都有。呢間充滿格調的火鍋店，同平時光顧大吵大鬧喧嘩嘅火鍋店完全不一樣。呢度當然係食麻辣火鍋也有特別嘅用青花椒煮成的麻辣鍋，唔食辣也有水果鍋和豬骨湯選擇，但就並沒有鴛鴦鍋。我地叫咗麻辣火鍋小辣，唔夠辣嘅時候可以免費加辣，火鍋眼見用料十足，湯底有大蔥、大蒜、辣椒、花椒等等....正到冇朋友！我地最鍾意叫羊肉片和肥牛肉兩種；其次當然叫喜歡嘅芝士腸和芝心丸，另外我哋再叫粟米和店舖獨家炸響鈴。食完呢一間餐廳感覺係唔係超飽好辛苦亦都唔係唔飽，所有分量剛剛好！

住喺荃灣嘅我，當然唔會錯過任何美食。今日天氣好凍，於是叫埋朋友一齊打邊爐！由於我哋兩個都鍾意食辣，於是去咗辣度餐廳，喺好彩酒樓隔離。我哋幾個湯底都想試，於是叫咗重慶麻辣湯底同青花椒湯底，兩個都揀咗中辣。湯類唔使3分鐘就到左，裏面有好多京蔥浸住，未開火已經覺得好香！麻辣嘅味道滲透我的五官。叫咗幾個餸，蟹籽丸、薯粉、土豆片、肥牛同竹笙，我揀佢地係因為呢啲餸菜可以把湯底吸取一起放進口中。事不宜遲，先將土豆片放入重慶湯底中，我喜歡把土豆煮腍，感覺上似薯仔泥，而且吃上來特別好吃。我還發現桌上原來有一個隱蔽的調味料架，放置了我最喜歡的蒜蓉、香蔥和芫荽。而且還有醬油和辣油，任君選擇，亦不用額外收費。薯粉比我想像之中硬，而且麵條很幼，本以為兩三分鐘後就可以夾上來吃，但原來起碼要轉5分鐘以上，才是真正的熟透。青花椒的碎粒經常伴在麵條中，不小心把每粒花椒咬爆時，會有令嘴巴發麻的感覺。我們還叫了兩杯涼茶，雖然不知道是什麼牌子的涼茶，但是他用啤酒杯承載着，感覺似在喝啤酒，對方有涼透心的感覺，頓時把熱氣一瓶消除。吃完後覺得有些油膩，最後決定叫了娃娃菜，這裏的菜類不是特別多，但是每一款的份量卻有很多。只是吃了一半

行經呢間火鍋店，完全被內裡裝潢吸引著，好企理舒適2個人嗌左以下幾樣野，同大家分享下先清新水果鍋＄88有蘿蔔、生蜜瓜、熟蜜瓜、昆布。湯底非常清甜，呢個水果湯底好健康，完全唔油膩！飲完湯之後再打邊爐，我哋都覺得好好食，啲食材索晒湯底，每一啖都充滿着清新嘅感覺，我地連D渣都清曬！老公還不禁飲左3碗🤣脆鯇魚腩＄48脆鯇魚腩雖然得4件唔太多，但每一件都真係好爽口彈牙，肉質充滿彈性，鮮甜美味！鮮魚鰾$48鮮魚鰾有咬口，店員上菜時仲好細心問需唔需要剪開佢，驚陣間擺落鍋嘅時候會爆開彈到造成意外美國肥牛片＄78肥牛片肥瘦適中，大概20多塊。每片大小適中，入口容易非常滿足！溫室菜苗＄28溫室菜苗好爽口，只需要擺落湯底淥幾秒就完全可以食得，菜苗感覺好清新，又易入口，多食都唔會濟！清新既菜苗，配搭清甜水果湯，真係最佳配搭！即炸響鈴卷＄48呢個即炸響鈴卷真係冇得彈，從來冇食過啲咁好食嘅響鈴卷！由於佢係新鮮即炸，所以有兩種食法，響鈴旁邊有碟沙律醬可以就咁沾醬即食，入口仲暖，夠特別！另一個方法梗係擺落個湯度淥一兩秒就拎上嚟啦，索晒啲湯汁，呢款響鈴一試難忘，真係必食之選！手制墨魚滑＄48手勢墨魚滑新鮮彈牙，一咬開可見

天氣冷冷的 吃火鍋暖呼呼就最適合💕難得來到荃灣區，當然要試試辣度餐廳的火鍋🥘！之前已經聽朋友推薦過，今天就和女朋友去嘗嘗看！😛這間餐廳面積不大，牆上掛著裝飾用的鐵牌，有七八十年代美國vintage風格，挺有個性，看來老闆是個有style的人😌我們叫了小辣麻辣火鍋，真的好正。湯底香材好足，原本見他一上來時，湯的顔色好紅，看起來好像很辣，有點怕了。但原來是越滾越入味，辣味亦是慢慢滲岀來，很有驚喜！我們也叫了不少食物，有肥牛、滑雞件、毛肚、皮蛋、木耳、魚滑、鯇魚片，還叫了罐可樂，加上加一等等的費用，兩個人也就只是四百多而且，吃到飽！最想推介給大家的是雪花肥牛和滑雞件！肥牛好香牛肉味，好軟滑，肥瘦適中，真的有入口即融的感覺。雞件是滾了很久都也不容易老，保持滑身，而且很入味！兩份食材都很足份量。我想，雞塊應該有半隻雞的份量，兩人絕對夠吃！還有鯇魚片，很爽口，還很鮮甜，真的會吃不停口！喜歡吃辣的朋友一定不可以錯過這間火鍋店呀！😌一試愛上！

自從上幾個禮拜係荃灣區發掘到咁多好嘢食，今個禮拜又嚟到呢區食晚飯。上次食一間酒吧餐廳嘅時候，立到隔離有間食麻辣火鍋好似唔錯，所以今日一於試試佢，就係呢間「辣度餐廳」喇。餐廳有別其他麻辣火鍋，呢度好光猛，乾淨企理，而且枱與枱之間都有充足嘅距離，所以都坐得幾舒服。店員拎嚟嘅醬料都好乾淨，唔會話油立立。佢呢個麻辣湯底以麻為主，食完條脷真係痺痺地。不過如果食得辣嘅人不妨可以叫中辣或以上，以我為例可以食得好辣嘅人就覺得小辣就夠晒香，不過再辣啲，辣到流晒鼻涕個種就過癮好多！豬骨湯底入面有一大舊豬骨喺到煲緊，真材實料愈煲愈濃。我哋兩個女仔嚟食，一個唔覺意就嗌咗好多嘢，但係食麻辣火鍋就係有個mystery，一日未停手都係唔會覺得飽！由於本人不嗜牛食就不能評論牛肉嘅質素，但其他配菜都好新鮮，尤其雞件好好嫩滑，配搭麻辣火鍋食更顯其鮮味。海解方面：廣島蠔都幾抵食，一碟都有七大隻，而且無咩腥臭味又唔會霉，咬落都唔會粉。蝦就好好食！好爽口又彈牙。魚片都算唔錯，無骨，而且片到塊塊size都剛剛好，渌兩渌就食得。冰豆腐係我嘅摰愛，呢度最好嘅就係佢地上菜時已經將冰豆腐解凍，如果未解凍就放落火鍋入面好容易一夾就鬆晒，所