蟹慶 (已結業)

去咗銅鑼灣食蟹宴，一人一個餐唔駛爭，由沙律到甜品，整體都好滿意😋同大家分享下。蟹籽松葉蟹沙律松葉蟹肉多到不得了😍同蟹籽一齊食，有浸鹹香味，好鮮味。刺身拼盤一個拼盤4款刺身，有三文魚、油甘魚、蝦同金鯛魚，每款一件，刺身同樣新鮮到冇朋友👍🏻，冇冰雪味。松葉蟹棒刺身松葉蟹棒刺身一客有5隻，同樣新鮮，肉厚，好甜好鮮味😍海膽蟹肉活帆立貝豐燒上枱一望都有驚喜😍燒帆立貝響底，俾蟹肉魚子佈滿上面，再有2大件海膽，入口鮮甜😋燒帆立貝又大隻，冇得頂。和御牛柳粒一碟四件，入口即溶😋牛柳粒加上黑椒配料更加帶出鮮和牛味道。季節活蟹煮雜炊蟹粥，係活蟹煮😍大部分蟹肉唔似之前幾碟拆好咗，自己拆肉放入粥再食，另有味道😋甜品除咗黑糖厥餅、抹茶厥餅，另外有朱古力奶凍，一次食晒咁多款👍🏻

今晚去完Sogo，男朋友約我dinner, 男朋友話有消費券，食餐好慶祝吓，揀咗去專門食我鍾意的蟹嘅日本餐廳，超興奮。餐廳侍應提意我地試下一人餐，反正未試過，一於試吓。蟹籽松葉蟹沙律蟹籽同松葉蟹肉好澎湃，堆到成個小山丘咁，不用剝殼，啖啖蟹肉嘅滋味真係爽。撈埋啲沙律菜一齊食，食落好清爽，好鮮甜。季節刺身四點刺身拼盤有四款，我哋仲額外加咗松葉蟹棒刺身。松葉蟹蟹棒有五隻，蟹腳肥嘟嘟，好飽滿，d肉好厚身，一食得出新鮮甜香，口感爽滑得來又帶點膠質，少少菊花花瓣，令蟹肉有股清香，好正。我食咗三隻，男朋友得兩隻，哈哈。跟餐嘅刺身有三文魚、油甘魚、蝦同金鯛魚，每人每款1件。三文魚同油甘魚都好肥美，赤蝦大大隻，膠質重，金雕魚好鮮甜。海膽蟹肉活帆立貝豐燒松葉蟹肉小山丘上邊鋪咗兩塊大大嘅海膽，仲有啲大大粒魚子，蟹肉下就係一隻巨型燒帆立貝。海膽、蟹肉同魚子溝埋一齊食，超鮮甜，唔會話邊樣搶咗邊樣鮮甜味，大滿足。巨型帆立貝口感充實得來唔會韌，好鮮味。和御牛柳粒有4粒，好香口，牛柳粒油香豐富，入口即溶，咬開係粉紅色，粉嫩粉嫩，好吸睛。食到舔舔脷，如果有多幾粒就好了。季節活蟹煮雜炊半隻活肉蟹煮呢碗雜炊，想啲粥唔鮮甜都

聽同事介紹這間餐廳的蟹宴很好吃，就決定預約一試。蟹肉三文魚籽沙律、新鮮蟹肉、加上三文魚子，充滿鮮味，沙律菜配醋汁十分開胃。蒜頭漬，令人驚喜。季節刺身。象拔蚌、赤蝦刺身、深海池魚、吞拿魚，象拔蚌刺身非常鮮甜，口感爽脆，吞拿魚肥美，魚味清香。黑魚子海膽蟹肉蒸蛋，蛋的火候剛剛好，又滑又嫩十分滑溜，海膽味濃，充滿鮮味。松葉蟹預約的時候，店員推介，要試試這個要提早兩天前預訂的菜式。一道菜包含了蟹籽、蟹肉、蟹膏，我明白為什麼要提前預定，因為全是師傅的手工。蟹籽爽爽的，加上鮮味的蟹肉，配上蟹膏濃郁的味道。甲羅燒配多士蟹膏加上味噌的味道香濃、濃濃的蟹膏香，直接把蟹鉗的肉沾上甲羅燒，再配脆多士食，脆而濃郁！特選會席浜燒鱈場蟹腳蟹腳燒後完香噴噴的，蟹肉滿滿，鮮甜，滋味彈牙，再加上蟹醋，更加鮮甜鹿兒島A5和牛鹿兒島的和牛烤得軟嫩，入口即溶，加脆蒜片，令到味道加倍提升。海鮮蟹肉清湯：以瓶蒸，加上高湯、松茸、魚、蝦、銀杏果等放入土瓶再拎去蒸，清甜，淡淡的海鮮味。松葉蟹釜飯：釜飯中加入黑松露、蔥等，香味四溢，食材嘅味道都好突出，令人一口接一口，食唔停。甜品：芝士凍餅, 蕨餅加上奶凍, 愛芝士的我，覺得芝士蛋糕剛

辛苦工作，就是為了要獎勵自己食餐好，最近是食蟹的好季節，所以提早預約我最愛的「蟹慶」，決定與好閨密一起品嚐蟹宴！一早已預約好二人前的「蟹慶會席」，因為有一個特別菜式需要提前預訂，所以我就一早預約定。店鋪位置都方便，位置寬躺，可惜太遲預定，卡位已全部給預約了，座位的蟹造型的抱枕很可愛。第一道：蟹肉三文魚籽沙律、沙律菜新鮮，蟹肉鮮甜、加上原粒蒜頭漬，我們平日不吃蒜頭的，但這個竟然沒有刺鼻的味道，非常好吃。第二道：季節刺身。包括有象拔蚌、大赤蝦、拖羅等。象拔蚌，入口鮮甜爽脆。大赤蝦，十分彈牙。拖羅拖羅入口即溶，油脂分佈均勻，肥美！第三道：黑魚子海膽蟹肉蒸蛋，蒸蛋十分滑溜，鋪上蟹肉和海膽，蟹肉的鮮甜味，配上新鮮的海膽，層次豐富。第四道：甲羅燒配多士蟹蓋裏鋪滿蟹籽、蟹肉及蔥粒，配上脆皮多士，每一口都有濃濃的蟹肉！第五道：松葉蟹要提早兩天前預訂，果然沒有令人失望。以蟹蓋形式把蟹籽、蟹肉、蟹膏佈滿整個蟹蓋。全是師傅的功夫，蟹籽我都是第一次吃，很特別的感覺，蟹肉鮮甜，蟹膏濃郁，一啖有齊三種口感，超滿足。第六道：浜燒鱈場蟹腳蟹腳經浜燒後突出了蟹肉鮮甜味，不用太多的調味，直接吃到蟹腳的鮮甜味，肉質一絲絲，

我哋又嚟蟹慶食Lunch Set 啦鍾意嚟呢度，當然係因為呢度嘅食物質素有保證所有午市套餐附前菜沙律和麵豉湯我同小M最鐘意呢度嘅牛肉鍋，牛肉非常嫩滑，加上野菜金菇和甜甜的湯底送飯一流MM一齊食嘅時候，我哋通常會點滑蛋豬扒丼，呢款飯小朋友一定食的另外點咗炙燒三文魚蟹鉗魚子丼，係時候俾MM試吓食小小魚生（不過主力都係大人食）從小培養欣賞不同地方嘅食物。呢度啲食物夠新鮮先咁比佢哋試食啲生冷野😁蟹慶 (銅鑼灣)銅鑼灣軒尼詩道525號澳門逸園中心地庫

為同好閨密慶祝，今次食她喜歡的「蟹」仲要係全餐🤭 閨密開心到瘋了🥰《特選會席套餐》「前菜-沙津，嘖物，水母」開胃菜已十分新鮮，特別是嘖物蒜頭，好爽是甜的🥰 期待之後的食物「黑魚子海膽蟹肉蒸蛋」好滑的蒸蛋，內裡有豐富材料🤭而且也是我喜歡的。「蟹甲羅味噌燒-蟹鉗」蟹膏略帶咸，但係配上多士味道剛好而且好夾，仲配上蟹鉗🥰「季節刺身」拖羅，生蝦，油甘魚，帆立貝，新鮮！沒有一點雪味👍🏻而拖羅是最正了，油脂分布平均😍「香箱蟹」好特別，是我第一次食到，蟹膏一粒粒微脆口，重點是全蟹已拆件，是皇帝式享受😎蟹肉鮮甜👍🏻「松葉蟹釜飯」加入了黑松露，令飯更香，而且蟹肉充足，也令我好滿足😊「浜燒雪場蟹腳」好大隻蟹腳，大大啖食，超正呀😍「A5和牛扒」嘩嘩嘩！ 外燒內仍然鮮嫩，好香牛，配上蒜片🤭果然係A5😋「海鮮湯」精緻外觀，內裡豐富海鮮，好清甜😊「甜品」抹茶布甸香滑，香濃唔太甜💕 皿餅軟熟👍🏻 至於芝士餅芝士味濃郁😍備註：🔺環境就像去左日本「蟹道x」一樣，貴賓式服務👍🏻🔺有不同的套餐選擇😌

以前每一次飛日本都會食蟹，今日餐廳正正就係食蟹為主，不單裝修都好有日本feel，就連細微既裝飾都做足，四周都俾蟹🦀仔包圍住，勁有返鄉下既感覺。今次揀左最豐富-特選會席套餐，除咗有蟹食，重有和牛，望足晒所有願望🧞‍♂️前菜-蟹肉三文魚子沙律，蟹肉份量超多，一絲絲既蟹肉，再配埋沙律醋，十分開胃。另外，重有小碗水母刺身、同醬蒜頭作配菜，都係一贊。頭盤-季節刺身，有吞食魚、油甘魚、帶子、赤蝦，新鮮鮮甜，特別係吞拿魚最甘香，脂肪比較均勻，目測似中拖羅。頭盤-海膽黑魚子茶碗蒸，以蟹肉作湯汁，蒸蛋又滑又鮮甜，而且底層重蟹肉，再加上面層的海膽同黑魚子，味道突出，但蒸蛋又中和番。頭盤-蟹甲羅燒配味噌，濃郁既蟹膏鮮味，配蟹鉗既蟹肉綿上添花，或者放係多士上食，味道平衡但口感升級。頭盤-時令原隻蟹，香箱蟹出名多膏、膏爽，有橙紅色既香脆既蟹膏，又有暗黃色軟身甘香既蟹膏。雖然唔算大隻，但慢慢食，都可以食多好多肉，每一隻蟹腳都飽滿的。主食-浜燒鱈場蟹腳，廚師燒得啱啱好，唔會燒都太乾，每條蟹腳都勁有蟹汁、鮮甜，啖啖肉。主食-鹿兒島A5和牛，又係煎得啱啱好，而且和牛脂肪分布均勻，入口即化。就連配菜炸蒜片都十分香脆，配埋和

係超多海鮮🦞 一個餐已經包咗好多野食，每道菜都好高質，可以見到佢花咗好多心思係個餐牌上面。刺身已經有四款，每款都好新鮮，最鍾意呢就係拖羅，食落去冇筋，厚切非常肥美！海鮮寄世鍋都有多款海鮮，包括大蝦、蟹鉗、蠔、帆立貝。 海塩燒喜之次好惹味開胃，條魚好大條，肉質夠嫩！ 天婦羅都炸得好夠脆，層粉好薄，最有驚嘅係紫蘇葉帶子，咁嘅配搭好清新，真係第一次試。座位好闊落，好欣賞，有大量卡位，職員都好nice好有熱誠👍🏻👍🏻

人氣蟹慶海鮮會席🤩呢度唔係剩係食蟹 仲有海鮮食😋先講刺身 非常高質 帶子好厚身好大粒 配上三文魚子同埋少少檸檬嘅香味可以提升到佢嘅鮮味👍🏻 另外個拖羅同油甘魚都唔錯一d腥味都冇🐟 前菜二點其中一款係水母 好清新爽口☺️沙律都好足料 上面充滿蟹肉！海鮮寄世鍋有2隻大蝦、蟹鉗、蠔、帆立貝 唔洗加調味料 直接佢地嘅口感同鮮味🦐 海塩燒喜之次好高質 層皮夠薄脆 外層嘅鹽好香口 魚肉既嫩又鮮 而且好大條😍 天婦羅有足足2隻大蝦 肉身彈牙爽口 仲有蟹肉、紫蘇葉帶子、南瓜天婦羅🍤仲有海鮮湯添！坐位都非常舒服！

女朋友中意食海鮮 所以今日選擇到蟹慶食Dinner 呢到比較出名食蟹 不過我地就揀咗個海鮮料理會席食 咩都有啲一開始有個沙律同前菜開下胃先 之後就上刺身四點 有牡丹蝦 中拖羅 深海池魚 同埋赤貝 牡丹蝦大隻鮮甜 赤貝爽彈帶甜 味道不錯之後有個海鮮鍋 好似打邊爐咁 上面有好多海鮮 虎蝦非常大隻彈牙 帶子啖啖肉又鮮甜 蟹鉗就比較細隻 另外再配咗個烏冬食完個海鮮鍋就上鹽燒喜知次同埋極上天婦羅盛盒 呢兩個嘢食都啱曬我口味 鹽燒喜知次簡簡單單但燒魚自己係屋企都整唔到 燒到外皮鹹香帶脆而又保留到肉汁唔鞋口 天婦羅新鮮炸起 尤其以炸帶子最鮮味 炸蟹腳 炸蝦同炸南瓜同樣唔錯唯一Suggest既係如果個海鮮鍋同烏冬可以安排最後先出會更好 但當然整體呢一餐都滿意嘅

日本料理係食極都唔會厭嘅，今日就試銅鑼灣蟹慶，地點超方便，响Sogo旁邊大廈地庫，行過已經見到大大個Logo睇完Menu太多選擇，最後決定簡單啲叫個套餐：海鮮料理會席：有齊刺身，燒魚，鍋物同天婦羅前菜有牛油果蟹肉蟹子沙律同一啲日本醃菜，作為開胃前菜幾唔錯套餐嘅刺身有中拖羅油甘魚同牡丹蝦，另外侍應再推介咗今日時令嘅北海道象拔蚌，咁就加一條。果然個象拔蚌超鮮甜，絕對勝過加拿大貨色，而且價錢唔貴，好抵食跟住嘅係海鮮寄世鍋，海鮮款式超多，有生蠔大蝦帆立貝及松葉蟹鉗，而配菜方面有日本黃芽白，皇帝菜，再追加一個手打稻庭烏冬，兩個人都非常夠食到今晚嘅重頭戲係鹽燒喜知次，喜知次果然不愧係日本嘅魚王，油份超豐富，燒完之後魚旗邊位及魚皮仲有大量嘅油分滲出，而魚肉相對緊致，一梳一梳容易夾起，好食到停唔到口另外套餐仲有天婦羅盛盒，除咗常見嘅炸蝦同蔬菜，仲有用紫蘇葉捲住嘅帶子，帶子炸完都仲好濕潤，紫蘇葉就增添咗多一種風味最後用個海鮮清湯結尾，食完油膩嘢飲過清淡嘅海鮮湯，感覺特別舒服

原來香港都有主打日式蟹肉嘅專門店，今日就去咗呢間餐廳，地點非常就腳就喺SOGO隔離，幾鍾意餐廳裏面有啲小個室，私隱唔錯，可以靜靜地同friend 傾下偈。叫咗個海鮮料理會席，前菜蟹肉沙律，蒜頭漬及山葵八爪魚，個沙律裏面有好多蟹肉同埋魚籽，食起嚟口感豐富，蟹肉鮮甜。刺身拼盤，有油甘魚，甜蝦及中拖羅，另外加了一隻北海道象拔蚌，拼盤上枱非常冰凍，北海道嘅象拔蚌又清甜又爽脆，最緊要沒有貝類那種刺鼻嘅味道。鹽燒喜知次，整條上枱，外皮燒得香脆，魚肉油份澎湃，鰭位都非常甘香又香脆。極上天婦羅盛盒，有炸蝦，秋葵，南瓜，帶子紫蘇葉及第一次吃的炸蟹腳，外皮揸得香脆，蟹腳彈牙，點埋酸汁仲有少少綠色嘅抹茶鹽，非常好味！寄世海海鮮鍋，有帶子，生蠔，蟹鉗及蝦，海鮮鮮甜，隻蟹鉗及蝦都非常彈牙，海鮮湯底之後仲可以淥日本的烏冬，吸晒湯嘅精華，加上旁邊舞茸，鮮上加鮮！結尾海鮮高湯，加入蟹肉，蝦肉及帶子貝柱，清澈嘅湯頭，鮮甜又濃厚。

今日嚟到銅鑼灣蟹慶 叫咗個海鮮料理會席 二人份時令沙律 係牛油果蟹子沙律 帶有酸汁 酸酸甜甜 沙律菜新鮮 幾開胃Refreshing前菜有蒜頭味噌漬同味付螺肉 蒜頭味噌漬比較喺出面小食到 蒜頭調味後其實冇乜蒜頭味 最主要食個汁嘅味道 帶點爽口 季節刺身 有中拖羅 深海池魚 牡丹蝦同埋赤貝 味道新鮮爽口 尤以中拖羅油脂分佈平均 入口順滑鹽燒喜知次 簡簡單單面頭放少少鹽 燒到條魚外皮香脆 內裏d肉嫩滑仲有汁 絕對唔會乾柴 灑上少少檸檬汁 好香好好味海鮮寄世鍋 有兩隻大虎蝦/元貝/蠔/蟹鉗 當然仲有啲金菇/冬菇/蔬菜配底啦 湯底清甜 另外配咗舞茸烏冬 等你個火鍋食到差唔多咁上下就可以落埋烏冬 增加飽肚感海鮮清湯 味道類似昆布湯 裏面有菇菌/蟹肉/蝦等等 極上天婦羅盛盒 有炸蝦 真蟹肉棒 南瓜 同埋帶子 炸漿唔會感覺好油膩 炸蝦彈牙爽口 真蟹連殼既蟹肉棒同埋帶子 食落鮮甜啖啖肉 而且呢度座位都坐得幾舒服 可以輕輕鬆鬆同朋友喺度Chill下食下坐下傾下偈都唔錯

老友生日，梗係要同佢食餐好嘢！請佢去銅鑼灣蟹慶，餐廳環境充滿濃濃日式風情，設有舒適的卡位，是慶祝特別日子的好地方，而且食物質素又好，喺飲酒傾計聚會好地方！海鮮料理會席前菜有爽口嘅牛蒡、彈牙嘅芥末八爪魚，再來一客牛油果沙律，清新又開胃。海鮮清湯，有爽口嘅蝦、帶子、菇，湯底清甜可口。刺身厚切，中吞拿魚肉質油潤而軟滑、金目鯛甘香清甜、赤蝦黏身爽滑、帆立貝厚肉鮮甜。鹽燒喜知次肉質鮮美，呈現出金黃色澤，無需調味，鮮味在口中跳躍，齒頰留香。極上天婦羅盛合：有蝦、蟹腳、秋葵、帆立貝，炸漿厚薄適中而顏色金黃，天婦羅香脆而不油膩，其中帆立貝係用紫蘇葉包住炸，紫蘇葉氣味獨特幽香，能與食材配合，引出其味，令食材倍添美味！海鮮寄世鍋，海鮮份量十足，大大隻海蝦已經開邊，方便進食，還有生蠔、松葉蟹鉗、帆立貝都好大粒，全部都鮮甜美味，湯底有曬海鮮嘅鮮味，放入手打烏冬和舞茸煮一陣，又係一碗美味嘅海鮮湯底舞茸烏冬！

每次搭巴士去銅鑼灣在Sogo站落車，一定會見到一間叫蟹慶的餐廳，餐廳門口外牆都放滿蟹的飾物好吸睛，蟹慶主打日式蟹料理，今晚就同老公過嚟試吓！餐廳環境充滿日本居酒屋feel,座位寬敞舒適。前菜二點：牛蒡漬味道甘甜又爽口，濃郁的芥末和鮮味八爪魚好夾，爽口彈牙！牛油果沙律：牛油果如奶油般柔滑，加埋新鮮爽脆嘅沙律菜，雙重口感又健康！刺身：金目鯛肉質細緻鮮美。拖羅魚油脂的甘香，入口即溶。帆立貝味道鮮甜，肉質扎實爽口。赤蝦肉身晶瑩，鮮甜爽口。海鮮清湯：味道鮮甜，內有海鮮和菇菌，增添香甜味！海鹽燒喜知次：魚油特別豐腴，魚肉細嫩甘香，鹽燒盡顯其誘人的風采。海鮮寄世鍋：材料新鮮又豐富，有大蝦、帆立貝、生蠔，蟹鉗、娃娃菜和菇菌。海鮮爽口鮮甜，湯底本身已經有鮮甜味，經過烹煮海鮮後，海鮮精華混合湯底，味道鮮上加鮮。再加入舞茸和烏冬，烏冬吸收湯底精華，鮮味又彈牙，舞茸亦好爽口！