蟹慶 (已結業)

每次搭巴士去銅鑼灣在Sogo站落車，一定會見到一間叫蟹慶的餐廳，餐廳門口外牆都放滿蟹的飾物好吸睛，蟹慶主打日式蟹料理，今晚就同老公過嚟試吓！餐廳環境充滿日本居酒屋feel,座位寬敞舒適。前菜二點：牛蒡漬味道甘甜又爽口，濃郁的芥末和鮮味八爪魚好夾，爽口彈牙！牛油果沙律：牛油果如奶油般柔滑，加埋新鮮爽脆嘅沙律菜，雙重口感又健康！刺身：金目鯛肉質細緻鮮美。拖羅魚油脂的甘香，入口即溶。帆立貝味道鮮甜，肉質扎實爽口。赤蝦肉身晶瑩，鮮甜爽口。海鮮清湯：味道鮮甜，內有海鮮和菇菌，增添香甜味！海鹽燒喜知次：魚油特別豐腴，魚肉細嫩甘香，鹽燒盡顯其誘人的風采。海鮮寄世鍋：材料新鮮又豐富，有大蝦、帆立貝、生蠔，蟹鉗、娃娃菜和菇菌。海鮮爽口鮮甜，湯底本身已經有鮮甜味，經過烹煮海鮮後，海鮮精華混合湯底，味道鮮上加鮮。再加入舞茸和烏冬，烏冬吸收湯底精華，鮮味又彈牙，舞茸亦好爽口！