蟹慶 (已結業)

時令沙律和前菜-好中意酸酸甜甜的漬物，非常開胃。季節刺身-吞拿魚超靚，入口即溶，赤蝦、象拔蚌、深海池魚，全部都很新鮮肥美。海鮮寄世鍋好鮮甜的海鮮和菜湯底，非常豐富的海鮮，放滿一整個鍋，蝦、帆立貝、蠔全部都大大份，菜和其他配菜沾了海鮮湯，全都很鮮甜。鹽燒喜知次外脆內軟，魚皮燒到金黃香脆，魚肉就保持多汁鬆軟嫩滑，除了魚皮外，內裡的魚肉都有淡淡的鹽味，但不會蓋過魚的鮮味，整體很出色。天婦羅除了蝦、蟹和南瓜外，還有很特別的帶子夾紫蘇葉，帶子的口感配上紫蘇葉的香味，值得一試。海鮮清湯很足料的海鮮湯，即使煲過湯之後，蝦肉仍然保持彈牙的口感，湯味清甜，啖啖都有蟹肉。

上次同朋友嚟銅鑼灣試過呢到既蟹宴非常唔錯，今次嚟試下其他海鮮餐一樣出色我地揀左【海鮮料理會席】set時令沙律🥗除左牛油果沙律, 仲有漬物同埋螺肉做前菜刺身四點🍱有象拔蚌、赤蝦刺身、深海池魚、中吞拿魚特別要大讚象拔蚌刺身非常鮮甜，口感爽脆海鮮寄世窩🍲🦀🦐🐚絕對滿足海鮮控，一個火鍋入面有大蝦、蟹、蠔、大大粒帆立貝大蝦上碟時已經開邊容易食海鮮底下鋪滿雜菜，食完海鮮飲啖鮮甜既海鮮+菜湯底，配埋舞茸+烏冬成個火鍋好滿足鹽燒喜知次🐟第一次試喜知次，平時多數聽刺身做法，原來鹽燒都非常好食廚師將喜知次一開兩邊燒得比較均勻，本身魚肉加咗鹽去消炎已經好夠鮮味，想試多一種味道可以試下加青檸或者蘿蔔蓉酸汁極上天婦羅盛盒🍤天婦羅有大蝦、蟹腳、日本南瓜最驚喜係第一次試帶子天婦羅，中間兩件帶子夾住一片紫蘇葉，帶子炸完依然嫩滑

絕對不會再幫襯！實在太差了，的起心肝食第一篇評，反映真實情況。去之前，和阿女睇過評論，滿滿都是好評，但一坐低點嘢食，見侍應的反應，就心知不妙。我們點了特選魚生丼（$198）和蟹御膳（$248），以午餐定食來說，無飲品，無甜品，個特選魚生丼仲連茶碗蒸都無，這樣的價錢都唔可以話平啦，同侍應講「我唔食得生嘅蝦，可否隨便換塊魚生俾我呀？」，侍應冷冷的回應「唔得喎，定左係咁就咁」，我再講「你同廚師講吓啦，我真係食唔到生蝦」，佢仲係講「無得換」，我話「你問下先啦」，佢俾個嫌麻煩啲表情，但最後都ok, 碗飯係無生蝦，至於有無因為少左隻蝦而俾多塊魚生就唔知嘞，因為飯上面只有5塊魚生咁多！至於個蟹御膳，蟹肉係無味，肉質係「梅」嘅，最最最差嘅係嗰啲海膽，一堆半液體咁，一睇就知唔妥，已經醒目地提高警覺，只放少少入口，嘩…臭嘅。同侍應講，呢個侍應態度比之前一個好得多，佢即刻同師傅講，然後再同我地講番「唔好意思，師傅話無壞，係咁嘅味…雖然我地一睇都…。」個「師傅」咁都得？食壞人喎！埋單$446，因為打了個9折，但完全無水準、物非所值的一餐。

入秋係蟹最肥美嘅季節d蟹多膏、啖啖肉！今年急不及待要再嚟品嚐蟹宴食咗多款蟹美食 非常豐富 又滿足晚上嚟嘅飛機貨✈️ 好新鮮 、好食！👍🏻👍🏻👍🏻難怪平日都有唔少客人呀.＜ 特選會席二人前 - $2788 ＞🔸蟹肉三文魚子沙律新鮮蟹肉、三文魚子分量十足，清甜加咸香，沙律菜配醋汁好開胃。漬物有我好喜歡嘅蒜頭漬，微酸有木魚香，好食。🔸季節刺身❤︎油甘魚腩 ❤︎拖羅 ❤︎赤蝦 ❤︎帆立貝刺身新鮮彈牙，魚味清香，赤蝦好爽甜、帆立貝甘甜好味。🔸黑魚子蟹肉海膽蒸蛋又滑又好味，而且好夠熱。黑魚子帶有咸鮮味，海膽濃味creamy，蛋嘅高湯都好香，整體好正！🔸蒸毛蟹超級好食！好鮮、好甜、多膏、又有蟹味！先品嚐一啖原味嘅蟹膏，好甘甜！然後我再拆哂啲蟹肉同蟹膏拌勻食，好鮮甜呀！另外再將一部分蟹肉加醋食，令甜味更提升。🔸特選會席鱈場蟹腳浜燒燒完超香，蟹肉好多、好爽甜，啖啖蟹肉，滋味彈牙！加少少蟹醋食，更加鮮甜去膩。🔸燒喜知次非常大條，魚皮好香好脆，魚肉熟成過，口感結實而滑溜，而且冇乜細骨，大啖魚肉好滿足！好好食！🔸蟹甲羅味噌燒蟹膏+味噌味道好甘、好香濃、質地濃厚，將蟹鉗嘅肉加落甲羅燒，再配脆多士食，口感仲正！🔸汁物 係

同男朋友都好鐘意食蟹，係網上發掘到呢間蟹主題的餐廳，就立即book位！蟹我來了！餐廳主要以蟹做佈置，順住路行入餐廳都會見到唔同的蟹裝飾！今次上網做定功課，唔使睇餐牌就叫左個海鮮料理會席套餐$1380同男朋友最鐘意食的松葉蟹腳刺身$248！牛油果蟹籽野菜沙律+漬物牛油果生熟岩岩好，野菜沙律酸酸甜甜！漬物有螺肉同牛蒡，開胃小菜！時令刺身刺身有松葉蟹腳、赤蝦、帶子、拖羅同池魚！赤蝦同松葉蟹腳啖啖肉，好鮮甜；拖羅油脂分佈平均，入口鬆軟；池魚好出色，入口魚香味好重！海鮮寄世鍋海鮮鍋有大蝦、帆立貝、生蠔、蟹鉗同舞茸菇娃娃菜，湯吸收哂海鮮的精華好鮮甜，海鮮好新鮮彈牙，特別一講係大蝦，員工貼心地開一半，更容易吸收湯汁方便進食！海鮮鍋食到最後再放埋個舞茸烏冬，烏冬爽口煙韌，滑溜溜！鹽燒喜之次喜之次應該只劏無打到鄰，魚油好多，魚味好濃厚！極上天婦羅盛盒天婦羅有帶子，大蝦，蟹腳同蕃薯，粉醬薄脆出色，本身帶子無咩味，但內裏會有一塊紫蘇葉，甘香可口！海鮮清湯飲湯最緊要夠熱完全做到，再搭配少量海鮮同菇菌，中和油膩！甜品係蕨餅，分別有抹茶同黃豆粉味，個人較鐘意抹茶，抹茶味濃郁，一啖接一啖！今餐真係好滿足，好耐無食過

好朋友準備移民，所以特登book左呢間專食蟹的餐廳比佢呢個蟹迷試試！餐廳好容易搵，沿住樓梯行落去會見好多蟹的佈置，好可愛！餐廳座位寬敞，燈光好日系！餐牌有得選套餐，朋友同我都一致選套餐，就叫左個海鮮料理會席$1380，再加左個松葉蟹棒刺身$248同2杯cocktails！上菜前先黎2杯cocktails！分別係日出日落，日出係冧酒溝青蘋果汁；日落係冧酒溝菠蘿汁，2杯酒精濃度唔高，微甜好順口！首先會上漬物同沙律，沙律係蟹籽牛油果野菜沙律，再搭配漬物螺肉同牛蒡！刺身有4樣同另外加點總共5樣，唔想影響口感就食左啖味先，松葉蟹棒好鮮味多肉，帶子赤蝦鮮甜可口，拖羅顏色鮮嫩入口溶化，最有驚喜係池魚，魚腥味完全無入口彈牙魚味重！海鮮寄世鍋分別有大蝦、帆立貝、生蠔、蟹鉗同菇娃娃菜，湯底好重海鮮味，吸收哂唔同海鮮鮮味，每樣海鮮亦大大隻超新鮮！食哂海鮮後再落埋超煙韌烏冬，烏冬吸滿湯汁超正！海鹽燒喜之次，喜之次燒到好金黃，外面脆卜卜，魚肉肥味多汁！天婦羅分別有蝦，帶子，蟹腳同蕃薯，粉醬炸到好薄脆，蝦肉超級滑嫩彈牙！最後送上海鮮湯，海鮮湯菇菌味好重，清香又消滯！餐廳食物同價錢對等，朋友都狂讚，話返黎香港一定會

跟家人慶祝生日喔，這次沒有食蟹蟹，而是選擇了時令海鮮，主要都是因為家人想吃高質的日式料理。點了蟹慶海鮮會席～最最欣賞是鹽燒喜之次，不會燒得太乾身和太鹹，微微淡淡的鹽香帶出魚的鮮味。其次的就是海鮮火鍋，湯底吸盡海鮮的鮮味令整煲火鍋流露著濃濃的海洋味道，蠔和蝦的鮮味好夾，配上烏冬更是一絕。前菜的芥辣八爪魚都十分刺激，直攻味蕾。天婦羅就是即點即炸，新鮮得來帶點熱氣，但又不會令鮮味走失，由其蟹腳，炸得很出色，配上天婦羅汁中和熱氣，又是一道美味的佳餚。刺身都是新鮮高品質的用料，鮮甜美味，而海鮮清湯淡淡清香就是給整餐晚餐劃上一個完的句號。

沒有蟹都可以盡慶，因為朋友仔皮膚敏感，但因為約了很久的蟹宴實在不想取消，所以就點了沒有太多蟹料理在內的海鮮套餐。入座時，座無虛席，果然預約了必定要來。經過侍應介紹後及一輪挑選，最後決定點選～海鮮料理會席。先上時令沙律，前菜2點(蒜子漬、芥辣八爪魚)～蒜子有驚喜，香蒜爽口又濃味，但又不致令人口臭。季節刺身(中吞拿魚、油甘魚、帆立貝)～非常新鮮，厚切肉質肥美。鹽燒喜之次～雖然用鹽燒，但不失鮮魚肉香，油脂分佈不錯。海鮮寄世鍋(大蝦、蟹拑、熟帆立貝、廣島蠔)配舞茸烏冬～湯底非常鮮味。海鮮清湯～比火鍋的湯底清，但海鮮味道濃郁。極上天婦羅盛盒～熱辣辣脆卜卜，從不令人失望。

蟹宴係隨意喺Open Rice開飯啦度搵出嚟，有蟹又係日本嘢，本身都已夠吸引，再見到價錢都唔係天價咁，就去咗試午餐先，午餐感覺十分良好，有唔同款嘅set lunch揀，好食。之後呢次就帶個朋友食晚飯。晚宴當然多人過午膳時間，座位同座位之間都仲有距離。我嗰晚去到後，同隔離檯嘅情侶share共享一檯，於是我就請職員幫我換位，原因係我想我朋友食得開心，同埋覺得地方環境舒適啲，唔係大排檔咁迫。經理好好人，最後肯幫我換位，否則我真係會走咗。🤣朋友嚟到後見到成本餐牌都係蟹已好開心，跟著就叫咗呢個魷魚。佢話超好味，我冇試，佢自己一個人成碟食哂。呢個係蟹豆腐，唔洗講嘢，一定要食。燒牛舌，啲香味令到我其實可以自己一個人食一碟。呢個亂咁叫嘅壽司其實encore 咗兩份。呢個朋友話食咗會爆血管，我唔覺喎，仲一人叫咗一個食完其實都唔夠喉。成張單好似係大約$1,500-，有幾款壽司一嚟到都冇影相就即刻食埋。唔記得影。因啲蟹太好味。

女朋友知我嗜蟹今日同我去蟹慶食全蟹宴餐廳位於大廈地庫位置隱密內裏係日式裝潢有卡座同散座今日被安排坐卡座私隱度更高特選會席套餐($2788)食物相當豐富所以我地決定豪氣一次！蟹肉三文魚籽沙律沙律菜新鮮份量少少醬汁清爽係唔錯嘅開胃菜旁邊仲有三文魚軟骨同芥末八爪魚三文魚軟骨好爽口初嘗感覺新鮮四點刺身有赤蝦、吞拿魚、帶子同海膽海膽伴上新鮮紫菜非常鮮甜帶子厚實鮮美黑魚子海膽蟹肉蒸蛋蒸蛋嫩滑高湯清甜蟹肉海膽鹹香為蒸蛋增添鮮味清蒸花咲蟹有幻之蟹之稱嘅花咲蟹身上布滿尖硬嘅刺蒸熟後顏色豔紅似盛開花朵體型雖比鱈場蟹細但味道香濃鮮美肉質結實蟹膏味道都非常濃郁以蟹肉沾上蟹膏一齊食更感受到濃濃鮮味浜燒鱈場蟹腳此蟹腳比花咲蟹腳果然更巨型炙燒過後蟹腳多添了炭烤香氣與清蒸蟹腳實在各領風騷甲羅燒配多士蟹蓋裏釀滿蟹膏只消一小匙已滿嘴甘甜要用多士去分擔一下😂鹿兒島A5和牛和牛未上枱已傳來陣陣香氣烤得軟嫩嘅和牛入口即融外加蒜片令香氣加倍提升幸福感油然而生松葉蟹釜飯釜飯上枱先由侍應為我地加入配料翻炒中嘅黑松露飄來誘人香味未見其人已令人急不及待最後加入蔥花同魚籽就成了圓潤米飯煮得剛剛好有口感得黎毫不乾燥汁物簡單一道雜菌海鮮湯樸實

《蟹慶 》同老公係銅鑼灣行街，諗唔到午餐係邊食，咁啱經過澳門逸園中心附近，老公好即興同我講不如食呢間蟹慶，好似好吸引咁，入到去餐廳環境好日式感覺，門口掛咗好大隻蟹嚟做裝飾，而餐廳主打菜式係蟹為主，日本直送時令活蟹。今次我地叫咗二人餐「特選會席套餐」，日式時令毛蟹蟹膏好多，食落好鮮甜，蟹肉亦好多食落啖啖蟹肉，好食到停唔到。浜燒鱈場蟹腳，蟹腳師傳上菜前已幫你剪好方便食用，蟹腳燒完好香好鮮甜多汁，肉質結實飽滿。時令刺身（4款）刺身好新鮮，每款刺身食落好鮮味，肉質彈牙，一啲都唔馬虎。甲羅燒配脆餅食落好濃郁蟹膏味相當鮮甜，配埋脆餅一齊食口感豐富，而且賣相亦好吸引。鹿兒島A5和牛和牛燒得啱啱好，食落有少少入口即融嘅感覺，油脂分佈幾平均，再配埋特製醬汁一齊食味道好夾，好好食。前菜蟹肉蟹籽沙律沙律新鮮食落好開胃，旁邊嘅瑩光魷魚好鮮甜，一啲腥味都無。蟹肉三文魚籽茶碗蒸茶碗蒸材料豐富，食落啖啖蟹肉，口感好嫩滑。松葉蟹釜飯店員好貼心幫你將黑松露、蔥花、飯素加入熱石釜中撈勻，一碗炒飯配上松葉蟹肉食落好滿足，值得一試。最後甜品嚟咗蕨餅，口感煙韌唔會太甜，好好食。

香港吃蟹🦀️專門店｜第一次蟹肉吃到撐！！雖然不愛吃肉，但是海鮮，尤其是螃蟹🦀️是我墜愛了，但是香港吃蟹的多是港式炒蟹，讀書時候吃過一次避風塘炒蟹，感覺不入味，而且肉也不夠多！.這次發現銅鑼灣竟然隱藏著一家專門做蟹🦀️的日式餐廳，從前餐，主餐，主食，再到小吃都有螃蟹做主題！也太棒了吧，真的是一次把螃蟹吃了個夠😋.❤️❤️我們選的是二人套餐❤️❤️首先是蟹肉三文魚籽沙律🥗，OMG蟹肉和三文魚籽交融在一起，再配上一口清新的蔬菜🥬，非常開胃！.接著是刺身四點，每一樣都很新鮮，連不吃生的我都大吃三種！（生蝦實在不敢吃😭）.黑魚籽海膽蒸蛋，海膽好新鮮，蛋裡面還放了碎蝦仁🍤和蟹肉🦀️，接著就是甲羅燒，和以前在日本吃的味道一樣！太絕了！.重頭戲來了，日本時令活蟹，不但肉多，而且肉質超級鮮美，又甜又多汁，腳也細心的處理好，開了口，很容易吃！接著還有一道燒蟹腳🦀️，融合了炭燒香味！.此時我倆已經吃飽了，還有一條烤魚，接著還有一份炒的乾香的蟹肉🦀️炒飯，裡面可以自己添加黑魚籽，三文魚籽🍣和蔥花，好美味！.飯後還有提拉米蘇布丁🍮（我自己起的名字）另外配有兩個蕨根餅，好吃😋！.zui重要的是‼️，因為都是蛋白質，第二天竟然一點沒胖‼️

朋友話好耐冇食過日本蟹，又冇得去日本🇯🇵 就決定上網搵呢一間喺銅鑼灣嘅蟹專門店🦀 叫返個蟹宴回味一下🤓 佢哋連筷子座都係蟹公仔，幾得意店員推介咗特選會席(二人前)，特選會席一共有十道菜，可以有齊毛蟹、鱈場蟹，仲有喜之次食添😋 🦀蟹肉三文魚子沙律第一道係沙律🥗 沙律上面有蟹肉絲同三文魚子 蟹肉帶甜 沙律菜爽脆 另配蒜頭、酸汁同埋水雲漬 整體酸酸甜甜😗🦀季節剌身原來季節剌身一共有四款，有邪惡嘅北海道海膽，海膽鮮甜又creamy🥺 另外有北海道帶子，帶子厚肉；金目鯛爽口；甜蝦新鮮😙🦀蒸毛蟹蒸毛蟹上枱時勁靚，將所有蟹膏都呈現出嚟，可以見到滿滿鮮黃色蟹膏，鮮甜濃郁😋 毛蟹嘅蟹鉗、蟹腳都已經拆好咗，所以好輕鬆就可以抽出蟹肉😜 佢好多汁又甜，蟹味都出👏🏻🦀特選會席鱈場蟹腳浜燒蟹肉一浪接一浪，今次到鱈場蟹腳😎 蟹腳經過燒烤，帶點焦香，但keep到蟹嘅肉汁，無燒到乾晒😚 蟹腳大隻多肉，仲可以成條原隻蟹柳抽出，大滿足🤩🦀黑魚子海膽蟹肉蒸蛋有多日式料理都會有茶碗蒸，今次嘅茶碗蒸用上三款唔同嘅海鮮調製，特別有鮮味😝 茶碗蒸質地滑溜，並無過熟，啱啱好😉🦀蟹甲羅味噌燒(蟹鉗)甲羅燒上全部都係蟹膏😍 每一啖都係濃郁

餐廳都叫得蟹慶，入去點可以唔食蟹呢！於是就點左一個特選會席套餐，食到盡慶為止！特選會席套餐 二人前 $2788 季節剌身有4款新鮮刺身，分別係帆立貝、油甘魚、赤蝦同海膽。當中海膽當然係我至愛，每舊壽司上更有4-5片海膽！😍蒸毛蟹大大隻毛蟹配上啖啖金黃色蟹膏，肉質好多汁，配上水雲蟹醋，又令味覺提升了一個層次。蟹甲羅味噌燒呢個又係另一種蟹膏嘅味道！入面有蔥花及蟹肉碎，十分濃郁，配上多士食係最夾。特選會席鱈場蟹腳蟹肉十分新鮮，完全冇雪藏味。仲可以原條從蟹殼取出～🦀魚子海膽蟹肉蒸蛋一碗看似平凡嘅蒸蛋，其實入面有高級嘅配料🤣魚子+海膽+蟹肉，一次過滿足多過3個願望。燒喜知次喜之次係日本三大名魚之一！係深海魚嘅魚王， 又叫海中紅寶石。魚脂肥厚同埋好滑！日出 $78另外叫左杯cocktail，青蘋果汁配上冧酒，酸酸甜甜很開胃。

最近真係超級繁忙 好彩有厚切喺身邊陪伴 減輕負擔🫂所以安排咗同佢食餐好嘅 慰勞返佢 當然除咗慰勞佢之外 呢間餐廳都係自己一直想食嘅😆蟹慶喺銅鑼灣SOGO旁邊嘅澳門逸園中心 主打日式螃蟹 鱈場蟹/松葉蟹/毛蟹等等都有供應🇯🇵用唔同嘅烹調方式處理 我地叫咗兩份 套餐入面都幾多野食 一人一份唔洗爭😌▪️蟹肉沙律沙律菜配咗酸酸甜甜嘅醬汁🥗面頭有一大堆蟹籽同蟹肉 鮮味突出 夠晒開胃▫️季節刺身4點 有深海池魚/金鯛/吞拿魚同赤蝦🦐刺身好新鮮 池魚同金鯛鮮嫩帶油香 吞拿魚肥美 赤蝦夠大隻 口感嫩而爽▪️海膽蟹肉活帆立貝豐盛燒淨係睇個組合都知夠矜貴 第一件事食咗海膽先😛味道甘甜而且份量唔少 再將三文魚子配埋蟹肉一齊食 鹹香中更加突出鮮味 最後就係珍寶size嘅帆立貝 肉厚得嚟口感滑身▫️和御牛柳粒好耐無食過咁精彩嘅牛柳粒🥹醬汁簡單以鹽同黑椒調味 經已超班 牛味超濃郁 肉質夠嫩 好軟稔▪️季節活蟹煮雜炊雜炊係日本好受歡迎嘅家常料理 我都幾鍾意食🍲將高湯加蛋/菇/紅蘿蔔/蔥等 配合調味料將米飯煮開 就好似粥咁 味道清甜🦀加埋蟹一齊 當然更加有鮮味 蟹都係好新鮮 師傅已經預先將蟹拆開 所以我哋食起上嚟都好方便▫️甜