蟹仙海鮮蒸氣鍋 (龍崗道)

营业中

休息中

繼元朗、新蒲崗店後，蟹仙黎到九龍城插旗，地點方便左，立即就約朋友來食！呢度最大嘅賣點絕對係海鮮嘅質素！老闆做咗海鮮批發30年，經驗豐富，會親自挑選頂級靚貨比食客。而且來貨係野生海鮮，全無激素，同人工飼養有天淵之別，去街市都未必買到！我地揀咗海鮮蒸氣鍋（共9款）的套餐，$298/位，非常滿意！🦀越南頂角膏蟹招牌中的招牌，睇下d膏幾澎湃！來自越南最靚貨源，老闆親自從萬隻蟹中挑選最頂級上乘尖貨👍🏻非常鮮味，不同凡響🤤🦞澳洲青年龍蝦正宗澳洲水域野生龍蝦，肉質極彈牙，好好好新鮮！原汁原味蒸熟已經冇得輸！❤️翡翠九孔鮑魚🧡日本大元貝啖啖肉，絕對係重量級。💛越南貴妃蚌💚泰國海中蝦💙深海龍躉片龍躉片嫩滑，口感有點漿口，絕非平時酒樓供應的cheap貨可媲美。💜紐西蘭青口🥗有機蔬菜籃蒸完海鮮最後啖粥永遠係最正☺️有南瓜、豬肉、少許薑片，添多多我都食得落🥰呢個價錢食到咁高質嘅海鮮，絕對係物超所值，非常推介「蟹仙」！

近日，先後吃了兩次蒸氣海鮮鍋，兩間店舖都有水準，食材新鮮，海鮮味美，值得推介。第一間位於太子的「小漁港」已介紹過了，另一間位於九龍城的「蟹仙」，其實已是這店子的第二間分店，也是最新的一間，地方比我曾經去過的新蒲崗店闊落舒適，店內多幅以海鮮為主題的繪畫、照片和小擺設，也可見到店舖老闆的心思，與「小漁港」刻意營造的昔日香港情懷各有特色。 店中有多款套餐選擇，想吃得豪一點，吃到象拔蚌刺身、野生瀨尿蝦皇或野生琵琶龍蝦的話，可選價錢稍貴一點，共有10款海鮮可吃的 $398套餐，如果想經濟一點，$298，有9款海鮮可吃的套餐已經足以大快朵頤。而當然，想真的豪一豪，吃多點貴價海鮮和其他食物的話，也可以點$498以至$698一位的海鮮餐。我不是豪客，所以只是點了兩個 $298套餐與太太一人一個，一起享用，已經吃得十分稱心滿意。 「泰國海中蝦」每位兩隻，大大隻的海中蝦，肉質結實，肉味爽甜，十分新鮮。 「越南貴妃蚌」、「紐西蘭青口」與「翡翠九孔鮑」一併蒸好，三款海鮮都蒸得火候恰可，肉味鮮甜，當中最愛，首推肉質爽彈，彈力十足，又夠鮮味的九孔鮑。 「日本大元貝」也不錯，肉厚多汁。「深海龍躉片」較失色

經朋友介紹，第一次試下九龍城的蒸海鮮蟹仙。有兩層，可容納好多人。雖然只係閒日，但估唔到竟然滿座，記得預早訂位呀。我們食咗最平嘅餐， $298/蚊包九款食物餐。一開波就煲粥先，擺晒啲生米、豬骨、南瓜係鍋底，然之後就唔洗理佢。海蝦原來係非養殖的，咁新鮮又真係好彈牙喎。深海龍躉片同紐世蘭大聖子同朋友 Share，所以兩樣都試晒，我就鍾意食龍躉多啲，淡淡肉。鮑魚彈牙爽口，好味道。紐西蘭青口同越南貴妃蚌蒸味後勁 Juicy，本身唔太食青口，所以試咗貴妃蚌，真係好鮮甜，必試。澳洲青年龍蝦嘢生蝦已開邊，食得容易。大黃奄蟹呢個就係嚟嘅且邊喇！你睇下爆晒蟹膏岀嚟，我成世人都未試過食咁多蟹膏，帶啲鹹香好滋味，講多次：真係好好味！原來老闆係香港的海鮮入口商，經營青蟹批發已經30年，每日都會直接空運嚟舖頭，親自挑選蟹嚟賣，唔怪得之隻隻好食喇？蒸埋蔬菜最後食埋呢個煲咗咁耐，帶有海鮮味嘅豬骨南瓜粥了，就完美喇！

和朋友餐聚也不一定只去吃放題或火鍋，今次就帶了好友來同九龍城的蟹仙，是吃蒸海鮮的，十分特别。價錢也吃合理，我們吃的是 $298/蚊 九款食物餐，有些更可以要二款讓大家 share。首先店員會把生米、豬骨、南瓜放在鍋底，然後便開始煲。上面就開始蒸海鮮了，真的很期待呢！旁邊有個計時器，店員會教導你吃什麼海鮮就按多少分鍾，保證海鮮不會過生或過熟。第一樣就是海蝦，店員強調了幾次請種生非養值的，令蝦肉質感更有彈性。然後便是深海龍躉片和紐世蘭大聖子。龍躉片厚肉鮮甜，而大聖子也岀奇彈牙，實在太美味，如果份量能有多一些便好了。鮑魚的賣相已經很吸引，大大隻，也很彈牙，跟酒樓的鮑魚根本不能比較。紐西蘭青口和越南貴妃蚌十分多汁，連日本大元貝也很岀色，而餘下的汁就當然會倒進粥底裡加添鮮味。澳洲青年龍蝦嘢生蝦主角登場了，就是罕有大黃奄蟹！據店員描述，老闆是香港的海鮮入口商，經營青蟹批發已經30年經驗，每天也會直接空運到店鋪，親自挑選最優秀的青蟹到餐廳，野生越南頂角膏蟹及黃奄蟹隻隻爆膏也是必吃之選。蟹膏真的多到誇張！最後吃蔬菜，有娃娃菜、南瓜和粟米。便到煲了很久的豬骨南瓜粥了，吸收了所有海鮮的精華，鮮味濃郁，正～

通常唔知食咩既時候，最易諗到既就係打邊爐，雞煲同放提。咁岩路過見到有蒸氣火鍋，就決定去試下！因為第一次食，我同朋友就點左個$298既套餐，再另外加左一份星爺醬爆瀨尿牛丸！點左餐無耐啲海鮮就黎到，全部都好新鮮！因為全部都係即叫即劏，唔會係整定放係到。而重點就緊係佢既蟹同龍蝦啦！可以見到佢既蟹膏真係好多！一開始蒸既就係海蝦，蝦肉爽口彈牙，而且亦都非常鮮甜。跟住落黎就係鮑魚同貴妃蚌，因為清蒸，食落味道較為淡，不過咁樣反而食到鮑魚本身既鮮味。而貴妃蚌食落非常鮮甜。另外值得推介既就係依到既牛丸！雖然佢咬落既時候無”食神”入面咁誇張，但係都非常多汁！所以最好係蒸完之後等一陣先食。而牛丸本身都十分彈牙，瀨尿蝦既汁都非常鮮甜，值得一試！跟住就到澳洲龍蝦，可以見到龍蝦肉好厚身，咬落鮮甜彈牙。跟住就到主角，越南頂角膏蟹！頂角膏蟹既膏比較實，食落蟹膏味比較濃，如果想食較膏既就可以簡奄蟹。除左蟹膏之外，蟹肉亦到非常鮮甜！唯一既唔好處就係要折蟹肉而最後就係南瓜排骨粥，因為之前蒸海鮮蒸出黎既水都會倒返去粥到，所以啲粥亦到有曬海鮮既鮮味！再加啲菜譜同葱花落去，非常滋味！

我好少去食海鮮，因為我懶唔想剝殼👻通常都係男朋友/阿爸剝埋比我，所以其實要點拆肉我都無乜頭緒🙉成日聽人講蒸海鮮好正，想食就捉左阿爸陪我去食😈-🔹海鮮蒸氣鍋($298/位)⭐️7/10➸ 海鮮9款 / 有機蔬菜拼盤 / 南瓜粥. . .店員話一定要順次序食，唔可以搞亂🤣(因為我爸想食蟹先🦀)，店員立刻制止佢，話要順海鮮既鮮味濃度去食💁🏻‍♀️▫️泰國海中蝦 > 紐西蘭大蟶子 > 深海龍躉片> 紐西蘭青口 > 翡翠九孔鮑魚 > 越南貴妃蚌-重點係以下呢兩款🔥店員話佢地既大老闆係全港最大既海鮮批發商，每日會揀最靚既越南/菲律賓野生青蟹🦀(PS.有個男人每枱講一次😂)▫️澳洲青年龍蝦🦞> 越南頂角膏蟹🦀龍蝦每人開邊半隻，但條尾舊肉勁大又好厚😍仲要勁爽口！如果有支叉叉出黎就會方便好多🍴另外隻蟹係爆多膏，多到好似要瀉出黎咁😱硬膏軟膏都有，仲要係膏蟹都好多肉！肉質都幾實正，又鮮甜👅-🔺今日好似上左一堂課咁👨🏻‍🏫個男人話點解叫頂角膏蟹呢？原來係因為隻蟹啲膏多到佈滿個蓋，唔夠位就逼到連角位都有膏💁🏻‍♂️-▫️蔬菜籃同南瓜粥吸收哂海鮮既鮮味💦係超飽肚呀！最緊要係唔使

星期6晚上，男朋友同我都想食海鮮，就去左呢間同事推介既蒸海鮮專門店(ﾉ>ω<)ﾉ呢度有4款套餐揀，我地就揀左最平個個～8款海鮮/蔬菜籃/南瓜粥 $298 起初會覺得有少少貴 但食完膏蟹同龍蝦之後 就覺得海鮮好高質(ﾉ>ω<)ﾉ 海鮮每日空運到店，所以好新鮮(,,・ω・,,)海鮮有 #肉蟹/奄仔蟹、#澳洲龍蝦、#鮑魚、#元貝/蟶子、#貴妃蚌、#海中蝦、#龍躉片、#青口 ，睇落好少，但都足夠二人享用(,,・ω・,,) 先蒸蝦，蝦肉爽彈～ 貝類鮮嫩，不會過老的～ 鮑魚很有口感的(*´∀`)~♥ 魚肉很好吃，再多一兩片會更好～ 蟶子亦非常好食！ 每人半邊龍蝦，肉質爽口彈牙，非常鮮甜，無得頂～～ 膏蟹爆晒膏，有軟膏同硬膏，帶少少甘香，店員話我哋好好彩，食到綠色膏嘅蟹，平時好少有既，因為呢隻蟹係食素，其他海鮮都okay！！ 最後食埋蔬菜籃同埋南瓜粥，南瓜粥仲吸收晒海鮮嘅精華添~~ .4人同行仲送椰汁燕窩,好足料架(ﾟ3ﾟ)～♪蟹仙地址：九龍城龍崗道2-4號地下

好日都唔去九龍城嘅我聽到朋友要請我食飯,真係幾唔就腳都要去!老實講我出街真係好少食海鮮,因為唔想郁手XDD 但瓜田李下都要食~$298海鮮套餐今次我地試呢個餐都幾豐富,每樣都有D,個底仲有粥!食海鮮一個好簡單嘅方法分辨新唔新鮮:容唔容易拆殼,黐住曬的話一定係死或者冰鮮好耐,咁多款海鮮佢都係好容易拆開,所以我幾乎用筷子都食得曬.店員好細心幫我地放海鮮去蒸,原來蒸都有分次序,由清到濃,所以一開始係食甲殼類多我必須講呢隻蝦真係好鮮甜好彈牙,而且色澤鮮豔分明,食10隻都得!青口夠鮮味,口感非常好,呢類食材一唔新鮮或者清潔得唔好會有陣腥味,但佢完全無,我連醬油都無點,就證明佢幾正澳洲青年龍蝦肉好彈牙,真係有陣龍蝦味,連個頭都有好多肉食,半隻已經足夠嘗鮮大黃奄蟹蟹爆曬膏,真係內心嘩!一聲~店員幫我地控制好時間,所以蟹肉同膏都係最合適的時間進食,蟹肉鮮甜好扎實,聽老闆講原來佢地每日都會新鮮運來自世界各地嘅海鮮來港,每隻蟹都要精挑細選,確保爆膏先會畀客人享用,而且店員都會確保客人用餐前半小時內先劏蟹,咁樣蟹肉就唔會變得好粉,又挑選食材到烹調都咁講究,先會有咁高質嘅海鮮味道~~食四人餐的話會有椰汁燉燕窩

帶媽媽去食蟹食海鮮，之前都好似已經聽過呢間蟹仙，今次就黎試下。我地叫左兩個set,員工態度好好，好好服務。(9款-$298 一位，10款- 398 一位)野食方面，有頂角膏蟹，頂角意思是真係指蟹蓋周邊都充滿住蟹膏，仲有大黃奄仔蟹，我食嘅係大黃奄仔蟹，佢嘅肉質係一絲絲,啖啖肉,好有咬口，媽媽食嘅係頂角膏蟹,爆膏爆得好激動，因為我見到阿媽食得好開心,哈哈。老闆好好，同我地分享左好多關於蟹嘅品種，菲律賓同埋Vietnam 嘅蟹原來係最正同比較多膏。再黎嘅係龍蝦，鮑魚，元貝,貴妃蚌同蠔等，全部都係好鮮甜!真係好鮮味!除左蟹，我真係比較欣賞貴妃蚌同龍蝦等等，貴妃蚌都幾大隻同埋鮮甜，龍蝦肉唔會太硬身，有口感!阿媽都仲係好欣賞個蟹哈。仲有我都好欣賞龍躉片!唔夠喉所以我地再encore，呢個好食,值得推介!食蒸氣火鍋,最後最緊要都係個粥底，所有精華滲哂入個粥，出邊食過其他粥底，有D店係會加味精或者加太多糖，所以會搶哂原本海鮮嘅精華。呢間就真係原汁原味，真係大滿足，希望老闆快D係港島區開分店啦!我會成日黎呀!

性價比極高海鮮鍋同朋友想搵一間專食海鮮嘅地方但又唔想去到西貢咁遠，上網search下睇到蟹仙呢間野喺九龍城有分店，同埋價錢啱就揀咗呢間一齊去食（我地知去到邊度食都係海鮮價但係呢度係明碼實價）。呢度有幾個餐揀，我哋揀咗$298個餐。個鍋最後有南瓜粥底食，我諗我哋兩條友應該夠食。店員好有心幫我地開個粥底鍋，然後將海鮮逐一放入鍋，時間幫我地調教晒完全唔驚會太過熟。泰國海中蝦-大隻鮮甜好味越南貴妃蚌-啲蚌汁蒸埋出嚟，完全唔需要落任何醬汁已經可以釋出鮮味，蒸既時間剛好非常彈牙，飲埋啲蚌汁真係超鮮甜。翡翠九孔鮑魚-肉質鮮味大隻日本大元貝-夠厚肉超有口感。紐西蘭青口-一啲都唔un, 又係篜到連啲汁都可以飲埋，唔飲真係唒。深海龍躉片-真正深海龍躉，肉片夠大，厚肉鮮味越南頂角高蟹-呢個係成個餐嘅精髓，店主同我地解釋呢隻蟹係越南黎亦係咁多亞洲嘅品種之中最靚嘅蟹，佢講話全港由越南嚟嘅蟹都係佢老闆先揀而且佢係由幾千隻之中搵200隻最靚嘅先過嚟佢哋鋪頭，係精英中嘅精英蟹而且出面食最少都要$500一隻但係而家係呢個$300都唔使嘅餐就可以食到，性價比好高，值得一讚。澳洲青年龍蝦-未蒸嘅時候啲膏已經爆曬出嚟，肉質柔

之前朋友話喺新蒲崗食過蟹仙原來佢地岩岩係九龍城開左分店呀呢邊就腳啲，所以今晚就同媽咪尼試下聽老闆講佢係香港嘅海鮮入口商所以海鮮係天天直接空運到店鋪🤤佢地有幾set套餐，由$298-$688不等可以話係豐儉由人我地揀左CP值較高既$298海鮮餐🦞佢地提供既調味料唔多，因為老闆想客人食到海鮮既原汁原味一開始，店員會預先將南瓜、排骨、珍珠米放鍋底最後會煮成粥，粥會吸晒滴落去的海鮮精華😍粥底鮮甜軟綿，食一細碗就滿足lu😊之後緊係推介今晚重頭戲⚪️越南頂角膏蟹/罕有大黃奄 鍾意食膏既人應該會大滿足。而且隻蟹係好大隻啊！鮮甜而且滿滿蟹膏，我最中意橙黃色蟹膏🥰因爲口感比較硬⚪️澳洲青年龍蝦上圖都可以睇到就連龍蝦既膏都唔少！肉質彈牙又新鮮🤤🤤🤤⚪️紐西蘭青口⚪️紐西蘭蟶子皇或日本大元貝⚪️貴妃蚌或象拔蚌仔⚪️深海龍躉片👉🏻龍躉片都好爽口，如果厚切都少少就好😋⚪️翡翠九孔鮑魚 + ⚪️海蝦👉🏻鮑魚非常厚肉腍身，海蝦爽口彈牙⚪️蔬菜籃食左咁多海鮮，當然要食返d蔬菜啦😂而最重要係，每款海鮮職員都會幫手蒸嫁👍🏻👍🏻👍🏻咁就唔驚蒸到過哂龍啦😂😂順帶一提，有個後生既侍應哥哥服務態度超好的～ 四人同行，仲會每位送椰汁官燕燉雪燕！ 女

冬天食蒸海鮮真係特別正！見九龍城都開咗呢間「蟹仙」分店，離屋企近咗就梗係要過嚟蒸下蟹先！上次食咗$298嘅海鮮蒸鍋，今次食豪啲嘅又睇吓會唔會再有更多驚喜🤤 揀咗呢款 $498 一 Set 嘅蒸海鮮套餐有十三款嘢食， 包五款海鮮再搭一堆肉/丸同蔬菜籃(正常質素)。講到滿足位係可以揀比較特別嘅罕有黃膏肉蟹，而且係每人一大隻！◎ 罕有黃膏肉蟹 - 店員大力推介，視覺效果唔算非常爆膏，但比起 $298 一set嘅軟/硬膏蟹，蟹膏嘅味道更加比較香同細緻，對蟹膏有情意結嘅就好值得去試🤤◎ 野生琵琶龍蝦 - 食得特別啲，呢款琵琶龍蝦個樣本身都夠哂特別，膏都算可以，肉質都幾彈牙😍◎ 日本大元貝 - 真係大隻，不過生殖器官仲大嚿，可能鍾意食呢個口感嘅人會幾鐘意😛◎ 越南貴妃蚌 - 蚌肉好鮮又好有咬口，多汁到都幾吸引！.總括而言，蒸海鮮有平有貴，呢款都值得試。配料方中中挺挺，加埋個粥飽肚就一定架啦 味道嚟講其實都唔錯！不過講真 $298 個餐，性價比對個人嚟講高啲，而且硬膏個口感又啱我口味一啲🤣我會再幫襯！

之前聽朋友介紹一直好想去試下...因為男朋友一家人鍾意食海鮮...所以男朋友生日就去試下..訂位都無問題..book左7點...呢個食評主要講服務...野食都一般.7點正人齊坐低...點餐諗住要6位$298，而侍應姐姐就不停咁話$298啲海鮮好細好少...係咁叫我地要$398或者$498...咁討論後決定要2位$498&4位$298...等左半個鐘開始上菜啦....一開始蒸蝦...放左落去又無人去講要蒸幾耐...㩒粒制就走左去...10-15分鐘後問佢...佢話得架啦唔駛蒸咁耐...大佬呀！我黎食飯架...我黎學蒸野咩！我鬼知要蒸幾耐呀...$498一位，會有一隻蟹同一隻龍蝦...呢隻蟹確實係好食既！龍蝦就一般啦...其他野食就一般啦...全程侍應姐姐就不停咁講....等我黎啦！我地專業啲！等我地整啦！但每一次都要等我自己開蓋夾緊啦先行埋黎講等我黎啦！我明白7點呢個時段係會好多客..會好忙....但唔係藉口囉...你餐廳明知呢個時候多人就安排多啲人手啦！我叫兩渣飲品...你擺低就算....杯都唔比...問你拎位...你問我要1隻呀？呀姐..你自己望下張枱幾多人...我叫兩渣...你比1

呢個天氣最好就係食熱辣辣嘅嘢個人就最舒服， 行過蟹仙，原來九龍城都開咗間分店， 我最欣賞佢個套餐298蚊一位乜海鮮都有得食， 店主仲要自家做批發 啲海鮮當然係新鮮夾大件啦先準備咗個粥底先喺等候期間 另外點咗個新鮮炸魚皮泥食， 脆卜卜 熱辣辣， 好惹味呀每樣海鮮佢地都會幫你蒸埋預較埋時間😋， 咁客人就可以同朋友開心咁傾計唔使怕 過曬時啲海鮮老曬話明海鮮緊梗係有佢哋嘅 主打蟹啦， 而我就揀咗奄仔蟹， 好大隻呀仲要超多膏啖啖肉， 平時喺餐廳食嗰啲都未試過食到咁大隻隻龍蝦都好大隻裏面仲有鮮黃色嘅膏，超誘惑呀食完海鮮就可以蒸埋啲蔬菜食之後當然就係最尾呢碗集齊曬所有海鮮精華既 南瓜排骨粥啦😍😍😍 粥底夠曬面 味道又鮮甜，正喔如果畀夠飽嘅仲有 好多其他 配料， 可以再打番個蒸氣石鍋邊爐㗎😋

今晚專程去九龍城新開的分店「」蟹仙海鮮私房」食蒸氣海鮮石碢 ，因為上次去了元朗食完之後，念念不忘，知道係九龍城開了新分店，必定要嚟幫襯。喜歡蒸氣海鮮鍋最主要原因係夠健康又可以食到海鮮嘅原汁原味， 係享受海鮮嘅最高境界。今次同我蟹仙再叫了$298海鮮餐，有足足8款海鮮、1款蔬菜及甜品送椰汁官燕燉雪燕，食物包括：1. 越南頂角膏蟹或罕有大黃奄 2. 龍蝦 3. 紐西蘭青口4. 蟶子5. 貴妃蚌6. 深海龍躉片7. 鮑魚8. 海蝦9. 蔬菜籃每間分店都同一樣，首先由職員在鍋底放米飯、排骨及南瓜，在鍋面加上一個蒸格，在蒸格上蒸煮每款海鮮，用蒸煮海鮮時的海鮮汁液精華流落南瓜粥裡，設計這個做法的人，連所有精華都不錯過。所有的海鮮時間控制的十分準確，每一款海鮮職員都會按計時器，一夠時就會響鐘及自己停止，咁樣就可以確保唔會煮過時啦。味道方面，我喜歡龍蝦，非常多膏及肉質彈牙，好鮮甜。 罕有大黃奄比龍蝦還要更多蟹膏，超甘香，肉素都好滑。紐西蘭青口都一樣超甜，而且肉身肥美。鮑魚同海蝦都非常新鮮，蒸蔬菜都好好味，唔會蒸到發黃，食物質素高，款款食物都很美味。最後南瓜排骨粥，每次食都冇得輸，煮到白米很綿，食到我同