蟹仙海鮮蒸氣鍋 (龍崗道)

营业中

休息中

女友話好想食蟹，於是呢晚嚟到「蟹仙海鮮蒸氣鍋」食海鮮，我哋揀咗「尊貴海鮮套餐」，有十款嘢食，結果無令人失望😋。.店員指，老闆係海鮮批發商，喺全球搜羅各國食材，將海鮮空運到餐廳，務求令客人食到最新鮮嘅海鮮。.🦐越南大虎蝦新鮮彈牙，蝦膏鮮甜。.🦪韓國慶南蠔有近一隻手掌大，蒸蠔保留到蠔嘅原汁原味，好鮮好味😋。..🦞主菜係澳洲青年龍蝦，呢隻龍蝦係刺身級數，生食亦得，蒸幾分鐘後，啖啖肉嘅龍蝦尾可以輕易起出嚟。龍蝦膏甜滑多汁，龍蝦肉鮮美爽口，唔使點醬油，都已經津津有味。.🦀另一主菜係饅頭蟹，係麵包蟹嘅近親，喺深海捕獲嘅，肉量唔多，但勝在新鮮甜美，蟹膏香濃，令人滿足。.🦀最讓人驚喜嘅係罕有大黃奄蟹，蟹膏多到滿瀉，而且極之鮮甜，肉嫩肉厚，好食到想即時加單。❤️.🥬套餐亦包含一份蔬菜，全部都係香港有機種植，平衡餐飲。.🍵壓軸嘅有椰汁燉官燕，口感清新，點綴晚餐。.👍🏻總結，食物已新鮮為主，最令人印象深刻嘅係龍蝦同蟹；店員服務專業，用心講解會項海鮮。我同女友都食得滿載而歸。

呢晚同男朋友去咗九龍城嘅蟹仙，試咗佢地嘅尊貴海鮮套餐（$399），套餐包括多款高級海鮮。最特別係佢哋用上空運嘅海鮮，經過簡單清蒸，唔需要任何調味，反而展示到食材嘅高質素。.是晚最驚喜嘅係大黄奄蟹，蟹膏香濃帶甘味，口感滑溜。蟹肉量多而鮮甜，令人回味。呢晚仲有罕見嘅饅頭蟹食，雖然肉唔多，但海水味比較重，一試無妨。野生青年龍蝦味道鮮甜，而且肉質比起一般食到嘅更彈牙。.食完海鮮，仲有粥食！粥底冇落到任何調味料，但靠新鮮蔬菜同埋海鮮精華，驚喜級好食。.最後奉上椰汁官燕作甜品，矜貴之餘亦夠晒滋潤。

今日放工之後就同friend一齊去到呢間朋友推薦嘅海鮮食晚餐。一入到去就聞到好大陣海鮮味，令到我食慾大開。我哋揀咗$399九款海鮮嚟食。 聽店員介紹，原來老闆係做開海鮮批發的，而且有多年嘅經驗，每朝早都會親身去碼頭度揀咗啲最新鮮嘅海鮮 。呢度嘅服務好好，員工會主動嚟幫你將 蒸好嘅海鮮放喺你嘅碟上。所以我哋只需要坐喺度等食就得啦！而且因為海鮮嘅烹調時間都唔同，所以員工會根據海鮮嘅不同調節唔同嘅時間。時間一到，就會將海鮮夾到你面前。所以啲海鮮一啲都唔會老。首先，我哋食咗虎蝦，隻蝦好大隻，而且好鮮甜，仲有啲蝦膏添。 之後仲有我最鍾意食嘅生蠔，元貝同鮑魚， 所有嘢都非常的鮮味，而且肉質彈牙，十分推薦。 而龍蝦係可以生食嘅級別，龍蝦啖啖肉肉質亦十分結實。試左咁多種海鮮之後，仲會有一個粟米南瓜粥，味道比較淡甜，但都可以嚐到鮮甜嘅味道。最後仲有甜品係椰汁官燕，官燕嘅份量好多，配埋椰汁一齊食，味道一流

上次同朋友係尖沙咀果間試過，大家讚不絕口d海鮮好新鮮，返去同老公講好正，所以今次同同樣係蟹痴嘅老公尼吃過痛快。今次揀至尊餐，比上次個刁鑽餐平d，但都好 ok。 其實佢餐牌仲有d小食，但兩個人真係試唔到了，下次多d人一齊食先可以叫尼試吓。今次d牛肉，都幾新鮮，蒸完都好稔身，好有肉味，其實配料正正常常甘啦，如果蟲草花加多啲就好了！今次個蟹同上次一樣無令我失望，一樣咁頂角爆膏，食到舔舔脷😋，老公仲好欣賞個龍蝦，話d肉夠實好飽滿，另外個粥當然鮮甜到爆啦，提一提佢個糖水都ok 㗎，所以食得好飽吓。總括今次d海鮮都係好新鮮肥美，尼間野成為咗我哋近期致愛嘅餐廳之一！

本身黎九龍城諗住食泰菜， 點知見到晚飯時間都好多人排隊，朋友就提議食海鮮蒸氣火鍋之前已經食過，不過係食另外一間分店見附近有依間海鮮蒸氣火鍋，朋友即刻話要再食多次，好彩去到晚餐時間仲有位我地order咗十款海鮮套餐，有鮑魚，龍蝦，蚌，蟶子，蟹.........仲有蔬菜籃龍蝦多膏，肉爽多肉，好新鮮蟹一樣爆膏，勁正鮑魚唔會細細隻，勁爽口食完海鮮後食埋個蟹粥底，d海鮮味一樣流哂落去，粥好鮮甜臨尾食埋糖水，今餐飯局超滿足

上次去完新蒲崗個間食完，心癢癢想再食多次點知咁岩行過九龍城，系OPENRICE搵緊野食見到呢邊都有蟹仙，就諗都吾洗諗沖去食啦一入門口都系量體溫，消毒雙手之後坐低左，兩間分店的做法都一樣，都是會有個店員過黎蒸餐具，讚讚讚今次叫左個$999二人套餐，因為全日都冇食野，加上個FRIEND又勁大食呢度只系其中一部份，呢D只系頭盤，重有好多野食黎緊之後龍蝦上檯，系出色既，睇相就知超多膏，超鮮甜，D肉系爽，吾系林個D黎嫁之後掛住食都冇影相，飽飽地就食下菜消下濟佢D菜好好食，個栗米好甜之後就系個粥啦，好鮮甜成晚最期待就系呢個粥，上次太飽食吾哂，今次一定吾會放過佢

由於試過呢間舖頭嘅新蒲崗分店，對食物資素好有信心。所以二次光顧。果然呢次都冇令我失望。海鮮部分，都係好多選擇，海鮮尺寸都係咁大隻，特別係隻蝦，有我手掌咁大，肉質好彈牙，蝦肉都好新鮮。同市面賣嘅蝦比，明顯大隻好多。最出色嘅係扇貝，肉超厚，超大件，肉質好鮮甜。鮑魚係我每次黎都必點，件件新鮮而且比市面買到嘅大好多。食得差唔多，我地點咗D蔬菜，好快就上咗檯，種類比想像中多。為咗清腸胃，我同朋友都係搏命食XD，最後都係冇剩。蔬菜部分，好新鮮，洗得好乾淨，蔬菜都係時令，食落爽口。

母親節過左甘多日先得閒寫食評😅呢間蟹仙食過幾次，都係點價錢平小小既套餐。今次為左慶祝母親節，點都要豪一次，點左刁鑽海鮮套餐，一個人要$688，10款貴價海鮮連官燕，性價比高，母親大人食得好開心，點都是值得的😎今次點左黃膏肉蟹，這個油香足，打响頭炮繼續食😋瀨尿蝦有手臂甘長，啖啖肉，好滿足😍澳洲龍蝦實肉多糕，蒸完冇縮水👍象拔蚌彈牙爽口好好味💋Upgrade 左海皇粥底，食過先知排骨粥底同佢冇得揮🤩檔次提高了。值得一提係這套餐獨有的木瓜官燕，好多燕窩响裡面，好滋潤，食完即刻有白滑既感覺。☺️

吃貨好友生日,壽星話介紹間好野比我地....原來係蟹仙,之前已經屋企人黎過,果然識貨👍🏻叫左個海鮮套餐,$399/位,有龍蝦,鮑魚,大蝦,大大隻帶子....仲有其他,總共這十款~~仲有個南瓜粟米豬骨粥底~~店員先上左粥底既材料先,勁足料,唔會話每樣得幾粒咁hea你,之後主角出場~~~店員好好招呼,會幫你落鍋蒸,夠鐘就幫你夾起,唔怕蒸得太耐...又會介紹食邊樣先壓軸既粥黎喇...蒸完海鮮之後既精華全部喺左個粥度,勁鮮甜😍😍雖然已經好飽,但個粥太好食,足足食左兩碗,超滿足~~今晚見隔離枱叫左瀨尿蝦,足足前手臂咁大隻,好想食,但今次人少實食唔哂,下次叫多d人再黎食過

看蒸氣海鮮食就食得多，周圍都有得食，但要食到間海鮮係新鮮嘅就好似要靠啲運氣，今次同男朋友就特登揸車嚟試下呢間蟹仙。呢到有幾款唔同嘅套餐可以選擇，除咗套餐，如果唔夠食，仲可以散叫海鮮。今次我哋就揀咗「尊貴海鮮套餐」，總共有九款海鮮加一份蔬菜。餐廳非常貼心，為咗客人可以享受到最美味嘅食材，所有食材都係由餐廳老闆親自挑選，而且即叫即劏即洗，由蒸煮到上碟，都由職員負責，完全唔需要自己落手。😊👍🏻用滕做的蒸氣鍋罕有大黃奄蟹夠哂大隻，勁多膏，肉質夠實淨，職員仲特意提醒記得食埋蟹腳😋澳洲青年龍蝦即叫即劏，肉質爽口彈牙👍🏻野生大瀨尿蝦呢隻瀨尿蝦非常特別，除咗特別大隻（足足有兩隻手掌咁長）之外，仲係凍食添。職員預先將瀨尿蝦蒸熟，然後攤凍，上枱前再切開。凍食比熱食更享受到肉質的鮮味！👍🏻👍🏻👍🏻紐西蘭刀背蚌、台灣九孔鮑魚、韓國慶南蠔、深海龍躉片。越南大虎蝦、日本大元貝。粥底蒸氣鍋下有粥底，吸收哂所有海鮮嘅精華。個人口味覺得粥比較淡，但勝在夠鮮味，原汁原味！整體嚟講，以呢個價錢可以食到十款食材，而且每款非常新鮮，再加上餐廳嘅服務，絕對係超值呀！😋😋😋

今晚同一班朋友食蟹仙有唔同套餐，店員一黎到仲就同我地介紹呢度老闆係做海鮮入口，自己攞D最新鮮既貨。刁鑽海鮮套餐有9樣海鮮+1個蔬菜籃。韓國慶南蠔勁大隻，唔腥，堪稱全個海鮮餐最出色！如果唔鍾意食好嘅朋友可以揀青口，紐西蘭藍青口蒸完唔會縮水。越南大虎蝦極級新鮮，用口咬開都可以成隻甩尾。蘇格蘭大蟶子：蟶子係我最鍾意嘅海鮮，好爽口，又好大條野生大賴尿蝦真係名副其實好大隻，呢個餐一人有半隻，賴尿蝦最好就係好容易摵，肉質唔梅好爽口！下次要再黎 😋

九龍城大家都諗起泰國野，但果晚親戚帶我地黎蟹仙我先個海鮮都咁出色 😁 佢之前食過覺得正，就帶我地黎試下，假期黎食好多人好熱鬧，但都好快入得。除左地下一層上面都內有乾坤有多一層，好多位呀!野生琵琶龍蝦🦞好多膏，食完啲肉，成個殼仲可以調落個粥底度滾，最後個南瓜粥好綿好龍蝦味。其實最後個粥底先係精華，將九款海鮮嘅精髓都滴左落去，加上清甜嘅蔬菜，豬骨，令成個粥底昇華咗，本身淨係食海鮮都未必好夠飽，食埋個粥就啱啱好啦。好滿足😇

上次試過蟹仙啲海鮮真係幾好食，今次帶我嘅🐢🍯嚟試下。因為呢度嘅老細堅持一定係攞飛機貨，所以最近話大陸啲海鮮好似有問題都唔太關我哋事，絕對可以食得安心又放心。今次嗌左10款海鮮嘅餐，扇貝，象拔蚌仔呢啲就唔使講啦，必定係新鮮甜美㗎啦。而佢呢度啲台灣鮑魚真係好大粒，而且仲幫你洗得好乾淨，職員幫你正幫你夾，你完全只需要顧住食就得㗎啦。佢呢度仲有啲龍躉片，蒸完真係超鮮甜，個魚皮煙煙韌韌，完全係補充骨膠原嘅機會。然後佢啲越南虎蝦都好大隻，食落超彈牙。另外仲有必食嘅澳洲龍蝦，未蒸已經覺得好吸引，職員話其實呢隻龍蝦可以當刺身食，所以蒸4分鐘就已經食得。確實啱啱好熟，唔會老。佢啲膏真係好吸引，好鮮甜。另外仲有佢隻奄蟹，啲膏真係先甜到不得之了，仲要啖啖肉。最後就係呢隻壓軸出場嘅太平洋饅頭蟹。我從來咁大個女都未見過呢種蟹。職員話佢係屬於麵包蟹嘅種類，一年只有二至五月呢啲時間可以見到佢，而且佢哋嘅生長速度十分慢，呢個size已經需要一年時間先至可以咁大隻，所以真係十分罕有嫁。不過佢啲膏都係爆多，味道都好鮮，而且多咗一陣海水味，幾特別㗎。最後就係佢個粥底啦，呢間分店個粥底比較淡味，主要都係靠返一開始落咗嘅南瓜芋

呢度嘅有好多唔同嘅海鮮餐，店主話佢哋嘅海鮮係相對地新鮮，因為主要係做批發，所以最好嘅貨都會留俾自己嘅店。揀咗中價$399嘅海鮮套餐，睇吓係咪真係咁好食。個餐海鮮種類多，但同出邊唔同，每樣份量多少少咁，唔會怕最後食個粥太飽。一開頭已經放咗米去煮個粥。個餐有蝦、龍蝦、鮑魚、蟶子、龍躉片、刀鋒貝及蟹等。蝦夠大隻幾爽、龍蝦肉都幾爽，唔錯。鮑魚又夠彈牙。最好食係蟹，有饅頭蟹及大王腌蟹。兩款鞋都好鮮甜。大王醃蟹仲有好多蟹肉，正！

疫情終於都見到處光，又係時候同朋友出嚟搵食啦，朋友知道我鍾意食海鮮，就介紹我嚟呢間蟹仙。通常食飯之前我都會上OpenRice睇吓間餐廳有咩食，見到評價幾好，價錢都唔算貴，值得一試下。因為限聚令的關係，等了一陣位，終於可以坐低啦，座位好闊落，每張枱中間都有一個蒸爐，依度個爐好特別，係用竹藤編織的，好似越南竹帽咁樣。侍應幫我地消毒碗筷。我們就在睇餐牌，二人餐都分有幾種價錢，不同價錢，海鮮種類和數量都不同，我們就揀了個中中等等的價錢，睇落都好豐富，有龍蝦，有蟹，等等。廚房即叫即劏，好快新鮮的材料就上枱啦，眼望海鮮都好新鮮，龍蝦開邊，隻蟹勁多膏，店員幫我們一樣樣放入蒸爐，每款大概蒸3分鐘，我們坐低等食就OK啦。依度好特別，賴尿蝦有成隻手板咁長，而且係凍食的，店員攞出嚟俾你看完之後，就會攞返入廚房，成隻起肉，非常鮮甜，肉質彈牙。生蠔都算大隻，就咁清蒸，食落一啲都唔會腥到我最鍾意食的龍蝦，真係啖啖肉，龍蝦啲膏好甘香當然要試吓佢啲蟹，又真係幾得，睇個樣都已經好好食，完全唔需要點豉油，已經好鮮甜最尾要食埋個精華，就係個粥底啦，索曬海鮮的汁，好正。食飽啦，估唔到仲會有糖水，椰汁燕窩，如果我冇記錯的好似係