螢壽司 (已結業)

星期六的中午人流不多 清清靜靜感覺舒適午市套餐選擇多 由平到較貴的自選壽司應有盡有套餐包前菜 飲品 味噌湯都幾抵食 ✨自選12件壽司餐 ($238)✨ 這張紙給客人後可以自己揀壽司 其中吞拿魚腩同牡丹蝦只可以揀一件剩返的一件起兩件止 選擇左幾款壽司同朋友分享 印象深刻的吞拿魚色澤均勻 魚香十足唔多筋 牡丹蝦爽甜鮮美 鰻魚壽司甜而不膩 帆立貝 赤背壽司爽口不過味道淡最驚喜嘅係海膽壽司極之鮮甜 份量亦都唔少 可惜只叫了一件呢而蔥吞拿魚碎軍艦 味道相對淡好多甜品是蜜蜂布丁 只有淡淡的甜味 不太膩 單點的火灸三文魚 柚子白身魚鮮美 入口溶化很吸引 晚上八點半後有特價料理 下次再去一探究竟

銅鑼灣晚飯時間總是人山人海, 要找間舒適的餐廳不容易附近的餐廳多是韓燒, 這天晚上與友人看到了螢壽司名字還挺特別的, 便去吃吃看餐廳位置算大, 座位之間距離也不算太迫近入面還有房間, 下次人多又想吃日菜可以預留了XD牆上有特別菜單, 一問之下發現餐廳會因時令食材入貨一個月大約到日本番貨4次, 所以特選菜單會經常轉換啦先來的是特選刺身: 今期是太刀魚/平目魚/金目鯛/牡丹蝦/赤貝擺放成玫瑰樣子的金目鯛，油脂分佈剛好, 而赤貝肉質也一貫的帶爽勁薄切左口魚可以蘸旁邊的薄切汁, 薄切是考刀工之作, 呈半透的肉身更見刀工之細膩牡丹蝦，肉質鮮甜而夠厚最後它的蝦頭可以+$10用作油炸成脆蝦頭或是做成麵豉湯脆蝦頭炸得香脆整個連殼吃也沒問題, 很香口, 相比下做成麵豉湯的蝦味不太突出了魚干拼盤:鱈魚棒/炸河蝦/雞泡魚乾鱈魚棒本來不帶什麼濃的味道, 故薰上沙律醬剛好炸河蝦極香, 令人欲罷不能, 極速把它整個清掉哈哈重點是比較少見的雞泡魚乾, 帶有甜味又有嚼勁, 喜歡!串燒的選擇多, 比較喜歡八爪魚串, 塗上汁後味道提升之餘燒得剛好又難得地易咬還有帶子也不錯, SIZE燒過後不會縮得太少所以可知它本來SIZ

銅鑼灣地段來說，除了茶餐廳/快餐店之外，附近環境比較好的餐廳午餐價錢都比較貴。有時工作比較疲倦，中午吃飯總想找個比較舒服的地方。同事今日介紹我到一間樓上的日本餐廳，食材用上日本進口的魚生刺身，舒服地吃個午餐。 午餐選擇非常多，價錢豐儉由人。午餐有前菜/沙律/白飯或烏冬/麵豉湯/蒸蛋/甜品。份量多又飽肚，性價比非常高。 先來跟餐的迷你烏冬。迷你烏冬絕不迷你，湯底清甜，烏冬爽口帶有口感，不會太軟太霉。雖然清清的一碗，但蔬菜/魚蛋份量也剛好。吃到這裡已經有一些飽意。 壽司8貫。用上日本進口的魚生，入口鮮甜香嫩，質素中上。當中較愛吃甜蝦，爽甜香口。也愛帆立貝，口感豐富厚肉。魚生入口沒有雪藏味道，吃出陣陣鮮香。 餐廳推廣的價惠。Like餐廳Facebook專頁，日本帶子刺身可以享有優惠價。朋友超級喜歡帶子，決定豪一豪試試。帶子厚肉鮮甜，入口香嫩而沒有雪藏味，帶子不帶筋不黏口。旁邊是內藏，第一次吃味道非常驚喜，甜度高，吃出陣陣香甜鮮味。⋯我又發現了一間日式午餐飯堂，性價比高又飽肚，非常超值。

經過銅鑼灣京都廣場的朋友都應該知道，樓下的「硬銷」式推廣簡直不得了！每次你都迫得要拿著一堆傳單，他們才肯收手。亦因為這樣，我先入為主地對樓上餐廳的質素抱有懷疑。一個星期五晚上，四處都要人龍的關係，我決定到這裡的日本餐廳試試... 我們一行三人，叫了以下四款食物，真心是很好吃！！龍蝦很大隻！那個湯也直情是龍蝦湯！超推介這個饅魚飯！饅魚十分厚身，份量也很多。店員會細心的向你介紹各項選出，貝殼類的內臟也會幫你燒。這個壽司拼盤亦看出了它的用料很新鮮，由淡味到濃味都十分有層次！店員的服務態度都很好，當日因為爆滿關係，未能做到先吃凍再吃熱的上菜順序，感覺是有少少遺憾。不過整體來說都很好，而且價錢合理，絕對會再去的。

2016.02.15 【2.15 瑩壽司? 螢寿司!~滋味行TASTY ROAD】多謝 “桂花”小姐請食飯“桂花”小姐知我聽到BREAKING NEWS之後，心情麻麻，所以請我食飯，就我近近哋去銅鑼灣食日本菜。N年前，柴娃娃一班人食過瑩壽司今日再食螢寿司地點不同，級數不同，質素不同，心境不同，感受自然不同。我都算係半個海上女兒，除咗n世冇游水，基本上鍾意坐船，鍾意食海鮮，所以呢餐應該很好。向MENU進發魚干拼盤魚干拼盤中有雞泡魚干由怕雞泡魚有毒，到食第一口雞泡魚就愛上，反轉好大。因為佢甜甜哋，又有咬口，我覺得如果鍾意小酌幾杯，用佢嚟佐酒，一定比平時飲多幾杯，只係果個人一定唔係我囉，半啖啤酒都唔得，酒量真係好到呢。螢特選刺身盛 第一次食鮑魚刺身，原來係咁鮮甜，雖然唔係鮑魚fans,但試咗呢次，我諗可以有第二次。仲我至愛嘅蝦刺身，大大隻，其他活魚及貝類刺身，都好好食，但有至愛在眼前，其他都會被比下。原條鰈魚天婦羅我知道自己對好多嘢都可以好隨和，但關於喜歡與不喜歡，係有要求嘅，寧缺毋濫，好睇感覺同溫暖度，一愛上，就會專一。好似我好愛天婦羅蝦，任憑呢個天婦羅蝶魚做得外脆內嫩，肉汁鎖住，只有讚賞

今夜來到了銅鑼灣，想說吃一點日本菜。老婆仔就建議黎依間螢壽司，反正我又未食過，就一於黎試下啦。首先前菜當然是要來一碟刺身啦。這裡有左口，池魚，海膽和蝦。左口薄切，可以點柚子汁吃，本身是沒什麼味道的，要加上大量的柚子汁才好吃。池魚切雙飛，以刺身來說是比較特別的切法吧。當然，池魚要大大舊先好食，肉質鮮甜，帶有一點的油香。海膽配紫菜，海膽非常的鮮，而且非常的大舊，愛吃海膽的人一定會明白這種啖啖海膽的滋味。牡丹蝦肉質淋而帶點爽，鮮甜。刺身吃剩的蝦頭可以加＄10再煮成湯。原本以為是蝦頭湯，會煮出很多蝦膏。誰不知只是把蝦頭放進味噌湯。喝起來也只是味噌湯，白白的浪費了蝦頭。雞翼串。雞翼淡味，但烤至非常脆皮。配上檸檬汁調一調味，很鮮很清。牛舌。很爽的烤牛舌，時間掌握得好，中間還帶一點微粉紅色。口感爽爽的。但同樣地，本身沒太多的味道，要點檸檬汁才調出味道來。雞皮蝦。第一次聽有這種的食法，雖然是會非常的不健康，但一餐半餐就算啦。雞皮烤脆，配上入面又烤好的蝦，一爽一脆，很豐富的口感，而且有淡淡的雞油，非常惹味。最後的主角，鰻魚飯。醬汁比較少，與平時吃到的蒲燒汁拌飯不一樣。鰻魚早已吸收盡了蒲燒汁，所以是很有味

之前來過的螢壽司一直令我夢雲牽掛，總想再找個時間又來食過！一來價錢平民化，二來食物有質素又夠鮮，三來環境不錯。今晚，我來也！上次坐高枱，對住師傅正一正，老實說，雖然可以欣賞師傅的手藝，不過就好像有點不自然，吃得無咁自在。今次坐番平常座位，無咁多對眼望住，更能靜心欣賞所有嘢。就好似四周圍的壁畫和擺設都好靚，完全是傳統的和式風格，甚有古典美。特選刺身盛選料很豐富，而且不時不吃！好明顯是由師傅嚴選時令的刺身，所以揀佢來食就準沒錯啦！等我話俾你地知包括左啲甚麼先！有特大牡丹蝦刺身、金目鯛薄造、活北寄貝刺身、漬鯖魚、和魴“魚弗“魚刺身，陣容都幾特別！漬鯖魚味道非常濃郁，燒的吃得多，漬的還是首次食到，據說貨源小，所以不是常吃到！魚肉較腍，質感較黏，細骨處理得好好，唯腥味也不是一般人接受到。活北寄貝刺身非常新鮮，肉質比熟食時軟多了，嚼勁頗有，肉質彈牙，個人幾like~金目鯛薄造呈半透明顏色，肉身散發出晶瑩剔透的白光，魚皮則是粉嫩且鮮豔的粉紅色，一看已經知是名品！吃落肉質鮮味爽實，非一般養殖魚所能比喻。至於牡丹蝦刺身真是超大隻，蝦身有如姆指般粗，吃得自然暢快啦！而且黏稠的蝦肉的鮮味在唇齒間忘我跳舞，令

一黎到先食個小食，呢間既小食幾特別！魚干拼盤，呢個拼盤比期望中好食，完全係可以encore再encore，如果有得買番屋企應該會買一大堆哈哈，魚干拼盤包括鱈魚棒、炸河蝦同雞泡魚乾。鱈魚棒有埋個沙律醬點黎食，沙律醬係必須，香脆既鱈魚棒，帶點魚既鮮味，加埋沙律醬可以減低肥膩感炸河蝦，本身對呢個係有d抗拒，因為畢竟佢係一隻隻蝦咁樣食落口，但點知食左一隻之後停唔到口，一啖包括哂唔同既味道，有本身炸既香脆，面頭帶點鹹口，而蝦既本身鮮味十足，不過食多左會覺得有d乾雞泡魚乾，今次係第1次食雞泡魚，咬落有點軟腍，感覺到當中既油份，食完前面兩個小食食呢個會減低左熱氣既感覺，相對黎講呢個味道較淡。食先前菜就黎刺身啦，先黎呢個好似玫瑰既金目鯛，金目鯛呈粉色，肉質粉嫩，油脂份量岩岩好。赤貝爽口鮮甜，而且食落慢慢感覺到香甜既後勁左口魚薄切，薄切有個酸汁可以點，帶番個鮮甜味出黎，薄切切得平衡，相當考功夫，味道清淡，帶點甘香，故要先食呢個刺身，肉質帶嚼勁牡丹蝦，身為蝦王既牡丹蝦，就咁睇已經見到佢厚身既肉，食落口感豐富，甜美蝦頭可以揀油炸／整湯飲，揀左後者，飲落似普通麵豉湯蝦味唔太濃雞皮花竹蝦，黎到已經聞到雞皮既香味

✿╮❤╭✿螢壽司．品味新鮮創意❤銅鑼灣一向食店林立，要向朋友推介新鮮有創意的食店就要花點心思在京都廣場的螢壽司就令人一試難忘格局精緻而裝修特別，東瀛風成為全店的特色味道與品相俱佳的日式FUSION菜令人回味❀魚乾拼盤 $883款口味，3種吸引力，同樣爆燈！特別是燒雞泡魚乾，香甜好味；而鱈魚片則甘香薄脆，各有特色必食❀螢特選刺身盛 $398小鮮肉剛上台就吸引眼球，精緻的布局，與鮮嫩的顏色就知道新鮮當時得令，自然吃得開懷，刺身盛包括：赤貝、牡丹蝦、磯燒鮑魚、油甘魚、金目鯛薄切金目鯛點上特色醬汁，入口更是鮮甜，原來店方每星期返貨4次，只選時令海鮮，難怪每款刺身都是新鮮滋味必食❀黑松露黑豚金球菇 $28從賣相到味道都滿分！黑松露香氣四溢，金球菇水份多多，西班牙黑豚肉更是口感香軟3者味道互相配合卻又各不相讓令人眼耳口鼻都充斥了黑松露、黑豚、金球菇的因子視覺藝術❀原條鰈魚天婦羅 $58一出場就令人驚喜的作品：金光閃閃的魚塊連完整的魚骨上台，金黃而引人吃了一口就知道毫無油膩感，炸的時候處理得很好每件都是肉厚而香口，喚醒了為食的靈魂，教人食指大動❀泡菜雞肉石頭飯 $78韓式與日式同在的作品，店員細心幫

要在銅鑼灣吃飯都幾麻煩, 雖然有大量不同價位和風味的食店, 但大部份好吃的都要排隊, 又有時人多店又會很嘈。繼上次跟朋友仔到商廈樓上的食店後, 今次我們就找到了"螢壽司", 可以舒舒服服地吃一頓日本料理。瑩壽司的裝修和一般的日式料理店差不多, 特別的是他們以不同的日本酒作裝飾, 有點像居酒屋。好像很久沒有吃過壽司刺身了, 所以先點一個上刺身併盤, 再一邊吃一邊點其他東西。五色刺身併盤雖然每款只得兩片, 但用料十分新鮮, 既切得厚薄適中, 帶有光澤, 更不帶魚腥味, 吃得十分開心。大大粒來自北海道的珍寶帆立貝非常甜美, 肉質柔軟不黏牙, 是五款刺身中我最愛的一款, 真是多吃兩粒都可以。雖然不好杯中物, 但這個雞皮花竹蝦真是一款很好的下酒串燒。本身燒了近手板那麽長的花竹蝦已經味道不錯, 蝦肉結實彈牙。但加上用雞皮包着已去殼的蝦身, 燒起來雞油就會滲入蝦肉中, 吃起來味道更濃郁更惹味。而且雞皮燒了後不會覺得油膩, 反是有點脆像煙肉...增加了口感, 幾有趣的。無懼膽固醇的我們還點了士多啤梨鐵板鵝肝賣相漂亮的鵝肝多士味道也很不錯, 鵝肝煎得外脆肉軟, 富內臟的甘香。配上酸甜的士多啤梨醬, 吃完

之前一直都有幫襯開覺不錯，今次當然都拿返張會員咭去食野有九折啦。今日大約7點到達，桌大約3-4桌，食了個多小時離開時已滿座了。深海池魚，甜蝦，三文魚，海膽：深海池魚加了酸汁好酸胃加少許魚油香，海膽都鮮甜而味濃，其他就正常味道但都夠新鮮。明太子燒杏鮑菇，黑松露黑豚金菇球：明太子味道濃加清淡的菇吸晒味剛剛好，黑松露黑豚金菇可一口咬晒，黑松露好香味道不錯，但熱度吾夠變為有點失色。金菇釀無骨雞翼：新產品金菇滲入雞翼香，但雞肉偏少。牛油燒粟米，安格斯牛肉：牛油夠香和粟米燒得好乾身而吾會冇晒味道，安格斯牛肉好香同少少脆口，牛味豐富。鹽燒鯖魚：鯖魚魚肉夠滑，加了檸檬加酸汁帶到鯖魚香，而且夠熱度和香口添。稻庭冷烏冬：黎到已經吸睛很靚的裝飾，食落凍凍地加上有口感的烏冬加上少少甜汁味道不錯，份量也不少添。蕃薯天婦羅：黎到熱呼呼又吾油，蕃薯香好濃同皮好脆口，意外覺得十分好味。

看電影前先要吃點甚麼來填飽肚子，要不然邊看邊打鼓就失禮了。喜歡日食的我選了螢壽司，裝修風格很日式，一列的紅燈籠最吸引我目光！坐位空間寬闊，桌面也夠大，多點一些食物都放得下啦！先來一客上壽司拼盤（$198）有吞拿魚、三文魚、油甘魚、鰻魚、帆立貝、三文魚子等八件，肥美的吞拿魚甘香無腥味，三文魚子軍艦的紫菜跟魚子都卜卜脆，感受著魚子在囗中爆開口感豐富！花膠雞絲濃湯手打烏冬 （$118每天限量供應）日式料理店竟然供應花膠雞絲濃湯手打烏冬？太高貴太特別了不可不點吧？用鐵鍋子盛著的烏冬冒著騰騰的熱氣上桌，配料不少：花膠、雞肉、糖心蛋、昆布、還有粉絲，花膠也有五、六件，也算真材實料！可惜湯頭不算濃，花膠也偏硬身，也許煮久一點會更好，但大冷天的吃得暖和溫飽也很滿足！二人稍稍醫肚埋單300多，價錢偏貴幸好用上真材實料，可以接受。

早前去了位於銅鑼灣的螢壽司食飯.店內怖置以簡約為主，感覺舒服.我地先點了小食拼盤.當中包括脆炸河蝦仔，鱈魚棒乾和雞泡魚乾.而雜錦漬物三味，包括龍蝦沙律，明太子沙律和白羅白漬物.河蝦仔夠香口又脆身.雞泡魚乾帶微微甜甜地, 完全不硬身.鱈魚棒乾入口時，有點似食威化餅的感覺, 口感幾得意.而兩款沙律夠清新，漬物帶點酸，特別開胃.這些小食除了適合用來佐酒外，就甘食也好好味.食日本嘢，我多數會點雜錦天婦羅.當中包括大蝦和冬菇，茄子等蔬菜.炸粉幾薄身，外層帶微脆，又不會太油膩.大蝦好大隻，啖啖肉，肉質爽口又彈牙.而冬菇能多厚身,口感不俗.蒲燒鰻魚朴葉飯.承載的器皿好別緻.一打開蓋，見到一塊朴葉在飯面.飯裡混入蛋絲，而入口時，多了朴葉的清香味.飯軟硬適中，好啱我的口味.鰻魚色澤好靚，而醬油對於鰻魚好重要，兩者好夾.鰻魚尚算肥美，又較厚身，入口時口感較佳.

雖然天氣好凍，但都好想食日本野，食刺身而今次同朋友決定食下啲貴價啲嘅日本餐廳～呢間日本餐廳係係銅鑼灣樓上鋪，全層環境幾大。入到去已經覺得好有特色，有日本風嘅牆紙、屏風等。仲有開放式廚房，等部分客人可以望住師傅整壽司我地一開始就要左幾款刺身，有藍鰭吞拿魚、油甘魚、甜蝦⋯⋯同應該係軟殼蟹（唔記得左～）藍鰭吞拿魚真係好正！入口即融嘅感覺好難忘，而且厚薄適中，口感好好。甜蝦好鮮味，唔點豉油仲正～軟殼蟹啲蟹膏真係不得了，好多好大夠另一推介：蒲燒鰻魚朴葉飯 ＄108如圖，鰻魚好大舊！不過因為焗住左嘅關係，我嫌佢有少少「林」。如果係實返啲會更好，始終舊鰻魚大大舊真係好正～啲飯吸左啲汁所以都好好食。雖然唔係食左好多野咁，但都好飽好滿足～最緊要係可以有個地方同朋友傾下計，食下好（東）西p.s.蒲燒鰻魚朴葉飯 ＄108真心抵！

朋友介紹黎呢間日本菜晚餐, 環境好有日本風情, 仲有一排壽司吧, 野食都幾多元化, 有壽司刺身之餘, 亦有燒物同飯類~Vi點左一個螢壽司刺物拼盤, 燒蠔, 雞皮花竹蝦同花膠濃湯雞絲烏冬~先黎既刺物拼盤好令好吸引!!有牡丹蝦, 海膽, 左口魚, 赤貝同油甘魚, 全部刺身都好新鮮, 特別係牡丹蝦好大隻好鮮甜, 而赤貝就好爽口, 油甘魚厚切好肥美, 比較有特色係部分赤貝用左青瓜同蟹柳一齊捲埋, 咁食法都係第一次, 不過Vi都係中意就咁食赤貝刺身多d~而牡丹蝦既蝦頭可以+$10炸左佢, 炸完香口好多, 幾好味~之後叫左2款燒物, 燒蠔有4款味, 分別係明太子, 黑松露鵝肝, 海膽同蒜香~ Vi食左其中2款, 蒜香味幾香口好食, 蠔亦幾大隻, 不過海膽味就麻麻, 有d腥, 朋友食左另外2款表示太咸~另一款燒物雞皮花竹蝦又係好特別, 蝦身已經剝左殼,包上左雞皮去燒, 第一次咁食法, 雞皮燒到好脆口, 食落似脆皮蝦, 蝦都幾爽口, 而雞皮既油分已經燒走哂, 所以食落唔會好油, 同埋唔講唔知係雞皮黎XD最後係花膠濃湯雞絲烏冬, 呢個配搭又係好新奇, 日式同中式fusion. 烏冬用熱窩上, 湯底超濃,