影片
更多
2016-02-24
764 浏览
2016.02.15 【2.15 瑩壽司? 螢寿司!~滋味行TASTY ROAD】多謝 “桂花”小姐請食飯“桂花”小姐知我聽到BREAKING NEWS之後，心情麻麻，所以請我食飯，就我近近哋去銅鑼灣食日本菜。N年前，柴娃娃一班人食過瑩壽司今日再食螢寿司地點不同，級數不同，質素不同，心境不同，感受自然不同。我都算係半個海上女兒，除咗n世冇游水，基本上鍾意坐船，鍾意食海鮮，所以呢餐應該很好。向MENU進發魚干拼盤魚干拼盤中有雞泡魚干由怕雞泡魚有毒，到食第一口雞泡魚就愛上，反轉好大。因為佢甜甜哋，又有咬口，我覺得如果鍾意小酌幾杯，用佢嚟佐酒，一定比平時飲多幾杯，只係果個人一定唔係我囉，半啖啤酒都唔得，酒量真係好到呢。螢特選刺身盛 第一次食鮑魚刺身，原來係咁鮮甜，雖然唔係鮑魚fans,但試咗呢次，我諗可以有第二次。仲我至愛嘅蝦刺身，大大隻，其他活魚及貝類刺身，都好好食，但有至愛在眼前，其他都會被比下。原條鰈魚天婦羅我知道自己對好多嘢都可以好隨和，但關於喜歡與不喜歡，係有要求嘅，寧缺毋濫，好睇感覺同溫暖度，一愛上，就會專一。好似我好愛天婦羅蝦，任憑呢個天婦羅蝶魚做得外脆內嫩，肉汁鎖住，只有讚賞
多謝 “桂花”小姐請食飯“桂花”小姐知我聽到BREAKING NEWS之後，心情麻麻，
所以請我食飯，就我近近哋去銅鑼灣食日本菜。
N年前，柴娃娃一班人食過瑩壽司今日再食螢寿司
地點不同，級數不同，質素不同，心境不同，感受自然不同。
我都算係半個海上女兒，除咗n世冇游水，基本上鍾意坐船，鍾意食海鮮，所以呢餐應該很好。
向MENU進發
魚干拼盤魚干拼盤中有雞泡魚干
由怕雞泡魚有毒，到食第一口雞泡魚就愛上，反轉好大。
因為佢甜甜哋，又有咬口，
我覺得如果鍾意小酌幾杯，用佢嚟佐酒，
一定比平時飲多幾杯，只係果個人一定唔係我囉，
半啖啤酒都唔得，酒量真係好到呢。
螢特選刺身盛
第一次食鮑魚刺身，原來係咁鮮甜，雖然唔係鮑魚fans,但試咗呢次，我諗可以有第二次。
仲我至愛嘅蝦刺身，大大隻，其他活魚及貝類刺身，都好好食，
但有至愛在眼前，其他都會被比下。
原條鰈魚天婦羅我知道自己對好多嘢都可以好隨和，但關於喜歡與不喜歡，係有要求嘅，寧缺毋濫，好睇感覺同溫暖度，一愛上，就會專一。
好似我好愛天婦羅蝦，任憑呢個天婦羅蝶魚做得外脆內嫩，肉汁鎖住，只有讚賞，沒有到達愛上的程度，所以邊個叫邊食哂，享用之責任交俾“桂花”小姐 =p
才子方大同唱過無菇朋友，我同“桂花”小姐都係愛菇之人，所以叫咗2款唔同嘅菇食吓。
黑松露黑豚金球菇黑松露味濃，黑豚優質媲美牛肉，包住金球菇，充分吸收肉汁。
明太子燒杏鮑菇明太子與芝士融合，放喺杏鮑菇上燒，令杏鮑菇滿載芝香之餘有唔會乾身。
燒原件羊仔膝真係要讚“桂花”小姐好介紹，
除咗羊腩煲，我一直好怕羊羶味，
呢個羊仔膝不但冇羶味，仲燒得夠嫩夠juicy，
真心覺得如果唔係有鰈魚天婦羅，
我哋一定叫2隻，實行1人1隻。
紅棗蜜&桂花蜜
“桂花”小姐之所以俾我冠以“桂花”小姐暱稱，係因為同佢食飯次數唔多，但每次佢一見menu有以桂花入饌嘅食品/飲品佢一定叫。
今次佢就叫咗桂花蜜，佢第一啖就話好正好正。
而我，明明最近天氣暖番，個人應該冇咁怕凍，
手腳依然冰冷，可能血氣不足，
所以要咗紅棗蜜，讓我取暖。
為健康，為家庭，
為事業，
為愛情，
為心想事成，
付出真心，
誠心許願。
张贴
