螢壽司 (已結業)

行完年宵後便和友人一嘗這間高檔日本菜，一到踄後店員很快就為我們熱茶👍刺身和蟹很快就到了，最吸引我的就是長腳蟹！長腳蟹十分鮮甜美味，肉質不會軟軟的，能分開一絲絲的。雖然我不太喜歡蟹膏，但朋友說蟹膏很滑很香。應該是我不太了解的美味吧，哈哈！另一個最愛就是吞拿魚，雖然份量小小，但卻回味無窮！一放進口腔裏輕輕一咬，魚肉就彷彿在嘴裏溶化。除了魚鮮味之外，肉質是加分位。油甘魚也不錯，但不及相比以上2樣。值得一提的是芥末應該是即磨，口感和味道都與預先製的不一樣。吃完刺身後，就來了一個鰻魚飯。因為作為個從小都是吃飯長大的香港人，還是有飯才能填飽肚子😂飯很有朴葉的香氣，加上熱騰騰的，令我食指大動！鰻魚肉質偏軟，但同時也比較嫩，應該是這種蒸法的效果吧。日本飯向來就比較吸引我，加上蛋絲的搭配，錦上添花！底也有朴葉整體來說，店主很主動幫忙，而食物雖然偏貴，但若果間中一次也可一嘗。

這家叫螢壽司的餐廳，聽就聽得多啦，今次就跟好友去這邊來個小聚啦。唐揚炸雞炸雞嘛，賣相蠻不錯啦，外脆內滑，炸粉薄薄一層，不會影響雞本來的口感，又做到香脆的效果。雞肉本身夠靚，雞肉滑滑溜又夠多汁。沾上隨炸雞醬汁，在熱氣跟香脆間取得平衝。特大牡丹蝦壽司牡丹蝦大大隻，入口膠質很豐富，牡丹蝦的鮮味充拆著口腔，感覺相當不錯，在這邊不吃這個牡丹蝦壽司，就是沒到過「螢壽司」啦。油甘魚壽司這個嘛，油甘魚還滿新鮮的，口感嘛，平平啦。大吞拿魚腩壽司大吞拿魚腩夠新鮮夠肥美，入口有種魚油在口腔內充斥著，味道也蠻討好的。雞皮花竹蝦雞皮的味道撲鼻，但眼看它被烤得沒有了油膩的感覺，只淨香脆之感。入口果然不油不膩，而且很薄很脆，竹蝦被雞皮包裹著，因而令蝦沾上了雞皮的香氣，竹蝦鹹香肉厚，加上雞皮的香氣，變得特別惹味。吃這個竹蝦也蠻有罪惡感的，但「食埋今餐先減啦」XD——————————————————————————————小記：一頓晚餐中，所吃的又怎會這麼少，但對我來說，只有以上的食物才是我的菜，也許是個人口味問題吧。最深刻的還是壽司啦~!!所以嘛，就這一家日式餐廳而言，就只有壽司才適合我啦=3=

今日同朋友去咗銅鑼灣行街，之前見到呢間餐廳都心思思想試，見朋友話想食日本野，就一齊試下啦。 入到黎見到環境都唔錯，感覺幾開揚。我地兩個人就安排坐四人枱，同隔離枱唔會咁近，坐得都幾舒服。 首先叫咗個小食拼盤食住先，小食拼盤有鱈魚片，枝豆同蘿蔔漬，個鱈魚片好香口，魚味好濃幾好味，蘿蔔漬幾清新，如果有多幾舊就好喇。我不嬲都好鍾意枝豆，不過呢度嘅就鹹咗少少。 之後呢就叫咗個螢特選刺身盛，呢個係刺身拼盤真係好正啊！我覺得最好食就係牡丹蝦，真係好大隻！食落啖啖肉好鮮甜，不過個蝦頭我同我個朋友都唔敢生食，最後加左$20炸左佢，好似食軟殼蟹咁 超正。赤背鬚用青瓜包住，配埋蟹柳，食落都幾夾幾特別。海膽左口魚同油甘魚都好新鮮 。 之後叫左串燒，鹽燒牛舌夠厚唔韌，夠熱又多汁，讚。不過燒雞翼就幾普通，雖然好脆口，但都幾乾，想食雞翼都可以叫嘅。

今晚跟住朋友甲來到銅鑼灣一間樓上日本料理店吃個晚餐，朋友甲常常光顧，今次特意帶我來試一試。 先來一客美美的日式冷菜。枝豆、鱈魚棒、三文魚咀。枝豆暖暖的，豆香味清，送酒首選。鱈魚棒沾上沙律醬，味道香口咸香。三文魚咀爽脆酸甜，有微微酸辣汁，入口開胃清新。 螢特選刺身盛。牡丹蝦爽口鮮嫩，入口嫩口彈牙，鮮味濃郁。油甘魚大件而味清，新鮮不帶筋。左口魚清香嫩滑，沾上柚子汁味清開胃。海膽味香，味道不算太濃鮮，但仍有微微清香。 燒牛舌。香口惹味的燒牛舌，入口爽口彈牙，吃出爽脆口感，絕不鞋口。 燒雞翼。雞翼肉質滑溜肉嫩，略微調味不夠。 雞皮燒蝦。非常有趣的燒物，用雞皮包上大蝦，入口咸香爽脆，仍能吃出彈牙蝦肉。 芝士燒什菌。芝士咸香味濃，配上多汁味清的大磨菇，兩者配合得宜。 什錦天婦羅。大蝦炸得香口鮮嫩，粉薄而味香。炸茄子、蕃薯、南瓜、樹葉、蝦頭、青椒仔。選擇多而味道香口，粉漿不厚。 朴葉蒲燒鰻魚飯。用上木盒裝上鰻魚飯，打開時噴出濃濃香煙。鰻魚濃香肉嫩，但略微左太多骨，師傅起骨時不太仔細。醬汁不夠多，白飯味道較為清淡。鰻魚味道濃香，配上蛋絲白飯，味道豐富而香口。 朋友的

今日想試下日本菜，銅鑼灣好幾間日本餐廳都試過，味道幾好，係網上見到螢壽司好多好評，決定試試，我哋一上到去，見到唔多人，心諗有冇揀錯，我地叫咗幾個 set lunch 食，一開始俾咗沙律、湯、同蒸蛋，我覺得沙律一般般，接着幾個 lunch 一齊嚟，我哋試過發覺啲刺身好食，好新鮮，而且呢間餐廳服務好好，食完之後，我哋叫咗個白桃雪葩食，係服務員特別推介，個樣好靚，仲要超超超好食每日限定5個，食完今次，我哋決定下次會再嚟

是晚與友相聚，銅鑼灣固然是潮流集中地，但環境幽靜的進餐地點同樣重要，友人遂建議到京都廣場的螢壽司。 甫進餐廳已是有禮彬彬的店員熱情招待，選好了食物後，隨即先來前菜，好讓我們先開開胃。 上刺身拼盤極具排場地上枱，刺身肥美，中特愛甜蝦大件而鮮甜，有頭甜蝦更是稀見。另外我們加了個火炙左口魚邊壽司，極鮮的壽司加份量較少的壽司飯，火炙燒過的刺身更是香口惹味。好！滿！足！ 日食怎能少了串燒，我的首選當然是牛舌，另外亦點了金球菇，手羽，和黑豚腩肉。牛舌肥美，咬落肉感很強，牛味很重，而且燒過後非常入味；金球菇裹着豚肉，層次感特別重，而兩者的汁液融在一起，更為惹味；至於黑豚腩肉同樣無得輸，食落肥美，脂層豐腴，腩肉於口腔裏微微融化，令人特別滿足。 朋友心思思，多點了一個蒲燒鰻魚朴葉飯。上枱時特有特色，朴葉裹着鰻魚飯，輕揭開朴葉，便是香味撲鼻的鰻魚，鰻魚汁滲透在飯裡，很有日式和味的感覺。輕輕一勺，鰻魚油與鰻魚汁一同全滲飯中，正呀。值得一提的是，他們的鰻魚肉非常肥美，加上肉質嫩滑，所以愛鰻魚的朋友一定要試呢。

螢壽司呢個名聽就聽過，都係第一次食，睇到個名又諗到螢之光呢套日劇。環境好高貴好專業甘，可以睇住師傅整壽司。前菜係牛蒡，青瓜，蟹籽。左手邊兩個都好入味，右手邊既蟹籽好特別，佢係正方形一粒一粒，加入沙律醬好好食好得意。壽司拼盤可以一次過試哂吾同既壽司，芥末係店自己磨，吾會太辣。各種食材都好新鮮，拖羅都吾會好un，食得出師傅親手用心握出壽司。呢個烏冬不得了，湯濃飲得出煲左好耐，極多花膠，頌有魚翅，好足料。價錢會略嫌貴左小小，但食得出水準。

其實唔特別想食壽司，不過上到黎見個場幾靚，又唔洗等位，於是就同個fd坐低試下~打開menu，見到原來壽司以外都有好多選擇，好似有唔少特色串燒，比我地揭揭下，仲發現有兩款限量供應嘅手打烏冬，於是毫不猶豫咁決定一人order一碗再share食！首先係特選蟹味噌濃湯手打烏冬，飲一啖湯已有好濃郁味，阿廚話係用左兩隻膏蟹熬湯兩粒鐘，之後整烏冬時再加入一隻，認真足料，只賣$118，算係成本價~另一款係花膠雞絲濃湯手打烏冬，聽落好補身，真係估佢唔到日本餐廳竟然有花膠食，原來個濃湯每日用8粒鐘黎熬，花膠咬落好彈牙，只售$128，都係超值~所以即使唔食刺身壽司嘅朋友，都可以黎試下手打拉麵~

今天晚上很想吃壽司，於是朋友便介紹我到這家位於銅鑼灣京都廣場的壽司店。 電梯直上六樓，甫到達即看到這個非常吸睛的許願板，友人忍不住先來一張合照。再看看另一邊，幾大個清酒箱子也非常搶眼。拍照過後，就入座了。 店內座位不多，但眼見也有不少客人光顧。店內環境舒適，充滿日本氣息，予人放鬆感覺。 我們點了一份刺身拼盤，當中包括目仁赤、甜蝦 、金目鯛、油甘魚、魷魚和火灸左口邊壽司。 目仁赤是薄切的，刀功俐落，條紋清晰可見，配合酸汁食用，味道較為鮮甜。甜蝦肉質爽滑，嫩滑可口，蝦頭鮮甜。 金目鯛亮白剔透，外皮呈粉紅色，魚質豐富滑溜。 厚切油甘魚肉質鮮嫩，油脂較多。 魷魚新鮮爽口，輕輕沾上豉油已經吃到魷魚本身的鮮味。 火灸左口邊壽司輕輕燒香，帶有火灸口感的左口魚邊油脂較重，鮮嫩滑溜，很想再來一件呢！ 我們點了四款燒物，先是鹽燒厚切牛舌（$46）和七味燒黑豚腩肉（$38）。牛舌爽且有嚼口，鹽味比例很她，適量加點檸檬汁味道加倍提升。燒黑豚腩肉油脂相對較重，肉質鮮嫩，配上七味粉調味不會太辣。再來的是鹽燒手羽（$22）和黑松露豚肉金菇球（$28）。 雞翼賣相精美，鹽燒味道配在雞翼上可謂無得輸，肉質嫩滑，外皮金黃

行完成日銅記, 又是時候搵食。咁啱見到呢間螢壽司好似幾吸引就衝入去醫肚。 呢個鐵板炒帶子($88)個人覺得還可以, 唔算太有驚喜。不過大大粒都幾有滿足感。我地仲叫左三文魚刺身($78)同埋特大牡丹蝦刺身($80/隻)。三文魚厚切好正, 而牡丹蝦亦大大隻好爽口, 不過有少少貴。最正是個蝦頭可以加錢整埋另一樣菜式, 我就建議食客可以揀埋炸蝦頭($10/隻), 可以成個蝦頭就埋入口食, 不過小心比隻蝦吉到 熟瀨尿蝦壽司($68/件)。呢個都冇得輸, 瀨尿蝦好厚肉, 咬落仲有少少海水味, 唔錯!

駱克道一帶非常多食肆，尤其係京都廣場！樓上有好多人派傳單爭生意，今晚就揀左螢壽司試下。 餐廳主要以黑色做主調，更設有vip房，人多的話不妨訂間房。我坐既位對正刺身壽司吧，個個師傅都打晒呔執得好整齊！另外店內有股不知名既香氣，令人食欲大增。 首先黎個刺身拼盤-有三文魚、帶子、甜蝦、拖羅同𩶘魚。 帶子真係好正 又好大粒！一粒已經填滿我個口！好新鮮而且有入口即溶既感覺 三文魚肥美，魚油甘香。𩶘魚就爽口彈牙，油份充足！ 花膠雞絲濃湯手打烏冬係比較創新既菜色。首先烏冬有彈性好有口感，唔會好淋，仲有花膠同雞肉熬成既鮮美湯底，真材實料！素翅本身冇味，但爽脆既素翅正好吸收濃濃既湯汁。溏心蛋一絕，生熟程度掌握得好，蛋味濃。 最後點左個朴葉鰻魚飯，飯係即點即蒸所以要等耐少少～一上碟已經聞到淡淡既朴葉清香，原來就係充斥店內既香味！一大塊朴葉覆蓋住鰻魚同飯，所有香味滲晒入去。 鰻魚肉厚，配上自家饅魚汁撈白飯。白飯就煮得剛剛好，軟硬適中，朴葉香飽滿，食完好滿足  食飯期間聽到店員細心留意每檯食飯既速度配合上菜時間，相當細心。臨走發現𨋢口貼左好多老闆同方力申合照，

踏入冬季 不過都仲係咁熱 食日本菜刺身都仲係晚飯唔錯既選擇之前見到人食螢壽司既三文魚啲色好靚 所以不由自主地黎左Lu當然!刺身拼盤就走唔甩 食落就不過不失，而比較特別既係個wasabi 係即磨的。喜歡wasabi既朋友值得一試 另外跟餐就有一個小吃，最左邊既係魚嘴係最特別既hahaha 開頭食就唔知係咩黎，食落個汁又幾香，所以係咁食lol不過聽左係魚嘴。。。就停手XD 以上既烏冬口感好特別，張住張住 。應該係因為佢落左花膠，食得岀好足料！不過口味真係見人見智，我朋友就唔係咁鐘意，不過我就係咁食係咁食XD 至於雞皮炸蝦係餐廳推介黎，因為雞皮既油香同燒完的蝦味係好配合，所以幾好食，不過我覺得太貴了 最後叫左兩個我的最愛！三文魚好厚好新鮮，不過我覺得可以再香啲至於羊架燒得唔乾 鎖到肉汁。而且食落唔會太生/熟，係幾正，不過美中不足係無mint jelly,我都係覺得mint jelly &羊架係絕配！

收工和朋友們吃飯, 不想太迫太槽, 想舒舒服服, 傾計慢慢食, 女友提議到這間樓上日本菜.....來到這裏, 環境的確唔錯...肚子餓餓, 就立即同朋友點左幾味壽司剌身來食...先來一個<特上刺身併盤>併盤有牡丹蝦、三文魚、中拖羅、赤貝、油甘魚、不得不提呢個牡丹蝦...口感黏黏, 真係好好好甜, 牡丹蝦之大, 絕對可以佔去整個口, 令人一試難忘~~~而海膽也很鮮甜, 絕無臭味.....三文魚、中拖羅則厚切新鮮, 油脂平均~~然後再來一個<上壽司拼盤>人多...只能吃帆立貝和鰻魚....吃帆立貝時....看到帆立貝切成跟壽司形狀一樣,相信係為左令帆立貝不會在壽司飯上東倒西歪, 帆立貝超厚....我在想如果無切過的話....應該有手心咁大.......咁鮮甜...如果可以原隻食...就正爆啦......至於鰻魚....也不錯...如果鰻魚汁多些會更好嚐鮮過後....開始吃一點日本料理了, 剛剛<特上刺身併盤>的牡丹蝦吃剩的牡丹蝦頭, 原來加10元.. 可以做一個湯或炸蝦頭....我們當然食盡佢...連蝦頭都不放過....料理來了, 先有

上個月表姐提意來這裡慶祝生日，當時已經覺得水準不錯，可以回頭，這次和朋友來提早慶祝聖誕，來點不一樣的聖誕大餐就在銅鑼灣地鐵站對面，交通方便，這商廈一整棟都是食肆，競爭之大令各餐廳都派出姐姐在樓下派傳單，以爭取食客一試，我們則已訂檯，所以輕輕鬆鬆坐下就好了人齊了立即點好幾道菜～特上刺身併盤：第一道歡迎我們的是刺身併盤，一上桌立即令人興奮莫名，因為除了擺盤漂亮外，所有刺身都是厚切，相當足料，分別有油甘魚、三文魚、中拖羅、海膽、牡丹蝦、赤貝等，最驚喜的是牡丹蝦，非常鮮甜，放入口中咬幾下那蝦膠會黏在你口裡，那種幸福的感覺真的很難言喻，來試試你就知道了鹽燒牛舌：想不到除了刺身是厚切外，牛舌也相當厚，一串有４大塊，廚房將牛舌燒得剛剛好，有彈性之餘並不會燒乾肉汁，加上面頭的黑椒，很惹味燒蠔：自選了４隻燒蠔，１人１隻，最近很愛吃明太子，所以選了芝士明太子口味每隻都非常飽滿，連殼比我的手掌還大，芝士完全包著了蠔，一口吃下感覺芝士味相當濃郁，然後吃到明太子點點的辣味和咸香，亦是很惹味的一道菜士多啤梨汁鐵板鵝肝：上一次已經對這個鵝肝有點感興趣，加上朋友亦是愛鵝肝之人，所以就點來試試，一客有４件，鵝肝用烤過的

相約朋友飯聚，目的地又是銅鑼灣。午飯時段試過螢壽司味道不錯，如是者今晚落腳點就在這裡 ~是日豐富晚餐菜式~特上刺身拼盤 (HK$428.00)黑豚肉露筍　(HK$46.00)燒蠔 (HK$34/隻)芝士燒大菌 (HK$38.00)士多啤利汁鐡板鵝肝 (HK$108.00)汁燒雞肉 (HK$16.00)蒲燒鰻魚朴葉飯 (HK$108.00)花膠雞絲濃湯手打烏冬 (HK$118.00)特上刺身拼盤 吞拿魚腩、三文魚腩、海膽、牡丹蝦、赤貝及魷魚三文魚腩光澤明亮,用手指按一下, 凹陷處立刻彈回來, 證明十分新鮮 ~吞拿魚最好食就是拖羅(魚腩部位), 當然拖羅也有分很多段,其價錢亦會不同。可惜剛剛入門食, 否則可以評論一下 最出色還是牡丹蝦, 咬下一啖肉在口中, 你會感受到黏口, 肉質綿密的, 味道非常鮮甜。肉質爽滑而且彈牙, 好味程度太高,根本不忍心要分享出去 剩下鮮蝦頭, 可以有3種方法處理: 1)生食; 2)香炸食法; 3) 面豉湯食法 (PS:後兩者要加$10)我分到一碗面豉湯飲XD, 正常面豉湯味, 但蝦味唔算太出 ~黑豚肉露筍 黑豚肉露筍至從吃過黑豚肉露