虎鐵鐵板燒

营业中

休息中

這間位於銅鑼灣的虎鐵鐵板燒，晚市主打日式鐵板燒，有多款套餐可供選擇，餐廳本身有魚缸，有新鮮海鮮供應。牛油果海蝦沙律沙律菜新鮮翠綠，加上酸甜惹味的柚子汁，令沙律更添風味。蟹肉海膽松露溏心蛋第一啖是淡淡的松露清香，之後再有海膽甘甜及蟹肉鮮味，令平平無奇的溏心蛋變得矜貴又有特色。火焰帆立貝上枱後點火再燒一燒，日本扁柏的清香味，帶子鮮甜嫩腍，還有淡淡黑松露香味。活鮑魚配蟹肉海苔醬新鮮鮑魚配上海苔醬，鮑魚十分爽口，海苔的鮮味跟鮑魚很夾，鮮味十足；而鮑魚肝帶甘香。活龍蝦配海膽醬用了玫瑰花裝飾，擺盤精緻令人食慾大增，日本花龍蝦肉新鮮彈牙，加上海膽醬，更能令龍蝦肉提鮮。日本熊本A5和牛厚燒一啖咬落去，和牛爆出油脂，越咬越香，再以茄子、南瓜等伴碟，平衡一下，感覺較健康。刺身帶子豆腐鯛魚湯魚湯加了之前的龍蝦殼熬製，帶點蝦殼香味，而且十分鮮甜，帶子嫩腍。黑松露三文魚子海膽杯炒飯炒飯飯粒分明，用了日本的珍珠米飯，表面舖滿了海膽及三文魚子，海膽甘甜味及魚子鮮味合二為一。梳芙厘雪糕梳芙厘入口軟綿綿，配上芝麻雪糕，不會太甜。

雖然還未可以去旅行，但其實香港都有很多美食，今晚就同老婆去食日式鐵板燒，師傅在鐵板前處理食材及雙手如蝴蝶般飛舞，全程視覺、味覺及嗅覺上的滿足，真是非筆墨所能形容。牛油果海蝦沙律：用了酸酸甜的柚子汁配新鮮爽脆的沙律菜，再加上爽彈蝦仁，十分開胃又清新。蟹肉海膽松露溏心蛋：海膽及蟹肉鮮甜味，再配上蛋王香味混合一起，蛋香且滑。火焰帆立貝：帆立貝新鮮而且厚身，加上三文魚子及黑松露後，入口鮮味無比之餘還帶點點松露清香。活鮑魚配蟹肉海苔醬：鮑魚很大隻及厚身，已𠝹十字，煮至剛熟透，加上海苔及蟹肉兩者鮮味，令鮑魚更鮮且彈牙；鮑魚肝煎香後比較結實，入口很香。活龍蝦配海膽醬：海膽醬味道濃郁，淋在新鮮龍蝦上面，龍蝦本身鮮味之餘又彈牙，再加上海膽汁鮮味，龍蝦味道更鮮爽。日本熊本A5和牛厚燒：和牛配上炸蒜片一起吃，牛油脂滲出之餘，還有炸蒜香味，互相襯托，另外還以日本蔬菜伴碟。刺身帶子豆腐鯛魚湯：魚湯完全無腥味，豆腐嫩滑，帶子鮮甜無渣，完全無加味精。黑松露三文魚子海膽杯炒飯：三文魚子及海膽兩者鮮味無比，令平平無奇的炒飯變得吸引。梳芙厘雪糕：梳乎厘中間放上了芝麻雪糕，梳乎厘鬆化，入口溶化，芝麻雪糕香甜。

之前有朋友教路，食鐵板燒最好食午餐，因為性價比係最高。所以今日就同男朋友一齊嚟試虎鐵的lunch鐵板燒。我就揀左特選C餐。分別有：沙律、鴨肝蒸蛋、煙燻帆立貝、香煎法國鵝肝、日本A5和牛薄燒、鴨肝炒飯、味增湯、甜品本來以為lunch份量應該少d會唔咁飽，但我覺得如果對於女仔來講都會食得幾飽，男仔就可能正正常常。我就最鍾意煙燻帆立貝同日本A5和牛薄燒。主廚採用可以刺身食用的帶子，然後用菊花煙燻帶子至六七成，半生熟的帶子爽口彈牙，而且真係帶有淡淡菊花香味。日本A5和牛薄燒亦好有水準，和牛肉質嫩滑，牛味濃郁，油脂味香。而且店員每一道菜都會講解特色同食法，非常細心，絕對有加分。

首先一杯意大利玫瑰花茶作慢食既開始，花茶清香。牛油果海蝦沙律爽甜大蝦配合香滑牛油果，再加上開胃沙律醬汁，有助解暑！蟹肉海膽松露流心蛋賣相十分精緻，面層更以食用金箔作裝飾，首先品嚐到海膽既細膩，之後就係蛋香配合黑松露，味道好夾，而且蒸到面層啱啱熟，內裡係流心。火焰北寄背呢個有得食重有得睇，打卡啱晒。原隻大大隻既帶子，切開一口一件，上枱時再用藍火淋落碟旁，燒既時間唔會好長，但足夠影下相。帶子入口啱啱好，唔會太熟而韌左，重有帶子既鮮味係湯汁度。鮑魚配蟹肉海苔醬首先鮑魚大隻厚肉，而且中間肉質有小小咬口但唔會靭，而則旁裙邊較淋，單食都好有鮮味，再配埋特製既蟹肉海苔醬好特別，海苔醬較重味，係以海鮮類熬製，鮮味更突出。伴碗係紅綠雞冠海藻，淡淡地又夠爽脆。活龍蝦配海膽醬用澳洲龍蝦起肉再煮，啖啖肉之餘，醬汁都唔簡單，係利用龍蝦膏再配合海膽牛肝菌汁一齊煮而成，非常之香。主菜-西班牙黑毛豬柳黑毛豬肉質滑嫩多汁，上碟時已經切開左細細件，可以一口一件，令所有肉汁都留返係口入面，重可以配埋伴碟既炸蒜片，增加口感。而旁邊重有南瓜啡菇等蔬菜伴碟，賣相好睇！刺身帶子豆腐鯛魚湯奶白色既魚湯再有龍蝦頭再加強鮮味，正～黑松露

一直都未能有機會去旅行，有時都會掛住旅行時食過嘅美食，同朋友一想喜鐵板燒時，不約而同都想搵間唔錯嘅鐵板燒餐廳食，朋友就訂了這間位於銅鑼灣嘅鐵板燒，行完Sogo 出門口轉個灣就到，完全似衣行時感覺，行完去搵食！餐廳一入分兩邊，左右都有鐵板燒位置，可能訂枱比較遲，今晚就唔係座係鐵板前，這個問題不大最緊要都係食得好嘅感覺，望望餐牌點了主廚推介套餐，落單就先上了杯意大利玫瑰花焗茶，焗十分鐘左右就會隱約入口有陣陣嘅花香。和牛薄燒卷沙律，燒得香軟肥美和牛加上麻醬配合新鮮沙律菜，確實餐前清新前菜！接住餐牌內嘅項目就係蟹肉海膽松露溏心蛋，溏心蛋上面放了海膽及松露之餘還加上了食用金箔點綴，夠晒華麗，入口香滑味道十分配合！未在鐵板煎前店員放在枱面以供打卡嘅原隻鮮活澳洲黑邊大鮑魚超級大隻，當食完一道菜時，跟住另一道就上枱，時間控制十分唔錯，黑邊大鮑魚十分彈牙爽口，加埋個汁同埋三文魚籽入口味道更鮮味！再來就係活龍蝦配海膽醬，大大件厚身嘅龍蝦肉配上海膽醬入口味道濃郁之餘龍蝦肉十分彈牙爽口新鮮。用上了日本熊本A5和牛厚燒，入口時香濃嘅牛肉味道加埋肥肥嘅和牛，真係另人回味，不得不讚就係伴碟嘅香脆蒜片，夾埋件燒和牛入

慶祝公司日日爆數，所以同老細去了食鐵板燒的日本餐廳，今日到銅鑼灣食好少少，地點非常方便，sogo 旁邊的澳門逸園中心，虎鐵鐵板燒。餐廳裝修雅緻，環境不錯，充滿日本feel。店員服務勤快又好細心，特別食得開心，用餐過程愉快，上菜節奏也控制得很好。Menu 簡單而隆重，套餐也有頗多選擇，最後決定了主廚推介套餐 $2980（御二人樣）Chef's Special Dinner Set 食物種類多，而且食物質素都很好👍和牛薄燒卷沙律Thin-cut Wagyu Beef Roll Salad侍應幽默有趣，很快送上我們的前菜，和牛薄燒卷沙律。顧名思義，輕燒薄和牛卷著沙律菜，和牛的香夾沙律菜的清爽，口感鮮甜，好開胃的感覺，味蕾期待嘅鐵板燒之旅。蟹肉海膽松露溏心蛋Soft Boiled Egg with Crab MeatSea Urchin and Truffle半熟卵 滲出淡淡的松露香味，一絲絲蟹肉配上溏心蛋，鮮味很夾，溏心蛋上鋪有食用金箔，顯得更有貴氣，蛋嫩滑，好味道。原隻鮮活澳洲黑邊大鮑魚Australian Abalone相機食先📷 原隻鮮活澳洲黑邊大鮑魚非常新鮮，手掌般非常大隻，兩個人

這間餐廳是我本年度最為欣賞的😍 不但菜式出色，連展示功力也很高🥰虎鐵套餐 （用店名起的套餐名，果然勁🤩）「牛油果大蝦沙律」新鮮牛油果配上沙律菜，令胃口大開☺️「蟹肉海膽松露溏心蛋」精緻菜式，每一啖都溶入我心😍「火焰帆立貝」火焰巧果，熟度剛好，加上三文魚子作點綴👍🏻「活鮑魚配蟹肉海苔醬」就像畫一樣，鮑魚烤至爽口入味，海苔醬配有蟹肉就像中菜，這配搭好正呀🤩「活龍蝦配海膽醬」龍蝦肉質鮮嫩配上海膽醬有另一風味🥰「日本熊本A5和牛厚燒」真係….入口即溶感覺😍夾住香蒜，正！「香煎野菜」新鮮日本材料，零舍甜美😊「刺身帶子豆腐鯛魚湯」魚湯濃烈😌「黑松露三文魚子海膽杯炒飯」外貌像雪糕一樣，好豐富🤩 海膽滿滿的，好難忘既感覺「鐵板梳芙厘雪糕」最尾的甜品，是這餐完美的句號👍🏻👍🏻👍🏻備註：🔺每道菜式服務員都會以故事形式為我們介紹👍🏻令菜式更好食🔺菜式精美，米之連享受🔺一杯玫瑰花茶，令全餐不會有油膩感🔺份量足夠😆

非常滿足嘅一餐  鐵板燒🍱銅鑼灣呢間虎鐵其實我都有好多朋友食過然後佢哋都推介我去試下我今次預早訂枱因為怕收工時間晚飯會多人😆6:30左右到達都唔算太多人七點之後就差唔多滿座餐廳今次安排了卡枱給我們坐我覺得環境都幾闊落同埋枱同枱 都唔會靠得太近傾偈等等都比較有私隱，如果喜歡睇住鐵板師傅喺面前整食物的話預約訂枱嘅時候可以要求坐鐵板的位置，晚餐時段 有幾個不同的選擇我們挑選了2880 有龍蝦 帶子 海膽炒飯等等南非孔雀鮑魚 點蟹肉海苔汁醬鮑魚非常好食😋 食原味都會食到有鹹鹹地非常新鮮肉質彈牙二人餐 會送意大利嘅玫瑰花茶 花茶 職員會不斷重複幫我們添加 非常細心另外女職員Yan 態度非常友善值得嘉許 在每道菜來之前都會幫我們收碟，介紹菜式 有時間也會經過看看我們有什麼需要我哋選擇 日本熊本A5和牛厚燒和西班牙黑毛豬柳喜馬拉雅山粉紅岩鹽 在旁邊 肉質鮮嫩彈牙 和牛也非常香濃的肉香想不到這個西班牙黑毛豬柳竟然非常出色我覺得豬比 牛肉更加出色看到師傅在處理龍蝦給我們龍蝦肉非常新鮮彈牙 餘下的龍蝦頭就製作為龍蝦湯日本刺身帶子魚湯豆腐龍蝦頭湯豆腐非常滑溜 魚湯嘅配搭配上胡椒粉剛剛好黑松露三文魚子海膽杯炒

今晚同阿妹兩個出黎搵食就食豪少少,揀左呢間喺銅鑼灣食鐵板燒既樓上鋪六點半去到餐廳人未算好多,阿妹想坐近鐵板燒既吧枱,但我個人就比較怕熱,所以最後決定坐卡位因為我又想食龍蝦又想食鮑魚,經店員介紹就揀左呢個$2880既二人餐首先出場既係意大利玫瑰花茶玫瑰花味清香樸鼻,熱辣辣飲落去好舒服,即刻喚醒我既嗅覺同味蕾牛油果海蝦沙律沙律色彩繽紛,感覺好清新,兩隻海蝦彈牙,配左啲酸酸地既汁,似係柚子醋,十分開胃,入面有一片有好多窿窿既植物叫蓮芋,聽店員講係蓮花既莖部,食落係爽口既好得意,唔係周圍有,之前只係喺澳洲食過金箔松露海膽蟹肉糖心蛋剩係睇個賣相都覺得夠晒貴氣,又金箔又海膽,用黎打卡真係啱晒,蟹肉都鮮甜,無蟹殼,海膽配溏心蛋好嫩滑鐵板燒帶子上枱仲有個火焰show睇,加左酒同日本栢葉,味道更加香,帶子好大粒又鮮甜鐵板燒活龍蝦配龍蝦膏海膽醬龍蝦肉雪白彈牙有鮮味,龍蝦外邊燒符得比較熟,肉質會比較結實有咬口,而中間就無咁熟比較軟滑,味道就比較鮮甜,點埋個用龍蝦膏同海膽做既醬汁成個味道又再升一個屠層次鐵板燒南非孔雀鮑魚鮑魚都十分大隻,有我半隻手掌咁大,師傅好細心咁切開左三大舊方便我食,首先就試左個原味先,肉

朋友呢排帶咗我去食鐵板燒，4個人叫咗2個唔同嘅2人餐share。📌蝦好彈牙同爽，連埋醬食一流。👍🏽📌南非鮑魚好大隻！好新鮮，配埋側邊嘅海苔醬一齊食好夾👍🏽👍🏽📌鴨肝好香好有油脂感，同下面塊青蘋果一齊食好夾，可以解油膩感～～成餐覺得最好食係呢個，因為塊青蘋果真係好突出到鴨肝😋😋和牛厚燒入口即溶，好有肉味又juicy😋😋和牛薄燒D肉燒得啱啱好，配菜特別係南瓜好好食，我平時唔食南瓜㗎🎃🎃和牛炒飯好香，不過太飽食唔晒lu😂

今日是拍拖紀念日，所以同女朋友去了日本餐食飯，食好少少😂 我們去了一間叫虎鐵嘅鐵板燒餐廳，餐廳環境不錯，店員的服務特別好👍🏻👍🏻 我們食得好開心，過程好愉快。我們叫了一個套餐，食物種類都算多，而且品質很好👍🏻牛油果海蝦沙律海蝦新鮮甜美，配上沙律汁及沙律菜，口感鮮甜，食完有好開胃的感覺，馬上期待另一道菜蟹肉海膽松露溏心蛋淡淡的松露香味飄進鼻腔，蟹肉配上溏心蛋，味道很夾，鮮味皊配搭。原隻鮮活澳洲黑邊大鮑魚鮑魚非常大隻，份量足夠兩個人食用。鮑魚爽口彈牙，原味已經好好味，亦可以將鮑魚沾上特製的醬汁，有不一樣的體驗。活龍蝦配海膽醬賣相非常精緻，龍蝦肉非常鮮味，加上海膽醬的加持，鮮味更上一層樓。👍🏻西班牙黑毛豬柳肉質鬆軟，厚切都可以做到這個口感，豬柳品質一定很高，喜歡食豬肉的人，一定要食這一個。刺身帶子豆腐鯛魚湯鯛魚湯本身已經好味甜，加上帶子及豆腐調味，不但鮮味更濃，每一啖湯都可以食到豆腐，口感好特別👍🏻和牛炒飯炒飯炒得好乾身，粒粒分明，加上和牛及調味料，好好味，食完這碗炒飯，已經飽了。火焰鐵板梳芙厘雪糕店員會為我們點火及拍照，過程中會講很多祝福說話，非常窩心。梳芙厘軟淋淋，入口即溶的感覺。整個過

今晚約了銅鑼灣的朋友一齊聚舊，由朋友發板，揀了其附近的一間鐵板燒。套餐有多款選擇，我們要了個差不多中等價錢的主廚推介二人套餐。前菜和牛薄燒卷沙律，和牛很油香，頗濃的和牛味道，配著沙律食，頗香及清爽。刺身帶子豆腐鯛魚湯，帶子好鮮味，豆腐滑及嫩，好鮮甜特色的一道日式鯛魚湯。蟹肉海膽鬆露溏心蛋，原來溏心蛋配上蟹肉、海膽及鬆露，口感嫩滑之余，還有著海膽及鬆露的香，好特色。原隻鮮活澳洲黑邊大鮑魚，鮑魚頗大隻，廚師將鮑魚厚切，加上咸咸香香的伴碟三文魚子，新鮮之余更鮮味！活龍蝦配海膽醬，龍蝦入口已食到的新鮮，口感帶爽彈，食落啖啖肉，伴碟的海膽醬令龍蝦味道更鮮、更香濃。日本熊本A5和牛厚燒，切成差不多磚塊形狀的一口牛，七成熟剛剛好，入口香又有厚切的口感，牛油及和牛的香好濃郁，伴碟的蒜好香脆，夾著和牛粒味道更香。和牛炒飯，裡面的和牛切成細粒，伴著蛋碎及蔥粒、和牛粒……，嘩，好香好滿足。火焰鐵板梳乎厘雪糕，要了芝麻味， 梳乎厘好香蛋味好香軟，配著雪糕食都是第一次，好特別，食得好滋味……

今日到銅鑼灣，揀了食鐵板燒，就是澳門逸園中心的虎鐵鐵板燒。餐廳裝修雅緻，充滿日本feel。Menu都有頗多選擇。我要了個主廚推介二人套餐 $2980侍應很快送上前菜，和牛薄燒卷沙律。和牛薄卷著沙律菜後輕燒，帶著和牛的薄香，沙律菜很清爽，為這個鐵板燒二人套餐展開味蕾之旅~蟹肉海膽鬆露溏心蛋，面上鋪有金箔顯得小小的溏心蛋顯得有點貴氣，溏心蛋和著黑鬆露，嫩滑中帶著黑鬆露的香，好特別的一個糖心蛋。原隻鮮活澳洲黑邊大鮑魚，侍應先取鮑魚給客人看一看，鮑魚很大隻，差不多手掌大隻，這麼大隻的鮑魚都是第一次見，還非常新鮮，正不停地扭動，真材實料的。鮑魚厚切，有點口，好香鮑魚味，伴碟有三文魚子、紅綠雞冠草，原來雞冠草是非常好骨膠原的呢，夠健康~活龍蝦配海膽醬，龍蝦肉頗大件，入口帶香，口感帶爽，點上海膽醬，味道更香濃~~，好味~~西班牙黑毛豬，廚師切成一口豬肉，伴碟有燒茄子、南瓜、大啡茹，黑毛豬味道已好濃郁，入口帶爽及感覺到煎的香，不用點岩鹽已好夠味。刺身帶子豆腐鯛魚湯，帶子和著嫩滑的豆腐及濃郁的鯛魚湯，口感嫩滑又鮮味。和牛炒飯，裡面有蛋碎、蔥花、和牛粒……等，食落口感、味道豐富。火焰鐵板梳乎厘雪糕， 就

間唔中都要食下好野慰勞下自己！真係好耐冇食過鐵板燒啦！今次揀左個2人餐，好多野食同好豐富呀！首先就係南瓜海蝦沙律，清涼又開胃！個南瓜好甜好鍾意呀蟹肉海膽松露溏心蛋茶碗蒸食得多，溏心蛋係第一次香滑蛋黃汁撈埋蟹肉海膽松露一齊食，味道好有層次原隻鮮活澳洲黑邊大鮑魚好大隻既鮑魚呀！配上蟹肉海苔醬，咁樣食都鮮味活龍蝦配海膽醬用既係澳洲龍蝦，肉質爽口彈牙配海膽醬為整道菜增添左一層濃郁鮮味但唔會蓋過龍蝦既味道日本熊本A5和牛厚配香煎野菜個和牛口感鬆軟，入口即化，牛脂味好香刺身帶子豆腐鯛魚湯個湯好鮮，但唔會腥，刺身帶子鮮甜和牛炒飯炒得夠乾身火焰鐵板梳芺厘雪糕呢個甜品真心驚喜，即席係現場燒，店員會好細心係隔離協助，令梳芺厘多左層焦香味，甜道又岩岩好，真心正

今日黎到呢間餐廳食下鐵板燒，雖然冇坐近鐵板既位置，但呢度既店員既服務依然好殷勤，每上一道菜色都介紹得好好。而且食物既質素都非常高，冇一樣係行貨！一開始要左個可以refill既意大利玫瑰花茶，玫瑰花既香氣唔會太over，恰到好處。再黎有個好精緻既蟹肉海膽黑松露溏心蛋，整個蛋保留係蛋殼入面用小匙慢慢品嚐，黑松露既香氣配上蟹肉同海膽既鮮甜味，混合濃稠既蛋黃同滑溜既蛋白，食一隻真係意猶未盡，不過都要留肚食下其他野。然後有和牛薄燒卷沙律，和牛燒得夠香又唔韌，沙律菜都好味夠新鮮。再黎一個原隻鮮活澳洲黑邊大鮑魚，燒之前店員畀我地鑑賞左一下，真係有兩個拳頭咁大隻，燒好後配上左蟹肉海苔醬同雞冠草，黑鮑邊消左毒一樣食得。鮑魚肉切得不會太厚，保持到咀嚼既滿足感，加上蟹肉海苔醬覺得更加鮮味；鮑邊既香味更濃，油香味相對較突出。再黎一個活龍蝦配海膽醬，以往食過既龍蝦會覺得肉唔會太索到Ｄ汁，但呢道龍蝦食到個龍蝦肉已經吸收左好濃既海膽醬味道，而且仍然食到龍蝦肉既鮮嫩，非常出色。另外再叫多左個黑啤同梅酒，滋潤下食鐵板燒既燥熱感覺。再黎西班牙黑毛豬柳同埋厚燒A5和牛，兩個都配有香煎野菜（茄子同南瓜），和牛既油香味好重，好