影片
更多
2022-08-04
182 浏览
首先一杯意大利玫瑰花茶作慢食既開始，花茶清香。牛油果海蝦沙律爽甜大蝦配合香滑牛油果，再加上開胃沙律醬汁，有助解暑！蟹肉海膽松露流心蛋賣相十分精緻，面層更以食用金箔作裝飾，首先品嚐到海膽既細膩，之後就係蛋香配合黑松露，味道好夾，而且蒸到面層啱啱熟，內裡係流心。火焰北寄背呢個有得食重有得睇，打卡啱晒。原隻大大隻既帶子，切開一口一件，上枱時再用藍火淋落碟旁，燒既時間唔會好長，但足夠影下相。帶子入口啱啱好，唔會太熟而韌左，重有帶子既鮮味係湯汁度。鮑魚配蟹肉海苔醬首先鮑魚大隻厚肉，而且中間肉質有小小咬口但唔會靭，而則旁裙邊較淋，單食都好有鮮味，再配埋特製既蟹肉海苔醬好特別，海苔醬較重味，係以海鮮類熬製，鮮味更突出。伴碗係紅綠雞冠海藻，淡淡地又夠爽脆。活龍蝦配海膽醬用澳洲龍蝦起肉再煮，啖啖肉之餘，醬汁都唔簡單，係利用龍蝦膏再配合海膽牛肝菌汁一齊煮而成，非常之香。主菜-西班牙黑毛豬柳黑毛豬肉質滑嫩多汁，上碟時已經切開左細細件，可以一口一件，令所有肉汁都留返係口入面，重可以配埋伴碟既炸蒜片，增加口感。而旁邊重有南瓜啡菇等蔬菜伴碟，賣相好睇！刺身帶子豆腐鯛魚湯奶白色既魚湯再有龍蝦頭再加強鮮味，正～黑松露
首先一杯意大利玫瑰花茶作慢食既開始，花茶清香。
牛油果海蝦沙律
爽甜大蝦配合香滑牛油果，再加上開胃沙律醬汁，有助解暑！
蟹肉海膽松露流心蛋
賣相十分精緻，面層更以食用金箔作裝飾，首先品嚐到海膽既細膩，之後就係蛋香配合黑松露，味道好夾，而且蒸到面層啱啱熟，內裡係流心。
火焰北寄背
呢個有得食重有得睇，打卡啱晒。原隻大大隻既帶子，切開一口一件，上枱時再用藍火淋落碟旁，燒既時間唔會好長，但足夠影下相。帶子入口啱啱好，唔會太熟而韌左，重有帶子既鮮味係湯汁度。
鮑魚配蟹肉海苔醬
首先鮑魚大隻厚肉，而且中間肉質有小小咬口但唔會靭，而則旁裙邊較淋，單食都好有鮮味，再配埋特製既蟹肉海苔醬好特別，海苔醬較重味，係以海鮮類熬製，鮮味更突出。伴碗係紅綠雞冠海藻，淡淡地又夠爽脆。
活龍蝦配海膽醬
用澳洲龍蝦起肉再煮，啖啖肉之餘，醬汁都唔簡單，係利用龍蝦膏再配合海膽牛肝菌汁一齊煮而成，非常之香。
主菜-西班牙黑毛豬柳
黑毛豬肉質滑嫩多汁，上碟時已經切開左細細件，可以一口一件，令所有肉汁都留返係口入面，重可以配埋伴碟既炸蒜片，增加口感。而旁邊重有南瓜啡菇等蔬菜伴碟，賣相好睇！
刺身帶子豆腐鯛魚湯
奶白色既魚湯再有龍蝦頭再加強鮮味，正～
黑松露三文魚子海膽杯炒飯
黎到呢個飯，已經好飽，因為逐一逐一上菜，但個炒飯又係好吸引，點都要試埋。先係三文魚子好有咬口，炒飯亦到炒得好乾身，兩者溝埋一齊食分外有口感。
最後係甜品-鐵板梳芙厘雪糕
有紅豆同柚子兩款揀，因為太飽，所以揀左款fresh d - 柚子雪芭。比起平時杯焗既梳芙厘多左一層烘過左面層，食落實淨少少，但又未無厚pancake咁，都幾特別！
整體餐廳食物非常高質，以靚食材作基礎加埋廚師既心思，而侍應態度亦都好好又快手，而且每一道菜都會詳盡解釋，總結會令人想下次再黎。
张贴
