莆田 (美麗華廣場2期) (已結業)

非常喜歡同屋企人食莆田，一黎香港既同類菜式唔多，二黎莆田口味較一般小菜清淡，唔會過份濃列，每次食都食得好舒服。欣賞佢地定期都會有唔同既海產既推廣，之前試過聖子，今次係海蠣。前菜，酸酸甜甜小辣既木耳，十分開胃最後叫左酥炸椒鹽海蠣同漁民鹽清海蠣酥炸椒鹽海蠣，非常香口，調味得宜漁民鹽清海蠣：非常少有喺莆田食到咁咸口既味道。咸咸地非常特別。百秒黃花魚非常鮮美，別有一番風情。酥炒芋芯芋芯外脆內粉，一入口叫人驚訝係佢外層沾左薄薄既一層蜜糖，喜歡芋頭既人唔可以錯過。興化米粉米粉口感非常特別，味道都好味，係有點先兒乾，沾下黃花魚既汁一齊食竟然異常配合。總括而言，同屋企人一齊食得飽飽的非常開心。

近排米芝蓮放榜，記得莆田亦都在之前拎過米芝蓮一星級，趁著聖誕期間，睇完燈飾就去莆田品嚐一下。莆田尖沙咀店位於美麗華商場，交通四通八達，實屬方便。店內環境簡約明亮，座位闊落。餐牌選擇好多，今期推介有海蠣菜式，價錢不貴喎，$188可以6選2個海蠣菜式。江口家鄉海蠣湯入口酸酸咪咪，海蠣隻隻飽滿，口感嫩滑，而且洗得好乾淨一粒沙都無，推介。福建特色海蠣煎的海蠣好多，幾乎每一口都有幾隻海蠣，蛋煎得剛好而且蛋味香濃，推介。酥炒芋芯外脆內粉嫩，熱辣辣，是傳統的福建菜。百秒黃花魚是莆田獨創，魚身好滑，入口即溶，湯底好香魚湯味，高質之選。興化炒米粉的米粉米香味十足，鮮鹹略帶焦香，入口有些即溶的感覺，配上酸酸辣辣的秘製辣辣醬，推介。

尋晚同女友美麗華行街，佢話好耐冇食莆田，於是就去食啦~原來依家做緊海蠣節，中意食蠔既我地即刻點菜~~我地揀左酥炸椒鹽海蠣，炸得非常酥脆，食落有少少椒鹽味，而且粒粒惹味又香口，好滋味！另外叫左個興化米粉，家鄉風味，米粉彈牙唔乾身，而且入面有蝦又有蜆～再黎一鍋江口家鄉海蠣湯，飲落好清甜，而且個湯清而鮮～仲點左個百秒黃花魚，呢個次次黎都會食，魚肉非常嫩滑，上菜時魚橫切左一半，好易食，而魚湯就鮮味十足，正！最後女友仲叫左個酥炒芋芯，真心唔錯，外表黃金既芋頭， 外脆內甜又香口～OVERALL 真係幾好，米芝蓮真係米芝蓮！ 

之前同老公去莆田食過頭水紫菜宴，得悉莆田又有新攪作，今次係海蠣節，即係蠔宴🤤🤤所以決定同老公2人黎莆田做冬先！百秒黃花魚黃花魚湯鮮甜無比，魚肉非常嫩滑，連我老公不愛吃魚都大讚。酥炸椒鹽海蠣炸蠔酥脆，外脆內軟，炸粉上沾了椒鹽，香口惹味，非常滋味。酥炒芋心份量十足，炸得香甜脆口，最外層有微微蜜糖甜味，呢個又一必食菜式。特色海蠣煎即係蠔餅，煎成金黃色套，用料十足，蠔仔餅咬落去好脆口, 而且蠔仔份量係勁多，每一口都有一大埋蠔仔😆好抵食！興化米粉, 配料有鮮蝦，蜆，肉絲，菜碎等，再配合自家製辣椒醬， 更是滋味！

做冬必須吃中菜，今次選擇咗尖沙咀的莆田，適逢海蠣節，熱愛吃蠔的我開心到不得了。興化米粉米粉是幼身的，炒得毫不油膩，用了十足，有花生、蝦、蔬菜等，清爽可口。酥炸椒鹽海蠣炸得金黃酥脆，薄薄的炸粉奔上椒鹽味，粒粒香口惹味，滋味十足!百秒黃花魚黃花魚鮮甜無比，非常嫩滑，出色。酥炒芋心分量超多，芋頭被糖包裹，表面香甜脆口，配上香蔥洋蔥，口味獨特。福建特色海蠣煎有點像蠔餅，海蠣加上雞蛋煎成金黃色套，用料十足，滿滿都是海蠣。

係香港好小接觸到海蠣，今次都係第一次食咁多海蠣既特式菜!酥炒芋芯❤️外層甜甜，內裡充滿芋頭香，芋芯口感較豐富，唔會有好粉嘅感覺，好香口。百秒黃花魚❤️魚肉處理得非常嫩滑，上菜已經將魚橫切左一半，容易食用，好細心。 湯先係精華! 鮮味十足~ 興化米粉❤️有家鄉嘅風味，米粉彈牙唔乾身😋主角有6種食法，6揀2都只係$188😍九層塔香燜海蠣❤️味道香濃，海蠣新鮮，九層塔味突出，完全無腥味，餸飯一流！江口家鄉海蠣湯❤️好清甜嘅食法，加入大量蔬菜令整個湯鮮上加鮮!

新加波褔建菜，第一次食福建菜。原來開左好多間分店。海蠣原來即係細細粒既蠔。今次食全蠔宴呀！漁民鹽漬海蠣，都頗咸，岩送飯。九層塔香燜海蠣 ，加左九層塔，幾有東南亞風情。酥炸椒鹽海蠣 頭水紫菜海蠣煎蛋 福建特色海蠣煎 江口家鄉海蠣湯，類似無粥既蠔仔粥。興化米粉 ，啲粉絲好幼身，但唔會好多油都炒得好鬆，加埋個辣醬好野味。酥炒芋心,類似拔絲芋頭，外面夠脆，芋頭夠粉。海蠣紫菜,頭盆幾開胃。大腸海蠣,豬腸入面放左蠔仔，幾特別。

前菜：小辣九層塔香燜海蠣：用個小火海蠣用粉漿包住再下鍋燜，粉漿可以吸收醬汁味道，這個食法真是第一次。 味道香濃，九層塔的香味撲鼻，如醬汁味淡一點，蠔味應會更突出。爐熱著上枱，賣相好靚，可以保持溫度， 九層塔的香味也因熱力而發揮發出來。百秒黃花魚：黃花魚很小，但很有魚味，肉軟嫩鮮甜，店員表示以明火現燜100秒後即可上桌，充分保留其鮮甜原味 興化米粉：米粉幼身，口感軟綿，加上海鮮、紫菜、花生等，炒得非常清爽，配上自家製的辣椒醬，好味。江口家鄉海蠣湯：料好足，裏面超多材料煮成！ 主要材料就是蠔仔， 還有蕃茄、蛋花、蝦仁、椰菜花等等，煮成濃稠的湯羹，味道超鮮甜， 口感豐富，因為各種材料都有不同口感。這個湯相信十分啱香港人口味，愛鮮甜。酥炒芋芯 ：呢個菜式有D似潮州既反沙芋，佢既外面有煮到微焦帶有焦糖味既醬汁，有少少似麥芽糖既黏口感，芋頭芯既熟度亦都岩岩好，外酥內燸， 不錯。另外賣左一份給媽媽嚐

朋友是福建人，他說很少在香港可以食到福建菜式。知道現在莆田已進駐台灣，而且都挺有名的，香港還有幾間分店，最後吸引我們去試吓晚餐。餐牌款式多，而且食物圖片圖文並茂，每一款都好想試吓。除此之外，我哋喺門口大約等左10分鐘先有位，餐廳入面已經非常爆滿。當中最滋補養顏莫過於係百秒黃花魚，一個鍋入面有兩條，仲有魚湯係入面，飲一啖非常鮮甜，一啲都唔腥，而且魚肉好滑溜好入味。蝦苗拌頭水紫菜濕濕地嘅質感，食落口同樣入味，咬落去就反而爽口，還食到一粒粒嘅蝦苗。如果唔夠飽肚仲有莆田滷麵，一大鍋真係足夠二人食，驟眼睇見到入面好多配料，包括蔬菜、蝦肉同埋蘑菇等等，麵條質感比較林，好易咬口。還有紅菇燘豆皮同埋酥炒芋芯一樣好食。最後叫咗兩個套餐埋單都係$800有找，已經可以食到好飽肚好滿足，而且福建菜嘅口味好有特別，但係有幾好食，下次會再試吓其他菜式。

莆田又有新主題推出之前幾個主題都無令我失望今次一於繼續試下佢啲新野—今次呢個主題係海蠣6款同海蠣有關既菜色任選兩款都係$188我地揀左九層塔香蚊海蠣同埋光口家鄉海蠣湯另外仲叫左酥炒芋芯百秒黃花魚興化米粉—先講下個主角海蠣九層塔好入味配埋略為炸過嘅海蠣一齊蚊幾好食—而個湯好足料有十幾二十隻海蠣隻隻都漲扑扑🤤🤤—另外個酥炸芋芯都係必食之選👍🏻芋頭份量夠多又夠晒粉配埋佢既辣醬一齊食真係一流😮😮—好期待莆田下次個主題果然每次都係無令我失望呀下😂😂

之前係其他地方食話莆田, 覺得唔差。今日經過老尖, 同屋企人食多次。呢排主打海蠣菜。海蠣即係蠔。先到既係鹽漬海蠣, 呢個冷盤入面有海帶, 味道鹹鹹地 幾開胃。跟住有福建特色海蠣煎, 即係蠔仔餅。蠔仔餅咬落去好脆口, 而且蠔仔夠多, 不錯。接住黎既係江口特色海蠣湯。香港比較少見。算係幾有福建風味既湯水。都值得一試。酥炒芋芯, 不得不讚一讚呢個芋芯不錯, 外表黃金既芋頭, 外脆內甜。香口!興化米粉, 配料不錯有幾隻蝦球。而米粉本身極幼, 炒得幾乾身 唔多油。廚師有番兩手。紫菜海蠣煎蛋。同樣水準不錯, 不過稍欠特色之處。酥炸鹽燒海蠣。十分香口, 建議用大蠔更佳。

今日約左朋友出尖沙咀行街，朋友一見面就話不如去食豪d！原來係莆田搞緊個海蠣節，朋友帶我黎莆田食蠔。餐牌話用養足300日嘅海蠣，每日產地直送到港，仲有6款煮法，只係$188，就可以任選2款菜式，當然試試佢啦！我地揀左漁民鹽漬海蠣同頭水紫菜海蠣煎蛋。漁民鹽漬海蠣第一啖食落口覺得有d咸，但越食越想食，蠔嘅鮮味慢慢出黎，個味道感覺有d似腐乳，幾有趣，如果配埋飯更加完美。紫菜海蠣煎蛋份量都幾多，食落口感其實有d似蠔餅，不過係厚版！蠔仔細細粒，非常新鮮，數量都幾多，啖啖都食到蠔，加埋d紫菜，濕濕地，有d汁，食落唔會太乾身，唔油膩，唔錯！食完後，我地加左個酥炒芋芯，外酥內糯，食落比較粉身，感覺有d似反砂芋。表面甜甜地，做甜品都幾岩，好滿足呀。總括黎講，莆田海蠣節嘅菜式都幾有特色，估唔到原來蠔都可以有咁多種食法，有機會會黎試埋其餘四款，睇下有無驚喜先！

前幾日約左個好姊妹係尖沙咀食飯，佢同我都幾好食蠔仔既～行街經過見到莆田最近出左新既蠔仔餐所以就揀左莆田呢間新加坡開嘅福建菜又真係估你唔到咁抵食。188揀兩樣野食～原來佢係一間米之蓮一星級嘅食肆（拎左好多年）其實都十五十六唔知揀邊樣好，因為樣樣都好吸引，想試哂佢地！但由於我地兩個個胃都唔算大所以最後揀左兩款新蠔菜式～我地揀左頭水海菜海蠣煎蛋同埋福建特色海蠣煎。😆😆✌🏻兩個款既分量都好多！絕對夠4-6人食～福建特色海蠣煎～一上就要即食！味道熱度都岩岩好！正呀！😋另外頭水海菜海蠣既鑊氣好夠～蛋同海蠣都好夾😋😋😋😋同埋真係好多啊食唔哂～～今次試新野覺得喜出望外有驚喜～如果大家鐘意食蠔仔可以揀下試試喔。

在美麗華商場行街， 經過蒲田，大大個廣告推出新菜式食海蠣(即是蠔) ，被佢個口號吸引了：莆田海蠣鮮，養足300天。反正準備食野，就看看是否咁鮮啦。佢有六種煮法，點兩款價錢平d, $188 兩個餸，價錢可以接受。單點每款$98至$108, 6種煮法分別是福建特色海蠣煎、酥炸椒鹽海蠣、頭水紫菜海蠣煎蛋、 九層塔香燜海蠣、江口家鄉海蠣湯、漁民鹽漬海蠣，我們點左以下兩樣未試過嘅食法。江口家鄉海蠣湯。裏面超多材料煮成， 主要材料就是蠔仔， 還有蕃茄、蛋花、蝦仁、椰菜花等等，煮成濃稠的湯羹，味道超鮮甜， 而且口感豐富，因為各種材料都有不同口感。這個湯相信十分啱香港人口味，愛鮮甜。九層塔香燜海蠣， 用個小火爐熱著上枱，賣相好靚，而且可以保持溫度， 九層塔的香味也因熱力而發揮發出來。海蠣用粉漿包住再下鍋燜，粉漿可以吸收醬汁味道，這個食法真是第一次。 醬汁味道非常香濃，加上九層塔的香味撲鼻，整個 鍋彷彿海蠣不是主角，如果醬汁味淡一點，蠔味應該會再突出一點。食完濃味的嘢，飲啖茶就最好。冇諗過呢度嘅茶原來係菊花茶，非常清香！淨係食兩碟海蠣菜，當然唔夠飽，叫多兩個呢度嘅出名菜式。興化米粉。特幼的米粉質感完全不

2018年12月15日。晴。尖沙咀。聖誕將至，去尖沙咀睇下商場佈置打下卡～美麗華嘅聖誕主題好可愛！係肌肉聖誕老公公～幾可愛～行咗一陣就要去醫咗肚先～行咗過莆田嗰邊，見到有海蠣菜優惠雖然唔係好知海蠣係咩，但即管試下啦～莆田係米芝蓮一星餐廳，之前都食過，覺得環境同餸菜味道都唔錯餐廳仲好揼本咁印咗份海蠣菜宣傳單張詳細介紹養殖海蠣嘅資料講咗咁耐海蠣，原來即係香港人嗌嘅蠔仔，台灣人食嘅蚵仔～～一款食材，多種食法！餐廳推出咗6個海蠣菜式，呢日優惠價$188可以任選2個菜食過莆田嘅嗜辣朋友一定會記得呢個好味辣醬開蓋聞一聞都精神爽利！未上菜之前，先有小食小食係醃木耳同菜脯，兩樣都爽脆入味開胃菜一流～蝦苗拌頭水紫菜，$52嗌咗呢個紫菜做前菜，調味令紫菜帶甜，甜甜酸酸紫菜滑溜得嚟又有咬口，仲混雜咗蝦苗，增加口感必點！頭水紫菜海蠣煎蛋，$98蚵仔煎嘅變奏版，蛋漿無煙煙韌韌嘅質地反而係用紥實的蛋漿煎海蠣海蠣有大有細，但不論大小，同樣鮮味多汁！蛋餅鬆脆香濃，好香口～～江口家鄉海蠣湯，$98湯嘅質感濃稠，材料簡單只有海蠣同蔬菜所以味道較為清淡，可以清楚品嘗到海蠣嘅鮮味同蔬菜嘅甜味～湯控首選！