莆田 (美麗華廣場2期) (已結業)

係香港好小接觸到海蠣，今次都係第一次食咁多海蠣既特式菜!酥炒芋芯❤️外層甜甜，內裡充滿芋頭香，芋芯口感較豐富，唔會有好粉嘅感覺，好香口。百秒黃花魚❤️魚肉處理得非常嫩滑，上菜已經將魚橫切左一半，容易食用，好細心。 湯先係精華! 鮮味十足~ 興化米粉❤️有家鄉嘅風味，米粉彈牙唔乾身😋主角有6種食法，6揀2都只係$188😍九層塔香燜海蠣❤️味道香濃，海蠣新鮮，九層塔味突出，完全無腥味，餸飯一流！江口家鄉海蠣湯❤️好清甜嘅食法，加入大量蔬菜令整個湯鮮上加鮮!