莆田 (美麗華廣場2期) (已結業)

尋晚同女友美麗華行街，佢話好耐冇食莆田，於是就去食啦~原來依家做緊海蠣節，中意食蠔既我地即刻點菜~~我地揀左酥炸椒鹽海蠣，炸得非常酥脆，食落有少少椒鹽味，而且粒粒惹味又香口，好滋味！另外叫左個興化米粉，家鄉風味，米粉彈牙唔乾身，而且入面有蝦又有蜆～再黎一鍋江口家鄉海蠣湯，飲落好清甜，而且個湯清而鮮～仲點左個百秒黃花魚，呢個次次黎都會食，魚肉非常嫩滑，上菜時魚橫切左一半，好易食，而魚湯就鮮味十足，正！最後女友仲叫左個酥炒芋芯，真心唔錯，外表黃金既芋頭， 外脆內甜又香口～OVERALL 真係幾好，米芝蓮真係米芝蓮！