老上海飯店 (已搬遷) 新店位置

同J識咗好耐，但食飯就係第一次，哈哈！佢提議去食上海嘢，去咗附近既老上海飯店食lunch。雞絲粉皮、酸辣湯麵、火腿津白都OK。不過小籠包就差咗少少，一夾就穿，唔及留園雅敍既好食。環境唔錯，幾舒服，約朋友喺度食飯傾計都唔錯，但侍應服務就一般，呢點應該改善吓。最後有位侍應哥哥送咗兩碗白果腐竹薏米糖水俾我哋食，不過味道就淡咗d啫。J請客，所以埋計唔知幾多錢。

學名：紅燒獅子頭身材：矮東瓜一名，略胖死因：太好味分析：其貌以人類的審美標準來看，不揚，卻充滿了豐潤的內涵。七成肥肉誘發無比甘香，三分豬上肉口感細緻並略帶嚼口。死前受了「過油」酷刑，肉汁盡鎖在細密的皮層內，衍生出極度迷人的味道。如斯油潤豐腴的感覺，自是饕客必爭之物，死也活該。

五月七日(星期一)到來，為朋友補祝生日兼敍一敍，在大家沒有主意的情況之下，我提議到一處適合我們"老人家"談天的好地方。之前來過數次，一如所料，食客不多。到來前曾來電留位，但那只不過是多餘的動作罷了。請不要因她的地理位置(酒店地庫)而以為餐牌上會全是些高價食物，像我們平民百姓一樣，也可以找到許多價錢相宜的小菜。前菜：花生、菜寶- 無評論酸辣湯- 多料但不夠酸生煎包- 多肉汁，很好奶油津白- 一般糖醋排骨-顏色似生炒骨，尚算醒胃回鍋肉- 一般拔絲香蕉- 一樣有誠意和有趣的甜品，它是用忌廉汽水浸的。落單後，還親眼看見伙計手上拿著三隻青色的蕉從某處運送到廚房去。記得上一次，兩人前來，很想試試這個甜品，伙計在寫單時對我倆說：「份量太多，你倆是吃不清的。我給你減少份量，收少點價錢吧。」真是一個頗有趣的經歷！在這裡，你可找到老伙計們、老裝潢和老氣氛，倘若，你想選擇一個清靜的"老"地方來食晚飯，這裡會是一個不錯的選擇。是晚消費，三人，共約四百四十元。

女朋友介紹話正嘢，於是母親節一於訂枱五個人去拆番餐。點咗咩菜式：1.薺菜桂魚羮 - 桂魚粒粒有鮮味2.小籠包十隻- 熱騰騰，又多汁，頂瓜瓜3.生煎色- 同樣多肉汁，不過略嫌包底煎得未夠脆4.鱔糊- OK，冇乜特別5.咸肉津白- 第一次見啲咸肉咁鮮咁靚，出面嗰啲乜乜金X庭，通常都係乾爭爭，好似柴皮咁6.元蹄- 全餐精髓所在，入口溶化，回味無窮7.豆沙窩餅- 本來想叫拔絲香蕉，但因製作繁複，是日停做。豆沙窩餅亦子錯，皮夠薄，豆沙夠甜埋單$927，係比一般上海菜館貴，但質素高，真正老上海格局，有信心保証。而且服務好，起碼識主動幫你勘茶，加水。

'都係事前要做d資料搜集'朋友話. 我地望兩望對方, 忍不住笑起黎. 原來是一間不折不扣的舊式酒樓, 只是沒有龍鳳酒樓的那種浮誇. 內面的格局佈置適合擺彌月宴;帶西方朋友來亦絕不失禮. 當然最好是人多,好辦事. 我們兩個人叫了以下的食物:-燻蛋(每人一隻兩邊雞蛋)極好食,邊食邊讚,晶瑩剔透,略帶的煙燻味不過餐單上沒有的, 要特別向店員問,聽說並不常有, 建議早去到的話要早下單-小籠包(大部份食物都分大中小不同份量, 小的都有5只)這個還可以,但很多地方的都做得比它好-生煎包(同樣有5件)香得黎又不太膩, 只是肉太肥,幾乎都是一粒粒白色的肥肉........-嫩雞燴麵一般啦,普通質色整體黎講可以一試再試, 而且下次最好一來吃,免得只能吃點心

An old style restaurant, in my opinion, was like eating at home, sometime too plain, lacking excitements.For appetizers, we had smoke fish and chicken in wine sauce, fish was meaty, and tasty. The chicken has little trace wine. For entrees, tofu with crab eggs was lukewarm when served, so it tasted fishy. The braised sea cucumber was overcooked and texture was too soft, and mushy. The tastiest dish was the stir-fry river-shrimps; it was crispy outside and very flavorful.Service was cordial,

我們只點了4 味菜:1.) 雞火干絲- 上湯一流, 火腿味?, 正!2.) 椒鹽小黃魚- 炸得剛剛好, 保持了魚的鮮味, 在我吃眾多在香港的上海菜中做得最好的兩家之。3.) 蔥油餅- 做得好, 同樣火喉控制極佳, 保留了蔥的鮮味!4.) 青菜煨麵- 較雞火干絲差。

9-2-2007 老上海太座和同事飯局, 很榮幸亦被應邀出席, 他們選址老上海, 我亦對此店略感興趣所以有少許期望。由於公事多, 八時才到達, 太座之前已叫了些前菜, 如馬蘭頭, 薰魚。如太座所說只有薰魚較好。點心叫了蒸素餃, 春卷, 小籠包, 鍋貼。春卷是比較突出及正宗。菜只點了蒸豆腐, 香(蘇)鴨, 腐乳什麼肉。整體一般, 最特別的是蒸豆腐用的是一眼便看穿的百福豆腐, 真是不感恭維。腐乳肉雖有些肥, 腐乳味不濃略甜, 但各人都不介意並一吃而盡。香(蘇)鴨沒有什麼感覺。這店給我的感覺非常舊派, 待應的打扮都是很土。說說結賬, 單上只有幾個大數, 廚部味部酒水醬芥及總數, 一貫舊式酒家做法, 個人覺得這些店為什麼到現在還不懂進步, 問部長有無明細睇, 答案係無, 我真的好想問如果無明細何來有總數! 想輕鬆點寫食評也不可以, 另真想知道那碟百福蒸豆腐要多少錢。

一行七人來吃團年lunch. 點了5人餐加小籠包和菜.海蜇醉雞: 海蜇入味又爽口, 但醉雞的份量太少回鍋肉: 用的肉不太肥, 整體一般醬爆牛肉: 味道不錯咸肉豆腐湯: 有湯有肉, 難得是不太咸毛豆百頁: 百頁又"淋"又夠薄, 吸了上湯味, 不錯蒸+炸銀絲卷: 這兒的銀絲卷做得很出色, 每次來總叫一條. 但想不到, 這個餐原來是一條蒸加一條炸的, 真闊佬上海粗炒: 差了點, 太油.糖水.小籠包麻麻, 菜太細碟.此外, 這裡的拔絲系列和雞火炒飯都是值得推介的. 午飯是有9折的.

今日放工行過世紀酒店，入左去果間叫老上海飯店食晚飯．因為得兩丁人，所以o益o左個炒飯同一客小籠包及一客鍋貼．食完ｄ炒飯好耐，都未見ｄ小籠包同鍋貼黎．佢都見我地響度等，都唔去睇下仲有ｄ咩未黎．到我地催佢，佢問完一輪先話畀我地聽漏左單．仲話可能係廚房跌左張單！問我地等唔等多十分鐘．好，我又唔係趕時間，就等下佢．卒之等o左15分鐘先黎．但係果邊有人之前又有小籠包喎，又唔醒目畀o左我先喎．食食o下有隻蚊滋又唔生性，飛o左落d鍋貼度．今次佢好醒目喇，我未話叫佢取消碟鍋貼，佢就好快咁話：「我幫你取消o左果三隻啦！」　（落單果時又話最少要五隻，依家又有得取消三隻！！）以後都唔好旨意我再去．．．

朋友生日，今晚叫了醉雞，海蜇頭，素鵝，馬蘭頭，排翅，獅子頭，清炒蝦仁，雞火煮干絲，炒鱔糊，砂窩雜錦，松鼠桂魚，上海粗炒，桂花丸子，高力豆沙。不知那個冷盤下了味精，總之熱盤未到已頭痛萬分，但其他菜式不壞，翅夠多，松鼠桂魚的價錢不值，最正的竟然是那個桂花丸子，手造的，桂花也不黃，十足十家庭料理，如果你對味精不敏感，食得過！

最鐘意食上海菜。午飯時間同3個癲o既同事一行4人黎開大餐，事關其中一個最癲o既話要食元蹄，公司其他老人家嫌肥膩縮沙，但係4個米4個o羅，至多食唔晒米包走。4個大食怪叫左﹕1. 冰糖元蹄(要早一日訂，如果唔係得紅燒味，咁梗係冰糖味好食好多啦。真係好好好好好好味﹔肥瘦適中，肥o既地方唔膩，瘦o既地方唔un，跟1碟貝殼形包包，點汁食晒，最後包走o既係食淨o個d汁！！！黐晒線！)2. 蟹粉拌麵(細細碗麵，1人1注。生平最怕腥味，襯熱食加d醋都算okay, 我個人認為夜上海d蟹粉好味d)3. 燻蛋(又係夜上海出色d)4. 生煎飽(見到下面d食評話好至叫，點知奶野，外皮唔脆，d餡梅梅地，d飽濕o既淋o既一pat pat，冇食晒)5. 雞火煮干絲(諗住清清地，點知得個鹹字)6. 拔絲香蕉(好味架都，12件1人3件，我地自己都估唔到咁飽都仲食得落。Lee度用忌廉汽水浸d蕉，唔係就咁冰粒清水，果然好味d)野食都幾好。係d侍應o羅，唔俾4個女仔大食架家下！都唔知咩態度！每3分鐘行埋黎一次睇你食再大叫「勁呀」！食得晒份元蹄--大叫「勁呀」！order 甜品--- 大叫「勁呀」！係米唔俾勁先宜家！好得閒唔洗做

6點幾去到，5個人包了個大廳，因為根本沒有人，就算有都是訂了房，大約8時才陸陸續續有兩三客。連同呢間，近期試過留園、留園雅敘三間較有水準的上海菜館，當然一定有比較。四式併盤-燻魚、海蜇、醉雞及素鵝，當中以燻魚是第一，味道甜得來唔會過份，肉質又唔炸得好乾，比起留園雅敘好得多；海蜇較粗身，夠爽；醉雞的酒味較清淡，雞肉算滑，當然比不上留園。素鵝-學kc話齋味道偏淡，包得唔實，好鬆散，料又少。清炒河蝦(仁)-名副其實真係好清，蝦肉細粒但幾爽口。奶油津白-奶油多過菜，味道好濃。糖醋排骨-比起留園雅敘好十倍，甜酸味好突出，豬扒又彈牙鬆化，醃篤鮮-較多油，味亦冇沒有其餘兩間咁濃，這裡較遜色。小籠包-多湯汁，但味道及肉質鮮味，就不及留園雅敘了。蔥油餅-蔥唔算多，亦不算太香，但又熱又脆，已經取得好高分。甜品：煎黑糯米八寶飯-煎得唔夠香，味道較留園清一點，沒有咁溜，而且是黑糯米好似健康D。合桃奶露-真係自家磨製的，有粒粒合桃碎，好有口感，唔會太甜，可惜唔夠香。芝麻湯圓-是酒釀底配大大粒的芝麻湯圖，我實太飽啦，冇食到，但老友們竟然可以將它消化。食過三間過後，雖然菜式不太相同，但我會揀留園第一，其次係老上海、

又來大圍聚會，印象中好似個來月沒有正式搞過聚會，再來一個，地點定在這裡吃泰菜，都有三圍食友出席及報名，場面熱鬧，相當高興。不知是不是因為這裡不收開瓶費的關係，是日的「洋酒指數」又創新高，加埋即席叫的花雕，真的飲到如某食友話齋：「歡天喜地，七個一皮」。三圍菜，也是預早寫定菜較好。冷盤四拚，熱盤有雞有魚有肉有菜有海鮮又有湯，另外再叫甜品，應該夠食。先來的冷盤，例牌是馬蘭頭、肴肉、素鵝及脆鱔，又係有凍有熱，有菜有肉的頭盤陣式。時值春季，行頭的冷盤當然是馬蘭頭，這裡的偏乾了一點，馬蘭頭得都夠幼細，滲出其淡淡又獨特的香味。雖說不是頂級，但已不錯；肴肉是幾款冷菜中，最有水準的一味。豬手肉加上豬皮凍，切成丁方，鹹香夠味；素鵝就太「實淨」，不夠軟身，味道偏淡，中規中距；這裡的脆鱔，是炸得卜卜脆的類型，推上了糖漿，用來送酒，都算不錯。吃罷冷盤，主菜隨即上檯。打頭陣的是龍井蝦仁，這味菜，從來是一分錢一分貨，是晚的不算很貴，蝦仁是較小件頭，亦因為埋了個薄茨，口感亦沒有那麼爽口，亦隱沒了龍井的茶香味。有食友指出，比之前私底下搞的一局所吃到的蝦仁，是差太遠。但也不要忘記，這裡價錢也便宜近百分之四十，分別在此，我

上星期五世紀大騙兔請客..梗係要食大佢..走去老上海飯店..先來兩個涼盤..海蜇頭冇乜特別..還可以..醉雞酒味不太濃...正合小弟口味..三個人...叫咗三個清炒蟹粉及5 個正伴麵...開頭只落了三個麵...伙計話伴麵不是很大..所以再加多兩個..點知伴麵來到時..眼都大埋..立即取消一個..最後吃了四個...巳經很飽了...我建議三人如果不是大吃的話..兩個蟹粉加兩個伴巳經夠了..可以多食其他小菜嘛..近十一月..可以食蟹公了...要了三隻最大的..蟹羔蒸到緊熟..正..途中伙計大哥走來幫我mok蟹...我樂意接受..但心念.."我冇貼士比你架"..亞Pooh 說不用他幫了..之後問她為什麼..她說.."伙計大哥只有一隻手有手套,都唔知佢之前有冇洗手!! -____-...又唔早講..食完蟹後...本來還有個紅燒魚唇..吃不落了..只來了過上湯豆苗..亞Pooh話好飽...但還叫了個高力豆沙香蕉...我想叫杏仁豆腐的..還是萛了吧... 食後感...兔: 比鴻星好食小弟: 好食...比海都黃油蟹好食...Pooh: 高力豆沙香蕉不及湘川滬好食...蟹呢..不及我在澳門食的大啊!!!