老上海飯店 (已搬遷) 新店位置

由於閒酒樓喺mummy office附近所以時常光顧~本人十分之欣賞嘅上海菜~青瓜拌粉皮又健康又好味~鍋貼超正！紅燒黃魚亦很入味~！仲有好好食嘅豆沙鍋餅~！最重要嘅係D餸一D都唔油~！waiter態度亦都幾友好~有一點唔好就係喺lower ground floor,同埋之前裝修我都搵唔到入口...不過我覺得價錢公道又好食~！

有一陣子無嚟食飯, 今日咁啱母親大人生日, 一向對上海菜情有獨鍾, 終於可以搵個藉口豪一次, 嘻....結果是真的很豪. 戲肉....點餸, 例牌唔貴唔介紹, 唔知係咪同佢地安排左我地坐房有關呢? 是晚頭盤醉雞; 燻魚和馬蘭頭豆干都仍然相當了得, 海哲則一般. 火膧燉翅一份, 也不知是否近日物價高漲, 定還是原先訂了半份最後臨時改為一份, 廚房預備得唔夠, 12個人每人分得一小碗多點, 重要比阿姐倒瀉左D....比起以前大打折扣.主菜想叫元蹄, 經理最後說服我地食四寶雞, 脆皮雞用炸核桃;窩巴及炸瑤柱伴碟, 無論口感或配搭都非常特別,唔錯唔錯, 不過價錢都相當唔錯. 其他都是一般菜式, 無特別驚喜, 可能是沒有點到招牌菜. 最不幸是食松子魚, 原先已經拒絕推介, 無奈阿經理一再硬銷, 並保証條魚不會炸得太乾, 最後大家只係見到一條似魚的物體, 經理道歉之餘話請食甜湯補數, 都好, 芝麻湯圓同高力豆沙都很窩心.唉, 對老飯店真是又愛又恨, 經理的服務超水準(可能是老闆之一), 待應卻慘不忍睹. 可能要等一排回復心情或有人請先會再去.

新年返工無耐在這此處吃Lunch，地方好大，有好多張檯，但好似唔夠光咁？！黑黑地！叫左鍋貼、雲吞雞、鱔糊、蒸銀絲卷等大路野，味道唔錯呀，但就好似多油0的，招呼都幾好，仲送糖水比我地添！

想嚟老上海好多次但成日都覺得位置吊腳。今晚終於book咗枱，係openrice睇哂啲review再翻埋啲舊雜誌，去之前十幾個鍾頭已訣定叫1. 炒蟹粉2.蜜汁火坊3.生煎包4.獅子頭5.熏蛋去到再加碟海蜇併醉雞。一睇碟醉雞知唔掂。似雪咗十年但冇味，放落口真係麻麻地。海蜇就不過不失，夠爽口。再上傳聞全港最好既熏蛋。生熟剛好，滷水味夠但唔覺比夜上海特別優勝。一分鍾唔夠又上蜜汁火坊。好鬼泣次次。勁甜又鹹返而覺得火腿鹹香味唔夠。獅子頭不俗。食得出好滑，外脆內軟。好入味。唔錯唔錯。到最期待既炒蟹粉跟剩麵黎啦！要428蚊一碟但分量幾多下。真材實料，加啲醋送麵係一絕。生煎包一般。唔食乜損失。甜品本來想要拔絲香蕉但友善阿叔check完廚房回復話冇蕉。算，要高力豆沙。冇乜特別。整體水準不俗，可以再去！

在網上搜索了一遍, 最後找到這間飯店跟家人晚聚, 可惜是有點失望.餐牌上選擇很多, 豐儉由人, 點了: 小籠包, 醃篤鮮, 咸肉津白, 宮保雞丁, 膳糊, 高力豆沙和酒釀丸子, 全單$600, 價錢不算太高昂.可惜是食物質素及味道都只屬一般, 而且過於不必要的油膩, 令食物味道更加大打折扣.

一行八人，給安排坐最入面的檯，傳統酒樓格局，檯與檯之間有相當空位，甚是寬敞，服務很好，叔叔位位都很友善，不停加茶。食物方面，實屬上佳，只是對於大食的我們來說，實在不夠，往往一上菜就給一掃而空。點了醉雞拼海蜇- 兩者味道皆好，不過好細碟，一人只分到很少很少賽螃蟹(中) - 好好味! 黃鱔糊(中) - 味道很濃，好味!砂鍋雲吞雞(半隻) - 雞湯好好味! 不過一人只分到一粒菜肉雲吞無鍚排骨(中) - 本來想叫糖醋排骨，但侍應叔叔主動說他們的無錫排骨更好，果然不錯，又入味又稔上湯豆苗(小) - 好味，這個算是大碟上海粗炒- 這個是最差的，麵炒得很碎，很難夾嫩雞煨麵- 好味!小籠包(10隻) - 略嫌皮不夠薄，也沒有那種一咬就湯汁四溢的感覺，不過都不差的鍋貼(10隻) - 這個非常出色，煎得一點也不油膩，個個都讚豆沙鍋餅- 好好味!拔絲香蕉- 侍應即場表演，很歡樂，而且用的是忌廉汽水，製成品略嫌不夠脆酒釀丸子- 好味!多謝一班好友陪我來+ 請我吃飯來這種飯店，還是人多才吃得痛快!

特別的平安夜,因為今次食中國菜~~第一次同BB豬嚟食,叫咗四樣嘢,個經理竟然叫我哋唔好叫咁多,因為會食唔哂,驚我哋浪費食物,都係第一次食嘢比人叫我唔好叫咁多.....因為我係眼闊肚也闊的BB.....今次食佢哋嘅招牌菜,蟹粉翅,鱔糊,菜肉飽,醉雞,海折頭.....樣樣都好好味,食得好開心,食上海菜別無他選,呢間必定係首選,雖然真係比較貴,但食幾多次都唔會厭,也是BB豬最鍾意的餐廳之一。其實食嘢除了食味道,食環境,也要食服務,最緊要有親切感,就好似食茶餐廳一樣,唔需要做到好Grand咁都會有人幫親......

12/28/07, 9點鐘左右,9個人去食飯環境都ok啦,不過因為後面hotel入去,突然間又好似去左間酒樓咁,好似有d失望咁,不過唔關佢事,由一個grand hotel feel去左home feel,個伯伯幾nice,見到個男仔轉台d野食,我ling唔到茶,佢仲幫我針埋^^(坐你則邊果個都唔理你啦) d伙計都幾親切,好過好多酒樓d service多多聲啦,問佢有乜好介紹,又會介紹俾你食,好樂意咁同你講,走果陣又會講多謝,有禮貌果隻,唔係木口木面or行貨咁講,食佢d service都值啦,招呼周到,正!!!食物都唔錯,雖然唔知食緊d乜...d味幾好...冷盤-個唔知乜野粉皮俾人食晒無機會食,我諗應該好食醉雞-幾好幾有酒味,又唔肥滯,咁梗係無大陸d雞咁雞味,你要食果d番大陸啦豆腐-好滑好味,不過無乜豆味,我都好耐無食過有豆味又滑ge豆腐,6年前清遠有...小籠包-無諗住佢咁多湯,漏晒喇,慘,好味,想食多粒,不過手腳慢,又無晒,算啦,我怕肥,一粒有d唔夠,兩粒就剛好,三粒會滯...菜-佢介紹ge,都ok啦,清清地咁law賽旁蟹旦白-我諗係我地未攪暈就食,有好多醋law,之後果d又無,無計

其實不用大費周章，簡簡單單的叫幾味前菜及小吃，店子的質數，也能大概道出。來午膳，也不想吃太多，只點了三併的冷盤、素小籠包、蔥油餅及煎八寶飯。冷盤三併，選了馬蘭頭、香椿皮蛋豆腐及素鵝。馬蘭頭雖然已經過造，但這裡的亦挅得幾幼細，有其獨特得香味，伴上豆干，也是個很清新的前菜；除了馬蘭頭，香椿也是春季的菜色，單吃味道很強烈，用來配襯皮蛋及豆腐也是不錯的前菜。這裡的加上溏心皮蛋，如果伴上的豆腐粒能涼一點，豆香多一點，就更好了；這裡的素鵝做得軟熟，煙薰味淡淡的，不過重，火侯掌握得很好。餡料是冬菇絲及紅蘿蔔絲，豐富亦加強了味道。近排吃厭了油炸版的素鵝，這個正宗的煙薰版，很不錯；不知道是否搞錯了，素小籠包似是素蒸餃子多一點，不過既來之則吃之，也不深究。熱騰騰的，皮略厚，素餡是薺菜伴上碎豆干及麻油，味道也不錯。不過相當撐肚子，吃兩件什麼也夠皮了；要評一間滬菜館是否夠水準，來一客蔥油餅，錯不了。這裡的做得也有水準，皮鬆化，咬下去輕如無物，餅皮卻又不會散滿一桌。熱氣十足又不油膩，蔥油餡味道點到即止。想知道什麼是蔥油餅的，吃這個，錯不到那裡；八寶飯素來是甜品，最正宗的應該是蒸至爛熟的。而煎的較香口，又減去膩滯

同来自曰本及广州之同事一行三人，點了二人大闸蟹餐。另加一隻蟹及兩只小籠飽，开了一瓶紅酒。先来兩客冷盤：我们點了燻魚及醉鸡，都很可口。再来青菜及羹，才上大闸蟹。蟹羔甘香，日本同事頻說ichiban。小籠飽也不錯，餐尾的高力豆沙雖可口也吃不下。门口还有一酲一酲的陳年花雕，好pro。伙計老实，沒有慫恿我们多點菜。值得推薦及重臨。

男友又一次考驗香港的上海菜館。今次叫左鱔糊同津白，當然仲有生煎包。鱔糊好好味，肉質唔錯之外個味仲好吸引，同菜飯真係好好的配搭。津白都係咁啦，只係我地想有多個菜食下咁囉~生煎包就ok啦，但唔係特別好味，仲好似整好左好耐，「叮」番熱畀我地食咁……真係麻麻地……不過另一個值得一提的是酒釀丸子，酒的味道同桂花的味道調校得剛剛好，所謂的二人份量，我諗要四個人先食得曬……環境周service都算係咁啦，起碼d叔叔都好nice咁介紹食物畀我地~

小弟因住過上海一段時間, 所以對上海菜一向講究, 尤其討厭標榜正宗上海菜的港式偽上海菜一向, 我是否視該店為正宗上海菜, 很簡單, 就是看她的鮮肉生煎是否正宗, 真的, 一試便知龍與鳳, 我敢說, 在我吃過的上海菜館, 只有一間有類似正宗的生煎包(不想在此賣其他店廣告), 其他有如港式煎菜肉包的, 在我眼中, 全是垃圾, 不是指味道好不好, 而是因為它是假的小弟見到此店有如此多的好評, 而且看版友對她的生煎包的形容, 像是正宗的, 放工後便與女友試她一試.我們點了炒鱔糊, 奶油津白, 鮮肉生煎, 還有一道忘記了, 然後甜品是酒釀丸子主菜基本上都是不錯的, 算是港式上海菜中的出色者, 可惜, 可惜, 生煎包仍是那種討人厭的港式煎包真正的上海生煎包, 就像是小籠包換了皮, 裡面浸著湯, 香濃不已, 上海每一間大中小店都是這樣, 而且開放式制作, 難道就沒有能引進這種技術的"正宗""老"店?還好, 酒釀丸子為她爭回了不少分數, 算是我在香港吃過的最佳

同男友慶祝生日,因為想食上海野,又在灣仔區.之前做定功課見呢間評語都算唔錯,就選左呢間.兩個人有卡位坐~幾好~我地食左:火腿津白: 好唸好入味,亦唔覺好咸嫩雞煨麵﹕呢個差D..好糊..亦較淡(細)小籠包:有五件,新鮮多汁,好食~獅子頭:兩大個,加埋好多小棠菜伴碟.個汁好正,獅子頭很鬆化很香,菜亦唸同埋服務亦唔差吖.因為未來過,事先訂左位,訂七點.但最後八點先到,我打去同佢講,佢即刻講得出我咩名,同埋照留返張枱俾我,叫我唔使擔心.整體上都幾好,食到好飽一餐~

跟她永不咬弦，包括吃。領她到此店，只因這裡有她愛的弛名生煎包，也有我愛的河鮮。甫坐下，二話不說，先來瓶自家出品的花雕來暖暖胃。花雕順滑而易入喉，香醇可以，是我的“Comfort Food”。她就是一貫不變的呷着她的暖開水，是她的「養生之道」。先來一只花雕蟹，是以花雕及醬油醃製而成的生大閘蟹。花雕味濃得化不開，咸香四溢，蟹肉鮮嫩而多羔，生的呷着，風味十足，只是大閘蟹未合時宜，蟹就是細小得可憐。她眼巴巴的盯着我，我滋味地把那生淋淋的蟹羔往咀裡送，也懶得理她在嗤之以鼻。第二道是煙熏黃魚。黃魚鮮而肉細滑，煙熏味恰到好處，是一道精彩的佐酒物。我一邊在吃，她就一邊在埋怨骨多。幸而，熱騰騰的蟹粉小籠包，就在此刻端上。她一看到她愛的澱粉質，就在企圖粗暴的把筷子往薄皮裡鑽，幸得我及時阻止，包內的汁液精華方能力保引不失。小籠包的饀料就是永不賣賬，皮薄而蟹粉十足，包內湯濃，又充斥着肉鮮。嚐着，閉上眼，又聞一聞那花雕香，是太湖畔的夏色嗎？再送上的，是她期待已久的生煎包，包皮鬆軟，肉鮮而汁可以，給她大口大口的吃了好幾個。雖有小店送上的果盤，但又豈能滿足我這「甜牙齒」？難得今云我話事，可以不點那些拔絲呀、丸子呀、

隔咗幾日又嚟返呢間，都係因為D想食。上海炒年糕：頗大碟，味道啱啱好，唔太鹹百頁棠菜：炒得唔太油，清清哋，啱我胃口煎窩貼（一客五隻）：肉汁多，煎得唔太燶又夠脆，好味送埋兩碗綠豆沙飽晒。