粗菜館

营业中

休息中

收工同友人相約在九龍城食晚飯，決定黎到呢間蔡瀾都讚嘅粗菜館食下小炒。要讚一讚廚房出菜真係好快！叫左不足15分鐘就已上齊菜。薑蔥炒牛肉 $78呢道小菜最夠鑊氣、份量亦算多。山渣醬排骨 $88望落就似生炒骨/咕嚕肉， 但食落有山渣嘅香甜，更解膩！豬油撈飯 $18 唔係成日會見到，就叫左碗兩份share,豬油會隨白飯奉上，中意加幾多自己選擇，要幾邪惡有幾邪惡。豉油皇鵝腸$88可揀白灼/豉椒/豉油，鵝腸質感爽滑，用豉油炒得夠入味，仲有大量爽口芽菜、金菇墊底。

位於九龍城, 黑底金字既牌匾, 再加上蔡瀾推薦, 豬油撈飯, 炒豬什等等既字眼, 就算冇食過都一定有聽過 : 粗菜館! 客棧風既菜館, 有點年紀既店員, 別有一番味道。餐廳招牌菜款式不少, 今日就叫左兩個蔡瀾10大推介既菜式。薑蔥蜆蚧牛肉 $78用左好多薑蔥去炒, 加上蜆蚧既咸鮮味, 香味好突出。新鮮牛肉肉味重, 肉質嫩滑, 最緊要炒得有鑊氣, 整道菜好惹味!籠仔梅子蒸大鱔  $138新鮮蒸起, 上枱時熱滕滕出哂煙同時已聞到荷葉香氣, 原來以荷葉鋪底, 帶出陣陣清香!白鱔肥美肉厚份量又多, 非常新鮮帶有鱔既獨特魚香, 要知道新唔新鮮冇得呃, 因為鱔一唔新鮮就會變得好腥, 仲要配上清香既梅子醬, 梅子醬味道天然, 酸酸甜甜鹹鹹集於一身, 同白鱔既鮮味互相帶動, 比起平時清蒸/醬油蒸更加特別, 堅好食!豬油撈飯 (細桶) $54豬油既香氣唔洗講, 撈得越多越好食, 依個就係佢既邪惡之處!! 加多少少醬油, 絕對停唔到口!!粗菜館係好多老一輩既飯堂, 我自己亦覺得佢價錢貼地得黎又好味, 而且仲有一種舊時香港既情懷, 係值得珍惜既一間香港菜館。

老牌飯館 粗菜館 有蔡瀾既推介 ，今日就同朋友黎食下。山楂醬排骨必食既菜色，排骨炸過，咬落十分香脆淡淡肉。醬汁係用山楂製成，味道酸酸甜甜好開胃。薑葱蜆蚧炒牛肉牛肉好新鮮，成碟餸炒得好有鑊氣，蜆蚧入味。家鄉豬油炒飯聽個名有豬油就知邪惡，仲有好多配料，炒飯粒粒分明，食落唔油仲好惹味。香芒秘汁雞柳店舖宜家有特價，日日都有一款菜色可以滿200蚊就用特價食。雖然係特價，份量都唔少。果肉好香甜，黑醋炒過既雞柳炒得好軟稔。下次再去食其他經典菜色。。。粗菜館九龍城衙前圍道17號A地下。。

平民菜式，懷舊風味小菜，連蔡瀾都推介美食❤️今日帶媽媽黎食飯，媽媽好開心呀🥰招牌炒豬雜，招牌菜黎架，薑蔥炒得很香，仲有醬料、米酒爆香豬膶、豬腰、豬肚、生腸等，相當入味呀，喜歡的是裡面的豬膶😀香噴噴好好味，豬什原來可以很爽口😉鹽焗雞製法獨特，沙薑雞不像平時吃的，沙薑煮雞超香，沙薑是淋上去的，秘製沙薑雞，新鮮又嫩口的雞件😍😍淡淡的沙薑，一啖又嫩又鮮嘅滑雞，一啖沙薑，賣相吸引，味道好夾呀😜梅菜扣肉最好味😋扣肉肥瘦適中， 肉質軟淋，肥膏已成入口即溶，惠州頂級靚梅菜， 配上秘制醬汁，個汁甜甜地，好好味，梅菜同汁真係相當送飯❤️❤️ 果然係必然的撚手選擇😊

好耐冇出街食小菜了，尤其係而家有返晚市堂食，可以出去食d有鑊氣小炒，即叫即食同外賣到家食有好大分別呢！粗菜館十大推介+人氣熱賣：微辣秘汁炒蜆（$88）惹味、有鑊氣，蜆肉、洋蔥、青椒，撈飯送酒都正！蠔仔煎蛋（$88）煎蛋好香口，蠔仔大大粒絕不欺場，食得出師傅有心機整呢！山楂醬排骨（$88）炸排骨加上山楂醬，比起一般咕嚕肉/生炒骨更有多陣酸甜味，開胃小菜是也。白粥（$12）白飯（$10）簡單都好食，白粥煲得綿滑。

粗菜館由「路邊攤」起家，深得美食家蔡瀾推介，晚上與朋友一於黎幫襯一下。$78，有椰菜、香芹、雞蛋、芽菜、蝦米、冬菇、韮黃、肉碎、粉絲，簡單炒，已經好有家鄉風味。$88，鵝腸爽脆入味，個豉油好鮮，底下是芽菜、金菇菜，索滿豉油十分惹味。$42，適逢平日，只要滿$200就可以$42 order，裏邊有紅椒、綠椒、芒果、洋蔥，雞柳炸完再用黑醋醬汁炒，酸甜開胃。$88，排骨炸得金黃香脆，配上山楂醬汁和山楂乾，酸中帶甜，是好肉者首選。一邊食嘅時候，一邊聽到廚房傳來Feng Feng鑊氣聲🔥，可見師傅功架十足！

九龍城除咗有泰國菜之外仲有呢間馳名嘅粗菜館～雖然第一次嚟試 但係呢啲功夫菜梗係要去老店家先好味雖然今晚係一個人嚟食 但係佢哋啲碟頭唔會太大 一個人嚟食都食得晒㗎～店裏邊有好多名人嘅簽名！唔知揀咩嘅時候就可以揀吓佢哋嘅推介今日我就簡簡單單叫咗一碟菜一碟魚果然真係簡單嘅菜食先食到真功架越南炒得香脆又好有油香好厚肉可能你會覺得我好奇怪但係我真係好推薦你哋去試吓呢碗粥 好綿密好香米味 必嗌之選！！下次叫埋朋友陪我一齊嚟嗌多幾個餸先

冬至正日，當然跟家人一起餐聚。冬至翌日，就和Honey二人世界，清清靜靜吃一頓冬至午飯。冬至要吃中式，一想就想到粗菜館。這裏的午市客飯價錢相當實惠，茶餐廳價錢 ，但是有湯有飯有小菜，簡直街坊美食天堂。今年的例湯是冬瓜豬肉粒湯。雖然是家常湯水，但是湯頭很甜。Honey叫了炒豬什和沙薑雞。炒豬雜當然是到粗菜館必吃的。豬雜洗得很乾淨，不肥膩，爆炒後鑊氣好香！豬什很爽，有粉腸、豬肝、豬肚……等等，最重要的是，蔥段和薑片都爆炒得勁香口！我將所有薑蔥都全吃了，薑片一點都不辣。沙薑雞，上了雞髀和雞背脊，非常滑溜。但唯一美中不足是，那個芡汁太濃稠。兩碗大白飯，是天寒地凍滿足的一餐！很相宜呀！ 午市客飯50多元，不收茶錢和加一。找數$107……自己煮都煮唔到！

呢間都食過兩次 lunch, 一次食豬油炒飯，一次食梅菜扣肉，豬油炒飯 係得果幾條豬油同咸味，唔會再叫，梅菜扣肉普通，個梅菜就幾好食，之前其實一直都知粗菜館最出名係炒豬什，有兩位食家都好賺，但因為之前食過上環某間豬什湯，我真係接受唔到，豬腸勁臭，我唔知呢個係咪佢賣點原味，所以一直都唔敢再試豬什類食物，今日想唔到食咩就去試下佢個招牌菜，$55 外賣連埋湯盒要加多$4, 打開飯盒普通樣賣相唔吸引，但第一舊放入口就覺得炒得好香，落左好多姜同九菜去味，食多舊豬腸唔臭有咬口，餸份量唔多，但lunch 剛好，呢到另一樣好味係老火湯，今日係冬瓜菇湯，簡單但幾好味，呢碟炒豬什真係同佢店名粗菜館好夾。

係人都知九龍城多美食，今次揀咗去知名老牌飯店粗菜館，食返八九十年代嘅中餐佳餚。 今次點咗蔡瀾咸魚醬蒸豆腐、微辣秘汁炒蜆、山楂醬排骨、一碗豬油撈飯、同埋一碗明火白粥。咸魚醬蒸豆腐嚿豆腐就超清淡，上面咸魚蓉就超濃郁，口感一流，完全食得出 8、90年代嘅味道，但改良咗因為鹹魚係鹹魚蓉，好易入口。d蜆炒得好有鑊氣，有少少辣超醒胃，而且每隻蜆都超鮮甜值得推介。山楂排骨就甜甜酸酸一樣好好味，而且每一塊排骨到骨肉分明。明火白粥就食得出煲咗好耐，好幼好眠。招牌菜豬油撈飯果然冇令我失望，自己落豬油加少少甜豉油落飯撈勻食，根本可以只食飯唔使食餸都夠曬味。正！

.係九龍城屹立不倒咁多年嘅粗菜館不經不覺原來已開業25年 多年以前只係一間走鬼檔到後來搬上鋪 再由舊鋪搬細鋪 咁就過左20幾年 幸好食物質素還keep得著 👍🏻.▪️家鄉煎魚餅$78手打鯪魚肉夠晒彈牙 除左魚肉 另外加上濃香胡椒及發菜等醃料 令到魚餅更有層次 平時唔太食魚餅既我 都真心推介呢個餸 送酒一流👍🏻.▪️蔡瀾鹹魚醬蒸豆腐$42豆腐原本平平無奇 加上呢個特製鹹魚醬 味道非常入味 加上少量青蔥 簡簡單單既小菜都可以咁好味 配飯夾晒 .▪️涼瓜炆田雞$85呢個唔係招牌菜 純粹係個人中意食田雞所以點。涼瓜唔會太苦 有點甘香味再加蒜蓉豆豉青紅椒炒 田雞份量岩岩好 最緊要唔會煮太老 .餐廳唔賣裝修 主打就係小菜 仲有「蔡瀾十大名菜」小菜有特色之餘 食物水準係價錢之上 平均小菜都係幾十蚊 想試特色小菜不妨一試 .📌地址：九龍城衙前圍道17號A地下💰價錢：$150👅推薦指數：👍🏻👍🏻👍🏻👍🏻（5星為最高）———————————————————

這間粗菜館在九龍城，今日來到九龍城，不是食泰菜，而是食中菜，皆因之前聽朋友說此餐廳夠鑊氣，夠味道，所以今日來到九龍城， 揀了食粗菜館 。餐廳牆上有很多名人簽名， 都幾特揀了一些朋友介紹的菜式。微辣秘汁炒硯$88炒蜆炒得夠鑊氣，少少辣， 肉質入味，夠鮮！薑蔥蜆蚧牛肉$78新鮮牛肉配蜆蚧，有很多薑蔥，夠鑊氣，炒得夠入味，蜆蚧配牛肉， 令牛肉更加特別及惹味。薑蔥炒魚雲腩$78薑蔥魚雲腩，也有很多的薑及蔥，還有紅椒，魚雲及魚腩炸到香脆可口又很入味， 魚雲及魚腩食到的新鮮，最愛食到魚皮咬落時的脆香口感，伴酒一流，不過我就愛好飲可樂，配上這三個菜式， 食得當真滋味， 今餐食到當真是夠滋味夠美味的！

住咗喺黃大仙幾十年都係第一次嚟幫襯粗菜館 平時搭車就成日見到今次就特登嚟食！本來見到呢個招牌好想叫炒豬雜 但係見到隔離枱嘅鵝腸好出色 所以我哋就要咗豉油王鵝腸！果然冇令我失望 比我想像中份量更多 味道更好 鵝腸冇異味 豉油好入味 加咗好多薑蔥芫荽蔥 食落去感覺爽口另外叫咗都係好出名嘅鹹魚醬蒸肉餅呢個餸可以話係臥虎藏龍 普通嘅肉餅加咗鹹香味嘅鹹魚醬令到豬肉嘅肉味更加突出 又唔會太咸 送飯真係一流所以我哋都試吓佢個豬油撈飯豬油加埋豉油有啲甜甜地嘅感覺亦都唔會覺得好油膩最後仲叫咗呢個梅子蒸白鱔白鱔非常肥美份量都好多 啖啖肉梅子醬又酸又鹹好開胃粗菜館嘅食物質素非常好價錢合理難怪可以屹立喺九龍城幾十年！下次會再約朋友黎食過！

都唔係第一次嚟粗菜館食飯，對於佢哋嘅食物水準都不容置疑，否則都唔會可以生存咁耐，雖則人人口味唔到，但呢間店真係有特色，食物水準係價錢之上，覺得喺呢度食飯，啲小菜真係值得咁嘅價。我平時叫啲平民菜，例如咕嚕肉、炒菜、蠔餅，又試過炒粉絲等等，都係叫個白飯食餸咁。但今次大膽，唔怕肥，叫咗個豬油撈飯。一個豬油撈飯係$54，佢話有3碗，但其實有4碗，咁真係抵食，因為啲好香嘅油令你就咁淨食飯都得🤣，真係齒脥留香。我唔敢撈太多，但都已經有陣陣香味。再講下一個餸.....鹹魚蒸肉餅，好似普通到唔恨，但我覺得呢個餸係 No.1 必食之選，啲鹹魚醬好味都爆，今次第一次加埋個豬油撈飯，簡直係人間美食。超讚呢個係蜜梅肉排，唔記得全名，但啲肉煮得好入味，啲肉好軟，用嚟送飯都好正。我最愛嘅蝦仁炒滑蛋，粗菜館冇呃秤，啲蝦好大隻好靚好彈牙，唔係俾啲霉蝦你又唔挑咗條腸嗰種，炒得唔油，非常好食，送飯一流。仲叫咗個例湯，一人份量但有4碗，兩個人食都算幾大食吓。埋單係$388~ 有咁嘅質素，好抵。下次可以試吓佢哋嗰啲炸魚，見好多人叫嚟食。

黎九龍城唔一定食泰國菜嘅，呢邊都有好多中式小菜館好多人推介，今日就試呢間，除咗有小菜食之外仲有生滾粥。店舖坐位用木枱，而且玻璃鏡上有好多簽名，別具特色。《麻辣秘製鮮雞煲》$138雞煲十分有川香，雞件食落去啖啖肉，而且雞肉好滑，又夠入味，亦都唔會食落好鹹，辣度方面可以再辣啲，整體好唔錯。《蜆蚧炒牛肉》$78牛肉份量多，而且煮得夠林，識落唔韌唔孩，不過略嫌汁有啲多，醬汁味道偏甜少少，不過幾抵食，送飯一流。《蠔仔煎蛋》$88煎蛋唔油膩，煎得夠香，而且蠔仔份量好多，亦都新鮮肥美，唔錯！ 總括嚟講，價錢唔貴份量OK，下次試埋粥！