粗菜館

营业中

休息中

呢間都食過兩次 lunch, 一次食豬油炒飯，一次食梅菜扣肉，豬油炒飯 係得果幾條豬油同咸味，唔會再叫，梅菜扣肉普通，個梅菜就幾好食，之前其實一直都知粗菜館最出名係炒豬什，有兩位食家都好賺，但因為之前食過上環某間豬什湯，我真係接受唔到，豬腸勁臭，我唔知呢個係咪佢賣點原味，所以一直都唔敢再試豬什類食物，今日想唔到食咩就去試下佢個招牌菜，$55 外賣連埋湯盒要加多$4, 打開飯盒普通樣賣相唔吸引，但第一舊放入口就覺得炒得好香，落左好多姜同九菜去味，食多舊豬腸唔臭有咬口，餸份量唔多，但lunch 剛好，呢到另一樣好味係老火湯，今日係冬瓜菇湯，簡單但幾好味，呢碟炒豬什真係同佢店名粗菜館好夾。