粗菜館

营业中

休息中

位於九龍城, 黑底金字既牌匾, 再加上蔡瀾推薦, 豬油撈飯, 炒豬什等等既字眼, 就算冇食過都一定有聽過 : 粗菜館! 客棧風既菜館, 有點年紀既店員, 別有一番味道。餐廳招牌菜款式不少, 今日就叫左兩個蔡瀾10大推介既菜式。薑蔥蜆蚧牛肉 $78用左好多薑蔥去炒, 加上蜆蚧既咸鮮味, 香味好突出。新鮮牛肉肉味重, 肉質嫩滑, 最緊要炒得有鑊氣, 整道菜好惹味!籠仔梅子蒸大鱔  $138新鮮蒸起, 上枱時熱滕滕出哂煙同時已聞到荷葉香氣, 原來以荷葉鋪底, 帶出陣陣清香!白鱔肥美肉厚份量又多, 非常新鮮帶有鱔既獨特魚香, 要知道新唔新鮮冇得呃, 因為鱔一唔新鮮就會變得好腥, 仲要配上清香既梅子醬, 梅子醬味道天然, 酸酸甜甜鹹鹹集於一身, 同白鱔既鮮味互相帶動, 比起平時清蒸/醬油蒸更加特別, 堅好食!豬油撈飯 (細桶) $54豬油既香氣唔洗講, 撈得越多越好食, 依個就係佢既邪惡之處!! 加多少少醬油, 絕對停唔到口!!粗菜館係好多老一輩既飯堂, 我自己亦覺得佢價錢貼地得黎又好味, 而且仲有一種舊時香港既情懷, 係值得珍惜既一間香港菜館。