粗菜館

营业中

休息中

搵到參加左Seafood Loves Sake既其中一間餐廳位於九龍城，宋皇臺站行幾分鐘就到，個名好特別叫粗菜館，不過我相信唔係粗菜黎。話明係海鮮愛清酒，主角當然需要新鮮既海鮮食材再加上特別配搭既清酒，餐廳推介香脆辣魚腩，相信係佢地招牌菜，配埋鯉川 別嬪 つや姫 純米吟醸うすにごり，配酒屬輕濁酒，清爽酸度高，配搭香辣食物特別出眾。入口甘甜，回韻辛爽，可以洗走油膩感。呢次味覺配搭令人印象非常深刻，好值得推薦朋友一試。

粗菜館最有印象就係當年睇有線蘇絲黃介紹佢個豬油撈飯， 眨下眼都十年前仲可以屹立不倒，respect。估唔到仲可以咁新穎有個「SEAFOOD LOVES SAKE」。海鮮愛sake個活動都黎到第4年，主旨係日本清酒配廣東海鮮菜式。粵菜以外都有另外10間不同種類的餐廳展開宣傳活動，提供日本清酒與各式菜餚的配搭。每款清酒x海鮮美酒佳餚都配上最合適的清酒以充分發揮不同海鮮食材的特色，將整體味道昇華至另一層次，帶來耳目一新的清酒體驗。香脆辣魚腩 x 鯉川 別嬪 つや姫 純米吟醸うすにごり 魚腩以薄粉包裹，炸得香脆可口，一上菜已經香味撲鼻，仲配有香辣汁 。配上嘅清酒係鯉川 別嬪 つや姫 純米吟醸うすにごり，呢隻sake屬輕濁酒，清爽酸度高，配搭香脆辣魚腩特別出眾。入口甘甜，回韻辛爽，可洗走炸既油膩感。估唔到喺粗菜館除食豬油撈飯，都可以品嚐高級嘅清酒同美食，讚！

豬油撈飯：豬油係涼既，半碗飯落兩匙豬油，食落有少少香口，唔係好感覺到豬油存在，無試過其他舖頭既豬油撈飯，可能本身就係咁掛豬油渣炒菜心：正常炒菜味道，豬油渣可能擺太耐，軟晒，仲以為係魚腐炒豬雜：醬汁幾好所以豬潤唔錯，蔥都有味，頭兩啖豬腸真係覺得好好食，油脂十足，直到第三啖豬腸食到有臭味，不停說服自己係醬汁味，但真係點試都好似行豬欄嗰陣會聞到既味。結果係十舊豬腸六舊臭既，真係抽獎式豬腸皮蛋酸薑：屋企人話皮蛋無異味，唔錯魚皮：唔爽口小白菜豬肺湯：湯係半透明既，偏淡，自己落左豉油山楂醬排骨：一口咬落去可以食到明顯既山楂果香，比咕嚕肉好食，層皮都夠脆，唔錯XO醬韭菜花炒蜆肉：可以話係將當晚心情拉到谷底既菜式。韭菜花，一d菜味都無，只有非常純粹既辣味，可以唔誇張咁講，就算喺張A4紙上面搽XO醬，個味道都會一樣。蜆肉，霖晒，無彈性，當然亦無蜆肉味，只有咬爛嗰陣有少少蜆內臟既味，但好快又比單純既辣味遮蓋住。咁無味既炒菜都係第一次食到，真心懷疑唔係師傅手勢有問題而係唔記得落鹽。因為用左哩味菜收尾，依家個嘴非常空虛。

九龍城除咗泰國菜都有好多其他選擇，當日係9月其中一個星期日，三人叫咗5餸同一個豬油撈飯。叫咗薑䓤炒魚腩，山楂醬排骨，北菇扒時菜，鮮魚湯浸時菜和蜆蚧炒雞肉。每個餸平均都係80幾蚊，都算平，不過份量真係細咗啲。個北菇扒時菜啲汁太傑，普通。返而個湯浸時菜雖然望落好清，其實係好夠味，健康之選。山楂醬排骨有好多舊，好食，酸醋甜甜，呢個推介。至於薑蔥炒魚腩正常出準啦，蜆蚧雞肉就伏伏地，味道過鹹同雞件冇肉嘅。呢間餐廳都開咗好多年，記得當年係以蔡潤推介吸引食客，尤其係豬油撈飯，令人懷念小時候⋯⋯下次會再去食其他餸，希望發掘更美味的菜式。

自從炮台山的分店結業, 再加上佐敦的分店轉手之後, 九龍城的那家就成了碩果僅存的粗菜館. 吃過轉手後的佐敦店, 菜式選擇和原本的差不多, 但味道和火候比之前的差太遠, 始終最原始的風味, 才是最對味. 買了幾道小菜外賣回家, 除了省卻在家煮飯的功夫和時間外, 這些經典小菜我和女友也處理不了, 還是讓專業的來! (笑)點了水煮牛肉, 煎鯪魚餅, 沙薑雞以及豬油撈飯. 水煮牛肉的醬汁送飯一流, 麻辛香味濃郁, 沒有吃起來一口油, 極之油膩的感覺, 麻辛香而沒有過辣, 也沒有蓋過牛肉的肉香, 牛肉份量充足, 而且每件師傅也切得相當平均, 口感實而不韌, 被不少川菜菜館煮得更好.煎鯪魚餅件數多, 不如傳統的大塊, 魚香混合了陳皮香, 溫柔但層次豐富的味道, 是經典的做法, 口水感弾牙中帶軟熟, 並非如添加了很多合成物的彈牙魚蛋, 附上的蜆芥醬不如羅富記般”鹹鹹濕濕”, 味道就不如魚肉本身般吸引. 沙薑雞和豬油撈飯表現正常, 味道不如前兩道菜般深刻, 但作為住家菜已經足夠.

今日收工 同大佬食飯 話上網有人介紹 可以一試 去到門口已經滿滿的伏味 但又肚餓 同諗住一場黎度咪試下 都係入去坐低左 叫左幾個菜 完完全全感受唔到鍋氣 同風味2個男人叫5個菜一個炒飯 一個粥 我都諗緊會唔會叫太多食唔曬 事後真係叫多左 好難食個推介既炒牛肉 同豬雜 個味道基本上一樣 都係無咩味道第一啖入口己經覺得好一般 搵唔到香氣同鍋氣 唔講以為叮出黎 事後覺得胃唔係好舒服 我大佬仲話d牛係臭牛 雞堡 唔惹味都算 大舊小小都覺得凍凍地炒通菜 我都唔指望有大陸咁有菜味 你咪整喊喊地呃下我 點知都係無味 菜又梅雞粥無雞味唔再講 唔夠綿 d米有軟有唔軟 唔知係咪特別做法定煮一半洛飯去煲生炒牛飯最正常 一樣無咩味 叫做最入到口 我有信心做蛋炒飯可以好食過佢 起碼唔會咁濕服務比多粒星係佢係咁比茶我大佬飲不可一 不可再 曬錢又浪費

薑蔥蜆蚧炒牛肉$85呢個菜式係蔡瀾十大推介之一，既然係名人推介，就梗係要試吓啦😋牛肉無論厚薄定係大小都十分適中，鑊氣十足😋係一個比較濃味嘅小炒，送飯都真係唔錯👍🏻椒鹽鮮魷$85炸粉好薄，外層夠晒脆口，而且又唔油膩😋新鮮又彈牙嘅鮮魷細細件，係屬於一口size，好容易令人一件接一件咁食😋XO醬炒什菌$68XO醬夠惹味，什菌爽口多汁，廚師仲落左少少辣椒，加埋XO醬本身都有d辣，成碟餸都幾醒神😋又係一個送飯嘅好選擇😁

前排係九龍城附近影相，經影師朋友介紹呢間粗菜館一於一齊入去試吓🤩入去坐低之後見到超多明星簽名，蔡瀾都有介紹，老字號果然非同凡響！我哋3人嗌左個蜜味東坡骨、梅菜扣肉、招牌炒豬雜梅菜扣肉，梅菜墊底，表面舖上扣肉，扣肉肥膏一層一層，入口完全唔油膩，油脂溶化，扣肉蒸至入味，梅菜亦吸收了扣肉油香，肥而不膩😋 蜜味東坡骨甜甜地，仲帶住一絲藥材香味，大人細路都啱食。招牌炒豬雜最惹味🤩

九龍城「粗菜館」冇人不識，馳名街頭風味小炒，每隔一段時間我就心思思，一定要到嘅小店😅😅薑蔥蜆蚧炒牛肉 $85蔡瀾十大推介必食，勁多薑蔥、鹹鮮嘅蜆蚧，爆炒牛肉，嫩滑入味，夠鑊氣😋😋明火白粥 $12必食之選，綿滑粥底，入口即化帶米香，冇得彈😘😘招牌炒豬雜 $88天下美味星級推介，大量姜蔥蒜炒香，大火爆炒豬雜，鮮嫩爽脆，香味濃郁😋😋五柳黃花魚 $98酥炸香脆黃花魚，肉質細嫩鮮美，加上五柳菜，酸酸甜甜，勁開胃😍😍

如果你係住喺土瓜灣九龍城一帶嘅老街坊，你一定聽過粗菜館呢個名，(粗菜館)起家源於酒鬼式大排檔，在1995年終於搬入室內舖頭，自此成為區內名物。適逢屯馬線近日終於通車，由宋王臺站B出口行入去九龍城內街，需時八至10分鐘，路途須遙遠，但係勝在全天候室內有冷氣，所以冇咗以前入九龍城嗰一種迫迫夾夾，濕濕粒粒嘅氣氛。鎮店之寶，粗菜館名物，大肆宣揚，大放異彩，罕見的-炒豬什。睇幅鏡牆都知，咁耐已黎，有多不勝數的中港內外名人到訪過，咪話唔架勢。雖然上咗鋪都係20幾年，但係有種懷舊復古風，也帶點九龍城專屬的小泰國風情。餐廳分兩層，此圖為下層的一角。麻辣秘製鮮雞煲$138，同一般重慶雞煲有啲唔同，烹調方式係干鍋式，雖然冇咗醬汁嗰種濕潤口感，但係因為冇乜水份所以味道更加香濃脆口，一路食一路嗌辣，送返杯啤酒，儀式感丶幸福感爆分。家鄉豬油炒飯$85，而家社會講要食得健康，所以用豬油整嘅菜式真係唔係度度都有，我哋都係間中食下。講起豬油，要係一啲老區懷舊港式餐廳先搵得到，我朋友見到呢道菜上枱嘅時候都不期然地嘩左一聲，嗰陣豬油香真係好耐冇聞過，花生油粟米油嗰啲真係冇得比，唔使$100大大碟配菜甚多，加上那陣油香，真

因為屯馬線開通，我媽媽想試坐，所以同佢去一次九龍城，本身諗住食泰國菜，但行行吓經過粗菜館，媽媽話之前食過好食，我又未試過就入咗去試吓。因為係下午，客人冇乜，店員有主動開門問我地幾位。環境好似D舊式餐館咁，地方都算乾淨，我地都睇餐牌，只係睇牆上面嘅餐髀已經叫咗兩個餸同埋一個白粥。我地叫左一個山楂糖醋骨同埋姜蔥魚腩。山楂糖醋骨真係好好味，甜酸味啱啱好而個姜蒽魚腩都好香口，我同媽媽連D姜蔥蒜頭都食哂，唯一係個粥，好似食緊BB粥仔咁。仲有個洗手間要行上樓上，仲要條樓梯好斜，如果係老人家或小朋友要小心啲。

放工同朋友去食小菜，入到餐廳，有種舊時香港嘅感覺，座位都算闊落，坐得唔迫。店舖有一面大玻璃，玻璃上有好多唔同食客嘅留言同簽名，另外仲有幅蔡瀾既字掛咗喺咗喺牆上面。細個同屋企人嚟最鍾意食粥，今次當然有點😋 除咗雞粥，仲點咗山楂醬排骨、XO醬鮮蝦帶子炒西蘭花同埋一碗飯。山楂醬排骨味道酸甜好開胃，食落有淡淡山楂味，感覺健康。XO醬鮮蝦帶子炒西蘭花d蝦同帶子都係大大隻。佢用咗XO醬炒，有微微辣，所以好惹味。雞粥一如以往，又綿又滑，而雞既份量都唔少，滿意~埋單每人$150。

平時二公婆都好鍾意去九龍城食飯，宜家有埋地鐵仲方便好多，去九龍城唔一定食泰國菜，老公每次去九龍城都會食粗菜館，覺得小菜夠獲氣，有家味道😋今晚又來食，好想食炒猪什🐖，有猪潤、猪粉腸、猪肚，猪心仲有小腸，猪什爽口，加入薑蔥炒，一啲腥味都冇，味道仲好正😋小炒王，第一次食，配料特別多，又鮮蝦🦐鮮鱿🦑口感好豐富，又夠熱，唔錯唔錯😍老公致愛，就係薑葱鯇魚腩，每次都讚口不絕 ，鯇魚先掩再炸到干身，配大量薑葱再兜，雖然魚肉炸，但一樣食到魚肉鮮味😍來粗菜館，必叫就係猪油撈飯，一碗白飯加入適量猪油及豉油 ，嘩，真係香到入喉嚨，配上獲氣十足即炒小菜，每次都好滿意😍

位於九龍城的「粗菜館」，在屯馬綫宋皇臺站出口步行大約兩分鐘左右就到，十分快捷方便。這裡的菜式有不少懷舊菜，當中的招牌炒豬什、蔡瀾鹹魚醬蒸豆腐、豬油撈飯等等的菜式雖然並不是甚麼珍饈百味，但能夠把一些平平無奇的材料泡製出一道道巧手粗菜，廚師的心思和配搭都應記一功。招牌抄豬什（HK$88)👍👍👍👍👍店內一幅由蔡瀾先生提字的「粗菜館天下美味炒朱什」和蘇施黃推介「一定要食炒🐷雜」。兩位名嘴同時推薦， 雖然膽固醇豐富了一點，但都一定要試！豬什有豬肚、豬粉腸、豬腰、豬膶和豬心，加上大量薑蔥爆炒，香氣逼人，口感豐富。薑蔥炒魚雲腩 （HK$85)👍👍👍👍👍魚雲和魚腩先經過走油再爆炒，口感香脆可口，裡面的魚肉仍然鎖緊在內，作為佐酒小吃或配飯都合適。麻辣秘製雞煲（HK$138)👍👍👍👍👍香麻的麻辣秘製雞煲，用了傳統生啫的方法泡製，揭開蓋的時候已聞到陣陣的麻辣香氣。雞件嫩滑又惹味，裡面的青椒和料頭等也十分入味。豬油撈飯（HK$18)👍👍👍👍另一膽固醇超標美食，豬肉撈飯，加埋豉油更美味。Menu

雖然平時都鍾意煮番兩味嘅我，家常便飯還可以，但真心吾叻煮風味小菜，所以唯有出街搵番間有口碑嘅菜館，叫番兩三個粗菜小炒，滿足一下口慾。咁啱趁住屯馬新通車，今晚一於走一轉九龍城覓食。呢間位於九龍城衙前圍道的「粗菜館」，看來歷史悠久。門前張貼著大大張蔡瀾十大推介，睇相都已經流曬口水。店舖雖不大，但分有上下層。晚上7:00已經開始要等位了，我們兩人等了一會便安排入座了。望住十大推介，樣樣都想食，經過一輪深思熟慮，終於有定案了。介紹番是日精挑細選小菜有：惠州梅菜扣肉、豬油渣炒菜、薑蔥炒魚腩、招牌炒豬雜。配埋碗綿滑白粥，真係冇得輸。「惠州梅菜扣肉」- 唔使多講，呢款菜自己煮真係有排攪。梅菜咸甜度要較得啱啱好，扣肉要夠淋，豬皮及脂肪又要炆得綿，真係又要功夫、心機和時間。呢個小菜味道入口非常舒服不油膩，送飯送粥一流。「豬油渣炒菜」- 本身想食豆豉鯪魚炒油麥菜，但一場來到，沒有理由不試試呢款推介「豬油渣炒菜」㗎。沒想到咁啱又係炒油麥菜。油麥菜配豬油渣，再加埋蒜子、蝦米、冬菇片。炒菜炒得好絕不容易，火喉掌握很重要。呢碟菜不單入口不老，而且爽脆可口，仲要保存到菜的翠綠，色香味俱全。「薑蔥炒魚腩」- 食薑葱魚