粗菜館

营业中

休息中

都唔系第一次嚟粗菜馆食饭，对于佢哋嘅食物水准都不容置疑，否则都唔会可以生存咁耐，虽则人人口味唔到，但呢间店真系有特色，食物水准系价钱之上，觉得喺呢度食饭，啲小菜真系值得咁嘅价。我平时叫啲平民菜，例如咕噜肉、炒菜、蚝饼，又试过炒粉丝等等，都系叫个白饭食𩠌咁。但今次大胆，唔怕肥，叫咗个猪油捞饭。一个猪油捞饭系$54，佢话有3碗，但其实有4碗，咁真系抵食，因为啲好香嘅油令你就咁净食饭都得🤣，真系齿𣍰留香。我唔敢捞太多，但都已经有阵阵香味。再讲下一个𩠌.....咸鱼蒸肉饼，好似普通到唔恨，但我觉得呢个𩠌系 No.1 必食之选，啲咸鱼酱好味都爆，今次第一次加埋个猪油捞饭，简直系人间美食。超赞呢个系蜜梅肉排，唔记得全名，但啲肉煮得好入味，啲肉好软，用嚟送饭都好正。我最爱嘅虾仁炒滑蛋，粗菜馆冇呃秤，啲虾好大只好靓好弹牙，唔系俾啲霉虾你又唔挑咗条肠𠮶种，炒得唔油，非常好食，送饭一流。仲叫咗个例汤，一人份量但有4碗，两个人食都算几大食吓。埋单系$388~ 有咁嘅质素，好抵。下次可以试吓佢哋𠮶啲炸鱼，见好多人叫嚟食。