米走雞Live

营业中

休息中

個friend話打邊爐，想打就打囉！又嚟呢間食雞煲加火鍋，呢個場夠闊落，坐得舒服。第一時間揀咗要咩煲先啦！再慢慢揀火鍋料同飲品～配料選擇豐富，有選全份或半份，貼心！火焰麻辣雞煲（小）夠晒惹味嘅雞煲，上爐後等一陣，會有侍應姐姐來炒勻配料，炒到著火！呢間分店環境昏暗，令火焰更明顯🔥好大火氣～可以見到好大件雞！我地兩個女仔叫咗個細雞煲，但啲雞好大件，啖啖肉，而且肉質嫩滑，食完個雞煲都飽咗一半。（前）蘿蔔半份、（後）翡翠苗半份蔬菜是必須的，新鮮！特級雪花牛粒份量都唔小，牛味濃郁～而家打邊爐愛點牛柳粒，因為肉汁豐富～但要留心淥嘅時間，好易傾多兩句就唔覺意煮耐咗手打五寶拼盤（左起）牛丸、豬肉丸、蝦丸、鯪魚丸及墨魚丸。Q彈～蝦丸係會見到蝦仁而唔係純蝦漿，又多一層口感！我個人就麻麻地個鯪魚丸，因為勁重陳皮味！呢度個場好大好闊落，仲有live band添。如果個日爆場就要好大聲先傾到計囉～#無敵雞煲#新鮮#想打就打

最近天氣轉涼，打邊爐就最Percect觀塘分店叫米走雞Live原來係因為真係有Live Music聽，有個駐場歌手唱下華語流行歌曲飢腸轆轆，當然叫野食緊要，即刻叫個雞煲食住先，再慢慢睇打邊爐食材。職員好快就上個煲，然後會點火炒雞！雞件份量其實好多，而且大大碌無乜骨位，又麻又辣好惹味食完雞煲就可以請職員倒湯入鍋打邊爐，廣島蠔無得輸，又香濃又滑生菜非常翠綠，爽脆甘甜五寶拼盤都唔錯，口感爽彈，似係手打由於雞煲已經食左好多肉既緣故，打邊爐都係蔬菜居多，蜂巢冰豆腐就必食，索曬湯汁咁食完全係人間極品！籮白就可惜唔係切片，係大型三角咁切，變左要等到最後先透心入味，所以記得盡早落左籮白先，否則有排等整體而言，米走雞Live食物係水準之上，價錢同份量都恰到好處；服務係意料之外地好，好多阿姐職員都好勤快巡場，而且主動替換骨碟，值得一讚👍🏻而個駐場歌手有幾首歌都唱得幾好，許美靜同五月天既歌都唱得幾好聽。

有冇諗過食雞煲, 可以有live band咁有feel? 飲住酒chill 住enjoy live music 同雞煲非米走雞live 莫屬位置位於the wave 工廈入面, 好易搵環境一屋兩伙, 隔離就係bar 黎 , 兩邊都聽到 live band. 雞煲先食, 職員會過黎同你進行放火儀式點火炒雞, 睇到我地都好熱熾期待今次叫左: 手切新鮮牛頸脊 牛味好濃, 雪花比例好, 唔會柴皮稻庭烏冬煙un 彈牙, 冇雪味9菜餃 👌不過不失, 都幾頂肚美國桶蠔粒粒都好大粒好肥美鮮炸響鈴香脆, 冇油益味手功啤酒moscato white wine 估唔到依道居然有moscato飲, 白提子味香甜, 真心moscato white wine 係一個溝死女的酒, 飲完都唔覺酒, 好的happy ending 今次影得好少相, 太enojoy 係live band 入面

老同學生日，原本約埋一班人一齊同佢慶祝，點不知我病到死死下，未能赴約！於是約佢之後兩個人補祝生日，兩條友去撐枱腳最好梗係打邊爐啦，於是約咗喺佢工作附近嘅咪走雞live! 同學仔話佢之前跟同事食過，環境幾好，食物唔錯！入到去見到現場有歌手唱歌，有幾好氣氛，於是立即叫咗兩個兩杯啤酒嘆下先！首先叫咗個麻辣雞煲，叫咗中辣先發現全部都係雞俾肉，又幾好喎唔使食嗰啲雞胸鞋颯颯，工作人員會幫我地炒下個雞煲，食得，真係又香又麻又辣，雞肉剛剛好熟又滑又嫰食晒啲雞之後先至再加湯，另外再叫牛肉和火鍋料打邊爐！雪花牛肉不錯啊！充滿牛味！貢丸係必食嘅一定要叫！蝦滑有一隻隻蝦，食起上嚟10分爽口

友人和我都是雞煲的粉絲，今晚打算誓要食到夠本。早就聽過有一間雞煲店除了食物質素好好，連環境都一流，每晚大約8點左右更有live singer 駐店，live  哦～雞煲聽live ，應是只此一間吧！一坐，職員已好好服務，先放了一盒有一共六色的調味料，感覺都好衛生，各有蓋子封上之外，重點是齊全，想要什麼調味的都應有盡有。這裡的主打當然是雞煲，有自創的黃金芝士雞煲及獨家的火焰麻辣雞煲給你選擇。由於友人不太喜愛芝士，大家都較好麻辣，看見餐牌寫著「獨家」，當然要叫來試試有多獨家。⚅ 1. 火焰麻辣雞煲🌶🌶先到的雞煲都是有專人幫我們調火和攪拌。為何要他們幫忙？全是因為這裡的「獨家」，火焰！火焰顧名思義就是在雞上點火，形成一層藍藍的火焰。嘩！濃郁的麻辣汁，雞肉完全入味，可能就是火焰的功效吧。再食一口煲內的洋蔥、芫荽，好好食喔，雞煲內每樣食物都充滿麻辣的香味，而且這裡的汁的確好香好麻，是較出色的。我們都是愛辣的，正當我們以為兩粒🌶🌶應是沒料子，就大錯特錯。溫馨提示，🌶🌶的辣味已經好重，來邊食雞煲的你，一定要主意辣度！你還以為食雞煲是只有食的享受嗎？來到餐廳，發現這裡環境除了舒適，看下怖置都好有情調，

Team dinner 揀左近近地的米走雞，行過去the wave 就係。我兩個同事可以叫做打邊爐精，所以米走雞太適合了。我第一次試呢間餐廳，雞煲的質素好高，湯底香辣之外仲甜甜地，眼見雞煲有很多配料，芫茜、洋蔥、花椒八角、辣椒、仲有餐廳自家製的少辣醬料。雞件啖啖肉，㕑師好慷慨，斬得大大塊，食起上來特別滿足。大量的洋蔥，會另湯底越滾越甜，是時候要加湯打邊爐。手切新鮮牛頸脊，油脂集中在中間，故中間部份比較彈牙，牛肉味重，軟身有肉汁。響鈴與眾不同，新鮮即炸而且夠厚夠大，將其放在鍋內燙一圈，外面的腐皮吸引了雞湯精華，內面還是脆的，大飽口福。花膠，雖不算是很高級的花膠，但性價比怎高，這樣一碟98元，味道口感也不輸蝕。蔬菜類就點了油麥菜及蘿白，新鮮。蘿白可太量吸引雞湯的甜。我們還點了竹庶茅根，清新解辣，但若果竹庶清甜味再突出點，會更好。原來這間米走雞名字叫live, 皆因每晚均有現場獻唱，主要是粵語流行曲，有舊歌或新歌，是另一種享受。

人生打咁廿幾年邊爐，食過好多次雞煲，呢間♥米走雞Live♥係最深得我心既一間！先講環境，佢比一般雞煲打邊爐既環境靚好多，個場超大，容納到好多人。最估唔到既係，佢仲有個Live band位置，當晚食到咁上下就唱左一陣歌，當中係有聽到有人點唱生日歌tim！餐紙同樣都係自己食咩自己畫，款式都幾多，而且仲幾特別。點完菜就可以調下醬料～火焰麻辣雞煲 BB辣 $168呢個麻辣雞煲認真惹味，真係食到停唔到口，鐘意食辣既朋友可以再食辣啲，包你上癮！首先未煮呢個雞煲，已經有勁多莞茜係面頭，莞茜控見到一定好歡喜！入面既配料都係離不開有洋蔥，辣椒，當然仲有雞啦～呢隻雞相比起出面，佢係比較滑，啲肉好嫩，好好食！杞子魚雲膠原湯 $208女士們必食！！呢個湯底非常濃郁，超正，真心推介！湯底入面有條魚，重點的是佢有好多花膠係入面～啲花膠索哂湯味，好好食，膠質好重，唔似平野，同埋花膠既份量都幾多，唔怕爭住食～杞子對女仔都係一樣好野黎，所以呢個杞子魚雲膠原湯係唔可以錯過架！手切新鮮牛頸脊 $228牛頸脊每一片都切得好平均，而且佢唔會太肥，但同時都都唔會太瘦，是有口感的。牛肉味都幾重，滾佢幾秒已經食得，點少少醬料已經好足

跟朋友慶生，她選擇到'咪走雞Live'吃晚飯，發現了一個小秘密，原來她是🐔出生的，哈哈哈！店內環境寬敞， 座位又舒適，侍應招呼好貼心又有禮貌，給我一個好印象。今次比壽星女話事，有雞煲又有火鍋，任她選擇，她揀了食火鍋。先揀一個皮蛋芫茜湯底， 再揀特级雪花肥牛， 手打五寶拼盤 ，烏冬，白蘿蔔， 生菜，油麥菜及可樂， 兩個人食，份量差唔多啦！ 我覺得食火鍋最緊要食材夠新鮮，今次就食到啦🤗！皮蛋芫茜湯底 (鍋內除了有皮蛋芫茜外，還有豆腐，粟米及红蘿蔔，材料好多，營養價值高。)特級雪花肥牛， 肉質嫩滑手打五宝拼盤，鮮味好食稻庭烏冬，幼身夠彈牙生菜及油麥菜，非常新鮮白蘿蔔，熟透入口香甜店內播出悠揚音樂🎶，令人心情放鬆。我跟朋友覺得這個地方很不錯，好有情調喔！埋單時侍應跟我們說晚上八時有現場演唱(live show)呀，只可惜我們要去看戲等唔到😭！食火鍋期間，聞到隔離枱的雞煲傳來陣陣香味，所以约定下次再來食雞煲及睇埋現場演唱，咁咪係雙重享受！

Happy night 💕細細個嗰陣，唔明白點解啲大人咁期待星期五，到自己出嚟做嘢，真係好想快啲到星期五！而今日都係我好朋友生日既大日子，三五好友聚首一堂最開心！諗食咩既時候，壽星女話要食雞煲🐥，靈光一閃想起一個不錯的選擇...我就即刻打去訂位結果幾位朋友食完都話我無介紹錯，仲物超所值添！呢間就係【米走雞live】啦...【米走雞live】就係位於觀塘工廈「The Wave」既 3樓，佔地超大啊！之前食過太子個間覺得幾好味...但呢間個感覺可能有live show既關係真係好唔同呢...同埋我覺得打邊爐坐梳化特別爽啊舒舒服服，燈光有情調，因為偏暗的，可能係要襯番隔離西餐廳，一邊聽歌一邊食雞煲🐥，好開心，現場演奏氣氛真係幾好。訂左位既關係唔洗等，店員好有禮貌帶我地入座...坐低後Menu都未睇就為我地備上醬油配料，等我地落左先...醬湯費為 $56，有六隻醬油配料，都係平常見到個D，但其實都最後我都係唔使點樣用到...哈哈因為個煲味道已經好足夠...壽星女發板點了細嘅火焰麻辣雞煲($168)，揀咗BB辣椒嘅辣度同埋杞子魚雲膠原鍋 $208見到有張Drink List...上面有Cockt

之前聽同事講有間雞煲都幾好食，最特別係鋪頭入面會有人唱歌，氣氛唔錯，所以今日帶埋朋友一齊嚟試吓入到鋪頭，全部都係卡位設計，所以坐得好舒服😌果然真係有人唱歌表演，氣氛不錯👍枱上邊有張枱紙，教我哋點樣食個雞煲，及烹調方法。十分細心👍服務員把雞煲放上爐，幫我地烹調。雞肉超入味，肉質鮮嫩，辣辣地好惹味。😋😋😋脆鵝腸-超爽脆好味。炸響鈴-新鮮炸起脆卜卜，好香口，每件都好似成隻手咁大件，吸入濃湯超好味😋😋😋韮菜餃，皮薄餡料多又新鮮，入口多汁，正！打邊爐點小得冬菇同金茹，茹類係最愛，正！

一如到这家店便会发现它同其他鸡煲点不同，这间店面很大，很宽敞。可能是周五晚上的关系，没有订座的话要等很久。入到店内发现墙面做成星空样式，更有空间感。刚落座就发现还有live band驻唱，确实很有一杯啤酒，三两好友食鸡煲倾下计的氛围。有六种小料可以和酱油搭配用作打边炉的酱汁。 order单上的菜品种类很多。有芝士鸡煲和麻辣鸡煲可选，麻辣鸡煲还可选取辣度。我们选了小辣的麻辣鸡煲，煲内皆是鸡腿肉，两人吃一个小份其实就已经很饱了。鸡肉也很入味。打边炉的雪花牛肉够嫩，也不会切太厚。牛百叶虽是小份，但很爽滑。唯一不足就是服务员比较忙，往往要催几次才行整体的感觉很好，下次还会来帮衬。

今日放假來到觀塘報團去日本🇯🇵旅行，順道在此覓食一番。忽然回想起同事平日説過觀塘有間叫做「米走雞🐔」的火鍋店，呢間店鋪除了有雞煲吃之外，還有樂隊表演唱歌🎤，真的好吸引，於是決定去試一試現場真係有歌手唱歌🎤使店內氣紛熱鬧起來，如果客人喜歡還可以點唱。話明來吃雞煲當然先來一個辣度🌶️的雞煲，味道👌甜甜地，辣味突出，內有很多洋蔥及芫茜，配料甚多這個鵝腸爽口肥美很粗大的鮮炸響鈴，好抵食吃完一條已感到飽肚雜菇🍄拼盤，有冬菇、雞肶菇、金菇⋯等，放在湯內煮一煮，吸取了湯的味道非常可口最後放入蔬菜和出前一丁麵，吃完後已感到很滿足了總括餐廳食物價錢和環境都可以，如果甜品🍮款式能多樣化些就更加好

是日有朋友生日訂左呢間餐廳，主打係芝士雞煲，不過因朋友吾啱食所以叫左個麻辣雞煲試下。落完order吾洗5分鐘個煲已經出現，效率一流。侍應生有提醒如何食用，亦有幫炒香雞煲，侍應生亦很主動幫忙換牒及清理餘物。呢個加一算係比得順氣。環境方面亦坐得十分舒適，吾會有好大陣油煙味。除左個雞煲，我地重叫左其他配料： 牛肩脊，牛栢葉，豆腐，竹笙墨魚滑，同埋兩盤菜。先講雞煲，入面嘅雞大部分都係雞脾肉，重要件件都好大舊，已經個心涼一涼… 咁大件雞裏面點會入味？每件切開一半就差吾多。 重要咁多件都係同一個部位，鐘意食雞胸嘅人sorry啦！ 夾一件上牒，咬落去吾鞋，個汁夠辣夠味，但只限第一件，到食第二舊問題即刻浮晒出嚟！ 汁太鹹，雞本身係無雞味，大舊反而係一個缺點，因為中間上吾到汁所以食去件雞變左外面又鹹裏面又無味，吾知佢用嘅係咩野雞，但食落去好似無處理過咁，純粹係諗住用汁遮掩佢本身嘅缺陷。結果都叫做食晒（好彩叫個細煲）。食完雞之後就輪到打邊爐，平時我地會另外再叫一個湯底先打，不過因為見到個鍋湯底好似吾錯，所以試下用番嚟打，結果我朋友話好鹹，叫侍應生加湯再打，朋友都覺得鹹，跟住叫侍應生只加滾水亦都頂吾順，最後

第二次黎呢間米走雞Live食野，睇下水準有無變先！Order紙依舊，都有幾多既選擇架，全部都已經分門別類醬油配料方面就有呢六隻，但係其實你會發現，都唔使點樣用到既，因為一開始嘅芝士火鍋，味道已經好足夠，之後仲會蔓延去到其後嘅火鍋添呢個就係黃金芝士雞煲啦，由於上次選擇左多芝士碎，發現啲芝士真係多得好緊要，真心澎湃！所以今次就試吓叫少量芝士碎，都唔錯因為其實除咗芝士碎粒，本身雞件都已經佈滿左芝士，雞件都幾大件架，肉感豐富，味道好唔錯，而且就算係叫細份，佢既份量其實都幾多架，適合2-3人食用飲品方面，我就揀左烏龍茶，因為可以稍為解膩一下，仲可以向店員要求攞一杯冰，禁就變左冰凍既烏龍茶啦！除咗芝士雞煲之外，我哋仲叫多咗好多配料，雜錦丸，烏冬，蘿蔔，菜及凍豆腐等等，整體配料既質素都唔錯呢個鮮炸響鈴，一共有6大件既佢，全部新鮮炸出，非常爽脆，口感一流浸一浸湯食，味道更佳！而呢一粒就係手打蝦丸，味道同口感當然係同平時普通既蝦丸唔同，確實係更爽口彈牙，佢更加吸收左湯底既味道，帶有一點芝士味，感覺更正！總結係，佢既性價比都依舊幾高既，特別係個黃金芝士雞煲，每晚都仍然依舊會有人現在唱歌busking添，真