米走雞Live

营业中

休息中

無論晴天雨天，天氣凍熱，火鍋仍在我心中有著重要的位置。見今天買完東西後的時間尚早，就一於去米走雞慢慢品嚐雞煲。這裏環境好舒服，樓底好高好開揚，座位擺放設計好好，基本上每張枱最少有一個座位是梳化位，枱與枱之間亦唔會太迫。米走雞有兩大雞煲，黃金芝士雞煲及火焰麻辣雞煲，今次選了火焰麻辣雞煲(細)小辣。店員在我們等候鍋滾途中放上調味架給我們自行調味，鍋底滾起的時候店員就用火槍燃點煲內的酒精造成火焰效果，真係又睇得又食得。雖然係細雞煲，但份量也不少，煲內全部都係雞脾肉，食落啖啖都係肉，正。而且煲內有大量芫茜，啱晒我鐘意食芫茜的人，很滿足。食完雞煲就開始打邊爐，米走雞好好的可以加麻辣湯或清湯(不是水)，由於朋友唔食得太辣，所以今次選擇了加清湯。特級雪花肥牛，份量不少，肥瘦比例適中，肉味香濃。脆鯇片立立令的，新鮮脆口，無草腥味，與麻辣湯底也好夾。最後叫了出前一丁吸盡麻辣湯底，非常滋味。

朋友外遊完畢，有手信比我， 約了放工順便去食這個雞煲。地點在工厦內， 其實現在很多空置工廈單位都改裝成食肆、健身中心、 化妝品中心……等，可以提供多元化服務，又方便到下班一族多一個消費場所， 雙贏局面。地方非常之大， 完全沒有壓迫感，主題設計以星空，白雲為主， 恍若置身在太空宇宙間。調味盒骨子， 小小長方形陶瓷碗 裝載了芫茜、辣椒、 蒜蓉、 香蒜、 蔥…等， 任君選擇除了主打雞煲，還有其他選項， 今次慕名而來， 選了個自創黃金芝士雞煲，芝士份量由無到激量都有，想得周到， 可以跟隨自己口味 order連個電爐都有自己 logo 😍😍黃金芝士雞煲揀了少量芝士但份量仍多， 一片金黃把雞肉重重包圍， 心急想食教 了大火， 原來芝士很快燒焦黐底，各位切記要用小火呀 雞件全部用雞髀部分， 啖啖肉襯上芝士口味， 跟一般中式食法有所不同廣島生蠔食完個雞煲，加上湯繼續火鍋， 廣島蠔肥美大隻，入口甘甜手打五寶拼盤牛肉、 豬肉、魚肉 、墨魚和蝦丸各2粒， 手打口感特別彈牙煙韌，覺得蝦丸最正， 純蝦膠製造，鮮甜無比五香鴕鳥肉肉色新鮮唔肥，入口嫩滑， 比新鮮牛肉更加好味叫了瓶竹蔗茅根水清熱氣，但略嫌過甜，扣小小

星期日一般10個人出外吃晚飯，一定是預早訂座或到現場排長龍等位，上星期日8月19日當天決定試吓米走雞LIVE, 用OpenRice Apps 訂座，又快又方便，重有包房！以為一定唔爆又或者好難食，所以即日訂都有位。米走雞LIVE 坐落觀塘區新式改裝大廈WAVE,從地鐵站走數分鐘就到,都比較方便。環境好大, 仲有Live Band獻唱, 我們是私人獨立包房minimum charge $3000. 這間不是任食放題，每樣都係單點，點了3個煲，芝士雞煲、麻辣雞煲、番茄薯仔清湯。先食雞再打邊爐，個芝士雞煲芝士香到不得了D雞好滑，食完晒啲雞可以加清湯或芝士湯打邊爐，我們選擇芝士湯，浸一浸啲響鈴同埋炸魚皮超乎想像中不一樣的好味。大贊！麻辣雞煲冇得輸，漿料一流又香又麻,非常之正, 跟住用麻辣燙打邊爐。因為有小朋友所以我哋另外點一個番茄薯仔湯底打邊爐。牛肉、豬肉、魚、羊、蝦，各樣各樣材料非常新鮮好味及份量足，沒有一樣食材是差的。另叫了1 Tower Asahi Draft, 及汽水，竹庶水。 非常非常滿意的一餐，不一樣的雞煲，不一樣的水平！埋單$3800。 值得推介！

第一次去，坐落於觀塘工業區一幢新式大廈，環境闊落，坐得幾舒適。食物則點了招牌芝士雞煲，多芝士，味道十分好又唔漏，同枱朋友皆大讚，食完再加芝士湯或清湯打邊爐，手打丸同餃子牛都唔錯，芝士湯底加薯粉或出前一丁都好正；亦加了一支Asihi 啤酒自斟自飲。6點到現場無什麼人，估不到7點已經坐到滿滿，又有現場駐唱，唱歌的年輕少女唱得不錯，小朋友食飽也可以到地下空地走走，有冷氣無蚊又闊落。總體來說，食物環境地方很好，唯有點貴，不是狂點的情況下，每人也要300元。

真係正到爆炸丫100分！入門口，侍應會問你係西餐定係雞煲，行到雞煲位，好彩位置就係表演前面，等到8點，有現場live music，真係好有feel，男主唱同吉他手把聲好令！好好聽，而且仲可以寫紙點歌第一次食火焰🔥雞煲，叫左2個辣椒🌶️好辣丫！d雞肉比起出面食，真係新鮮又啖啖肉！3個人，叫左個大份雞煲，d雞肉包裹住醬汁，撈埋洋蔥，辣椒花椒，入口又麻又辣又香食咁多間雞煲，依間真係無得頂！好推薦大家食！其他火鍋配料就唔特別講，都係大概咁。

今晚可能改掛8號風球，但係我哋無懼風雨，照去食飯。入到餐廳，地方好大，座位舒服，每張枱都有一個電磁爐，冷氣又夠勁。而且8:00有live表演，自彈自唱，咁樣打邊爐真係無得輸。咪走雞招牌菜係芝士雞煲，但叫了火焰雞…想知點樣火焰？雞煲煮了一陣，店員開蓋點火炒雞，即場做火焰效果，再加入麻辣醬，炒勻食得。雞肉大大件，好似全部都係雞俾肉，啖啖肉好滑。叫了紫薑流心皮蛋，紫薑夠辣酸酸地醃得好好味。火鍋配鹹檸七就最好，感覺可以降下火。另叫了雜茹，午餐肉，魚片頭和帶子雲吞。雲吞大大粒，真係有一粒粒帶子肉。金菇和餐肉索哂麻辣汁，夠惹味…

約左班舊同事食晚飯聚下舊佢地好多都話想食雞煲有朋友最近食過呢間話唔錯推介我地來見location大家都方便夾好日子就成團啦來到見環景好有情調啲燈係雲嘅形狀好靚牆身用咗閃閃嘅燈去做裝飾好似望到一片星空咁樣好浪漫估唔到食雞煲可以有咁靚嘅環境配合感覺好特別卡位好好坐有個音樂表演cornerlive music 0830pm會有大家可留意下真係好好feel啊呢度叫左 芝士雞煲d芝士好多啊！又香又濃味雞肉份量好多同大大件最正係雞肉肉質好嫩滑特級雪花肥牛脂肪分布平均食落好肥美juicy鮮製四拼餃餃子有四款可以試到不同口味材料好飽滿白鱔片食落好爽口同埋非常之鮮味紅薯粉超鍾意食紅薯粉好滑冰豆腐吸曬d湯嘅香味好好食炸魚皮好脆翡翠苗好新鮮雜菇拼盤好爽口同fresh好耐無飲過啦原來攞過獎個湯可加清湯或者芝士湯底呢間餐廳幾特別雞煲好出色

觀塘也是我時常會來的地方, 行到一棟目測是新建或新活化成的大廈便看看樓下的招牌, 這棟大廈有幾間時尚的餐館, 最後我選擇了地道餐館---米走雞, 走進去看見一個小舞台, 好野, 又可以聽歌手唱歌. 歌手大約八點半左右開始唱歌, 柔和的歌曲不算很嘈, 絕對聽起來是舒服. 我們當日叫了一個麻辣底的雞煲. 一開始要滾一下才可吃. 打開煲蓋傳來很香很香的麻辣味, 要待店員翻一翻才可以開始進食. 每隻雞也是淡淡肉, 而且連洋蔥也很入味, 我連洋蔥也吃了. 吃完了雞我已有六成飽了. 然後店員會加添麻辣湯底, 再滾一滾便可以落其他自己點的配料. 我們叫了出前一丁, 油麥菜, 腸仔, 芝士丸, 薯仔, 即時變了部隊鍋. 吃完已是非常之飽. 湯底絕對是香濃惹味.

我之前係銅鑼灣食過一次米走雞, 食芝士雞煲。今次揀了近屋企附近的觀塘的一間米走雞, 食辣雞煲, 有另一番味道，這間米走雞仲有live band聽。 先混醬一下 Menu 雞煲我們揀了半隻辣椒BB辣的火焰麻辣雞煲$168 (二人份量), 雖然只有半隻辣椒, 但對不太嗜辣的我們, 覺得幾辣, 整個嘴都是麻的, 不過辣雞煲好刺激又惹味, 辣得過癮。 好多芫茜鋪在雞件上, 我最鍾意食芫茜, 超香~芫茜有抗氧化的功能, 要食多啲。店員把辣醬倒入雞件裡, 再撈勻, 熱一陣就可以食了。雞件每件都好大件,啖啖肉。 雖然要了二人份量的雞煲, 但其實可以三四個人食都得. 白鱔片$98白鱔片没有骨, 新鮮好食。 生菜半份$24 叫咗半份, 但一啲都唔少。 金菇$34金菇索晒湯汁, 超正。 竹笙$44竹笙好爽口。 竹蔗茅根一壺$68 要辣雞煲, 竹蔗茅根是必叫, 可清熱解辣又解渴。

依排外出次數好多, 飯局一個接一個, 比我有機會周圍試下新野, 依間都係睇OpenRice 見食評幾好, 重點係我地一班都係芝士狂迷, 無芝不歡, 唔使諗咁多就簡依間做今次聚餐餐廳...調味料自助,溝自己鐘意既汁有份salad , 清清地做個前菜肥牛, 唔錯,唔肥唔瘦, 牛肉味都濃既, jeng !響鈴, 依個就預左冇驚喜既.每次打bino必備, 吸哂芝士味好正最期待芝士雞煲, 芝士味濃得唻又香, 估唔到同雞係咁夾啵,大大推介！！依餐個個都好滿意呀！各位芝士迷一定要試下

辣雞煲係好食過芝士雞煲好多，好多，好多。芝士雞煲好食，但比較漏，食唔得多，食過辣雞煲後，返唔到轉頭，因為真係太好味。今次我地人多，叫了小辣，中辣，大辣各一。大辣勁香勁好味。配料全部都好新鮮好靚，有幾樣係有驚喜嘅。鵝腸，黑松露魚面，牛肉，哈哈哈寶(好似係咁上下名), 蠔......... 飲品個竹䉀茅根都係推薦之選。服務係幾好的，我地當晚人多，安排房比我地，入嚟嘅經理(?) 好smart, 細心，有個不停拎嘢食入嚟嘅姐姐好nice, 好幫忙，另外仲有個帶黑框眼鏡瘦瘦地嘅後生哥哥仔都好好人，好nice咁介紹唔同食物點食會更好。會再嚟，今晚大家都非常滿意

半年無食過雞煲，返到香港梗係要搵朋友聚下打下邊爐啦！之前食過呢間雞煲幾好食又有live band睇，決定encore😁兩個人叫咗個細嘅火焰麻辣雞煲($168)，揀咗兩隻辣椒嘅辣度🌶先點火，炒一炒，再淋埋啲辣汁，焗多陣就有得食啦😋侍應好有禮貌同埋好貼心，點火前又會話你知，又驚啲汁會彈出嚟。👍🏻👍🏻好多件雞，件件都好大嚿，雞脾啖啖肉～另外啲洋蔥好甜，浸腍咗之後甜甜辣辣更好味！大件得嚟仲好嫩滑，入味！越食越麻， 好食😋虎蝦 ($118@6隻)夠大隻，仲好爽口，打邊爐食一流！手切新鮮牛頸脊 (小 $228)兩個人食其實份量好夠，有少少肥，但食落好嫩滑又有咬口😍竹笙墨魚滑 ($88)每次嚟都會叫呢個，出面竹笙爽口，索晒啲汁。入面嘅墨魚滑又香同埋彈牙👍🏻即炸嚮鈴 ($52)即炸好香好脆，不過就大件咗啲，索晒啲汁之後就腍咗。手打五寶拼盤 ($88)每款有兩粒，我自己就最鍾意墨丸同埋蝦丸，因為夠爽口，而且索晒啲汁之前仲好食啊！打邊爐又點少得午餐肉？ (半份 $24)生菜 (半份 $24) 新鮮👍🏻竹蔗茅根 ($68/壺)打邊爐咁熱氣啱晒，又唔會太甜，啱啱好😜正常兩個人嚟講呢到咁多野真係食唔晒，不過好彩

其實已經嚟過好多次 平時食開佢普通雞煲 但今次叫咗芝士雞煲 鍾意食芝士嘅人一定要試一試 因為佢個芝士雞煲真係好芝士😂佢嘅牛肉好大份 而且好好味 一定要嗌！live band 唔會太嘈 服務都好好 所有人做嘢都好快手😂

吸引我黎既原因除左食物最重要既係有liveband個人好鐘意一路食飯飲野一路聽住歌係一大享受之前見到有朋友介紹過依間餐廳所以想試好耐鐘意食辣野 所以冇叫芝士雞煲，叫左火焰雞煲出乎我意料既好味因為佢同出面d雞煲好大分別唔係得個辣字反面辣得黎係有一絲甜味而且d雞肉勁嫩勁滑。而且份量好多，食完都飽左一半另外叫左唔係周圍到有既駝鳥肉好耐冇食過又係好高質既，唔好睇佢肉地好似好厚咁但其實係好好味，肉質好淋好滑真係唔係到到駝鳥肉都咁好食架另外都要讚佢其實所有材料都好新鮮，脆肉鯇魚都係好大件 睇得出係靚質料羊肉都係好大碟 好薄身但係好新鮮鮮製既餃都係好大粒好足料個邊爐真係好高質#火焰雞煲 #辣得黎甜甜地既味道#雞件勁滑啖啖肉 # 駝鳥肉厚得黎仲係好嫩 #洋蔥都入哂味 #碟碟份量都好足料好抵食呀 #坐正liveband前面#享受

朋友喺外國返香港，所以就同佢去食好西啦~ 嗰晚係星期日，所以都幾多人幾full吓，好在我地有book枱如果唔係有排等😥 呢間叫米走雞live，原來係因為有live music，真心正，嗰晚唱歌個男仔唱得好好聽🌸坐定之後，當然係叫野食。首先係湯底，我地兩個人叫左個細嘅黃金芝士雞煲($178)，佢本身寫呢個係for 2-3人，所以對我地黎講真係有d多，佢個煲嘅size唔大，但料好足，雞有超級多件；芝士份量都有得揀，我地要普通，已經好多，同埋味道真係好濃；另外，可以走芫茜同其他配料。食到一半記住要加湯，如果唔係會黐底，加湯可以加芝士湯或者清湯。餸方面，我地叫左個手打五寶拼盤($88)，有5款丸：墨丸、蝦丸、鯪魚丸、豬肉丸、牛丸。兩個人食啱啱好夠分每人一粒。特級雪花肥牛(小)($158)嘅量其實唔算小，同埋都幾新鮮。夠薑雞滑($68)，menu上話係新出嘅所以就試左，口感好特別，有d似比較滑嘅瘦肉(?)，好得意😆包心丸半份($24)芝心丸半份($24)紫薑流心皮蛋($28)芋絲($34)豆腐半份($20)紅薯粉($16)因為太耐冇食火鍋太興奮，今次叫得太多，最後埋單每人$300左右，不過真係食