影片
更多
2018-10-19
165 浏览
是日有朋友生日訂左呢間餐廳，主打係芝士雞煲，不過因朋友吾啱食所以叫左個麻辣雞煲試下。落完order吾洗5分鐘個煲已經出現，效率一流。侍應生有提醒如何食用，亦有幫炒香雞煲，侍應生亦很主動幫忙換牒及清理餘物。呢個加一算係比得順氣。環境方面亦坐得十分舒適，吾會有好大陣油煙味。除左個雞煲，我地重叫左其他配料： 牛肩脊，牛栢葉，豆腐，竹笙墨魚滑，同埋兩盤菜。先講雞煲，入面嘅雞大部分都係雞脾肉，重要件件都好大舊，已經個心涼一涼… 咁大件雞裏面點會入味？每件切開一半就差吾多。 重要咁多件都係同一個部位，鐘意食雞胸嘅人sorry啦！ 夾一件上牒，咬落去吾鞋，個汁夠辣夠味，但只限第一件，到食第二舊問題即刻浮晒出嚟！ 汁太鹹，雞本身係無雞味，大舊反而係一個缺點，因為中間上吾到汁所以食去件雞變左外面又鹹裏面又無味，吾知佢用嘅係咩野雞，但食落去好似無處理過咁，純粹係諗住用汁遮掩佢本身嘅缺陷。結果都叫做食晒（好彩叫個細煲）。食完雞之後就輪到打邊爐，平時我地會另外再叫一個湯底先打，不過因為見到個鍋湯底好似吾錯，所以試下用番嚟打，結果我朋友話好鹹，叫侍應生加湯再打，朋友都覺得鹹，跟住叫侍應生只加滾水亦都頂吾順，最後
除左個雞煲，我地重叫左其他配料： 牛肩脊，牛栢葉，豆腐，竹笙墨魚滑，同埋兩盤菜。先講雞煲，入面嘅雞大部分都係雞脾肉，重要件件都好大舊，已經個心涼一涼… 咁大件雞裏面點會入味？每件切開一半就差吾多。 重要咁多件都係同一個部位，鐘意食雞胸嘅人sorry啦！ 夾一件上牒，咬落去吾鞋，個汁夠辣夠味，但只限第一件，到食第二舊問題即刻浮晒出嚟！ 汁太鹹，雞本身係無雞味，大舊反而係一個缺點，因為中間上吾到汁所以食去件雞變左外面又鹹裏面又無味，吾知佢用嘅係咩野雞，但食落去好似無處理過咁，純粹係諗住用汁遮掩佢本身嘅缺陷。結果都叫做食晒（好彩叫個細煲）。
食完雞之後就輪到打邊爐，平時我地會另外再叫一個湯底先打，不過因為見到個鍋湯底好似吾錯，所以試下用番嚟打，結果我朋友話好鹹，叫侍應生加湯再打，朋友都覺得鹹，跟住叫侍應生只加滾水亦都頂吾順，最後都係要叫過個湯底。
叫左個莞茜湯之後就繼續打邊爐，先講牛，賣相相當好，牛瘦均衡，係薄左少少，叫得肩脊肉都係想食得比較重牛味，太薄就吾夠味。 放入煲內滾大約十零秒食得。我嘅視覺話我知舊牛應該會吾錯，但係我嘅味覺無比到相應嘅答案比我，因為跟本就無牛味… 一舊無牛味嘅肩脊肉，無呃你！ 我諗食開呢個部位嘅人都應該幻想到我嗰一刻係咩感受… 內心除左粗口之外無其他用詞。
牛栢葉：同街邊車仔檔10蚊串同一樣貨色，乸到無晒味。
竹笙墨魚滑：個做法係將墨魚滑釀入去竹笙裏面。食落去竹笙係爽脆，不過墨魚味不足，因為釀入竹笙裏面，變左成舊野又長又幼，口感欠奉。
豆腐：兩大磚類似布袋豆腐開半，但當個煲嚟到嘅時候先知原來湯入面已經有四舊，結果…… 枱面嗰牒無郁過，煲入面到走嗰陣重有兩舊…… 成晚最好食嘅就係嗰兩盤菜。
最後埋單3個人食左800蚊。吾好問我點解吾post相，因為睇相食物嘅賣相真係吾錯。 成餐最後總結得四個字： 金玉其外。
张贴