米走雞Live

营业中

休息中

很喜歡在The Wave 覓食，近地鐵，地方又寬敞，今晚來了食雞煲，最重要的是一邊聽live 音樂，一邊食，一邊傾，時間過得特別快。一開始就點了一個少辣的雞煲，雞煲還是辣的好食，少少辣，更為惹味。全部都是雞腿肉，啖啖肉。食到差不多，就叫店員加湯轉為火鍋湯底。之後要了個小的肥牛，一入口即溶化，好正。竹笙墨魚滑是我的最愛，熟透的墨魚滑很爽口。生根也是火鍋必點之選擇之一，軟軟的，很滑溜。紅薯粉與微辣的湯底很夾，忍不住一口又一口地吸入。油麥菜和雜菇亦是我十分喜歡的選擇。

朋友話想去試吓呢間鋪頭因為有歌曲聽去到我哋叫咗火焰麻辣雞煲，小辣其實都好辣，但味道偏鹹的。另雞煲裏的雞件是多肉及新鮮的，不過很奇怪全部都是嫰滑的雞髀斬件出來的，令我們聯想到會否是用雪藏雞脾做雞煲🧐感覺有點奇怪，不過雞肉好吃的，只是實在太鹹，所以我們最後要加水才能吃下去。其餘的食材都十分新鮮如果人數少去的話可以叫半份我們七點半入座，沒有特別限時進去的時候已經有現場音樂歌手唱歌，不過音樂及聲音很細聲，坐在遠處幾乎是聽不到，當天的live band不是十分悅耳，所以細聲一點也沒關係

當日訂左位，20:45，一上去就有位唔使等。見都多人，心諗掂啦，可以食餐好既.......點知一行2個人，叫左佢招牌芝士雞煲，我同女朋友都係超鍾意芝士既人，所以都幾期待。除左個芝士雞煲，再加左5寶丸、雜菌籃、冰豆腐、響鈴。個芝士雞煲黎到，好香芝士味!! 滾溶D芝士之後夾左舊似急凍雞脾肉既食，雞肉都OK，但就完全無芝士味!!!諗住可能D芝士未溶晒，再一陣夾多舊都係一樣! 同埋佢全煲都係急凍雞脾肉黎，唔係平時食開個D雞煲。急凍雞脾肉我都無所謂，不過真係一點芝士味都無其餘配菜雜菌籃、冰豆腐、響鈴，食物係無問題，只係個芝士雞煲"陸"咩都無味另外要講既一定係個5寶丸!!! 第一粒試墨魚丸，女朋友咬左一口話陣味怪，我食埋個半粒，係有少少怪，但都算。之後食粒牛丸，頂 !!! 係少少酸既味 !! 原來係佢全部手打丸都唔新鮮!! 全部都有陣味，呢個我認真接受唔到叫左侍應黎話佢知，佢即刻話幫我取消左佢唔收錢.....睇黎唔係我第一個講有味....比佢咁多好評呃左，呢間野無下次。

表弟們來香港玩，為了招待他們特地openrice找了一家特色又近家的餐廳，餐廳還有現場自彈自唱，喜歡音樂的他們，很喜歡這樣的場地，我們邊吃邊聽。米走雞當然唔執輸啦，我們叫了火焰雞煲，吃完雞肉，煲底還可以加湯變成打邊爐湯底，一煲兩吃。火焰雞煲先點火燒一下，然後加上秘製醬料撈一撈，再燜一下，煮開了之後香噴噴的。雞煲內有八角，香葉，洋蔥，薑蔥等多種配料，雞肉也不少，每塊都是肉，我們都吃不了太辣，所以亦可以選擇少辣的。餐廳選擇的食材都很新鮮，尤其是肉丸都很彈牙，餃子皮薄鹹多。

家人一早訂了這家邊爐店，說網上有不錯的好評，就即管來試試吧！一進去，沒有太多客人，為我們安排了六人的座位！先叫個雞煲先！有分辣度的，因為有小孩在，就算最少的辣度吧！雞煲很快就來到了，說我們要等等，工作人員會幫忙炒雞！首先會燒一燒先！然後就幫忙攪拌！工作人員都說雞其實已經可以吃的！眼看雞件都比較滑，似乎都看不到雞胸呢～吃下去，雞件比想像中滑，雞煲的辣度也比想像中辣很多！噢～小孩不適合吃了！於是我們再叫另一個蕃茄湯底～蕃茄湯比較甜！感覺加了很多茄膏的樣子！但其他食材味道都很不錯！響鈴更是巨型又香脆！整體感覺都還好！店裡抽氣做得不錯～吃完一餐，衣服都沒有留下很多味道！

之前去過銅鑼灣的米走雞芝士雞煲覺得很好吃，所以這次再來到觀塘的另一家分店吃吃他們家的麻辣雞煲！火焰麻辣雞煲一開始看到有” 火焰”兩個字覺得很奇怪，是很辛辣的意思嗎？當上菜的時候就知道是一個小小的表演，鍋裡有一點點酒精，服務員會用火槍點燃那些酒精，整個雞煲一下子被火團包圍，真的被驚豔了一下！而且雞煲的香味就衝出來了，讓人一直吞口水呢！！因為我不能吃很辣，所以我們選了小辣，吃下去雖然覺得還算蠻辣的，但超級惹味！！而且啖啖肉，讓人家一口接一口的吃不停！！脆鯇腩嘩！超大片的！！超級很厚一片！肉質很爽脆，在雞煲加湯前煮一片吸點辣汁超好吃！特級雪花肥牛(大)光看照片就回想起這肥牛的美味～除了肉質鮮嫩之外，不得不說這個份量真的沒得輸，一般好吃的肥牛都份量很少，一下子就吃完，可是這個又好吃，份量很多！！！它不只是眼看到這一圈，它是整個有一圈半！！第一次有肥牛可以撐到最後耶～超爽的！！手打五寶拼盤對於我這種有選擇困難症的人來說最愛這種拼盤，而且什麼味道都可以吃到，也適合我這種貪心的人，哈哈！這五種之中我最喜歡墨魚丸跟牛肉丸，墨魚丸非常之彈牙，而牛肉丸裡面加了點黑椒，更加惹味！稻庭烏冬&粟米打邊爐怎麼少得

話說前日同朋友中秋做節，突然想食雞煲，於是就近近地約左係觀塘食。之前都有食過米走雞，但觀塘呢間叫米走雞Live，原來係有Live band表現音樂，主唱都唱得幾好聽，新舊歌曲都有。因為之前已經食過芝士雞煲，所以今次叫個火焰麻辣雞煲。個煲一黎到既時候就要煮一陣，熱哂之後就有專人幫我地點火，原來火焰雞煲真係有火。而且啲麻辣香料好香，啲雞好入味好大舊，肉質好嫩滑，一啲都唔「鞋」。我食得出個雞煲入邊有啲洋蔥比較「林」啲、有啲洋蔥比較生啲，原來餐廳好細心，個啲生啲既洋蔥係for加湯打邊爐既時候食既。當加湯既時候侍應問我地加上湯定麻辣湯，之前食既麻辣雞煲只會加上湯，呢間提供埋麻辣湯。然後我地叫左手切特級霜降和牛、生菜、炸魚皮、響鈴、蘿蔔、出前一丁。最值得讚既真係個和牛，色澤又靚、油脂分佈均勻，真係入口即溶，好食到連我都溶化左。而生菜好新鮮，響鈴就超大舊，應該係廚房自己整既，吸左啲麻辣湯之後就好好食。整體黎講，食材好高質好新鮮，環境好闊落、侍應好Nice，又有Live band，一次過滿足哂視覺、味覺、聽覺三個願望。

約好左同朋友係觀塘聚會，所以就係openrice搵左呢間“米走雞Live“食雞煲，之前無食過，所以想試下。呢間米走雞座位好多，分左雞煲同西餐兩邊，入面既座位相當闊落，環境舒適，上菜速度好快，冇漏單情況出現，啲餐具都好乾淨，仲有Live Band聽添。除左餐牌，仲有一張Drink List，上面有Cocktail, Mocktail俾你揀，價錢亦唔貴。重點當然係雞煲啦，就有兩款供選擇，芝士雞煲同火焰麻辣雞煲。我地就叫左一個細既火焰麻辣雞煲(適合2-3人食)，一開始以為”火焰” 係指食到噴火咁解，但原來係指當個煲滾個時，係會有店員幫你個雞煲點火，之後再炒香，個人覺得好特別。雞煲入面既雞件好淋好入味。食完雞煲就可以加湯打邊爐，有清湯同麻辣湯供選擇，我地就揀左麻辣湯，感覺個味一致好多，唔會成個煲淡戌戌。食物方面就點左一碟大既手切特級霜降和牛、鮮響玲、炸魚皮、生菜等。雞件大大件啖啖肉，麻辣汁炒香，超入味值得一讚既係手切特級霜降和牛，和牛數量夠多，牛味濃郁，入口有種溶化既感覺，配上個麻辣湯底，真係一流。總括黎講，食物質素好有保証，價錢合宜，最抵讚係店員態度好nice，值得再去食。溫馨提示，我係星期

呢間嘅雞煲真係想食好耐啦，普通辣嘅雞煲就食得多，用芝士做底嘅雞煲真係第一次食，大概應該只係得呢間做吧，就咁睇個成本都幾大，用左好多好多好大量嘅芝士做個 base，係面頭亦灑左好多，真係超級邪惡呀 😈😈 滾滾下個芝士好香好香，不過要小心痴底，芝士呢種物件好易炒底，而佢呢隻芝士味好似食芝士龍蝦伊麵果隻芝士味，超級香超級正，雞嘅份量亦好多，食完之後就加湯變芝士湯打邊爐，配料幾大份呀，分別叫左幾條菜，腸仔，幾粒丸，幾舊豆腐，幾片腐竹，幾大塊木耳，一隻烏冬做芝士烏冬，好正 😋😋

又雞煲又火煱又有Live band,真係咪走雞啊，據聞呢度既雞煲無得頂大獲好評，咁當然要來試下啦，米走雞有幾間分店，但要有埋Live睇既就只有觀塘店才有，咁就決定來觀塘啦！兩款雞煲有芝士同麻辣，就揀個火焰麻辣雞煲(大)，老友們唔食得太辣，所以要個微辣。當雞煲上枱先來個點火儀式😁由於手太慢🤳未預備好…火已經點著了火焰一舜間就沒了火焰未來得切上鏡，侍應好快地炒一炒雞件然後上蓋了，咁稍等一等就食得喇啲雞大大件，十分嫩滑，伴有洋蔥芫茜，味道香濃，好惹味啊，若然不是遷就老友，可以再辣啲更加正啊食完個雞煲，加湯再繼續火鍋，可清湯或麻辣，我地選擇了清湯火鍋既醬料見每枱都必有人食既響玲，咁都叫返個來試下，的確與平時食既唔同，響玲大大件，新鮮爽口，記住食時浸落湯要秒速上來，咁就夠爽口喇，這個必食雜菌拼盤有金菇、鮮冬菇、秀珍菇、雞肶菇蜂巢冰豆腐、油麥菜、生菜、山藥、韮菜餃、黑蟹子魚滑8點有Live🎸🎶一邊聽歌一邊火鍋，只呢間有，其他分店無架😎

芝士雞煲我是點激量的芝士喜歡芝士的朋友，必點激點啊！因為這個量才能滿足我們對芝士的慾望和需求啊！芝士很香而且很濃，不是淡而無味的那種！還能拉絲呢！每一塊雞都被濃濃的芝士包住了！真的很好吃！但好快就覺得飽！這是兩個人點的菜，不過實在太多了！根本吃不完，有點浪費了！下次不用叫這麼多！看！這是羊片！在芝士湯裡煮完還是很有羊味的！很好吃！芝士雞煲沒讓我失望！但料單點就有點小貴！但總體是很不錯的，而且坐得還算舒服！

觀塘的The Wave 係一幢翻新工廈用黎做co working 的共享空間，上面有幾間頗大的餐廳，今晚同朋友黎試下米走雞的麻辣雞煲。入面仲有唱Live Band 的表演。我地叫咗個火焰麻辣，小，$168,雞肉嫩滑入味，肉質厚身，唔肥，大辣都幾辣，適合嗜辣人士，職員會煮熟後再點火燒一燒，香味更加散發，，超惹味。白鱔片，$98, 呈通透的淺白色，新鮮嫩滑，入口爽脆而有嚼勁，魚香味鮮甜，係必食之選。手打五寶拼盤，$88,有鮮蝦丸，鯪魚丸，豬肉丸，墨魚丸，鮮牛丸，全部新鮮手打即製有膠質，嫩滑彈牙，特別係蝦丸，味道重蝦味，鮮甜有咬口。芝士腸，脆皮好好食，咬開有好香的芝士味。粟米同油麥菜份量多，新鮮爽脆，咬落鮮甜，吸晒湯底的精華味道。

之前同朋友講過依間既芝士雞好味，朋友話要帶佢黎食，但一路都無咩機會，咁岩佢今日黎開觀塘，一於就同佢夜晚黎依間度食。其實間餐廳除左芝士雞煲之外，仲有其他味既雞煲既。不過我又唔係好食得辣，而且依個芝士雞煲真係食過番尋味，而且朋友又想試，所以最後都係揀左芝士雞煲（小），諗住食完雞煲再打個邊爐。雞煲黎左啦！雖然我係揀少芝士，但其實都可以睇到每件雞都充滿芝士，再加埋D 洋蒽，未煲起都真係好香。加反張煲完既相先，可以睇到D芝士溶哂入D雞件度好邪惡！不過又好好味，而且D雞好滑。食完雞煲之後就加水打邊爐，我地叫多左幾樣野，有菜肉飯、生菜、烏冬、蟹籽蝦滑同埋響鈴。蟹籽蝦滑入面仲有一粒粒既蝦，充滿蝦味。而且響鈴先抵食！一份有五件，大大件，而且新鮮即炸，我地兩個人都食唔哂，為左唔好哂野就決定打包拎反屋企。最後埋單一個人三百元，食到好飽，認真抵食。另外，題外話，佢地每一日都有live band 黎表演，有得食之餘仲有得聽、有得睇，一舉幾得。

呢間雞煲店真係好寸，服務態度勁差！做嘢又唔掂！有3-4位serve過我地張枱，但係每個都係寸到爆。首先，落單落漏佐至少三樣。跟住我地同waitor講佐4次落漏單要加翻，直到我地就黎食完都冇上。漏佐既綠豆沙，落單嗰陣waitor同我地講所有飲品甜品都係凍既，跟住講話煲緊，即係熱既。佢就寸77咁問：咁你地仲要唔要啊。我地話熱既然就唔要了。點知佢講：咁我留翻自己飲咯。lol p.s. 食物出品麻麻

今次收咗工嚟到呢間 米走雞Live 度食宵夜☺️ 今次去既係觀塘分店，貪佢呢度有live band ，可以一邊聽歌一邊食雞煲🐥 餐廳空間感好大，位置都好闊落，坐得幾舒服。首先我哋叫咗個招牌芝士雞煲($178/小)，雞煲超多芝士，多到可以拉絲😍😍 芝士味好香，雞件大大件好足料，肉質亦都非常嫩滑，唔錯👌🏻 之後加埋個公仔麵落去個芝士鍋度一齊食😍 極度邪惡！食完雞煲又點可以唔打埋邊爐😈呢度既邊爐配料種類都非常之多，叫咗鵝腸($53)、脆鯇腩($98)、手打五寶拼盤($88)、炸響鈴($52)同油麥菜($24)，配料非常新鮮而且價錢好抵食！一定要叫埋佢哋個清熱銀菊露($68)，非常清甜，解渴解膩，無咁熱氣！整體唔錯，鍾意食雞煲邊爐既絕對可以一試👌🏻