影片
开饭介绍
此鸡煲店以黄金芝士鸡煲作招徕，除了可按喜好自选芝士分量，更可加汤变成港式火锅。餐厅亦提供多款中式汤底，照顾不同口味的食客。此分店设有现场音乐表演，气氛一流。
继续阅读
附加资料
用餐时间为两小时
营业时间
今日营业
12:30 - 23:00
星期一至日
12:30 - 23:00
公众假期
12:30 - 23:00
公众假期前夕
12:30 - 23:00
以上资料只供参考，请与餐厅确认详情
有关奖赏计划
优惠
相关文章
最近又发现咗一家宝藏火锅店-米走鸡今次我试咗佢哋嘅花胶汤底，真系惊为天人，完全颠覆我对火锅汤底嘅认知～𠮶个汤底浓郁到唔得，花胶煮得软糯滑嫩，胶质满满，饮啖汤感觉皮肤都要变好咗！而且汤底入面仲有鸡肉，炖得超入味，成个汤头鲜甜到唔得，我净系饮汤都饮咗两碗，根本舍唔得涮料！然后佢哋屋企嘅澳洲和牛M8肩胛肉眼片，真系顶级享受！𠮶个油花分布得超均匀，肉片切得薄薄嘅，涮个几秒就熟咗，入口即化，肉香四溢～我同你讲，呢个和牛真系唔使点酱，直接食就已经系满嘴嘅幸福感，完全对得住佢嘅价钱！仲有虎虾，呢个都系必点！虾子超大只，肉质超级紧实，咬落去鲜甜弹牙，完全冇腥味～而且佢哋屋企嘅虎虾好新鲜，虾头仲有满满嘅虾膏，煮完之后𠮶个汤底更鲜咗，简直系锦上添花！饮品我点咗竹蔗茅根，呢个真系火锅嘅绝配！饮落去清甜解腻，带点淡淡嘅茅根香味，完全唔会太甜，冰冰凉凉嘅超级爽口～食完火锅嚟一杯，成个人都清爽咗！我真系爱到唔得，花胶汤底同澳洲和牛嘅组合简直系神仙搭配！
继续阅读
男朋友嘅家人约我一齐去食晚餐，啱啱好有空，就同佢哋一齐去米走鸡live。男朋友一家人对呢间餐厅赞不绝口，令我觉得非常好奇。 佢哋叫咗皮蛋汤，听落已经好特别。汤底清淡鲜美，完美带出皮蛋独有嘅香气，食落仲有啲Q弹，仲加咗香茜，饮落更加香甜。牛肉片都好新鲜，摆得好似一座山，睇落好有食欲。而且牛肉片切得啱啱好，涮入汤底后，一口食落，鲜嫩十足，好爽！仲有男朋友妈妈叫嘅五拼饺子，好饱满，食落好香软，外皮又唔会太厚，每一口都充满惊喜，真系好丰富。鹅肠同鸭血都好唔错，新鲜无比，口感鲜嫩，尤其系吸收咗汤汁后，食材独有嘅风味更加明显，令人食到停唔到口。炸午餐肉一定唔可以错过。虽然睇落好简单，但系味道真系一流。外皮酥脆，内陷松软多汁，食到好爽口，真系难以抗拒。我哋今日食嘅晚餐好丰盛，下次再嚟！
继续阅读
散发住浓郁芝士香气嘅【黄金芝士鸡煲】系我哋今日晚餐嘅亮点。鸡肉口感软嫩释放出淡淡嘅奶香味同微微嘅咸香，每一啖都可以感受到芝士嘅柔滑同浓稠。之后将鸡煲变成一道浓郁诱人嘅火锅汤底，芝士汤底特别啱配搭各式肉类同海鲜。拥有极为细腻大理石纹嘅【澳洲和牛M8肩胛肉眼片】系呢间餐厅必点嘅肉类，和牛肉油花分布均匀，煮熟后散发出浓郁嘅牛肉香气，入口后可以感受到和牛肉嘅软嫩且充满肉汁，细致嘅油脂喺口中慢慢融化，每一块都充满极致嘅享受，令人欲罢不能。集结咗各种海鲜嘅【海鲜拼盘】包括咗沙白、脆肉鲩片同虎虾，每一款海鲜都经过精心挑选，而且非常新鲜。沙白贝壳薄嫩，肉质细嫩而且带住微微鲜甜，脆肉鲩片则系拥有独特嘅弹牙口感，入口时鲜嫩而富有嚼劲。虎虾个头硕大，虾壳透亮，肉质扎实弹牙，每一啖都可以感受到饱满而多汁。再嚟一杯竹蔗茅根效缓解油腻感，温润顺喉，系火锅餐枱上不可或缺嘅清爽搭配
继续阅读
药膳汤🍲一端上枱就闻到特别浓烈嘅药材香味，滋味层次丰富而且回甘唔腻😋一碗落肚滋补又暖胃，口感十分细腻醇厚，冻冻哋嘅天气食落一啖特别养生☺️澳洲和牛M8肩胛肉眼片🥩肉片色泽鲜艳，油花分布平均，睇落就好新鲜🤩轻轻喺汤底涮几秒后，肉片就迅速变熟，呢个时候就可以捞出嚟食喇😋溶化咗嘅油脂同肉汁相融，同药膳汤底完美结合，入口即溶，口感一流啊！火锅饺类拼盘🥟有选择困难症嘅朋友可以拣呢盘饺子拼盘，五款唔同口味嘅饺子都可以食到，皮薄馅多，经过汤底烫熟后口感嫩滑😎最钟意就系和牛馅嘅饺子，用嘅系高质牛肉，和牛嘅细腻油脂令饺子馅料格外鲜嫩多汁，入口时可以感受到浓郁嘅牛肉香味😌手打鲜虾丸🦐虾丸弹牙饱满，每一啖都可以食到虾肉嘅鲜甜同扎实嘅口感！用手打嘅制作方式更加有嚼劲，细腻嘅虾肉同浓郁嘅虾味，简直就系火锅必备👏🏼
继续阅读
之前，我哋一班好友喺呢间火锅店食嘅时候，觉得佢哋嘅火焰麻辣鸡煲好唔错。𠮶阵时唔敢即刻试，谂住留下次再嚟试下，于是今日我哋又嚟咗，嚟试下呢个麻辣煲。当服务员端上呢锅红彤彤嘅汤底时，香辣嘅气息瞬间弥漫喺空气中，令我哋都跃跃欲试。入面嘅鸡肉沾满咗香辣汤汁，每一口都感受到辣椒嘅火热，鸡肉本身又好嫩滑，对我嚟讲有啲辣，但食得好过瘾。为咗搭配呢个浓烈嘅汤底，我哋点咗和牛肉。我哋放牛肉入锅煮咗之后，每片牛肉都吸满咗香辣嘅精华，咬落去肉汁四溢，仲感受到麻辣嘅刺激，真系欲罢不能。接著，仲点咗海鲜拼盘，入面有沙白、脆肉鲩片、虎虾。其中我哋最钟意嘅系佢哋嘅虎虾，虾肉质好紧实，仲带住天然嘅甜味，配上辛辣嘅汤底，真系太正啦。佢哋嘅花枝片都好唔错，咬嘅时候好Q弹，口感好爽脆，吸附汤汁后更加鲜美。另外我哋仲点咗佢哋嘅精品拼盘，入面有哈哈虾中宝、黑松露手打鲜墨丸、竹笙墨鱼滑。都非常好食，而我最钟意嘅系墨鱼丸，口感好丰富。另一份黑松露嘅料理——蟹籽鱼面，我都好钟意。呢道面吸满汤底嘅麻辣精华，每一口都带住蟹籽嘅香气，口感层次分明。最后嘅脆炸哈虾饼，炸得金黄酥脆，好酥脆。不过我钟意沾啲麻辣汤食，酥脆带点麻辣味，好好食。呢餐，大家都食得好辣，但系非常好食。下次想食麻辣嘅时候可以再嚟。
继续阅读