米走雞Live

营业中

休息中

今日同幾個朋友去開官塘, 官塘真係好多人人, 又唔想食老麥, 有人提意去打邊爐~ 但唔食埋D任食邊爐CHEAP CHEAP咁, 我突然醒起係THE WAVE有一間叫"米走雞LIVE " LIVE 即係佢真係有人唱LIVE , LIVE住同你一齊打邊爐, 好似幾好玩咁~ 今日就同朋友一於去試下啦~ 星期一晚上7點~ , 去到米走雞LIVE, 都幾多人~ 好彩WALK IN都有位~ 小確幸~ 實在係太好了~ 入位後今晚食中辣雞煲, 除麻辣，呢度仲有芝士可以揀同樣係招牌, 但老實講米走雞嘅雞煲真係又大塊又滑，而且相當惹味同入味，就算辣到變雙腸嘴都值 , 爐底鋪滿洋葱，緊接惹味又大件又嫩滑嘅雞脾肉，面頭再放滿我喜歡嘅芫茜, 開火焗咗陣，同事就黎為雞起火， 當中嘅表演環節 完成係咪睇到都流口水，當送入口唔到3秒火熱感就黎，好辣呀 鼻水都跟住一齊流，但又真係好食到停唔到，食到後段頂唔順另外叫個芫茜湯底沖淡吓戰勝雞煲後就到火鍋嘅快樂啦，點解？因為又係相逢牛肋肉時間，看看牛肉嘅雪花油脂分佈，雖然未到入口即溶，亦有脂香蓋口嘅享受響....令，點解咁響，因為粗條，但唔厚皮，換言之層數多咗，吸湯量倍增

完全係信錯食評呀今次！！！好早來到，個場完全冇人，環境還可。侍應對餐單菜式唔熟，問一樣野要幾個人先答到，叫佢換碟佢淨係換一個人嘅碟叫左芝士雞煲，芝士汁完全唔覺得好香，雞肉係嫩滑但冇雞味，唔好味之後加湯打邊爐就更差。四色餃子雲吞有怪味，韮菜餃ok ，水餃不過不失，牛肉餃冇試，但朋友話麻麻。飲品叫左passon banana smoothie 係糖水一杯，唔係新鮮水果打，好失望，因為好貴。諗住山藥呢啲好難扣分，都可以切到大小不一，我都冇言了。腐皮份量幾多，係最正常嘅一碟。醬料冇用過都收14蚊一位，我只可以話成功嘅餐廳唔需要呢啲位度執雞。

同事和朋友都推薦芝士雞煲，仲講到超好食、好想再食！但當晚食落，味道一般。芝士味唔夠濃，雞唔入味；不過響鈴同手打丸係幾好食，但餃子雲吞就麻麻，我同朋友都覺得味道怪怪的

難得週日約到幾位朋友食生日飯, 地點唻講對我有少少遠, 不過好彩餐廳位置方便觀塘地鐵一出行十分鐘左右就到, book左七點鐘去到都唔使等位, 未坐底已經有人唱live, 唱d歌仲要係我個年代既歌, 非常岩聽, haha! 今次我地漏左叫雞煲呀！見隔離枱食得好知味, 下次一定一定要試！ 今次推介牛腩煲, 估唔咁足料, 我自己鐘意白蘿白, 吸哂牛腩湯底好入味, 仲有雞腳添！淨係依煲野我都飽哂, 仲有魚皮都好好味, 唔會有油味, 脆卜卜！仲有叫左最普通既肥牛, 雖然話最平果種但食落我覺得都有質素啵！總括唻講, 我都好推介一班人唻食既！

今日一行五人同朋友過生日,卜左七點鐘食米走雞, 間餐廳係觀塘工業區但居然有個好新既商場, 好容易就搵到, 一去到就已經聽到 現場有live唱歌, 氣氛好好！！我地今次太心急居然忘記左叫雞煲, 叫左兩個煲, 一個係牛腩煲另一個係普通少少既皮蛋嚴西煲, 兩者我鐘意牛腩煲多d, 味道愈煲愈燶, 同埋本身入面又多牛腩又有蘿白，淨係食入面既料都飽左七八成, 我地當然有額外叫左d餸, 個人推介和牛粒, 雖然價錢有少少貴, 但都比左好多粒下, 而且牛味好濃, 值回票價! 下次有機會一定要試埋個雞煲先得！

餐廳極方便，近觀塘地鐵站，由觀塘地鐵站B出口行過去只係8分鐘左右，好易搵到。餐廳佈置格局好好，好有氣氛！加上餐廳安排咗嘉賓現場唱歌伴奏，氣氛好好，啱晒朋友屋企情侶嘅飯局！餐廳有多種唔同嘅湯底比我哋選擇，其中特別要讚吓餐廳嘅牛腩煲，湯底靚之餘更有大量嘅牛腩係入面，炆得好淋之餘亦都好入味，我哋仲嗌咗好多嘢食，其中特別要講吓嘅有和牛粒，仲有肥牛，同埋手打牛丸，鐘意食肉嘅一定要試試，特別係牛丸，如果鐘意食辣嘅你更要試，好濃嘅黑椒加胡椒味，勁好食！價錢亦都合理！整體嚟講好滿意，大家一定要嚟試一試！

食物質素：芝士雞煲的芝士，可選少量、適中、勁量。我選了適中，但覺唔夠夠濃，可能係芝士本身的味道比較淡。後來 order 咗出前一丁，自製芝士撈丁！反而火鍋的咸菜胡椒豬肚湯底唔錯。另外，招牌四寶丸值得一試。用餐環境：8人飯局，安排長枱，食火煱很不方便。增值服務：生日飯並沒有任何優惠，一客甜品/蛋糕送贈給壽星也欠奉。自己買了蛋糕，但要收$50 切餅費。等候時間：因為訂了枱，所以無需等候。洗手間衞生：有待改善。

第一次去呢間觀塘分店，我地一行5個人，職員安排左6人卡位俾我地原本好合理，但發現檯上面既電爐係set死左係檯既左右兩邊共兩個，如果5個人叫一個煲既話無論放左邊定右邊，都會有一個朋友永遠夾唔到野食，叫人點打邊爐呀，定係迫人叫兩個煲呢？我地原本好有禮拜咁諗住問一問經理會唔會有出面既檯既爐唔係咁樣安排，但我地都未講完成句野，經理已經話「你地呢張係6人檯黎」，我地繼續想講埋我地既問題，經理又係我地未講完既時候斬釘截鐵咁話「無呀無咖」然後走左去。我地明白座位設計係公司規定，大家都係打份工，個個人都好忙，但呢位經理既態度真係差到我地嚇親。除左經理之外，都有好幾位員工無乜禮貌，想收碟但係d碟係最入面，要我地幫你遞一遞係好正常，但都可以出句聲講句唔該掛？而唔係用眼神同身體語言好似命令人遞俾佢咁。呢間分店環境裝修得唔錯，現場有live聽，野食都幾好食，但態度仲衰過樓下d茶記。我講既每一句都係事實，果位經理自己最清楚。

之前係觀塘The Wave工廈Mini Friday bar restaurant食過西餐，環境、氣氛同食物水準都very good ，好想試埋隔鄰米走雞火鍋；終於响寒風細雨下，同另一伴嚟試吃。座位寬敞，燈光柔和，另有間獨立房可以約埋三五知己聚聚都啱；小型舞台已佈置帶有聖誕氣氛，有歌手表演唱歌同彈結他；一邊打邊爐一邊欣賞表演，感到樂在其中。近日唔夠瞓所以叫咗芫荽皮蛋湯底有下火功效，湯料有鮮甜粟米、滑溜豆腐、鮮菇、多個皮蛋和芫荽，令湯底清香撲鼻。必叫主打之一虎蝦每碟6大隻足足長過隻碟,入口鮮甜無比。自家製手打五寶拼盆，包括有墨丸、蝦丸、豬肉丸、牛丸同鯪魚丸，爽口彈牙。鮮製四拼餃有鮮蝦雲吞、鳯城餃、鮮牛肉餃同鮮蝦韭菜餃，料餡豐富，皮薄餡靚😋。一片片白鱔片晶瑩通透。食緊嘅時候見到客似雲來，就知道咪走雞同隔離Mini Friday bar restaurant 都係不相伯仲咁好味。

上星期放工同朋友特登去左觀塘食雞煲！環境方面很大，還有嘉賓唱著不同的台灣歌曲，令食客更加享受，而食物方面，等待需時。黃金芝士雞煲：用左5種吾同芝士，包括車打、Parmesan、大孔芝士等製成，食落本身咸咸哋既芝士同雞煲真系好夾，全部雞件被芝士覆蓋，每次起筷都見到芝士拉絲，雞肉嫩滑又惹味！食完再加湯就變身做芝士火鍋，一煲兩食，一滴芝士刀吾晒。鹅腸：清洗非常乾淨，焯後口感爽脆，不算很肥。脆鲩腩：魚肉爽口，鮮味十足，和朋友也很推薦！手打鮮蝦丸：用新鮮的蝦打成蝦膠做成蝦丸，鮮甜彈牙。

手指屈算一下，幫襯米走雞已有一段歷史，由當初的長沙灣，再去旺角分店，至這間觀塘分店，對芝士雞煲總有著情意結，如今終於抽空過去了。它位於型格工廠大廈The Wave 3樓，佔領整個樓層，分了西餐區及火鍋區，我當然二話不說衝去食雞煲吧！燈光偏暗，以星空白雲為主題的型格裝修，座位舒適，一半佔卡位，另一半佔「半」梳化位，適合朋友聚會。醬料為莞茜、辣椒、蔥、麻醬、蒜粒、蒜蓉為主，比較簡單。芝士夠濃，基本不太需要。餐單：等了又等，終於黎啦~~~黃金芝士雞煲$178 (2-3人份量)我倆叫了一份2人黃金芝士雞煲，可自行擇選芝士份量，眼看足料，雞件被芝士醬在鍋內滾下滾下特別吸晴(記得滾完6分鐘後轉細火)，飄來陣陣香氣。件件雞件芝味香濃，會拉絲架！雞肉嫩滑又大件，有些咸香就最岩我了。我倆吃完雞件，就是開始打邊爐節奏了。溫馨提示：記得有空就刮下煲底，比較易焦鮮炸響鈴$52新鮮炸起，脆卜卜，份量多，極大件！滾5秒，半軟半脆的口感就剛剛好！蜂巢凍豆腐$24(半份)為什麼會雪至硬一硬?  不過，當放入湯底滾一滾，凍豆腐夾層會好似海棉地索盡芝士汁，好鬼正~~~紅薯粉$16火鍋必叫之一，彈牙QQ的，份量挺多娃娃菜$

今日四人行走去食雞煲，聽說呢度都幾特別，除咗食雞煲又可以打邊爐更加有歌仔聽，終於去到了，地方算很大，見到有三個年輕人背著結他自彈自唱 斯斯文文， 很投入地唱歌給我們聽，多謝曬!我們都點咗一個黃金芝士雞煲(大 )由於我不太喜歡食濃味芝士，就點了少量芝士，雞好大件，雞味也好濃，湯底有點似忌廉湯味， 講真係幾傑撻撻呢！不過朋友喜歡食就就下佢啦！ 我哋都叫咗一啲打邊爐嘅食物，特級雪花肥牛，竹笙墨魚滑，呢個口感很特別，手打五寶拼盤， 仲有生菜啦！娃娃菜，豆卜，蟹柳，魚片頭，先腐竹等，其實真係好豐富，不過我真係有啲覺得好漏! 終於忍唔住叫咗個皮蛋芫茜湯，我都係喜歡拾下拾下火鍋的感覺。黃金芝士雞煲(大)小量芝士碎皮蛋芫茜湯配埋粟米好新鮮特級雪花肥牛 (小)入口好嫩滑有牛肉味竹笙墨魚滑最鍾意食呢一個手打五寶拼盤年輕人加油呀

細佬話今晚想去打邊爐，#小秘書 當然樂意奉陪啦🥳 港式嘅火鍋已經食到厭... 所以今晚要試吓新嘢，嚟個 #芝士雞煲 ，一於 #不飽無歸！🍻#小秘書 無諗過 #米走雞 個 #芝士雞煲 咁足料，😱等我哋仲叫埋咁多配料... 好在細佬有無限空間、又食極都唔肥🥴真係羨慕死！#雞煲 芝士味好濃、但係口感唔會太膩，雞肉又夠淋滑🥰 竹苼放入芝士鍋正好用嚟索哂啲鮮味，一啖一口...正！師傅雖然將啲 #牛脷 薄切，但係不失口感，好香肉味🤤 而炸魚片/雞肉腸就無咩特別，ok嘅！不過成晚最驚喜嘅係7:00後有隊Live Band注場，聽住歌嚟打邊爐，份外有風味👍🏻

夜左收工諗住喺附近搵間打邊爐，見到攞咗獎既火鍋店，一於上去試一試叫左個火焰雞煲，因為太肚餓關係相都冇影雞煲 我只會比50 分 全個煲都係雞脾肉 好冇雞味 其實雞嘅其他部分都好好味🙄 點解要全部都用雞脾 仲要唔係炒香左嘅 係好似用水滾熟咁樣 而味道方面 真心難食 佢個麻辣味好似啲咖哩咁 好重椰漿味 甜甜地咁 一啲都唔係嘢味嘅雞煲 不得不提嘅係餐廳嘅員工服務好差 其實佢地態度冇問題 係覺得佢地能力差.... 總括黎講 冇下次

打邊爐邊度好，食雞鍋邊度正 ，加埋芝士有味道 ，揀嘅都有，觀塘敬業街樓上樓下都好多食肆，搵到間咪走雞，叫咗個芝士火鍋，普通少少芝士過嚟，雪山肥牛雜丸加啲菜加啲豆卜鮮腐竹，蟹柳。呢度冇乜唔妥地方都唔錯， 有lifeshowe邊彈邊唱邊陪食 夠曬大!係唯一坐落嗰啲配料要收錢，事後先知就覺得有啲唔係好抵， 一啲蔥一啲蒜蓉泥一啲辣椒食嗰一碟仔，相信都好少人，比十幾蚊，會覺得抵囉!真係有啲貴。其他食品不過不失，四個人一千幾百落樓就唔走得， 啲嘢一般味道打邊爐都冇乜特別。