米走雞Live

营业中

休息中

朋友突然想食宵夜，又唔知去邊度食所以上Openrice 睇吓，就搵左間米走雞Live.估唔到呢間幾好，我最喜歡火焰辣雞煲好好食同埋好特別，啲雞好滑，一定要試呀，仲可以揀要幾多🌶️，響鈴好新鮮真係有手掌咁長，又底食，牛頸脊好靚，唔會太肥，芫荽皮蛋湯底好足料有一舊大嘅豆腐、馬蹄同埋粟米，另外羊肉片同黑蟹子墨魚滑、菇、生菜、烏冬一般，整體我都好滿意嘅。四位用餐共$1236

之前有人介紹過呢度嘅芝士雞煲好正，今日專程來試吓。一想到去，見到餐廳嘅環境好靚，雖然係食火鍋，但係佢裝修嘅氣氛好有情調。而且環境尚算乾淨，地下唔會覺得跣。當然我哋一嚟就帶咗個芝士雞煲，芝士夠晒邪惡，我哋揀咗激量，成個火鍋湯底都好似係芝士咁樣，佢落咗勁多芝士碎，話要等去煲溶咗先可以開始食，等8分鐘之後，芝士已經溶，配埋啲雞一拎上手見到拉絲，識落啲雞熱辣辣亦都有好濃嘅芝士味，真係超贊。我哋重點左其他火鍋配料，例如蜂巢冰豆腐，不過佢樣貌有啲似海綿，食落我都係覺得普通豆腐好食啲，可能係我唔識欣賞。佢哋呢度嘅乎響鈴超大份，叫一份有成六大卷，兩個人食唔晒。我哋仲帶咗一份雜菇同埋食Wasabi墨魚丸，雜菇配芝士好正，但Wasabi墨魚丸就冇乜Wasabi味，墨魚味都唔太覺，如果濃啲會更加。兩個人加埋食咗五百幾蚊，雖然有啲貴，但都好飽，嘢食都算好食。

念念不忘米走雞嘅芝士雞煲，今晚終於湊夠2男2女黎食喇，爽yy我地今次嗌個激多芝士wow, 個雞煲一黎到，d芝士好似熔岩嘅，冚住哂d雞正喔，雞件好滑，不過切得大件得滯😂😂如果可以切細d就好喇炸魚皮又大又脆，好似食緊薯片咁，響鈴應該係自家製，又厚又大，一碟7件，唔似平時街賣果d薄eat eat ，呢個索埋d 芝士，真係邪惡到不得了，又好食到停唔到口蜂巢豆腐，雪到成舊冰，一放落湯度，索哂d日月精華，好味到痴左線喔雲吞水餃非常足料，牛栢葉好爽口一路食一路有人唱live俾你聽，人生一大享受喔

可以試一次，幾特別過不太肥膩，只叫普通芝士不過加湯後打邊爐新就啱啱好唔會太膩，昧啱啱好加清湯沖番淡會好d,響鈴蝦丸雪花牛推介應該加公仔麵會好正不過太飽，live band不錯

觀塘很多打邊爐，我們search 左一會便找到這間「米走雞」的食評不錯，而且有live band，於是就試一下，在WhatsApp book左位。🚇地鐵岀觀塘廣場方向行向海傍途中就看到The Wave，入內搭lift便到。不熟觀塘可能要找一下，不過不算難找。店內都幾大，而且沒有很大煙。坐下便有人拿外套的袋子給你，服務幾好！要讚一下張枱，之前試過去打邊爐，爐的兩邊係無位放食物的，但這張可以放，感覺好多了！🍲豬骨湯底好香和足料，食物質素算中上，每一款食物也唔會後悔點左。價錢也可接受。雖然這裡岀名係芝士雞煲，但我地第一次來，未有勇氣試🙈因為想像到會好漏，不過這次吃了他們的普通邊爐，下次可能會試下。

朋友突然想食雞煲，於是臨時決定去米走雞由觀塘地鐵話行去都唔遠，過兩條馬路就到。我地約1930，都有d驚冇哂，因為剛才1800打去問，有冇得1930留兩位枱，佢都話預約要去到2115了，叫我地walkin 啦入到去，見9成滿座，但好彩都唔洗等位一坐低即刻order雞煲（1辣椒），好餓再慢慢order 墨魚滑、冰豆腐、油麥菜、烏冬、響鈴，加兩杯咸檸七。雞煲好快到，侍應見出煙就過黎幫我地落汁再炒，雞好滑，好大件！食完隻雞，叫侍應加湯，有個戴眼鏡既後生男侍應，好似反應慢幾拍，嗌野飲都好似聽唔到咁

雞煲裡的雞件簡直係太大舊了！雞又冇走過油！雞唔好食囉！制作實在太求其了！本人食過好多間雞煲！這一間雞煲黎講實在太差了！黃金芝士雞煲，芝士味唔夠濃，又別於其他地方！火焰麻辣雞煲，味道免強接受！昨日做節食團年飯買左一個黃金芝士，一個火焰麻辣外賣，全家都覺得差囉！本人食過一次，以後唔会再食！雞煲裡的雞件簡直係太大舊了！雞又冇走過油！雞唔好食囉！制作實在太求其了！本人食過好多間雞煲！這一間雞煲黎講實在太差了！黃金芝士雞煲，芝士味唔夠濃，又別於其他地方！火焰麻辣雞煲，味道免強接受！昨日做節食團年飯買左一個黃金芝士，一個火焰麻辣外賣，全家都覺得差囉！本人食過一次，以後唔会再食！

咪走雞有幾間分店，呢間賣點係有人現場唱歌同伴奏，全港少有！當晚兩位歌手演唱小清新風格既流行歌曲湯底選擇好多，由清淡到養生都有，揀左麻辣雞煲，小辣剛剛好，全部雞件都係雞比肉，肉質實淨，食完之後加上湯變打邊爐湯底火鍋材料齊全，叫左個五寶丸，有新鮮蝦滑、墨丸、鯪魚滑、豬肉丸同牛肉丸，牛肉丸個黑椒粒好有咬口，全部鮮味彈牙，所以主打推介手打丸類👍🏻廣島蠔已經解凍上，味道尚可，頗肥美金菇大大份，硬身白蘿蔔煮耐啲好入味最鐘意叫個粉類，最後索返各類食材既汁！ 非常飽足😋薯粉好快熟，鐘意硬身啲快啲撈起

平時食雞煲都係麻辣味 食到好悶呀 今次朋友就帶下我去觀塘食芝士雞煲喎……… 味道點呢?會唔會好漏？又會唔會好滯㗎？試下咪知囉 呢間芝士雞煲係觀塘既工廈入面……地方嘟幾大，坐得嘟好舒服㗎 ！夜晚仲有人唱live！而我哋三個人，就叫咗半隻芝士雞煲食完雞煲仲可以咗打邊爐！首先講下個主角芝士雞煲先啦 一放上張枱已經有濃濃嘅芝士味！好香呀！等啲芝士溶咗我哋就可以食啦 侍應話唔好攪勻佢住…… 要等芝士溶 ，然後保持原味一舊，一舊吃！甘就鮮味道濃沃啦！係wow果然好味喎！芝士味啱啱好，食落又唔滯，仲越食越好味 差不多食完雞嘅時候，我哋就加清湯打個靚邊爐。 我哋叫咗芝士腸， 魚皮餃，蟹籽丸，脆肉鯇，油麥菜， 娃娃菜，同 紅薯粉 佢嘅食材都好新鮮。值得讚係個脆骨好彈牙！正觀塘嘅芝士雞煲係值得一試嘅

6個男子漢收工食雞煲 芝士雞煲 開頭食芝味濃郁 不過雞件唔多 放湯後無曬味火焰雞煲十分好惹味 可惜呀姐點火太快 拍唔到片所有野食都正常 新鮮 呢個牛肉真心好食 整體而言，一分錢 一分貨，每人五百大元，質數中上，呢個價錢，好多選擇吧，性價比略低！

朋友介紹呢間喺官塘The Wave3樓嘅米走雞Live食火鍋，噚晚一行6人，友人負責訂位，7點上到去目測火鍋店生意唔錯，客人9成滿，好在有book枱，人齊先揀湯底，我哋揀左兩個鍋，一個蕃茄湯底，一個胡椒豬肚湯底，另點我打邊爐至愛嘅午餐肉，鵝腸，鱔片，而朋友各點牛肉，響鈴等等，食物嚟到賣相唔錯，食落亦對辦，新鮮，而火鍋店另一賣點就係有歌手現場唱歌🎤，而噚晚位女歌手唱歌亦好好聽，客人亦可以點歌請歌手唱，一邊食一邊聽住歌手聲感覺真係唔錯，最後埋單$1900÷6價錢合理，下次可以再嚟。

天氣寒冷決定除夕夜食個雞煲暖身！今日黎到觀塘的米走雞，地點係官塘地鐵站附近，十分便利。朋友拍板點了火焰麻辣雞煲座位上會有溫馨提示關於麻辣雞煲和芝士雞煲的食法。麻辣醬汁，有淡淡的花椒八角香味。雞煲上了沒多久就會有店員幫忙加醬汁和攪拌。攪拌完畢，可以起筷！雞件大件嫩滑，少辣不會太淡味，入口有少少辣味。吃完雞煲就可以加湯做火鍋，吃過雞煲已有五分飽，所以火鍋料沒有點太多。鮮炸嚮鈴，脆卜卜的嚮鈴在鍋內燙一燙，吸引了雞煲的精華，十分惹味。紅薯粉，軟糯的紅薯粉和微辣的湯料很配合。下次有機會再嘗試芝士雞煲！

食第二次米走雞，都係叫返芝士雞煲。唯一唔同係今次叫左激量芝士，真係好激🤣🤣🤣🤣👍🏻4人分量（4位女士食完雞係未飽的）叫左好多碟打埋邊爐！炸魚皮 嚮鈴大大份抵食！唯一失望係廚師腸有點寒酸⋯半份價錢既份量只有超市包裝既4分1。另外餐廳仲有live band, 同「雞煲」呢家野確係有點格格不入🤣而且我張枱坐得太近，同朋友傾計要好大聲⋯總括來說，不錯的。下次想試下麻辣雞煲

朋友話想食雞煲，但佢又唔係好食得辣，於是我哋就諗吓有咩揀，最後俾我搵到有芝士雞煲，呢晚就決定食佢啦! 醬料自己配搭，陣間就可以用嚟點食物，增添美味。黃金芝士雞煲我哋要咗普通份量嘅芝士碎，嚟到要再煲一陣先可以食，一開蓋見到溶化嘅芝士，已經好吸引，芝士帶微微酸味，所以令整體食落無咁膩，店員教我哋唔好攪個煲，唔係啲芝士就會出水唔好食，每件雞肉都沾到芝士，好正! 食完啲雞之後，就叫咗店員加湯打邊爐。翡翠好爽脆，又嫩又甜。紅薯粉又滑又煙韌，索咗湯之後，變得好入味。日本鮮帶子好新鮮，鮮甜之餘，又唔會韌，唔錯! 脆鯇片好爽脆，打邊爐必叫項目。打邊爐點可以唔飲凍嘢，呢晚同朋友就飲啤酒，爽皮! 2個人食完以上份量，真係飽到捧住個肚走，朋友食到唔辣但又有特色嘅雞煲，表示滿意!

今日朋友生日, 三女一男既配組合, 食放題任食打邊爐就一定蝕到骨LA都赤埋, 所以決定去一間好少少既單點打邊爐試下~ 之前睇雜誌介紹講官塘THE WAVE 有間叫"米走雞LIVE" 既打邊爐, 有LIVE BAND注場唱下歌仔咁~ 好似幾好氣紛, 一於去試下啦~ 星期一晚上7點去到~ 爆滿, 好彩一早訂咗位~ 4人坐卡位~ 卡位好闊落~ 出奇地4人卡位係有兩個爐, 意味住可以同時叫兩個煲~ 啱哂心多多既人~ 坐底我地點咗火焰麻辣雞煲, 有人唔食得辣, 點咗少辣, 雞件非常嫩滑, 好香酒味~ 唔知一般既雞煲, 佢味道甜甜地, 好醒胃~ 之後點了一份手切新鮮牛頸脊(大)$318, 本來都覺得有D貴, 但係黎到係好大的一份~ 牛肉脂肪網狀平均分布, 用眼睇都知都係靚野~ 急不及待咁淥返塊食~ 入口非常十分甘香既牛味, 入口即溶~ 由於係手切, 有適當既厚度~ 淥起上黎入口都好有實正感~ 再要講下佢個即炸響鈴, 如果要我量化佢個炸響鈴既層數, 平時食個d有8層~ 火走雞live做的有成30層囉~ 未食過咁多層數既響鈴, 淥3秒索下d湯, 外濕內脆, 真係食到三條~ 不過好鬼飽哩碌野~