祥仔辣辣 (雅蘭中心) (已結業)

今次係我近排食過最難食，最失望既經歷。第一：入座問題由於無book位由7:20pm等到8:45pm先可入坐，但唔係因滿座而不能入座，而係將無booking嘅人組埋一齊入座，完成last order，即使場內有空檯都要照等。第二：食物素質比想像中差太多主打嘅酸菜魚，order左中辣，但上到黎個酸菜魚唔辣唔酸，仲有參味，啲魚好重泥味，完全唔想食另外套餐內個甜品完全無通知由黃金南瓜露轉成紅豆沙都算啦，啲紅豆沙跟本就係攞罐頭蜜豆+水煮咁。真係覺得可以同依間講永遠唔見。*如果真係唔死心想去試，可以叫信用卡優惠果二人套餐，免費登記做會員，佢份量同單點一樣(雖然侍應話唔同)*

今日去完旺角做body,跟朋友諗住去食中菜，點知鋪位轉左做祥仔辣辣，加上我都有恆生卡，2人套餐係好抵。餐廳燈光柔和，中國風的裝潢，我們又坐半弧型梳化位，好舒服。套餐中有噴火小籠包，惹火山木耳，川味口水雞，招牌酸菜魚，香芹水餃，乾扁四季豆及黃金南瓜露。我愛小籠包，皮薄餡料肉味濃，最刺激麻辣湯汁，起初是肉的甜，但辣味慢慢湧現，有喜，點埋薑蓉黑醋就提鮮。酸菜魚我們要極少辣，魚肉嫩滑，湯汁有魚鮮味，如果魚塊再多的就好啦，加上大量的銀芽，食落爽口。乾扁四季豆炒得爽口嫩滑，肉碎很惹味，如果加多碗飯就正。原來仲有甜品黃金南瓜露，真係涼透心，很滑，細膩。

旺角雅蘭中心大家可能成日都經過，但係你又知唔知，2️⃣樓其實好多餐廳🍽今日就去左「🌶祥仔辣辣🌶」，keep 住都有人排隊，好彩我排左一陣就入得座😌-黎到當然要食辣，佢個「辣到噴火精選套餐」相當吸睛🤩 $288 ✌🏻位，有齊晒以下野食，超抵‼️-💁🏻‍♀️前菜▫️惹火山木耳▫️川味口水雞▫️🖤木耳真．惹火，一入口即刻「辣」出黎，好刺激、好爽口、好開胃😝🐔口水雞相比下就無咁辣，雞肉都幾滑～-💁🏻‍♀️招牌菜▫️🍲祥仔招牌酸菜魚▫️魚片新鮮，口感勁滑🥰我地叫左少辣，所以湯底酸菜味比辣味重～仲有大量芽菜吸晒湯底嘅味道，唔錯👍🏻-💁🏻‍♀️特色菜▫️🔥噴火小籠包▫️乾煸四季豆▫️🥟香芹豬肉水餃▫️大推⚠️乾煸四季豆⚠️十分惹味香口，食到停唔到🤤依個套餐好就好在每樣少少，可以試均晒咁多野，小籠包同水餃🥟都係每人一粒，2️⃣樣都皮薄餡靚，剛剛好☺️-💁🏻‍♀️甜品▫️黃金南瓜露▫️食完咁多辣野，食返個味道香甜嘅🎃南瓜露，感覺特別舒暢🆒 而且依個南瓜露好好味，食落好滑，要試呀！😋-

之前食過k11嘅祥仔，知道雅蘭中心開了間祥仔辣辣，都好想一嚐。剛巧看到做緊推廣，二人套餐非常抵，288元就包括多道菜式，有噴火小籠包，惹火山木耳，川味口水雞，招牌酸菜魚，香芹水餃，乾扁四季豆及黃金南瓜露非常豐富。好鐘意川味口水雞，雞肉嫩滑，調味好惹味，少少辣，唔食得辣嘅我都接受到。酸菜魚夠曬嫩滑，酸味同辣味好平衡。乾扁四季豆炒得入味，唔會太油或者太鹹，good。最鍾意最後嘅甜品，南瓜露幼口感滑，又有椰汁香😍😍😍

最近去左旺角呢間由大廚張錦祥打理嘅祥仔辣辣 食辣到噴火精選套餐🥵🔥.惹火山木耳🌋醬汁味道小辣微酸，質感爽口😆幾開胃.川味口水雞🐔雞肉冰涼嫩滑，醬汁加咗秘製紅油㊙️鹹香帶辣，香辣又惹味😋.水煮牛肉🐄面頭鋪滿紅噹噹嘅辣椒🌶️選用新西蘭草飼牛🌱牛肉片嫩得尼幾有咬口😜牛肉同底下嘅芽菜、蓮藕入曬麻辣味😄.噴火小籠包🔥小籠包肉汁多，皮薄👍🏻.乾煸四季豆☺️將四季豆、肉碎🐖蒜茸🧄加入少量嘅辛味配料炒香，唔會炒到好乾身，入面仲有少少水份😉.香芹豬肉水餃🥟饀料好多，大大粒😌.黃金南瓜露🎃南瓜露好滑，唔會好甜🤤入面有幾粒口感獨特嘅泰國亞塔子🇹🇭入口充滿南瓜味同椰子味🥥清涼又解辣

上網見到有酸菜魚套餐，有7樣野食，都只係288，滿心歡喜去試下，星期日，訂左座，一去到無人等位，餐廳得3成滿已經覺得伏味濃，前菜木耳正常，口水雞完全無味，全部雞胸，水餃，小籠包正常，終於等到主角出場，賣相一般，魚係滑，食得出新鮮，但個湯好淡，唔甜，唔麻，唔辣，酸菜淡某某，好失望，如果中意大陸口味既酸菜魚，就唔好試啦。唯一最有驚喜係叫左個錦里炒飯，炒得幾乾身。另外唔知係咪新開張，餐廳人工好有限，叫加餐，叫加水等都要等好耐

我喜歡吃辣但係平少很少機會吃到，因為另一半是不能吃辣的。今晚難得與同是喜歡吃辣的朋友一聚，當然要吃辣啊！首選是川菜，而且地點要就腳，地方要坐得舒服，這間位於旺角雅蘭中心的祥仔辣辣就合晒要求了。因為是新開不久，所以人流還不算多。看到桌上有這個「辣到噴火精選套餐 $288/2位」推廣，覺得十分抵食，兩男亦不想浪費時間去看餐牌，於是就點這個。辣到可以選擇我們點了中辣。前菜有「惹火山木耳」和「川味口水雞」，很入味，麻辣開胃，雞肉亦都嫩滑。招牌菜當然要吃「祥仔招牌酸菜魚」。一鍋熱辣辣送上好吸引魚肉十分嫩滑可口，而且份量比預期中多，酸菜湯亦很有酸香，湯內的芽菜很掛湯亦好吃。最後有特色菜品三款：噴火小籠包、乾煸四季豆和香芹豬肉水餃。噴火小籠包第一次吃到有辣味的小籠包，皮薄之餘湯汁亦多，入口有麻辣香，好吃但不是噴火那種，可能要選吃大辣。乾煸四季豆炒得香口，下飯一流。香芹豬肉水餃即是紅油炒手，掛上麻辣醬汁有肉香又有麻香。甜品是「黃金南瓜露」，但可能職員太忙碌而忘記送上。

祥仔辣辣 - 由大廚張錦祥（Ricky）大理，每道菜以川辣口味烹煮，包你食到噴火！辣到噴火精選套餐前菜紅油大豆芽 - 爽口涼菜，非常開胃，麻味重!川味口水雞 - 雞肉有香濃花雕酒味，雞件去骨厚肉，吃起來啖啖肉。沾上香麻紅油，火辣辣！涼拌水晶酸辣粉，酸中帶辣，水晶粉，軟滑又煙韌。祥仔招牌酸菜魚 - 用上鱸魚，口感非常滑，入口即溶，酸菜亦係自家醃製，湯入面配上蓮藕同大量豆芽菜，一鍋絕對夠四個人食！乾煸四季豆 - 如果你唔係好食得辣呢款四季豆就啱晒你啦！食落去好甜，為口中嘅麻辣感降低辣度，仲好好送飯！甜品南瓜露，好驚喜呀！奶味十足，應該亦係為解辣而設，淡淡的南瓜味不會太搶。

原本同男朋友開開心心食餐飯，結果食完成肚氣。因為佢做緊新店推廣，會員而且有恆生信用卡，可以享用hkd 288/兩人餐優惠。咁我排緊隊時候就順便登記做會員，見到原來有兩張迎新禮卷，滿200減100。計落條數，發現散叫更抵。（結果發現係一場騙局！！！大家千奇唔好上當）係落單前，我地問左個店員係咪可以用迎新優惠卷，佢話係啊，可以。我地叫左酸辣湯、酸菜魚、口水雞、酸辣粉、小籠包、餃子、餃子麵，9:00pm 落單，結果9:36pm，仲有口水雞、小籠包、餃子未到。原來係漏單，之後上菜就終於快左，食物質素之後講。食完埋單啦，同店員講話用優惠卷，點知哩個時候，經理就出手啦。佢話唔可以用迎新優惠，因為一定要食過一次之後先可以用，唔可以新人用。之前另一位店員係新人，所以講錯，公司規定係唔得。態度非常惡劣！好似係我地想食霸王餐咁。其實我地覺得，做生意的，你話公司規定我地都明，但係如果你態度好小小，都覺得無咁唔開心啊。奇怪係1. 優惠卷無寫明唔可以即日用 ；2. 店員一開始又唔講唔可以用優惠卷，埋單時候經理先衝出黎講唔得 ；3.經理覺得店員講錯係無問題，一句對唔住都無講。 結論成晚，店員經理覺得自己無錯，錯的

位於旺角的祥仔辣辣，是一間全新登場的川菜餐廳。由香港著名星級主廚張錦祥全力打造，並以惹味香辣元素作主題登陸旺角。主廚以一菜一格，百菜百味的川辣為基礎，再巧妙揉合世界各地特色香料，完美演繹 蜀菜香鮮麻辣的豪華層次口感。餐廳佔地很廣，裝潢充滿中國風，放置大量水墨畫和中式燈籠，更能展顯川菜風格。餐廳的餐桌以大圓枱居多，適合跟家人聚餐或多人聚會。晚市光顧，可選擇套餐或單點美食。由於是川菜餐廳，大部分匀是辣菜。招牌祥仔酸菜魚 $228一大盤的酸菜魚，份量十足呢。酸菜量多味重，是重口味人士之選。魚塊已去骨，魚肉非常嫩滑，一夾即散，要小心哦。水煮牛肉 $238放滿大量辣椒的水煮牛肉，愛辣之人會非常喜歡呢。採用安格斯牛肉，薄切煮熟，肉質幼軟腍嫩，比想像中的辣度較低，不要被辣椒嚇到啦。川味口水雞 $88有大量辣椒碎和花生的口水雞，味道很好呢! 雞肉非常嫩滑，辣度適中，惹味無比，我非常喜歡呀。水晶酸辣粉 $48時日最辣的菜式，竟然是水晶酸辣粉。晶瑩剔透的粉，質感滑而順口，每一條都抹滿辣油，我們同行四人，只有我吃得下，愛辣之人必食呀。噴火小籠包 $28/2隻雖然名為噴火小籠包，但吃起來不是很辣。小籠包接口整

香港星級主廚張錦祥全力打造「祥仔辣辣」依間餐廳，辣到噴火精選套餐，原價＄388/2位，會員或使用恒生信用卡付款可享＄288/2位嘅折扣優惠。辣到噴火精選套餐，包括有惹火山木耳、川味口水雞、水煮牛肉或祥仔招牌酸菜魚、噴火小籠包、乾煸四季豆、香芹豬肉水餃、黃金南瓜露；惹火山木耳口感脆口、清爽，味道微辣帶酸、開胃；川味口水雞，雞件口感厚肉、滑嫩多汁，採用秘製麻辣香油、花椒、八角調味，味道香辣、惹味；大辣水煮牛肉口感嫩滑、軟腍，好入味，加入左大量豆芽、窩笋作為配菜，辣中清甜，口感爽脆；噴火小籠包，皮薄餡多，皮層包得密實，麻辣湯汁飽滿，肉餡味濃多汁，配以薑蓉黑醋食用，肉味更突出，味道更豐富；乾煸四季豆採用油炸方式製作，食落好脆爽、不油膩，配以肉末食用，味道更佳；香芹豬肉水餃皮層Q彈，肉餡肥瘦適中，香芹口感清脆，配以紅油、蒜蓉、青蔥食用，味道更香口；黃金南瓜露口感濃稠、滑身、冰涼，加入左亞塔子，味道更獨特。

朋友介紹既川菜，近排2人set特價就試下。環境幾好，燈光明亮，舒適，裝潢都幾高質，味道都一流極力推薦!前菜兩碟惹火山木耳，川味口水雞好精緻，賣相不錯。木耳涼拌好開胃，口水雞既辣醬幾令人上癮，雞肉嫩滑，我地簡左辣度最小既，唔算辣。乾煸四季豆好有咬感，肉碎多微咸，正!第一次食有辣味既小籠包，好新穎，意外地都唔錯。水餃既皮同豬肉比例剛剛好，口感不錯。招牌酸菜魚魚片簡直一流，好滑，入口即溶咁，冇骨配有芽菜，酸菜，蓮藕，蘆筍。湯底濃郁，可口入味。黃金南瓜露冇諗過系凍既，以為會系熱會好濟好甜。但佢凍又唔會太甜，可以解膩，仲有兩粒泰國既亞塔子，又黏又脆，好特別。

星期日要喺旺角揾餐廳食飯真係唔知簡咩好，見到祥仔辣辣做緊優惠($288/2位)，同埋套餐仲包埋酸菜魚，好吸引下，就決定簡佢。前菜佢前菜都有2款，惹火山木耳同埋川味口水雞。木耳好嫩好開胃，而我個人就比較中意口水雞，因為真係好夠麻辣，同埋佢凍得嚟雞肉仲係好滑，超惹味。招牌菜 - 祥仔招牌酸菜魚呢個酸菜魚一上碟就好吸引，佢灑咗唔少芝麻，顏色已經好靚。佢啲魚肉好滑又無骨，份量都唔少。比較特別係佢配料加咗好多豆芽，所以個湯都有豆芽味，幾鮮甜又清新。不過佢就冇加薯粉，如果可以配飯或薯粉會仲正。特色菜品佢既噴火小籠包辣辣地，第一次食，又幾好食喎。不過我更中意香芹豬肉水餃，超juicy又鮮甜，呢個更有驚喜。而佢既乾煸四季豆亦冇令我哋失望，好夠鑊氣，令人忍唔住一條接一條咁食。甜品最後當然唔少得甜品，黃金南瓜露。呢個南瓜露我覺得係必食，佢啲南瓜溶哂，好綿。同埋佢加入咗亞塔子，亞塔子甜甜地，同南瓜露一齊食超夾，呢個我一食就超中意！整體嚟講呢餐真係好滿足，因為超多餸，仲有好好食既南瓜露，下次可以嚟試下其他餸！(同埋encore 南瓜露！)

之前食過尖沙咀個間祥仔幾好味～知道Ricky係旺角雅蘭開咗新分店主打麻辣川菜～愛辣人士要去一試.我同朋友叫咗個二人套餐包咗前菜x2，主菜x1，小食x3，糖水x1份量好足 埋單都係大約三百蚊.前菜：口水雞紅油好惹味，雞肉嫩滑，而辣木耳爽口，愈食愈辣，但都好快就食曬。主菜：酸菜魚好香，魚片好滑嫩，配菜有萵筍同蓮藕片，萵筍入味，蓮藕片爽脆。小食：香芹水餃，噴火小籠包，乾煸四季豆。其中四季豆炒得非常出色。不是太辣，但四季豆先經油炸再炒香，惹味無比，外皮脆脆的，入面依然有汁。

上網見到ig好多人食，作為羊群心理我同朋友仔都一齊去試吓。今次見到有特價就叫咗個二人套餐，恒生咭有優惠兩個人都係$288有7道菜算reasonable 😗1️⃣惹火山木耳酸酸辣辣幾開胃，份量唔少2️⃣川味口水雞 🌟雞肉原來係凍上，都有好多雞肉少骨，醬汁鹹香少辣，唔錯唔錯3️⃣水煮牛肉 🌟🌟一上枱，我見到成碗都係紅色嘅辣油真心驚😱明明叫咗小辣，點解都會變成滿江紅？！冇計，都叫咗，唯有就頂硬上😵 原來食落去唔係見到嗰隻咁辣，未至於辣到孖潤腸咁，不過由喉嚨攻上嚟，好刺激🥵 牛肉片咬落幾有趙口，又唔會太硬，煮到啱啱好，仲食到有少少牛味👍🏻底下仲有大量芽菜同埋蓮藕，素晒辣汁都幾好食4️⃣噴火小籠包🌟呢個小籠包幾好食，中間有大量辣嘅肉汁，包嘅皮都幾薄，好惹味🤤不過未至於噴火😹5️⃣乾煸四季豆🌟🌟呢個餸係出乎意料地最好食！四季豆配上醃好嘅肉粒，加上大量蒜茸炒得勁香，我地兩個都係咁食🙊6️⃣香芹豬肉水餃比較普通，皮比較厚，正正常常7️⃣黃金南瓜露作為一個解辣嘅甜品，佢係凍上嘅😌食完咁多辣嘅菜式之後食返個涼浸浸嘅甜品，特別舒服，如果南瓜同埋椰汁嘅味道可以更加濃就好啦整體來講，我覺得呢間餐廳性價比都幾唔錯，如果鍾意辣嘅朋友可以一試