祥仔辣辣 (雅蘭中心) (已結業)

之前食過尖沙咀個間祥仔幾好味～知道Ricky係旺角雅蘭開咗新分店主打麻辣川菜～愛辣人士要去一試.我同朋友叫咗個二人套餐包咗前菜x2，主菜x1，小食x3，糖水x1份量好足 埋單都係大約三百蚊.前菜：口水雞紅油好惹味，雞肉嫩滑，而辣木耳爽口，愈食愈辣，但都好快就食曬。主菜：酸菜魚好香，魚片好滑嫩，配菜有萵筍同蓮藕片，萵筍入味，蓮藕片爽脆。小食：香芹水餃，噴火小籠包，乾煸四季豆。其中四季豆炒得非常出色。不是太辣，但四季豆先經油炸再炒香，惹味無比，外皮脆脆的，入面依然有汁。