祥仔辣辣 (雅蘭中心) (已結業)

今日去完旺角做body,跟朋友諗住去食中菜，點知鋪位轉左做祥仔辣辣，加上我都有恆生卡，2人套餐係好抵。餐廳燈光柔和，中國風的裝潢，我們又坐半弧型梳化位，好舒服。套餐中有噴火小籠包，惹火山木耳，川味口水雞，招牌酸菜魚，香芹水餃，乾扁四季豆及黃金南瓜露。我愛小籠包，皮薄餡料肉味濃，最刺激麻辣湯汁，起初是肉的甜，但辣味慢慢湧現，有喜，點埋薑蓉黑醋就提鮮。酸菜魚我們要極少辣，魚肉嫩滑，湯汁有魚鮮味，如果魚塊再多的就好啦，加上大量的銀芽，食落爽口。乾扁四季豆炒得爽口嫩滑，肉碎很惹味，如果加多碗飯就正。原來仲有甜品黃金南瓜露，真係涼透心，很滑，細膩。